كيف استثمر مليون جنيه..؟؟

[أبو آسر]

أنا لو مكانك هشتري شقتين أو أكثر وأجرهم إيجار جديد سنتين أو 3 سنوات هيجيبوا دخل كويس وفي نفس الوقت سعرهم هيزيد كل سنة والإيجار أيضا بيزيد
في عقارات ثمنها بيتضاعف كل كام سنة

الشقق سعرها يزيد زيادة بطيئة على عكس المحلات التجارية
بالإضافة إلى أن العائد القادم من تأجير الشقق سيتم صرف جزء كبير منه على إعادة تشطيبها كل فترة ومبلغ التأمين لن يغطي ربع هذه النفقات كما أن إيجارات الشقق غالبا غير مجزية مثل إيجار المحلات

[WHATZUP]

اشترى شقه فى الرحاب مثلا و اجرها جديد هتجيبلك دخل شهرى معقول جدا و لما تحب تكيش بيعها هتلاقى المبلغ زاد بنسبه كويسه لو حسبت الايراد الشهرى لحد البيع مع فرق تمن البيع هتبقى حافظت على قيمه فلوسك و عليتها كمان

الشقة بكام ؟؟؟ وايجارها بكام؟؟؟ يعني لو شقة بمليون مثلا هيكون ايجارها قد اية؟؟؟؟ المفروض يكون اكتر من 10000 لان فوايد البنك 10000؟؟؟

[رحالة]

و المبلغ ده ممكن يجيب شقة على المحارة فقط و ربنا يوفقك

انا جالي احباط

[KemozTanta]

امسك العصاية من النص !
المبلغ نصه ودائع بنك
ونصه التاني في شقة سعرها يكون حنين في مشروع هيخلص كمان كام سنة او لو موجودة جاهزة كاش خير وبركه... تبقي غلطان لو حطيت المبلغ كللله في البنك
قيمت الفلوس هتقل وانا رأي كدا انت بتقلل فرص المخاطرة لابعد حد

[رحالة]

الشقة بكام ؟؟؟ وايجارها بكام؟؟؟ يعني لو شقة بمليون مثلا هيكون ايجارها قد اية؟؟؟؟ المفروض يكون اكتر من 10000 لان فوايد البنك 10000؟؟؟

الايجارات في رايي تعطيك من ٥ ال ٧ ٪ عائد سنوي
يعني الشقه ام مليون هتعمل ٥ الاف تقريبا
طبعا اقل من البنك
لكن في نفس الوقت بتحافظ على قيمة الفلوس لان العقار بيزيد

[adel1212]

هو سيادتك شغال حاليا في اي مجال لان ده مهم جدا في تحديد ما هو قادم
تحياتي

[eslam atia]

حضرتك لازم تعتقد وتتأكد اني دي تجارة
والتجارة شطارة
يا أما مكسب يا أما خسارة
ولازم زي ما هتكون فرحان انك بتكسب زي ما هتكون راضي انك بتخسر
مفيش حاجة اسمها ربح دائم (الربا)
لازم الفلوس تشتغل وتتعب وترفع وتنزل علشان تكون حلال
اقترح عليك بعض الاقتراحات
1- محل كبير ومعمل تصنيع البان وذبادي ومنتجاتهما وانت المدير والناس كل يوم صيف وشتا بتشرب لبن وبتاكل ذبادي واتفرج علي شهر رمضان هتبقي برنس بس لازم صنايعية يتقوا ربنا ومزرعة دائمة بتجيبلك اللبن

[WHATZUP]

هو سيادتك شغال حاليا في اي مجال لان ده مهم جدا في تحديد ما هو قادم
تحياتي

فعلا كلامك صحيح تماما... انت تقصد ان المشروع القادم يكون بتوسيع المشروع الحالي.. او بعمل مشروع متفرع منه في نفس المجال علي اعتبار ان مجال عملنا هو اكثر شيء نفهم فيه.. عامة انا اعمل في المجال الطبي... واعرف كيف يمكن ان استثمر في نفس المجال .. وبالفعل انا مستثمر جزء في نفس المجال .. ولكن المشكلة في الوقت ... وانت تعلم ... ان لم تشرف مباشرة علي المشروع فان القائمين علية سوف يسرقونك غالبا...ولن تحصل علي العائد الذي يجب ان تحصل عليه

[Bassem Youssef]

انا عندي افكار بس كلها خارج مصر

يعني مثلا

1) ممكن تشتري اراضي زراعيه في جورجيا ... سعر الفدان هناك ارخص من مصر بكتير ... عم صديق ليا شاري ارض رزاعيه هناك و متفق مع مهندس زراعي جورجي و بسم الله ما شاء الله المكسب ممتاز

2) بناء عقارات في جورجيا ايضا ... انا معرفش تفاصيله ايه بس غالبا هتحتاج شريك او اتنين و مكاسبه افضل من مصر بمراحل

3) شراء مزرعه في البرازيل ... الاسعار ارخص من مصر و المكاسب ممتازه بس مش معايا تفاصيل بالظبط

ممكن حضرتك تروح سفارات الدول دي و تتأكد من اقتراحاتي

لو عايز تستثمر المبلغ ده هنا يبقي ممكن تعمل الاتي

1) تشتري حته ارض و تبني كومبوند سكني و تبدأ تبيع شقق و محلات ... التمويل العقاري من البنوك موجود

2) لا اقترح فتح اي مشروع في اي مكان لان الحاله الاقتصاديه سيئه و علي كف عفريت

[samyyousef]

اعتقد ان افضل استثمار بمخاطر محدودة هو ان تشارك بحصة في مشروع قائم و ناجح

[zorg]

اكتر موضوعين بيتكرروا فى المنتديات
استثمر فلوسى فى ايه
واهاجر لفين او ازاى
ودايما اصحاب الاسئلة بيلاقوا نفسهم مخرجوش باجابة شافية مش عارف ليه

[WHATZUP]

اكتر موضوعين بيتكرروا فى المنتديات
استثمر فلوسى فى ايه
واهاجر لفين او ازاى
ودايما اصحاب الاسئلة بيلاقوا نفسهم مخرجوش باجابة شافية مش عارف ليه

عندك حق..بالنسبة للاستثمار في مصر .. يبدو انه فاشل لان النظام الاقتصادي والقوانين والرشاوي والروتين الحكومي وظروف عدم الاستقرار الأمني... تجعل وضع الأموال في البنوك هي الاختيار الأمثل وهذا ما يجعل هذا البلد لا يتقدم... الناس معاها فلوس وتفضل البنك عن الاستثمار ..وهذا خطأ في الاقتصاد يتحمل ذنبه الحكومات المتتالية ..

[Secret-Man]

انا داخل بس اقولك حرام عليك تستثمر فى سوق مصر حاجه حاليا وانت حر طبعا ديه حاجه ترجعلك

وسع تفكيرك شويه وحاول تخرج بره صندوق مصر بس برضه انت مشكلتك فى المتابعه والوقت

[amr011111]

فيه كذا مشروع
1- افتتاح مستشفى نساء وتوليد حتى لة تأجر عماره من بابها وبعد كده تخدها تمليك وطبعاً تصرفعلى تشطيبها بمستوى عالى وده مشروع مربح جدا

2- لو عاوز تستثمر فى العقارات يبقى الافضل تشارك فى بناء عماره بس ديه فيها نسبة مخاطره علشان صعب تلاقى شريك تثق فيه بسهوله خاصة ان العماره هتكون فى القاهرة او الجيزة وهتحتاج متابعه مستمره منك وده هيبقى صعب علشان انت مش فاضى

فيه مشاريع كتير بس عشان انت مش متفرغ هتبقى نسبة المخاطره فيها عاليه

الاستثمار في العقار علشان تكسب كويس يبقى ارض وتبنى انما شراء الشقق مش هيدورلك الفلوس زى البنك

احسن مشروع هوه مشروع المستشفى

لو الاراضى رخيصة عندك يبقى برضه مدرسة خاصه وهتجيب مكسبها فى أول سنه

[adel1212]

فعلا كلامك صحيح تماما... انت تقصد ان المشروع القادم يكون بتوسيع المشروع الحالي.. او بعمل مشروع متفرع منه في نفس المجال علي اعتبار ان مجال عملنا هو اكثر شيء نفهم فيه.. عامة انا اعمل في المجال الطبي... واعرف كيف يمكن ان استثمر في نفس المجال .. وبالفعل انا مستثمر جزء في نفس المجال .. ولكن المشكلة في الوقت ... وانت تعلم ... ان لم تشرف مباشرة علي المشروع فان القائمين علية سوف يسرقونك غالبا...ولن تحصل علي العائد الذي يجب ان تحصل عليه

جميل جدا ان فكرتي وصلت لسيادتك
طيب سؤال رفيع حضرتك طبيب ولا ادارة طبيبة يعنى بتتعامل مع الناس كتير و لا مع الورق اكتر وبعيد عن السوق يعنى من ضمن ملاكاتك و خبراتك اية