كيف استثمر مليون جنيه..؟؟

[WHATZUP]

انا عندي افكار بس كلها خارج مصر

يعني مثلا

1) ممكن تشتري اراضي زراعيه في جورجيا ... سعر الفدان هناك ارخص من مصر بكتير ... عم صديق ليا شاري ارض رزاعيه هناك و متفق مع مهندس زراعي جورجي و بسم الله ما شاء الله المكسب ممتاز

2) بناء عقارات في جورجيا ايضا ... انا معرفش تفاصيله ايه بس غالبا هتحتاج شريك او اتنين و مكاسبه افضل من مصر بمراحل

3) شراء مزرعه في البرازيل ... الاسعار ارخص من مصر و المكاسب ممتازه بس مش معايا تفاصيل بالظبط

ممكن حضرتك تروح سفارات الدول دي و تتأكد من اقتراحاتي

لو عايز تستثمر المبلغ ده هنا يبقي ممكن تعمل الاتي

1) تشتري حته ارض و تبني كومبوند سكني و تبدأ تبيع شقق و محلات ... التمويل العقاري من البنوك موجود

2) لا اقترح فتح اي مشروع في اي مكان لان الحاله الاقتصاديه سيئه و علي كف عفريت

مش جورجيا دي اللي بتحارب روسيا... يعني انا هروح اكمل ثورة جورجيا؟؟
طبعا اقتراحاتك جيدة جدا .. بس انت تتكلم عن هجرة... وليس استثمار زي ما انا طالب.. وبصراحة لو ههاجر مش ههاجر دولة زي جورجيا او البرازيل ..هروح أمريكا المانيا هولندا..شكرا لمشاركتك

[WHATZUP]

اعتقد ان افضل استثمار بمخاطر محدودة هو ان تشارك بحصة في مشروع قائم و ناجح

فكرة كويسة بس في مشكلة المشروع الناجح والقائم لن يرغب فيك كشريك لانه شغال بالفعل..وفي نقطة تانية صاحب المشروع بيرفع قيمة السهم جدا.. استغلالا لان المشروع ناجح

[WHATZUP]

فيه كذا مشروع
1- افتتاح مستشفى نساء وتوليد حتى لة تأجر عماره من بابها وبعد كده تخدها تمليك وطبعاً تصرفعلى تشطيبها بمستوى عالى وده مشروع مربح جدا

2- لو عاوز تستثمر فى العقارات يبقى الافضل تشارك فى بناء عماره بس ديه فيها نسبة مخاطره علشان صعب تلاقى شريك تثق فيه بسهوله خاصة ان العماره هتكون فى القاهرة او الجيزة وهتحتاج متابعه مستمره منك وده هيبقى صعب علشان انت مش فاضى

فيه مشاريع كتير بس عشان انت مش متفرغ هتبقى نسبة المخاطره فيها عاليه

الاستثمار في العقار علشان تكسب كويس يبقى ارض وتبنى انما شراء الشقق مش هيدورلك الفلوس زى البنك

احسن مشروع هوه مشروع المستشفى

لو الاراضى رخيصة عندك يبقى برضه مدرسة خاصه وهتجيب مكسبها فى أول سنه

مدرسة خاصة ... لا اعتقد ان مليون جنيه تكفي ساضطر ان أشارك شخص اخر وليكن مدرس.. فكرة كويسة بس الموضوع دة عايز دراسة جدوي ..وما هي شروط الدولة لانشاء مدرسة خاصة؟؟؟

[WHATZUP]

جميل جدا ان فكرتي وصلت لسيادتك
طيب سؤال رفيع حضرتك طبيب ولا ادارة طبيبة يعنى بتتعامل مع الناس كتير و لا مع الورق اكتر وبعيد عن السوق يعنى من ضمن ملاكاتك و خبراتك اية

انا طبيب ..وانا مشارك فعلا في مشروع طبي .. بس صدقني طالما لا تشرف بنفسك علي اموالك تاكد ان الاخرين سوف يسرقوك.. مثلا لو كنت تستحق 40% أرباح يعطك 20 فقط.. لو شاكك سيب شغلك وتعالي راقب بنفسك... طبعا هذا لن يحدث

[Karim Alaa]

الشقه فى الرحاب من 700 الى 900 الف الايجار من 5000-7000 و ممكن يوصل ال 10000 لو فى موسم او تاجير تجارى و انت محسبتش قيمه فرق بيع الشقه يعنى وديعه البنك بيديك 10 كل شهر بس لما تسحب هتسحب مليون لكن دى لو جابت 7-8 و حيبت تسحب ممكن تسحب مليون و 200 مليون و 300 حسب وقت سحبك و مده استثمارك اد ايه

[S.h.a.h.e.r]

انت غير مسلم
ف اذا كنت تريد تجارة رابحة فادعوك لدخول الدين الاسلامي
واستثمر مالك فيما ينفع المسلمين
تكون كسبت الدنيا والاخرة

[ahmedwagdy03]

سواء إنت مسلم أو مسيحى مالهاش علاقة بإنك عايز تستثمر فلوسك .

عايز رأيى بمنتهى الأمانة بعد 3 محاولات فاشلة إنى أستثمر فلوسى .طبعا ماكانش مبلغ كبير زى دة و لكن قلت أبدأ بمبالغ فى حدود 100 ألف علما إنى لى عملى و دخل ثابت من الوظيفة و كانت الخلاصة :

1- اللى قال المثل الشعبى "صاحب بالين كداب " كان بيفهم لإن ماينفعش أبدا إنك تركز فى شغلك و عايز واحد يشغلك فلوسك و تكسب منها كأنك إنت اللى بتشغلها.
2-لو كان اللى حيشاركك أو يتابع لك مشروعك أمين فتأكد إن خير الشغل كله داخل ليه و لن ينالك إلا الفتات و يبقى كويس لو قدرت تحافظ على فلوسك زى ما هى و ده اللى حصل معايا فى أول مرتين.
3-لو طلع إبن و*خة يبقى ضاعت عليك فلوسك يا معلم و عيش فى المحاكم و النيابات لو مخلى الموضوع رسمى و ده للأسف اللى حصل معايا آخر مرة .

خلى بالك و لا تأمن لأحد إطلاقا فى هذا الزمان

[egytamer]

تشتري شقة في بورتو الايجارات هناك نار انا ماجر شقة من 3 اسابيع يعني مش سيزون خالص واليوم ب 900 جنية من واحد سمسار يعني لو هياخد التلت وياجرهالك 20 يوم بسفي الشهر هتجيب 12 الف غير السيزون هتجيب ضعف المبلغ دا مستريح وسعر الشقة نفسو بيزيد جامد جداااا.
وممكن تشتري محل في اي شارع رايسي وتاجرو برضو .

[eng/muhamad]

اشترى سبايك دهب مفي فيها مصنعيه ولا اى حاجه
الدهب دلوقتى نازل و الدولار عالى مع بداية السنه الدولار هينزل و الدهي هيزيد تقدر تبيع

[حسام الغرباوي]

عقارات ( اراضي او محلات )

او اانا شخصيا كنت هفتح مشروع ...مستلزمات ومستهلكات طبية ...بس للاسف مكنش معايا تغطية للمبلغ ...بس كنت على وشك افتحة خصوصا ان اخي طبيب جراح ومدرس جراحة ..وزوج خالتي لدية مستشفي نساء وتوليد كبيرة ..والعائلة معظمها اطباء :d


لكن مبلغي كان بسيط :)

عموما بما إني تجارة وعارف مخاطر السوق

انت ممكن تستثمر في اكثر من مجال تبعا للمقولة (( لا تضع البيض في سلة واحدة ))

1 - اعمل وديعة 5 سنوات بمبلغ 250 الف جنية ...دي على جنب للظروف ومنها هتاخد فائدة 10 % تقريبا .
2 - شراء محل في منطقة معروفة وحيوية ...ممكن سعره يكون في حدود 100 الي 150 الف , إيجارة هيكون بحدود 7 الي 10 الاف .
3 - اشتري شقة في مكان حيوي يعني في منطقة فيها جامعة وتأجرها مفروش مثلا .

وكل الكلام دا مش محتاج متابعة ..

[HISHAM80]

حضرتك الحل الأمثل لو مش محتاج فايده من الفلوس تشتري أرض مباني في سنه وحده هتزيد 30-50% من غير أي مجهود لو في المنصوره عندك أرض جنب جامعه السلاب

[ali ashraf]

الى الاستاذ رحالة

انا جالي احباط

ولا احباط و لا حاجة انا بقول شقه فى مكان مميز يعنى التجمع الخامس او الرحاب او الشيخ زايد و يكون من الافضل كومباوند المتر لن يقل عن 5000 جنيه و ممكن اكتر اضرب فى مساحة 200 متر و طبعا ممكن اكبر و شوف سعرها بقى انا شخصيا استثمرت فى حدائق الاهرام لانى مقدرش على الرحاب و مدينتى الخ

[رحالة]

في ناس قالولي على حدائق الاهرام بس سمعت ان فيها مشكلة الضغط العالي
هي اسعارها حنينه شويه

[amz2011]

تاجر فى نفس التخصص بتاعك