ايه احسن سمك مشوي وفيليه ؟؟

[الاسد المهاجر]

بلطي
بوري
ماكريل

[محمد يوسف]

الدنيس والبربونى والمرجان وموسى (مقلى)

القاروص والسلمون (مشوى)

[zorg]

ربنا يسامحكم جوعتونى - انا بجد اتمنى اهاجر لبلد يكون فيها السمك والجمبرى والذى منه ارخص حاجة انا كمان من العاشقين للماكولات البحرية

[almohaor]

البربوني في المقلي
السردين الكبير في المشوي ويسلام لو مشوي صاج
الباغة في المشوي
السيجان في المشوي
القطع مشوي ومقلي وسنجاري وصيادية حكااااااااااااااية
الثعابين مشوي مفيش وصف طبعا
اللوت وموسي بس مولعين نار مفيش وصف
الخنزيرة في المقلي بتتسلخ الاول
الغطيان والمكرونة في المشوي ملهمش حل
الشبار الجوابي الاخضر المبطرخ طبعا ملك الشعبي المشوي وعلي فكرة غالي
الشبار الابيض ميكونش مزاااااارع في الشوربة والمقلي والصيادية
الدنيس في المشوي وياريت ميتقرصش عليه في الفرن
القاروس في المشوي لا تعليق
الجمبري والسيبيا البلدي
تسلق الجمبري الجامبو والسيبيا تتبل بالبهارات والثوم وتتقطع شرايح وتتقلي ( هتشم الريحة من اول الشارع ) ومتنساش الطحينة
الموز والشخرم في المشوي واتفرج علي البطاريخ

تمام يا اسلام باشا ده عند ولاد عمنا البورسعيدية ونضيف عليهم احنا السوايسة
اسماك البحر الاحمر لايعلى عليها الغنية بالفسفور واليود والمعادن وافضل من اسماك البحر الابيض بكتييييييييييييييييييييييير بالاضافة الى ماسبق مثل:-

الحفارة والاس والنقط مقلى ومشوى للاحجام الكبيرة
البلاميطة والتونة مشوى فى الفرن بعد التنظيف والخلطة وياسلام لو كان بنار الخشب زى زمان
الكسكمرى العريض الاخضر والمبروم الازرق مشوى وقلى
وكمان بنسلقه على البخار لعمل المكريل وهو افضل من المعلب المستورد
ولن تشعر ابدا بطعم الزفارة اللى تحسها فى الماكريل المعلب
الكشر والشعور والمحسنى وقشر بياض مقلى وكمان شوربة حمرا
السيجان والخنزيرة والرقد مقلى وشوربة بيضاء
الخرمان والزرقان مقللى وشوربة بيضاء
القرش والحوت صيدية
الجلامبو السويسى مشوى وصيدية واه من الجلامبو النتيات
الكاليمارى محشية بالخلطة مقللى وبالخل والثوم
السوبيا مقللى وبالخل والثوم وصيدية
الحارت السويسى مقللى وبالخل والثوم
الباغة مقلى ومشوى وبالخل والثوم
السهلية السويسى احلى من البورى مشوية
المرجان السويسى ابو قتب الكبير مشوى والصغير مقللى
الصرع ابن عم المرجان مقللى ومشوى
المحاريات السويسى زى اللوجز والسريديا مشوى والقوقع وبلح البحر واالبوصر.. سلق
ولازم ولابد من سلطة طحينة بالثوم والشطة والليمون معاهم وماتسالش ليه فالطعم حكاية
الصورمباء نوع من لحم المحاريات المجفف على حرارة الشمس والهواء
ده بقى فاكهة البنات ووحمة الستات ويؤكل قطع صغيرة ويمضغ كاللبان وطعمه حكاية تانية
سمكة الصندوق وهى سمكة احفورية يعنى من قبل خلق الانسان
سلق وشوربة بيضاء وهى لذيذة جدا
البراكودا مقللى وصيدية
سمكة الحداية... صيدية ... ولها زيل طويل كالسوط والضربة منه مؤلمة وقد تجرح الجسم
كفاية عليكو كده احسن البحر قرب يفضى و عشان حرام ريقكم مايجريش كتير

السوايسة اولاد البلد موش الوافدين المقيمين لاتاكل او لايقبلوا او نعزف عن اكل ...الشبار او البلطى او القراميط والتعابين لاسباب وجيهه وليس بطرا فهى نعمة من ربنا ولكن
لانها تنمو فى الترع والمصارف الملوثة وتاكل الجيف وكمان تنمو فى المزارع السمكية ويتم اطعامها بالهرمونات ومخلفات ذبح الدواجن بعد ان يتم تعفينها وتتحول لدود يلقى للسمك ليتغذى عليه يعنى سمك الشخرم الصغير الشعبى ابو خمسة جنيه الان افضل من اى سمك اخر نيلى
كمان قد يتم صيد هذه الاسماك برش المبيدات على سطع المياه او صعقها بالتيار الكهربى لبعض الصيادين عديمى الضمير
وكمان لان طعم اسماك البحر افضل من طعم اسماك المياه العذبة
والسوايسة ولاد البلد شطار فى تجهيز المأكولات البحرية
وعمار ياسويس

[محمد يوسف]

ولازم تجرب البلطي سواء مشوي أو مقلي ده ملك الأسماك ازاي مجربتوش !

البلطى ملك الأسماك ؟؟؟؟

أكيد بتهزر يابو أسر

[almohaor]

صاحب مزااااااااااااااااااااااااااااج عاااااااااااااااااااالى


هو اصلا فيه حاجه تتاكل غير الاسماك

وملحوظه لمحبى المشوى لازم السمك يتنضف بطنه كويس قبل الشوى

كلامك صح ياشمهندس طارق بس ده ينطبق فى الاسماك النيلية فقط
لانها ترعى على الفضلات وحاجات غير صحية بالمرة قد تلوث لحم السمك عند تناوله
ولكن عندنا فى السويس كل السمك يشوى سليم كما هو لان ماء البحر فى الاصل مطهر لانه بيئة مفتوحة وليس محدودة
وكمان نوعية الغذاء اما على الاسماك الصغيرة او الكائنات الحية الدقيقة وتسمى البلانكتون او الاعشاب البحرية
الحاجة الوحيدة اللى بنظفها من الداخل هى التونة والبلاميطة والاتنين ولاد عم لايفرقهما الا السويسى وهى اسماك كبيرة
قد تتعدى العشرة كيلو وزنا وتتصف بانه تحوى نسبة كبيرة من الدماء فى لحومها وفى بطنها وراسها لا يعنى كانك بتنظف او بتدبح خروف صغير ههههههه
لذلك تفتح السمكة لتنظيف البطن والتخلص من الراس ويتم استخلاص لحمها بطريقة معينة للتشفية
وتخللى من سلسلة عظامها واشواكها تماما ثم تشرح مكعبات متماسكة ثم يتم غسلها جيدا بالدقيق ثم تشطف ثم بالخل ثم تشطف عدة مرات بالماء وبكده يتم التخلص من اكبر كمية من دماءها وزفارتها ودى بقى سر الصنعه للسوايسة للبلاميطة والتونة غير كده تبقى شدية الزفارة
ثم يتم عمل خلطة توضع على سطحها وتشوى وياسلالالالالالالالالام بقى على الطعم
ومعلومة فى سرك مفيده ومغذية جدا للجسم يعنى ممكن تقول عليها فياجرا ههههههههههه
انا بقى سلقتها فى حلة الضغط وعملت منها تونة احسن من المعلبة تونة فريش انما ايه حكاية
يعنى السمكة وزن اربعة كيلو تعملك كرتونة تونة معلبة ههههههههههه

[طارق _عبد السلام]

تمام يا اسلام باشا ده عند ولاد عمنا البورسعيدية ونضيف عليهم احنا السوايسة
اسماك البحر الاحمر لايعلى عليها الغنية بالفسفور واليود والمعادن وافضل من اسماك البحر الابيض بكتييييييييييييييييييييييير بالاضافة الى ماسبق مثل:-

الحفارة والاس والنقط مقلى ومشوى للاحجام الكبيرة
البلاميطة والتونة مشوى فى الفرن بعد التنظيف والخلطة وياسلام لو كان بنار الخشب زى زمان
الكسكمرى العريض الاخضر والمبروم الازرق مشوى وقلى
وكمان بنسلقه على البخار لعمل المكريل وهو افضل من المعلب المستورد
ولن تشعر ابدا بطعم الزفارة اللى تحسها فى الماكريل المعلب
الكشر والشعور والمحسنى وقشر بياض مقلى وكمان شوربة حمرا
السيجان والخنزيرة والرقد مقلى وشوربة بيضاء
الخرمان والزرقان مقللى وشوربة بيضاء
القرش والحوت صيدية
الجلامبو السويسى مشوى وصيدية واه من الجلامبو النتيات
الكاليمارى محشية بالخلطة مقللى وبالخل والثوم
السوبيا مقللى وبالخل والثوم وصيدية
الحارت السويسى مقللى وبالخل والثوم
الباغة مقلى ومشوى وبالخل والثوم
السهلية السويسى احلى من البورى مشوية
المرجان السويسى ابو قتب الكبير مشوى والصغير مقللى
الصرع ابن عم المرجان مقللى ومشوى
المحاريات السويسى زى اللوجز والسريديا مشوى والقوقع وبلح البحر واالبوصر.. سلق
ولازم ولابد من سلطة طحينة بالثوم والشطة والليمون معاهم وماتسالش ليه فالطعم حكاية
الصورمباء نوع من لحم المحاريات المجفف على حرارة الشمس والهواء
ده بقى فاكهة البنات ووحمة الستات ويؤكل قطع صغيرة ويمضغ كاللبان وطعمه حكاية تانية
سمكة الصندوق وهى سمكة احفورية يعنى من قبل خلق الانسان
سلق وشوربة بيضاء وهى لذيذة جدا
البراكودا مقللى وصيدية
سمكة الحداية... صيدية ... ولها زيل طويل كالسوط والضربة منه مؤلمة وقد تجرح الجسم
كفاية عليكم كده احسن البحر قرب يفضى و عشان حرام ريقكم مايجريش كتير

السوايسة اولاد البلد موش الوافدين المقيمين لاتاكل او لايقبلوا او نعزف عن اكل ...الشبار او البلطى او القراميط والتعابين لاسباب وجيهه وليس بطرا فهى نعمة من ربنا ولكن
لانها تنمو فى الترع والمصارف الملوثة وتاكل الجيف وكمان تنمو فى المزارع السمكية ويتم اطعامها بالهرمونات ومخلفات ذبح الدواجن بعد ان يتم تعفينها وتتحول لدود يلقى للسمك ليتغذى عليه يعنى سمك الشخرم الصغير الشعبى ابو خمسة جنيه الان افضل من اى سمك اخر نيلى
كمان قد يتم صيد هذه الاسماك برش المبيدات على سطع المياه او صعقها بالتيار الكهربى لبعض الصيادين عديمى الضمير
وكمان لان طعم اسماك البحر افضل من طعم اسماك المياه العذبة
والسوايسة ولاد البلد شطار فى تجهيز المأكولات البحرية
وعمار ياسويس

طيب حافظ على شعور اخوانك فى الاقاليم اللى مبيوصلهمش اسماء الادويه دى

ياريت بقى لانك سواحلى وبهدلتنا كده صوره السمكه لو امكن مع اسمها لاننا منعرفش غير اسم كم سمكه وياسلام لو نزلت حاجه جديده سوق السمك عندنا عرفونا بالله عليكم
انا بعز الاسماك جدا لانى اصلا مليش فى الفراخ واللحوم

[almohaor]

طيب حافظ على شعور اخوانك فى الاقاليم اللى مبيوصلهمش اسماء الادويه دى

ياريت بقى لانك سواحلى وبهدلتنا كده صوره السمكه لو امكن مع اسمها لاننا منعرفش غير اسم كم سمكه وياسلام لو نزلت حاجه جديده سوق السمك عندنا عرفونا بالله عليكم
انا بعز الاسماك جدا لانى اصلا مليش فى الفراخ واللحوم

انا تحت امر حضرتك واخوتى بالمنتدى بس المشكلة انى موش باعرف ارفع الصور على هذا المنتدى بسهولة ولو لاحظت ان توقيعى بدون صورة ... عموما ساحاول التقاط الصور المطلوبة ورفعها ان امكن حتى تكتمل المعلومة للجميع
باذن الله تعالى

[الاستاذ]

فى المشويات
البورى هو اساس الشوى
بس لو عاوز تغير يبقى اشويلك نص جمبرى على كابوريا وعيش
المقلى
البربونية دة اكلة الملوك بس البلدى مش المجمدة والمكرونة السويسى

[أبو آسر]

البلطى ملك الأسماك ؟؟؟؟

أكيد بتهزر يابو أسر

لا مش بهزر :)
مفيش حد مش بياكل سمك بلطي ولو مرة شهريا وهو السمك رقم 1 في مصر والأكثر إقبالا والأكثر بيعا ولولا إنه ملك الأسماك مكنش بقت ليه الشعبية الرهيبة دي وموضوع السعر الرخيص مش هو السبب لأن في أنواع كتيرة أرخص منه ومش عليها إقبال زي البلطي وأنا شخصيا أفضل كيلو بلطي ب15 ولا 20 جنيه على كيلو جمبري ب160 جنيه
لكن في المقابل ناس كتير وأنا منهم ممكن يعدي عليا السنة والسنتين مكلش لا بوري ولا ماكريل ... إلخ
دي قناعتي الشخصية ممكن حد يخالفني فيها مش مشكلة بس أنا مهما جربت من أنواع سمك مش بستطعم سوى البلطي

[h_shahin]

بالنسبة لأسماك البحر المتوسط

الوقار و يليه اللوت هم أفضل أسماك الفيلية

القاروص و الدنيس أفضل المشوى

موسى و البربونى أفضل المقلى

الحنشان (ثعبان البحر) أفضل الصينية

[A.Saad]

ازاى اعرف الجمبرى السويسى من الجمبرى التانى
فيه جمبرى لونه مشمشى عاى احمر
وفيه رمادى
مين الافضل

[eslam atia]

الرمادي الصغير دا بتاع الكفتة
والاحمر بتاع السليق

[aif]

اطالب الادارة بحذف هذا البوست البشع واعدام كل اللي كتبو فيه
هو فيه ايه ؟؟؟؟
هو معادش فيه رحمة خالص
هو انتو معندكوش اخوات جعانين ولا عاملين ريجيم
عمالين توصفو ف السمك وايشي مقلي وايشي مشوي وايشي صيادية وايشي جمبري واشي بحر احمر وايشي سي فود بدون ادني مراعاة لمشاعر الناس
حرام عليكم ده كأني قاعد في حلقة السمك ولا عند سي جل ولا قدورة
هو ح يبقى انتو والريجيم علينا
كدة مش ناقص غير تقولولنا الحلو ايه
تورتة ولا ام علي ولا كنافة بالمانجة
يعني عاوزيننا نقرأ كل ده وبعدين ناكل خضار سوتية بالشوكة ولا تونة من غير زيت
جرررررررررررررررررررررررررررر

[A.Saad]

اطالب الادارة بحذف هذا البوست البشع واعدام كل اللي كتبو فيه
هو فيه ايه ؟؟؟؟
هو معادش فيه رحمة خالص
هو انتو معندكوش اخوات جعانين ولا عاملين ريجيم
عمالين توصفو ف السمك وايشي مقلي وايشي مشوي وايشي صيادية وايشي جمبري واشي بحر احمر وايشي سي فود بدون ادني مراعاة لمشاعر الناس
حرام عليكم ده كأني قاعد في حلقة السمك ولا عند سي جل ولا قدورة
هو ح يبقى انتو والريجيم علينا
كدة مش ناقص غير تقولولنا الحلو ايه
تورتة ولا ام علي ولا كنافة بالمانجة
يعني عاوزيننا نقرأ كل ده وبعدين ناكل خضار سوتية بالشوكة ولا تونة من غير زيت
جرررررررررررررررررررررررررررر

بص يا عم احمد
الكنافة بالمانجو كلنا متفقين انها اختراع لذيذ جدا
وممكن تشوف موضوعها هنا

http://www.nilemotors.net/Nile/429097-a-2.html

وتدعى لى بعد ذلك

وبالتوفيق فى الرجيم


بالهنا والشفاء