الراجل مات ... وأحنا بنتفرج عليه

[badblood]

لا حول ولا قوة الا بالله

[D . a .\ AYMAN]

فيه حاجة غلط وبلاش نظلم نفسنا , المسئولية متشعبة جدا تطول الناس والقوانين والظروف الاجتماعية والاقتصادية وحتى المتوفى نفسه الله يرحمه يمكن يكون مسئول

أنا ماليش دعوة بالبلد وظروفها ولا القوانين العقيمة
أنا بتكلم عن مسئولية كل فرد على حده ومسئولية الجماعة أمام أنفسهم وأمام الله

يعنى الناس خايفة من المسئولية فى الدنيا ومش خايفة من المسئولية فى الآخرة


بتهيئلى لو حد فكر فى كدة نظرته للموقف هتختلف


Mrs.NYSMA

[gade2]

اى واحد مكن يحصلو كده انا مره كت فى العتبه فى محطه الاتوبيس وكانت الساعه 9 بليل وواحدكان مستنى اتوبيس وفجأه اترمى على الدكه والناس تيحى وتبص وتمشى بس الراجل كان نبضه شغال وانا مكنش معايا موبايل فضلت احاول اعمله اسعافات اوليه بسيطه على قد معرفتى علشان يفوق بس مفقش وفى الاخر فى حد اتصل بالاسعاف ومشيت وانا لا اعرف مصيره ولربما مصير احد منا

[Mohd_Adel_Amin]

الموضوع صعب جدا و محير في الحقيقة ..
بس لأني ممرتش بموقف زي كده مش قادر اتخيل هتصرف ازاي ساعتها هل العاطفة والإنسانية هتغلب علي و اروح اساعد وتيجي زي ما تيجي والا العقل هو اللي هيغلب ؟؟؟
انا فعلا محتار .. ربنا يبعد عنا البلاء

[waled369]

لا تعليق ( مش عارف اكتب اقول ايه )
بجد حاجة تقطع القلب
انا لله و انا اليه راجعون ربنا يرحمه

[ahmedgoldberg]

مفيش كلام يتقال الا الله يرحمه ويحسن اليه

اعتقد لو حصلت ادامى حادثه معتقدش انى هحاول احركه خشيه انه يكون اصابه كسر ما

ممكن لو بنقله يجيله كسر ويموت فى ايدى وساعتها مش هسامح نفسى لغايه ما اموت

افضل حل الاتصال بالاسعاف وما باليد حيله

[Samir Elshahawy]

بمناسبة هذا الحادث و غيره من حوادث الطرق اللي اصبحت يومية تدور الان في ذهني عدة اسئلة :
- لماذا يضع الاطباء الهلال علي سياراتهم ؟؟
- اليس من المفترض عندما يري الطبيب الذي يقود سيارته بالطريق و يري مثل هذا الحادث ان يتوقف لمساعدة المصاب ؟؟
- هل من المعقول ان من بين عشرات السيارات او المارة او قاطني المنازل القريبة لا يوجد طبيب واحد او حتي طالب بكلية الطب يستطيع ان يقدم المساعدة الطبية الاولية حتي تصل الاسعاف ؟؟
مجرد اسئلة تحتاج الي اجابة و ليتها تاتي من اطباء ضمائرهم مازالت حية

[محمد جلال]

للاسف اتعودنا على الخوف حتى لو من غير سبب ومكنش حيحصل حاجة لان العربية اتقلبت ومحدش خبطه النخوة موجودة فينا لكن الواقع بيحكمنا انا لو كنت موجود كنت هساعد لانى دقت من نفس الكأس عربيتى اتقلبت بيا وربنا ستر وفى لحظات لقيت بدل الواحد 20 طلوعونى واطمنو عليا وعدلولى العربية وكانو عايزين يودونى المستشفى بس انا كنت كويس وما اصبتش بخدش واحد والفضل للمولى عز وجل بس فى ملحوظة لازم ناخد بالنا منها من الناحية الطبية محدش يقدر يحرك المصاب لحسن يكون فى حاجة مكسورة فيه عموماً ( انا لله وانا اليه راجعون و لا حول ولا قوة الا بالله)

[brown-eyes]

لا حول ولا قوة الا بالله
انا لله وانا اليه راجعون

[Hany A Fattah]

انا لله وانا اليه راجعون

اللهم استرنا فوق الارض وتحت الارض ويوم العرض عليك ياستار ياكريم

[beautiful0mind]

تقول اية بقى على شاب زميلى عمل حدثة بسيارتة وتوفى بداخلها على الطريق الدائرى قبل المريوطية وكل ما فعله المواطنين انهم نزله من العربية وغطه بالجرايد وسبه فالشارع ولعربيات بتمر جنبه وهو ينزف فى دمائة والدماء يملئ الارض وبعد ما لا يقل عن ربع ساعة يأتى زملائى بسيارتهم وهم لا يعلمون ما حدث لزملنا ففيجده سيارتة تقف بجانب الطريق فيقتربة للتأكد أنها هى السيارة ام لا ثم يتأكدة ويقفة خلفها وهم يرقدون وينظرون بداخلها فيصرخ احد اصدقائى عندما وجد زميلى ملقى على الارض ومغطى بالجرائد والدماء تملاء احذية اصدقائى ................

ملاحظة السيارة كانت محطمة من الامام فقط وعندما تراها من الخلف تشعر ان الحادث بسيط ولكن .............النتيجة وفاه زميلى امام مرى وبصر الجميع والجميع ابتعد

وسؤالى لو كان فعلا صديق لك او اخ او احد أقاربك هل سوف تهرب وتتركة يتنزف ولا عشان كام سؤال من الشرطة يخليك تهرب ....والحمد لله على كل شئ

[نور القمر]

والله يا نسمة ربنا مش بيظلم حد ابدا
واللي خايف يقدم اي مساعدة للمصاب علشان خايف من المسئولية ده انسان عديم الضمير
حتى لو لقيت نفسك هتتجرجر على الاقسام.. وايه يعني !!!
كفاية الثواب اللي هتاخده من مساعدتك وياسلام لو كنت سبب في انه نطق بالشهادة
تخيل ثوابك عند ربنا هيكون اد ايه
انا اقسم بالله العظيم لو اتحطيت في الموقف ده مش هتأخر ثانية على مساعدته
ربنا يرحمه ويغفر له ويعفو عنه ويردنا اليه اجمعين مرداً غير مخز ولافاضح ويحسن خواتيم اعمالنا
اللهم امين