تحذير من منتجات تورنادو - انتاج العربى

[mmtronic]

الاخوه الأفاضل

قولت احذركم من منتجات تورنادو ( العربى )

انا شارى منها ٢ تلفزيون و بوتاجاز بليت ان و فرن بلت ان على سمعه تو شيبا العربى و على انهم أحسن خدمه عملاء

للأسف زى كل حاجه دلوقتى

الفرن اول ما ركبته اتضح انه بيطفى لو ظابط الحرارة اقل من ٢٠٠ درجه

غيرت الفونيه الى فونيه الغاز الطبيعى لكن للأسف

قولت اتصل بخدمه العملاء - العربى جروب ليه سمعه برضه و حيجو يشوفو فيه ايه

٣ اسابيع دلوقتى

٤ شكاوى

كلمونى اربع مرات على مدار أسبوعين و كل مره يسألونى " هوه الفنى جه لحضرتك ؟ " ههههههههههه كوميديا مش كده

ان يوم الأحد حقدم شكوى بالفواتير الى حمايه المستهلك

كنت أتمنى ان الشركه دى تفضل محترمة - لكن المصريين مينفعش يعملو حاجه عدله و يستمرو لازم يوكسوها

[Ayoob]

اعمل شكوى في حماية المستهلك
انا بتوع ساسونج طلعوا عيني علشان في صدا في ثلاجة جديدة مع انها صناعة كوري وبعد شكوى في حماية المستهلك جم اخذوها وجابولي واحدة جديدة بدلها

[Imhotep]

لا حول و لا قوة الا بالله
مافيش حد بيفضل محترم على طول فى موضوع خدمة العملاء ده ابدا

[mk3]

البراند ملوش دعوة..دى مشكلة مصر كلها

[zohne]

الاخوه الأفاضل

قولت احزركم من منتجات تورنادو ( العربى )

انا شارى منها ٢ تلفزيون و بوتاجاز بليت ان و فرن بلت ان على سمعه تو شيبا العربى و على انهم أحسن خدمه عملاء

للأسف زى كل حاجه دلوقتى

الفرن اول ما ركبته اتضح انه بيطفى لو ظابط الحرارة اقل من ٢٠٠ درجه

غيرت الفونيه الى فونيه الغاز الطبيعى لكن للأسف

قولت اتصل بخدمه العملاء - العربى جروب ليه سمعه برضه و حيجو يشوفو فيه ايه

٣ اسابيع دلوقتى

٤ شكاوى

كلمونى اربع مرات على مدار أسبوعين و كل مره يسألونى " هوه الفنى جه لحضرتك ؟ " ههههههههههه كوميديا مش كده

ان يوم الأحد حقدم شكوى بالفواتير الى حمايه المستهلك

كنت أتمنى ان الشركه دى تفضل محترمة - لكن المصريين مينفعش يعملو حاجه عدله و يستمرو لازم يوكسوها

[speed_magnum]

الواحد بيشتري حاجه جديده ونضيفه علشان يريح باله
بقى بيتحرق دمه اكتر واكتر

[mmtronic]

البراند ملوش دعوة..دى مشكلة مصر كلها

البراند لو ملوش توكيل محترم يبقى قيلته احسن لانك مش كل ما يحصله حاجه حترميه و تجيب غيرة

الا بقى كل ما يحصلو حاجه تجرى على حمايه المستهلك

و بعدين فرن بيلت ان جديد يبقى معيوب ؟ يبقى لازم نحزر الناس و لا ايه

[mk3]

البراند لو ملوش توكيل محترم يبقى قيلته احسن لانك مش كل ما يحصله حاجه حترميه و تجيب غيرة

الا بقى كل ما يحصلو حاجه تجرى على حمايه المستهلك

و بعدين فرن بيلت ان جديد يبقى معيوب ؟ يبقى لازم نحزر الناس و لا ايه

حقك عليا..مفيش توكيلات فى مصر

[ehabouf]

أولاً تورنادو مش براند اصلاً (ماهوش علاقة بتوشيبا)
ثانياً طول عمري مابحبش العربي لأنه حرامي وحاوضح ازاي
لو السلعة المفروض يكون سعرها 1000 جنيه وفي خلال 5 سنوات احتمالية الفساد تحتاج صيانة ب 200 جنيه
يتم بيعها ب 1300 جنيه وعليها ضمان محترم 5 سنوات (طبعاً ماهو واخد اكتر من تمن الصيانة وقطع الغيار منك مقدماً)
ما بالك انه حالياً بدأ يتهرب من الضمان يبقى حرامي والا شيخ منصر؟؟؟؟؟

[mmtronic]

أولاً تورنادو مش براند اصلاً (ماهوش علاقة بتوشيبا)
ثانياً طول عمري مابحبش العربي لأنه حرامي وحاوضح ازاي
لو السلعة المفروض يكون سعرها 1000 جنيه وفي خلال 5 سنوات احتمالية الفساد تحتاج صيانة ب 200 جنيه
يتم بيعها ب 1300 جنيه وعليها ضمان محترم 5 سنوات (طبعاً ماهو واخد اكتر من تمن الصيانة وقطع الغيار منك مقدماً)
ما بالك انه حالياً بدأ يتهرب من الضمان يبقى حرامي والا شيخ منصر؟؟؟؟؟

و الله انا حزين ان الخدمه بقت كدة

انا جايب الماركه اللى ملهاش معالم دى على حس الخدمه و سعرها ارخض بكتير

كان قدامى الزانوسى زى الفل و اوسع بس انا الى استغبيت و السعر شدنى

لكن زى ما انت قولت - التوشيبا و الشارب علشان غالى وواخد تمن الخدمه مقدم بيغطيه لكن الرخيص زى التورنادو بيسيب الى يشتريه يهاتى

اهه هوة الخسران على المدى الطويل مش انا

انا كنت ناوى انزل اشترى تلفزيون 40 بوصه من نفس الماركه لكن بعد الى شوفته و الله ما حيحصل

و انشاء الله حاخد حقى لانى مش حسيبهم

[mrghost]

لسة جايب سخان تورنادو غاز واتضح انه made in china طبعا اتصدمت

[Dr_Smart]

اعتقد ان ده بسبب الضغط الشديد على الصيانه .. وده لا يعفيهم من المسؤولية

حضرتك اتصل بخدمة العملاء وهددهم انك هتتصل بحماية المستهلك تشتكيهم .. ان شاء الله تاني يوم هيبقو عندك

[mmtronic]

اعتقد ان ده بسبب الضغط الشديد على الصيانه .. وده لا يعفيهم من المسؤولية

حضرتك اتصل بخدمة العملاء وهددهم انك هتتصل بحماية المستهلك تشتكيهم .. ان شاء الله تاني يوم هيبقو عندك

بكره انشاء الله حكلم حمايه المستهلك

[sohip]

انا مسامح فى كل الى فات الا ان
التلفزون مش بيشغل ترجمه عربى
صحابى هيقتلونى

[نور القمر]

مفيش غير حماية المستهلك
العربي خلاص مبقاش فيها ميزة خدمة العملاء
كنت شارية تكييفين وواحد باظ على طول تعبوني شهر وفي الاخر مجاش حد غير لما لقوا الموضوع ماشي في سكة حماية المستهلك