الانتقال الدائم الى الغردقة

[ali ashraf]

الصيف الجو نار

مشكلة الغرقة الكهرباء باااايظة
والمياة كمان لازم مياة معدنية
وفي الصيف الجو نااااار

موضوع الكهرباء مشكلة فى الصيف علشان الحر الشديد بس نأمل خير الصيف السنة القادمة تكن الكهرباء أحسن موضوع الماء مفيش مشكلة و شكرا لرأيكم الكريم

[aymanmahmoud]

أهلا بيك د/علي تشرف في أي وقت واتمني أقدر أساعدك
ارسلت لحضرتك على الايميل
تحياتي
م/ أيمن

[misry]

طيب وتخصص الاسنان , كتير هناك وللا فيه فرصة ...؟

[ali ashraf]

تقرير مفصل

طيب وتخصص الاسنان , كتير هناك وللا فيه فرصة ...؟

أوعد حضرتك و السادة الأفاضل أهل المنتدى انى هكتب تقرير مفصل بقدر الامكان عن مدينة الغردقة من حيث لمكانية الاقامة و العمل و الخدمات و مشاكل الماء و الكهرباء و هسأل ان شاء الله عن فرص تخصص الاسنان و لو انى متأكد من الأحتياج له فى كل مكان

[misry]

أوعد حضرتك و السادة الأفاضل أهل المنتدى انى هكتب تقرير مفصل بقدر الامكان عن مدينة الغردقة من حيث لمكانية الاقامة و العمل و الخدمات و مشاكل الماء و الكهرباء و هسأل ان شاء الله عن فرص تخصص الاسنان و لو انى متأكد من الأحتياج له فى كل مكان

تسلم يا دكتور علي ... منتظر تقريرك

[speed_magnum]

والله فكرة روعه
بفكر اخد تكليفي هناك

[drcobra]

السلام عليكم بأختصار اصبحت غير قادر على المعيشة بالقاهرة , السواقة اصبحت نوع من العذاب , التعامل مع البشر صعب جدا الناس زعلانة و عصبية جدا, التنافس على كل شئ على شراء شئ , على قضاء مصلحة فى المرور او الكهرباء الخ, صعوبة الالتزام بالمواعيد للزحام الشديد, بفكر جديا فى الانتقال الى مدينة ساحلية اكثر هدوءا و انقى جوا و اقل صخبا و اقل ازدحاما ....ظروف عملى تسمح لى بالانتقال بفكر فى الغردقة طبعا عايز اسمع رايكم الكريم فى الموضوع ده و ياريت الجماعة اللى فى المنتدى من الغردقه يدلوا برايهم الكريم ارجوكم لا تبخلوا على بالرأى

انا عملت اللى انتبتفكر فية من زمان من سنة 2005 وانا فى البحر الاحمر
طبيعة المكان اللى اتربيت فية وهى محافظة الغربية خلتنى اكرة القاهرة وبعد مل خلصت الكلية اخترت مدينة ساحلية من 3 وكانوا اما الاسكندرية او شرم الشيخ او الغردقة

والحمد لله هى جت من عند ربنا الغردقة

طبعا بدأت حياتى فى الغردقة لكن سبحان الله خلصت سنة الامتياز فى الغردقة وقلت هكمل فيها جالى تكليف مستشفى حكومى فى القصير ودى مدينة بعد الغردقة 140 كيلو رحت القصير 2006 ما استحملتش بلغت مرضى واجازات ورجعت القاهرة حتى 2009 وبعدين قلت اما اروح اهدة اعصابى شهر ولا اتنين بعسد عن الزحمة رحت خاطب فى نصف 2009 ومتجوز فى 11 /2009 وفاتح عيادة فى 2010 واستقريت هنا فى القصير

الخلاصة القاهرة عذاب
ابعد عن القاهرة ترتاح نفسيا
العيب الوحيد هو لو محتاج دورات كورسات امتحانات هيبقى المشوار بعيد

نصيحتى لو انت تمام فى شغلك ومش هتحتاج دراسات تانية اخلع قلا مايجيلك الهسهس هههههه

وربنا يوفق للى فية الخير

[ahmedsmg]

أسأل عن مدينة دمياط الجديدة... أكثر من رائعة.. تخطيط وخدمات وموقع وفسح ونوادى و على شاطئ البحر المتوسط اختيار ممتاز للغاية

[عصير قصب]

تفكير ممتاز
توكل على الله
اى مدينة ساحليه هاديه بعيد عن الخنقة والزحمة
احنا فى القاهره فى مورستان