وصلت 32 سنة

[hitman235]

الواحد بس بيبقي صعبان علية نفسة
يعني انة دخل البيت من بابة والبنت واهلها بيتلككوا علي كلام فارغ علشا يبوظوا الدنيا
وهية تروح تاخد حد تاني وعادي جدا مفيش اي حاجة
وانا مش عارف احب حد تاني بسبب اني مس قادر اشيلها من دماغي

الموقف ده حصل معايا مرتين فى سنه واحده خلانى اشك ان ربنا موجود

وقت ما انت معاهم قرف و مشاكل و تأجيلات و خناقات ماديه ووقت ما الخطوبة تتفشكل تلاقيهم لقو حد تانى فى شهر و الخطوبة و الدخله فى شهرين ...................يعنى على مدار السنه اخطب اتنين (و انا مسافر كمان يعن الموضوع صعب تاخد اجازه و زفت و قرف و مصاريف و غير انه صعب انك تلاقى حد يناسبك اساسا لأنى بين الاتين دول شوفت بتاع 10..15 معجبونيش ....)وقت ما تلاقى واحده تعجبك و تكلف نفسك مصاريف مجرد ما تسافر تلاقيها طفشت و اتجوزت واحد تانى و على ما انت تنزل تانى مكون تكون خلفت كمان ....

[tkamal]

بس يابرنس لو هتتجوز جواز صالونات دى شوبه نصائح
الفكرة الاساسيه فى جواز الصالونات هى تلاقى المصالح المشتركه بين الطرفين لتحقيق حياه سعيدة وبالتالى يجب انت تعترف ان يوجد مصلحه تحتاج الى تحديدها بالضبط لنجاح التجربه
ابعد عن الاتى
1- اوعى تتجوز مجامله او كسوف او تقول ادبست غير مسموح بذلك ابدا
2- اوعى تتجوز واحدة امها هى الراجل فى البيت هيطلع عينك فى كل كبيره وصغيرة ومش هتعرف تتفاهم
3- اوعى تتجوز فى بيت عيله
4- اوعى تتجوز وتسافر او تسيب مراتك لاى سبب من الاسباب فى اول 3 سنوات
5- اوعى تتكلم عن امورك الماديه بكل سهوله الا بعد فترة من الجواز مش الخطوبه ولو متكلمتش يكون احسن
6-لازم تاخد موافقه امك فى الجواز عشان مطلعش عينك
7- اوعى تتجوز واحدة صحتها تعبانه او شكلها مش حلو بالنسبه لمواصفات الجمال الخاصه بيك
خلى بالك هى شريكه بالنص فى شكل وصحه اطفالك
8- اوعى تتجوز واحدة متعرفش انجليزى هيطلع عينك فى تربيه عيالك والمدارس
9-اوعى تتجوز واحدة بخيله ايوه فى ستات كتير بخيله مش الرجاله بس وبتستخسر حتى تجيب هديه للزوج من منطلق مش انت الراجل الى يصرف علينا
10- متتجوز واحده هدفها واحلامها فى الحياه ظل راجل ولا ظل حيطه (شخصيات كئيبه وممله وبعد الجواز والخلفه بيحصل تحول الى كائن فضائى عايش بدون هدف او حلم لنفسه او لغيره )

[hitman235]

بس يابرنس لو هتتجوز جواز صالونات دى شوبه نصائح
الفكرة الاساسيه فى جواز الصالونات هى تلاقى المصالح المشتركه بين الطرفين لتحقيق حياه سعيدة وبالتالى يجب انت تعترف ان يوجد مصلحه تحتاج الى تحديدها بالضبط لنجاح التجربه
ابعد عن الاتى
1- اوعى تتجوز مجامله او كسوف او تقول ادبست غير مسموح بذلك ابدا
2- اوعى تتجوز واحدة امها هى الراجل فى البيت هيطلع عينك فى كل كبيره وصغيرة ومش هتعرف تتفاهم
3- اوعى تتجوز فى بيت عيله
4- اوعى تتجوز وتسافر او تسيب مراتك لاى سبب من الاسباب فى اول 3 سنوات
5- اوعى تتكلم عن امورك الماديه بكل سهوله الا بعد فترة من الجواز مش الخطوبه ولو متكلمتش يكون احسن
6-لازم تاخد موافقه امك فى الجواز عشان مطلعش عينك
7- اوعى تتجوز واحدة صحتها تعبانه او شكلها مش حلو بالنسبه لمواصفات الجمال الخاصه بيك
خلى بالك هى شريكه بالنص فى شكل وصحه اطفالك
8- اوعى تتجوز واحدة متعرفش انجليزى هيطلع عينك فى تربيه عيالك والمدارس
9-اوعى تتجوز واحدة بخيله ايوه فى ستات كتير بخيله مش الرجاله بس وبتستخسر حتى تجيب هديه للزوج من منطلق مش انت الراجل الى يصرف علينا
10- متتجوز واحده هدفها واحلامها فى الحياه ظل راجل ولا ظل حيطه (شخصيات كئيبه وممله وبعد الجواز والخلفه بيحصل تحول الى كائن فضائى عايش بدون هدف او حلم لنفسه او لغيره )

كلامك 100% صح
بس اغلب البيوت البنت بتسمع كلام امها فى الحاله دى قدامك وضعين يا تكون الام هايفه و عقلها فاضى و تسخن بنتها عليك او تكون عاقله و رزينه و فى الحاله التانيه بتكون غالبا هى المسيطره فى البيت و الاب مجرد كيس جوافه ....و فى كل الحالات فى اى عيله بيبقى فيه انثى مسيطره او قوية الشخصيه دى الى بتحرك المسائل يا تكون امها يا تكون اختها الكبيره يا حد من قرايب البنت المهم لو مكسبتش الاثنى دى فى صفك غالبا الامور بتتفشكل ....
ثانيا تعمل ايه لو اطراف تانيه فى العيله خشرت مناخيرها لأن انا حبيت انفض و اكبر دماغى لقيت كل من هب و دب بقى يتكلم و يقول اعمل كذا و ما تعملش كذا ............ حبيت اقفش و احط حدود لقيت الناس طفشت يعنى واحده ابوها عايش و زى الحصان مش اخرس ولا معوق زهنيا ... هل المفروض وقت الاتفاقات اتفق مع عمها مش ابوها ؟ او اتفق مع جوز خالتها؟ ......... او مع جوز جارتهم هههه....

[tkamal]

نيجى بقى للحاجات الى تبحث عنه بردة فى جوازات الصالونات

1- البنت لوحدها مش كفايه العائله هتفيدك فى المستقبل مع تقلبات الحياه وصعبتها مش لازم دعم مادى
الدعم المعنوى من عائله زوجتك هيخليك فارس محارب لمشاكل الحياه
2- لو بتعرف تسوق سيارة او تتكلم لغات وحفظ القران هتسهل عليك انت واطفاللك الحياه (ممكن تقرا روشته الدواء على الاقل)
3- عمل المراه او جلوسها فى البيت شى نسبى لكل راجل ولكنى افضل الجلوس فى البيت الا فى مهن معينه مثل
الطب التعليم والموسسات الخدميه غير هادفه للربح
4- الثقافه وحب الطبيعه والجمال اشياء انقرضتك فى الانثى المصريه بس حاول تدور على واحدة تحب الجمال
5- لازم يكون هناك فرق فى السن لصالحك

دة لو جواز صالونات

لو جواز عن حب و علاقه عاطفيه انسى كل الى فات لان مرايه الحب عمياء وربنا يوفئك للخير

[tkamal]

كلامك 100% صح
بس اغلب البيوت البنت بتسمع كلام امها فى الحاله دى قدامك وضعين يا تكون الام هايفه و عقلها فاضى و تسخن بنتها عليك او تكون عاقله و رزينه و فى الحاله التانيه بتكون غالبا هى المسيطره فى البيت و الاب مجرد كيس جوافه....

ابعد تماما عن كيس الجوافه المشاكل مع الستات لا تحل ابدا خاصه لو شخصيه قويه هدفها دايما انها تثبت قوتها على كل راجل تقابله فى حياته حتى لو على خراب بيت بنتها غير كدة مش متعودة ابدا على ان حد يقولها لا

[tkamal]

.
ثانيا تعمل ايه لو اطراف تانيه فى العيله خشرت مناخيرها لأن انا حبيت انفض و اكبر دماغى لقيت كل من هب و دب بقى يتكلم و يقول اعمل كذا و ما تعملش كذا ............ حبيت اقفش و احط حدود لقيت الناس طفشت يعنى واحده ابوها عايش و زى الحصان مش اخرس ولا معوق زهنيا ... هل المفروض وقت الاتفاقات اتفق مع عمها مش ابوها ؟ او اتفق مع جوز خالتها؟ ......... او مع جوز جارتهم هههه....

سهل قوى اعمل عبيط ومتحضرش ولا اتفاق على الحاجات دى خالص وابعت مندوب سامى عندك
ابوك اخوك عمك ابن الجيران حتى واتفق معاه على اعلى سق ممكن توصل ليه
يعنى معامله بالمثل هتفقع كل الناس ولو طلبوا حضورك اشترطت ان انت وابو وام العروسه وخلاص

[Macaronaa]

أولا انت ليه محسسنى ان عندك يجى 132 سنه مش 32 سنه بس؟!!

ثانيا وايه يعنى تترفض انشاله من 500 ده مش معناه انك فيك حاجه غلط
لكن انه الاشخاص اللى بتحاول ترتبط بيهم مهماش الاشخاص المناسبين ليك

ورأييى ماتفكرش كتير ولا تعدل حاجه فشخصيتك الا الحاجات اللى بتزعجك انت شخصيا يعنى م الاخر لو حاجه مضايقاك فيك غيرها عشان نفسك مش عشان حد تانى

والموضوع كله نصيب و ممكن تعمل اللى مايتعملش وف الاخر يجى فى وقته اللى ربنا محدده برضه

والاجمل بقى من كل ده ان النصيب ده يجى مع حد يريحك يعنى تكون الشخصيه الى هترتبط بيها انت مرتاحلها وهى عاجبها شخصيتك على ما انت كده

وبكرر...على ما أنت بدون تعديل وتذويق

وعيش حياتك عادى خالص و ماتربطش حياتك بفكره الارتباط لان الاجمل الحاجات اللى بتحصل فجأه واحنا مش فى دماغنا اصلا انها تحصل

[Mohamed_1414]

أولا انت ليه محسسنى ان عندك يجى 132 سنه مش 32 سنه بس؟!!

ثانيا وايه يعنى تترفض انشاله من 500 ده مش معناه انك فيك حاجه غلط
لكن انه الاشخاص اللى بتحاول ترتبط بيهم مهماش الاشخاص المناسبين ليك

ورأييى ماتفكرش كتير ولا تعدل حاجه فشخصيتك الا الحاجات اللى بتزعجك انت شخصيا يعنى م الاخر لو حاجه مضايقاك فيك غيرها عشان نفسك مش عشان حد تانى

والموضوع كله نصيب و ممكن تعمل اللى مايتعملش وف الاخر يجى فى وقته اللى ربنا محدده برضه

والاجمل بقى من كل ده ان النصيب ده يجى مع حد يريحك يعنى تكون الشخصيه الى هترتبط بيها انت مرتاحلها وهى عاجبها شخصيتك على ما انت كده

وبكرر...على ما أنت بدون تعديل وتذويق

وعيش حياتك عادى خالص و ماتربطش حياتك بفكره الارتباط لان الاجمل الحاجات اللى بتحصل فجأه واحنا مش فى دماغنا اصلا انها تحصل

مهو علشان البنت دي جت وانا مكنش علي بالي موضوع الحواز علشان كدة اتعلقت بيها جدا

[Mahmoud_Lutfi]

حقولك نصيحة من متزوج .. 34 سنة

فكر بشكل عملي ( مش عاطفي ) عشان حتخسر كتير لو حبيت كل واحدة شوية و كدا كدا الحب هاييجي بالتدريج بعد ما تقتنع بيها و هي تقتنع بيك

اهلها على حسب شخصيتها .. يعني لو هي شارياك هتقدر تقنعهم ان انت الراجل الوحيد في نظرها .. و العكس صحيح

لو اتقدمت لواحدة و اترفضت .. ما تعقدش نفسك .. دور تاني و تالت و عاشر

اللي تتأمر عليك ارميها ورا ظهرك حتى لو كنت ميت في دباديبها عشان في الاول و الآخر كلمتك انت اللي لازم تكون مسموعة .. سواء في الخطوبة او بعد الجواز

البنات بيكرهوا 3 انواع من الرجالة

البخيل و الكداب و ابن امه

لو فيك اي طبع من دول حاول تسيطر عليه وتغيره للأحسن

الصراحة احسن حاجة .. قولها على كل ظروفك بدون تجميل او تزويق عشان يوم ما يحصل نصيب وتيجي تلومك على حاجة حط صباعك في عينيها و قولها انا ما ضربتكيش على ايدك .. انا شرحت لك كل حاجة بالتفصيل و انتي وافقتي

مرتبك قد ايه .؟ السؤال دا مش من حق حد يسأله لك .. لا ابوها ولا امها ولا حد من اخواتها ولا هي نفسها

بعد الجواز ممكن تعرفها لو تحب

اهم حاجة انك تكون حاسب كل امورك و عارف انك تقدر تعيشها منه كويس

و ربنا يوفقك للخير

[Bassem Youssef]

يا صاحب الموضوع

حضرتك زعلان من التجارب دي ؟

امال تقول ايه علي اللي دخل البيت من بابه و قالوله لازم شقه في برج جنب امها ؟؟؟

و تقول ايه علي اللي كان عايز يمضي العريس علي شيك علي بياض ؟؟؟

علي اساس ان العريس رايح يقسط بوتوجاز مش بيخطب بني ادمه من لحم و دم -_-

و تقول ايه علي اللي اتقاله لازم شبكه ب 50 الف عشان متبقاش اقل من بنت خالتها ؟؟؟

انا شوفت البلاوي دي بعيني ... انت في نعمه و الله

اللي بتتأمر هي و اهلها صدقني هتفضل قاعده في بيت ابوها طول عمرها

بسبب انها و اهلها طماعيين

شيل من دماغك و عيش حياتك

[Macaronaa]

مهو علشان البنت دي جت وانا مكنش علي بالي موضوع الحواز علشان كدة اتعلقت بيها جدا

المشاعر لو ماجتش من طرفين تبقى ممله ومالهاش معنى

تخيل كده نفسك حد بيحبك ومهتم بيك جدا (مثلا يعنى ) وانت مش فى بالك شوف منظره قدامك سخيف ازاى

فما تتعلقش بحد هو كمان مش متعلق بيك ،أنا عارفه ان الكلام النظرى سهل وان التعلق ده شىء صعب
بس عمره ماهيبقى صعب عليك لو أنت قررت ما تتعلقش بحد الا اللى يستاهلك ويظهرلك كل الاهتمام والمشاعر واى حاجه غير كده يبقى أنت بتضيع وقتك وبترهق مشاعرك على قصه ملهاش معنى الا فى خيالك أنت وبس ودى بقى هى قمه الألم

[Mohamed_1414]

المشاعر لو ماجتش من طرفين تبقى ممله ومالهاش معنى

تخيل كده نفسك حد بيحبك ومهتم بيك جدا (مثلا يعنى ) وانت مش فى بالك شوف منظره قدامك سخيف ازاى

فما تتعلقش بحد هو كمان مش متعلق بيك ،أنا عارفه ان الكلام النظرى سهل وان التعلق ده شىء صعب
بس عمره ماهيبقى صعب عليك لو أنت قررت ما تتعلقش بحد الا اللى يستاهلك ويظهرلك كل الاهتمام والمشاعر واى حاجه غير كده يبقى أنت بتضيع وقتك وبترهق مشاعرك على قصه ملهاش معنى الا فى خيالك أنت وبس ودى بقى هى قمه الألم

والله يافندم هو واضح ان المشاعر دي كانت من طرف واحد لاني حاسس ان شكلي فعلا كان سخيف

[Mohab.Nabil]

والله يافندم هو واضح ان المشاعر دي كانت من طرف واحد لاني حاسس ان شكلي فعلا كان سخيف

يبقى الصح انك تنسى اللى حصل كله

المشاعر ديه حاجة من عند ربنا ، ممكن تكون انسان ممتاز و مليان مميزات و عيوبك بسيطة بس هى محستش حاجة ناحيتك ، ده لا يقلل منك كشخص ابدا

[canner]

حكاية اللى انت زعلان علشان اترفضت فده بسبب ان مافيش حد تانى فى حياتك دلوقتى و انت عمال تفكر كتير و تقول زمانى بعمل و بعمل و نصيحة منى انسى التفكير خالص و اشغل نفسك بأى حاجة و خصوصا الاحلام الوردية دى و التفكير فى البنت اللى انت سبتها على انها ملاك من السما و اللى انت خسرت كتير و عمرك ما ح تلاقى زيها علشان كل ده اوهلام و اللى بيحصل فى الحقيقة حاجة تانية خالص و زى ما ربنا بيسر لك رزقك الجواز و البنت الصالحة دى كمان رزق مهما عملت فربنا كتبهولك فى زمان و فى مكان معينين فما متلومش نفسك علشان انت كنت مهما فعلت ماكنتش ح تتجوزها علشان ربنا مش كاتب كده و كفاية تعذب فى نفسك دلوقتى و تفكر فيها علشان مافيش فايدة

[Mohamed_1414]

حكاية اللى انت زعلان علشان اترفضت فده بسبب ان مافيش حد تانى فى حياتك دلوقتى و انت عمال تفكر كتير و تقول زمانى بعمل و بعمل و نصيحة منى انسى التفكير خالص و اشغل نفسك بأى حاجة و خصوصا الاحلام الوردية دى و التفكير فى البنت اللى انت سبتها على انها ملاك من السما و اللى انت خسرت كتير و عمرك ما ح تلاقى زيها علشان كل ده اوهلام و اللى بيحصل فى الحقيقة حاجة تانية خالص و زى ما ربنا بيسر لك رزقك الجواز و البنت الصالحة دى كمان رزق مهما عملت فربنا كتبهولك فى زمان و فى مكان معينين فما متلومش نفسك علشان انت كنت مهما فعلت ماكنتش ح تتجوزها علشان ربنا مش كاتب كده و كفاية تعذب فى نفسك دلوقتى و تفكر فيها علشان مافيش فايدة

المشكلة حاجة بسيطة خالص
هية معايا في نفس الشغل وكل يوم بشوفها