اغرب اقلاع طائرة بوينج فى التاريخ... مش عارف طبار عملها ازاى!!

[amr011111]

هوه احتمال من اتنين
ياما الطيار طالع زفه وبيحى العريس والعروسه زى ما اى حد بيعمل بالعربيه يمين وشمال ساعه الزفه :)
او
ان التباع هوه اللى كان سايق :)

[DODGE2013]

شيكو انت طيار حربي ولا مدني والي بيقولك الحركه الي عملها صعبه هيا لا صعبه ولا حاجه

بس حتى لو محترف ممكن توسع منه غصبا عنه لو الرياح شدة في نفس اتجاه الميلان بسرعه جامده سعتها باي باي

هو غلطان نوعا ما انه عملها وهو بالارتفاع المنخفض اوي ده حتى لو محترف والي بيقولك حتى لو بعد صيانه بيعملوا الحركه ديه فا مبيعملوهاش على الارتفاع ده نهائي الا لو طياره وبيجربوا عليها وبيبقوا لسى مسؤولين عنها

والي بيتكلم عن الكروس ويند فا تأثيره مش جامد اوي ساعة الاقلاع هيا مأثره جدا ساعة الهبوط وتخوف الطيار اكتر

في الهبوط عن الاقلاع دايما يقولك الاقلاع مفيش اسهل منه وده صحيح الا لو مطار الرنواي مش كبير او قدامك حواجز او شاطى الخ الخ من العقبات ان دائما الاقلاع سهل لاكن الفن كله في الهبوط ولو فيه طيارين في الموضوع ده ياريت كله يقول عامل كام ساعه وعلى طرازات ايه يمكن نفتح شركة طيران مع بعض وسميها نايل موتورز اير لاين هههههههههه

[الفجر]

مش معقولة معانا هنا طيارين مدنين وحربين ولا اية ؟؟؟

[ahmed_eng2001]

حضرتك مش واخد بالك مما قصدته .....

ما ذكرته حضرتك صحيح ...... و لكن عمل اختبار نهائى قبل الاقلاع لأسطح التحكم يتم فى الهنجر بعد الاصلاح ... او فى منطقة الاختبار .... او قبل الوصول لممر الاقلاع ... او فى مكان انتظار الطائرة ....... و لا يتم عمل هذه الختبارات اثناء الطيران او الاقلاع !!! بمعنى ... الطيار لما بيعمل كده فى الجو ... فده بيعمل مناورة ... مش اختبار طبيعى لأسطح التحكم
فيه اجراء بيعمله الطيار و هو طاير فى الجو فى حالة فقدانه التحكم فى احد الاسطح اثناء الطيران .... و ده قصة تانية خالص


و انا معاك طبعا فى ان اختبار طائرة جديدة يتم بشكل مختلف .... و يتم عن طريق طيار اختبار متخصص ... مش طيار خطوط جوية عادى .... و بيوصل الطيارة لأقصى ظروف التشغيل المصممة عليها الطائرة
و على حسب علمى ... لا يتم عمل الرولنج ده على الارتفاع ده ..... انا عاوز اوضح كمان ان ده مش بيتعمل على كل طيارة بتخرج من المصنع ... ده بيتعمل على النماذج المبدئية و قبل دخول النموذج خط الانتاج
ا
ختلف مع حضرتك فى نقطة صغيرة

N1 and N2 المتعارف عليه .... ال N1 دى بتكون عدد لفات الاكس الداخلى للمحرك ( و ده ليه عداد سرعة من ضمن متغيرات المحرك ) و N2 هى عدد لفات اللاكس الخارجة و معاه الفانة الخارجية .... ( و ده كمان ليه عداد تانى فى اغلب الطائرات )

سرعات الطائرة على الممر ... الطيارين بيعرفوها ب V 1 ..... و Vr .V rotate ..... و بالفعل زى ما حضرتك ذكرت .... عند وصول الطائرة ل V 1 لازم الطيار يطير من على الممر ... علشان فرامل الطائرة مش حتمكنه من ايقاف الطائرة عند اخر الممر ... حتى لو اكتشف وجود حريق فى الطائرة او المحرك بعد كدة ..... و دى حصلت كتير ... اشهرها فى طائرة الخطوط الكينية ...
ماكينة ( محرك ) عمل فاير بعد ال V 1 و الماكينة التانية عملت فاير بعد ما بدأ يطير فعلا و لف بالطائرة و رجع على الممر تانى !!!

ال Vr .. الى بعدها ممكن الطائرة تعمل ( nose up ) و تبدأ طيران

و بالفعل ... الطائرة و هى ثقيلة غير و هى فاضية ..... فى جو بارد غير جو حار ... على ممر مرتفع عن سطح البحر .. غير ممر مقارب لمستوى سطح البحر

يسعدنى الحوار مع حضرتك

[magdy_c_c]

الكلام ده كبير
كبير أوى أوى

[shiko85]

شيكو انت طيار حربي ولا مدني
لا يا باشا انا مش طيار, انا مهندس طيران و كنت ضابط فالقوات الجويه تحديدا فمكتب الجوده و كنت مسئول عن متابعه اعمال الصيانه و الأختبارات و ...........
ولو فيه طيارين في الموضوع ده ياريت كله يقول عامل كام ساعه وعلى طرازات ايه يمكن نفتح شركة طيران مع بعض وسميها نايل موتورز اير لاين هههههههههه
هههههههههه او نسميها نايل جيت
انا ليا اصدقاء طيارين مدنى معظمهم فشركات طيران خارج مصر و هل فمصر و حربى طبعا فالخدمه لسه غير المهندسيين و الجويين و طول عمرنا بنفكر فحاجه تكون زى التاكسى الطائر لكن الموضوع محتاج فلوس كتـــــــــــــــــير جدا بس الفكره و الحلم موجودين طبعا

[ahmed_eng2001]

شيكو انت طيار حربي ولا مدني والي بيقولك الحركه الي عملها صعبه هيا لا صعبه ولا حاجه

بس حتى لو محترف ممكن توسع منه غصبا عنه لو الرياح شدة في نفس اتجاه الميلان بسرعه جامده سعتها باي باي

هو غلطان نوعا ما انه عملها وهو بالارتفاع المنخفض اوي ده حتى لو محترف والي بيقولك حتى لو بعد صيانه بيعملوا الحركه ديه فا مبيعملوهاش على الارتفاع ده نهائي الا لو طياره وبيجربوا عليها وبيبقوا لسى مسؤولين عنها

والي بيتكلم عن الكروس ويند فا تأثيره مش جامد اوي ساعة الاقلاع هيا مأثره جدا ساعة الهبوط وتخوف الطيار اكتر

في الهبوط عن الاقلاع دايما يقولك الاقلاع مفيش اسهل منه وده صحيح الا لو مطار الرنواي مش كبير او قدامك حواجز او شاطى الخ الخ من العقبات ان دائما الاقلاع سهل لاكن الفن كله في الهبوط ولو فيه طيارين في الموضوع ده ياريت كله يقول عامل كام ساعه وعلى طرازات ايه يمكن نفتح شركة طيران مع بعض وسميها نايل موتورز اير لاين هههههههههه

انا متفق مع حضرتك عن موضوع ان الحركة دى مش لازم تتعمل و هو على ارتفاع منخفض

و بالفعل .. الكروس ويند اخطر على الطائرة فى الهبوط ... بسبب ان الطائرة بتكون بتنزل بدون دفع المحركات .... بسرعتها و القصور الذاتى للطائرة .... الماكينات تقريبا اعلى قليلا من 60%
الا انى ... لا اقلل من شأنها فى حالة اللاقلاع ... و ده فى حالات تغير شدة و اتجاه الرياح المفاجئ

الموضوع بالظبط عامل زى لما بتكون بتفرمل علشان تقف و تفاجى برمال تحت العجل و العربية تبدأ تلف منك .... مش بتكون عارف العربية حتستقر على ايه و خاصة و انت فاقد الباور
و نفس الحالة و انا بطلع و فوجئت بالعجل بيلف على الفاضى من شوية رمال تحت العجل .... بس انت عندك باور الماكينة ... فى الغالب العربية بتعدل نفسها نتيجة قوة الدفع .... بس ده مش دائما

اما عن الهبوط و الاقلاع .....
الهبوط بيحتاج تحكم اكتر من الطيار و تركيز اكتر زى ما حضرتك ذكرت .... بس الاقلاع اكثر خطورة فنية و ميكانيكية على الطائرة .... علشان كدة الطيارين بيكونوا قلقانين شوية من الاقلاع ... و خاصة فى مرحلة الطاقة القصوى للاقلاع ( 95 % ) تقريبا من قدرة المحركات ... و التى تعمل فى ظروف قاسية جدا

انا مهندس طيران .. مش طيار

[ahmed_eng2001]

مع كامل الاحترام لحضرتك طبعا

[shiko85]

ما ذكرته حضرتك صحيح ...... و لكن عمل اختبار نهائى قبل الاقلاع لأسطح التحكم يتم فى الهنجر بعد الاصلاح ... او فى منطقة الاختبار .... او قبل الوصول لممر الاقلاع ... او فى مكان انتظار الطائرة ....... و لا يتم عمل هذه الختبارات اثناء الطيران او الاقلاع !!! بمعنى ... الطيار لما بيعمل كده فى الجو ... فده بيعمل مناورة ... مش اختبار طبيعى لأسطح التحكم
انا متفق معاك تمام فكل حاجه عدا "لا يتم عمل هذه الختبارات اثناء الطيران او الاقلاع" لانى كنت بتابع بنفسى الأختبارات للطائره بعد كل صيانه و اللى بيعمل اختبارها على الأرض المهندسين و طقم الصيانه المعين و بعد كده الطيار بيعمل اختبار تانى على الأرض و اختبار اخير فالجو و بعد كده التقرير يتكتب و لو فيه ملاحظات ترجع تانى الهنجر لو مفيش خلاص

اختلف مع حضرتك فى نقطة صغيرة

N1 and N2 المتعارف عليه .... ال N1 دى بتكون عدد لفات الاكس الداخلى للمحرك ( و ده ليه عداد سرعة من ضمن متغيرات المحرك ) و N2 هى عدد لفات اللاكس الخارجة و معاه الفانة الخارجية .... ( و ده كمان ليه عداد تانى فى اغلب الطائرات )
سرعات الطائرة على الممر ... الطيارين بيعرفوها ب V 1 ..... و Vr .V rotate

ممكن تكون النقطه دى زى بعض النقط اللى المسميات فيها بتختلف شويه فيها بين المدنى و الحربى
او توصيف مختلف بين المهندس و الطيار على حسب كل واحد شايف ايه لكن عموما المعنى واحد عند الـ 2 بس بمسمى او توصيف مختلف زى ما قلت

يسعدنى الحوار مع حضرتك

و انا سعيد جدا جدا ان بالحوار مع حضرتك

[ahmed_eng2001]

ما ذكرته حضرتك بيتعمل فى الطائرات العسكرية ؟؟
لو بيتعمل فى الطائرات العسكرية ... فنحن لسنا على خلاف .... اما لو بيتعمل فى الطائرات المدنية !!! انا احب اعرف معلومات اكتر عن الموضوع ده من حضرتك .....

و ما اقصده تحديدا .... ان الطائرة المدنية ... تعمل رحلة قصيرة فقط لتجربة اسطح التحكم ... فقط ...
و اعذرنى ... انا لم اسمع بهذا من قبل .. و احتاج من حضرتك المزيد من الشرح

تقبل مرورى و احترامى

[shiko85]

ما ذكرته حضرتك بيتعمل فى الطائرات العسكرية ؟؟
تمام و كمان بعض الطائرات المدنيه
لو بيتعمل فى الطائرات العسكرية ... فنحن لسنا على خلاف .... اما لو بيتعمل فى الطائرات المدنية !!! انا احب اعرف معلومات اكتر عن الموضوع ده من حضرتك .....
و ما اقصده تحديدا .... ان الطائرة المدنية ... تعمل رحلة قصيرة فقط لتجربة اسطح التحكم ... فقط ...
و اعذرنى ... انا لم اسمع بهذا من قبل .. و احتاج من حضرتك المزيد من الشرح
المفروض الرحله القصيره دى بيتم فيها اختبارات الأسطح فكل المراحل من الأقلاع الى الهبوط, تمام ولا انا غلطان ؟؟ و على حسب الصيانه اللى اتعملت او التعديل اللى تم على جزء او اجزاء من الطائره الأختبار بيتحدد على حسب الشركه او الجهه اللى الطائره تابعه لها
بفرض انه كان فيه مشكله فجزء ما و تم الصيانه اللى بيحصل او اللى المفروض يحصل ان الأختبار اللى بقول لحضرتك عليه يتعمل لكن طبعا كل ما حجم الطائره بيزيد بيكون صعب الأختبارات دى تتم بالشكل ده لانها هتكون مكلفه لان الطائره المفروض تكون فظروف التشغيل الكامله و تكلفه الوقود و ..... فاللى بيحصل انه بيتم الأختارات على الأرض و فرحله قصيره زى ما حضرتك قولت و فيه شركات بتكتفى بالأختبارات على الأرض فقط و بينتظروا التقرير بعد اول رحله طيران و للأسف ده بيحصل و هو غلط طبعا
لكن فيه اماكن تانيه او جهات تانيه بيتعمل فيها الأختبارات كامله بغض النظر عن حجم الطائره
ارجو ان كلامى يكون واضح لحضرتك و بعتذر لان فيه معلومات او اضافات مش هينفع تتقال
تقبل مرورى و احترامى

[ahmed_eng2001]

شكرا لحضرتك على التوضيح ....
انا عاوز اقول كدة فعلا بس كنت منتظر رأى حضرتك الاول :)
مفيش رحلات للتجربة بتتعمل للطائرات بعد تغير او صيانة اسطح التحكم فى الطائرات المدنية ...... فى شركة مصر للطيران
و بالطبع باقى شركات الطيران المصرية الاصغر من مصر للطيران

انا اختلف مع حضرتك فى النقطة الاخيرة .....
السرية و التكتم الغير مبرر و المبالغ في بعض النقاط ( من وجهة نظرى ) ... و التى يمكن ان تكون متداولة و الجميع يعرفها ؟!!!

و اخص بالذكر .... اطقم الصيانة الفنية للطائرات العسكرية .. الناس مش عاوزة تفيد حد شغال معاها على نفس الطائرة .. و عاوزين يحتفظوا بالمعلومة .... زى اسباب بعض الاعطال ... و فك و تركيب الجايرو ... و ليهم وجهة نظر غريبة .... علشان لو عرفت المعلومة حتنطط عليهم !!!!

و من الممارسة عرفت ان ده شبه سلوك عام .. المهندسين مش عاوزين يفهموا الفنيين ... و الفنيين مش عاوزين يعلموا المهندسين الجداد

و بالرغم من كدة ... انا متفهم وجهة نظر حضرتك
تقبل مرورى

[shiko85]

انا اختلف مع حضرتك فى النقطة الاخيرة .....
السرية و التكتم الغير مبرر و المبالغ في بعض النقاط ( من وجهة نظرى ) ... و التى يمكن ان تكون متداولة و الجميع يعرفها ؟!!!
مش غير مبرر او مبالغ فيه
الموضوع معقد شويه
و اخص بالذكر .... اطقم الصيانة الفنية للطائرات العسكرية .. الناس مش عاوزة تفيد حد شغال معاها على نفس الطائرة .. و عاوزين يحتفظوا بالمعلومة .... زى اسباب بعض الاعطال ... و فك و تركيب الجايرو ... و ليهم وجهة نظر غريبة .... علشان لو عرفت المعلومة حتنطط عليهم !!!!
ده اسلوب تفكير خطأ لان اى حد بيفكر كده فده معناه انه مش واثق فنفسه
و بالرغم من كدة ... انا متفهم وجهة نظر حضرتك
تقبل مرورى

[ahmed_eng2001]

بالرغم من عدم اقتناعى ... بس انا متفهم الموضوع ...

دائما وجهة نظرى ... تبادل المعلومات يأدى الى ازدياد المعرفة للكل و نتعلم من بعض

سعدت بالنقاش مع حضرتك
تقبل مرورى

[trise2]

اللي عمله الطيار طبعا مش مبرر لكن ,
ليه الناس متخيله الطيار مكنه بتنفذ التعليمات حرفيا