تحذير من منتجات تورنادو - انتاج العربى

[mmtronic]

مفيش غير حماية المستهلك
العربي خلاص مبقاش فيها ميزة خدمة العملاء
كنت شارية تكييفين وواحد باظ على طول تعبوني شهر وفي الاخر مجاش حد غير لما لقوا الموضوع ماشي في سكة حماية المستهلك

انا للاسف جبت تكيف شباك شارب قولت اكيد بقى شارب العربى - طلع فيه عيوب ( صوت رنه لما الكمبريسور يفصل - جبتوهم يصلحوها - فك صاموله من قواعد الكمبريسور و سابوه بصاموله واحدة و بعدين العازل بقى يخبط فى المروحه ... ففكيته انا و عملته بنفسى ) ماساة - انا كنت فاكر حظى وقع فى تكيف فى مشاكل - قولت حاله فرديه

انا كنت ناوى اشترى مكيف 3 حصان للصاله و كنت ناوى على شارب بس بعد الى شوفته منهم و سمعته مؤخرا عن تدنى خدمتهم - حرمت

يبقى الغالى مالوش لازمه طالما وجع دماغ

بس لازم يتعلمو الدرس و الموضوع دة انا عامله علشان السمعه القديمة راحت خلاص فلازم الناس تعرف

[canner]

مرة جبت تلاجة و ماشتغلتش اتصلت بيهم كل شويه و اتصلت كمان بمدير الانتاج لحد ما جم و غيروها

[drcobra]

هو ده حال البلد دلوقتى

[hugan]

توشيبا انضربت خلاص
اصحاب العلامه في مصر اتبعوا نفس الفكر العقيم لاءي منتج مصري جيد
انزل بخامه ممتازه تسمع في السوق
وبعد كده انزل بالمضروب علي حس المنتج القديم
كله كده
عمرنا ماهانتقدم ولا نعمل حاجه نضيفه

[mmtronic]

توشيبا انضربت خلاص
اصحاب العلامه في مصر اتبعوا نفس الفكر العقيم لاءي منتج مصري جيد
انزل بخامه ممتازه تسمع في السوق
وبعد كده انزل بالمضروب علي حس المنتج القديم
كله كده
عمرنا ماهانتقدم ولا نعمل حاجه نضيفه

كلامك صح - انا كل ما اجى افكر اشترى اى جهاز فى البيت كان اسم توشيبا و شارب اول شىء افكر فيهم

بس خلاص - ما عادشى

و دورنا الايجابى ان احنا منسكتش - الموضوع 800 مشاهدة لحد دلوقتى

شوف بقى الـ 800 دول حيبلغوا غيرهم قد ايه

و هو المطلوب

[ehabouf]

انا رايي المتواضع: إشتري الصيني الرخيص ولما يبوظ ماتصلحش الا اذا حاجة بسيطة - إرمي واشتري جديد ارخصلك من لما تشتري براند وتجري ورا صيانة بتتكلف زي الجديد (الصيني)
بس في شرط مهم انك تكون مشتري بفاتورة بجد مش الهبل بتاع شارع عبد العزيز علشان لو في حاجة في فترة الضمان تقدر ترجع لحقوق المستهلك

[mmtronic]

انا رايي المتواضع: إشتري الصيني الرخيص ولما يبوظ ماتصلحش الا اذا حاجة بسيطة - إرمي واشتري جديد ارخصلك من لما تشتري براند وتجري ورا صيانة بتتكلف زي الجديد (الصيني)
بس في شرط مهم انك تكون مشتري بفاتورة بجد مش الهبل بتاع شارع عبد العزيز علشان لو في حاجة في فترة الضمان تقدر ترجع لحقوق المستهلك

و ده الى انا قررته فعلا

انا عايز تليفزيون 40 بوصه - كنت ..... دا كنت حجيبه تورنادو بس لما حصل الى حصل لقيت فيه حجات ارخص من ا الوكيل الهباب ده و انا مكنتش واخد بالى

لقيت حاجه اسمها بلورويد ارخص ب 500 جنيه يعنى تمنه 2200 جنيه بدل 2700 للاخ تورنادو و اهو ياخد عمرة و لما يضرب على الزاله عدل بدل المناهده و القرف

[mmtronic]

تم تقديم شكوى فى حمايه المستهلك

و سنوافيكم بالاخبار