ايه احسن سمك مشوي وفيليه ؟؟

[MRBEBO]

انا بعشق السمك جدا

تقريبا مش باكل غيره لاني مش بحب الفراخ او اللحمه

بحب الفيليه والمشوي

بس علطول بجيب الفيليه قشر بياض ( مجربتش غيره )

والمشوي يا اما مكريل او بوري برضوا مجربتش غيرهم

المطلوب تقولولي من خبراتكم

ايه احسن الاسماك اللي بتتشوي غير الماكريل والبوري

وايه احسن السمك الفيليه غير قشر البياض

نفسي اجرب حاجه جديده بس مش بحب اغامر

[أبو آسر]

جرب البوري السنجاري هيعجبك جدا
أنا مش باكل عادة غير البلطي سواء مقلي أو مشوي لكن البوري السنجاري حاجة تانية :)
ولازم تجرب البلطي سواء مشوي أو مقلي ده ملك الأسماك ازاي مجربتوش !

[eslam atia]

البربوني في المقلي
السردين الكبير في المشوي ويسلام لو مشوي صاج
الباغة في المشوي
السيجان في المشوي
القطع مشوي ومقلي وسنجاري وصيادية حكااااااااااااااية
الثعابين مشوي مفيش وصف طبعا
اللوت وموسي بس مولعين نار مفيش وصف
الخنزيرة في المقلي بتتسلخ الاول
الغطيان والمكرونة في المشوي ملهمش حل
الشبار الجوابي الاخضر المبطرخ طبعا ملك الشعبي المشوي وعلي فكرة غالي
الشبار الابيض ميكونش مزاااااارع في الشوربة والمقلي والصيادية
الدنيس في المشوي وياريت ميتقرصش عليه في الفرن
القاروس في المشوي لا تعليق
الجمبري والسيبيا البلدي
تسلق الجمبري الجامبو والسيبيا تتبل بالبهارات والثوم وتتقطع شرايح وتتقلي ( هتشم الريحة من اول الشارع ) ومتنساش الطحينة
الموز والشخرم في المشوي واتفرج علي البطاريخ

[pioneerahmed]

اكتر حاجة بحبها الوقار المشوي زيت و لمون

[Mecha]

الله الله مااروعك
السمك اكل سلاطيني تكانيني
البوري مملكه محمر ومشوي بالزيت ودسم ولذيذ ,البلطي او الصنابر لوز فيليه ومشوي ومقلي ,القراميط مسبك ,الصبيط حبيبي اللي تفطر بيه تعد عليه للمغرب,يشد الصلب ويقوي العزم

[Mecha]

المهم الفلافور ,الطعم ,الفينيش والا يبا حشو بطن
انا طريقتي فصص وقطع صغير توم كتير خصوصا ابو قشره بنفسجي
بصل قطع صغيره ,فلفل اخضر حراق مقطع ,فلفل اسود فرش,حبة جنزبيل,حبه كاري,خل ابيض ,ملح صخري,كمون كتير ,صب ميه سخنه بتغلي ع الخلطه تغطي الوش ,دوب معلقة صلصه
حط البوله في الميكرويف حوالي ربع ساعه عالهاي لما تتهمك
صب بالمعلقه علي السمك مع رشة بقدونس وفصوص لمون

سمي وقول يادايم صلي وارقع وادعيلي

[طارق _عبد السلام]

المهم الفلافور ,الطعم ,الفينيش والا يبا حشو بطن
انا طريقتي فصص وقطع صغير توم كتير خصوصا ابو قشره بنفسجي
بصل قطع صغيره ,فلفل اخضر حراق مقطع ,فلفل اسود فرش,حبة جنزبيل,حبه كاري,خل ابيض ,ملح صخري,كمون كتير ,صب ميه سخنه بتغلي ع الخلطه تغطي الوش ,دوب معلقة صلصه
حط البوله في الميكرويف حوالي ربع ساعه عالهاي لما تتهمك
صب بالمعلقه علي السمك مع رشة بقدونس وفصوص لمون

سمي وقول يادايم صلي وارقع وادعيلي

صاحب مزااااااااااااااااااااااااااااج عاااااااااااااااااااالى


هو اصلا فيه حاجه تتاكل غير الاسماك

وملحوظه لمحبى المشوى لازم السمك يتنضف بطنه كويس قبل الشوى

[Mecha]

صاحب مزااااااااااااااااااااااااااااج عاااااااااااااااااااالى


هو اصلا فيه حاجه تتاكل غير الاسماك

وملحوظه لمحبى المشوى لازم السمك يتنضف بطنه كويس قبل الشوى

معلوم ياباشا ,النضافه اساس الطهي

[أبو آسر]

صاحب مزااااااااااااااااااااااااااااج عاااااااااااااااااااالى


هو اصلا فيه حاجه تتاكل غير الاسماك

وملحوظه لمحبى المشوى لازم السمك يتنضف بطنه كويس قبل الشوى

على فكرة أنا أحلى سمك بلطي مشوي كلته في حياتي اللي بيتشوي بحالته بدون تنضيف بطنه :)
بس طبعا لازم الواحد يتأكد إن السمك طازة ونضيف لكن لما بيتشوي ببطنه من غير تنضيف وخلطة والكلام ده بيبقى تحفة بجد

[hossam mahmoud]

افضل البلطي والبوري

[طارق _عبد السلام]

على فكرة أنا أحلى سمك بلطي مشوي كلته في حياتي اللي بيتشوي بحالته بدون تنضيف بطنه :)
بس طبعا لازم الواحد يتأكد إن السمك طازة ونضيف لكن لما بيتشوي ببطنه من غير تنضيف وخلطة والكلام ده بيبقى تحفة بجد

اوعى تعمل الموضوع ده تانى ياابو آسر

تخيل كل الحاجات الموجوده فى بطن السمكه دى اثناء الشواء بتروح فين بيتشبع بها جسم السمكه اصلا

وللعلم اطعم بلطى فى الشواء الصغير

انا من عشاق رقم واحد البربونى ..... يليه البورى السينجار ى والبورى المقلى تحفه ..والثعابين... وبعدين البلطى اجبارى ... والتسالى بقى الكابوريا .. والجمبرى المسلوق ...... والسبيط المقلى

[hossam mahmoud]

افضل البلطي والبوري

[MRBEBO]

جرب البوري السنجاري هيعجبك جدا
أنا مش باكل عادة غير البلطي سواء مقلي أو مشوي لكن البوري السنجاري حاجة تانية :)
ولازم تجرب البلطي سواء مشوي أو مقلي ده ملك الأسماك ازاي مجربتوش !

البلطي قفلت منه بعد ما سمعت من كذا دكتور انه مضر لانه بيتغذى على معادن ثقيله وبيبقى فيه سموم

[Mecha]

البلطي قفلت منه بعد ما سمعت من كذا دكتور انه مضر لانه بيتغذى على معادن ثقيله وبيبقى فيه سموم

معاك البلطي والقراميط بيتغذوا علي المعادن التقيله في النيل غصبا عن السمكه ياعيني ,المعادن التقيله بردك في البحر عشان كداهنا مبياكلوش سمك القرش ,بس نعمل ايه بنحب السمك

[أبو آسر]

اوعى تعمل الموضوع ده تانى ياابو آسر

تخيل كل الحاجات الموجوده فى بطن السمكه دى اثناء الشواء بتروح فين بيتشبع بها جسم السمكه اصلا

وللعلم اطعم بلطى فى الشواء الصغير

انا من عشاق رقم واحد البربونى ..... يليه البورى السينجار ى والبورى المقلى تحفه ..والثعابين... وبعدين البلطى اجبارى ... والتسالى بقى الكابوريا .. والجمبرى المسلوق ...... والسبيط المقلى

مبقيتش أعمله من زمان لأن زمان كنت بتشتري السمك بنفسك وتروح تشويه عند شواية وشغلانة دلوقتي الدنيا اتطورت وبتصل على الراجل بتاع السمك يجهزلي كل حاجة وأروح آخده على الجاهز

البلطي قفلت منه بعد ما سمعت من كذا دكتور انه مضر لانه بيتغذى على معادن ثقيله وبيبقى فيه سموم

ده حسب المصدر اللي هتجيب منه السمك على ما أعتقد وأظن برده إن لو مكان مش كويس فهيبقى كل الأنواع فيها مشكلة مش البلطي بس لكن اللي ياكل سمك ومياكلش بلطي يبقى مبياكلش سمك