إعـــــــلان

Collapse

.

,
See more
See less

البترول قاعد ينزل لتحت تحت تحت

Collapse
X
 
  • Filter
  • الوقت
  • Show
Clear All
new posts

  • #31
    المشاركة الأصلية كتبت بواسطة ahmed_eng2001 مشاهدة المشاركة
    يا ريت تيجى على عدم التخطيط فقط ... مفيش عدم تخطيط متعمد بالشكل ده و طول الفترة دى ...

    الامر لا يخلو من فساد مالى كبير فى مختلف القطاعات
    ده صحيح لان جهاز الدولة الادارى كله عاوز النسف لانه كله واخد شغلانته الحكومية وسيلة للتربح الحرام... زى ما من فترة اتسربت تصريحات من شركة مرسيدس العالمية أنها لم تستطيع تمشية بعض إجراءاتها فى مصر الا عن طريق رشوة مسئول مصري كبير... طبعا هاجت الدنيا و ماجت لكن نزلت على مفيش و لم يتم الكشف عن المسئول ده و لا حسابه و نام الموضوع

    Comment


    • #32
      ماهر باشا دائما منكم نستفيد
      مصر يجب أن تكون كالاسفنجة ,تبقى طافية دون أن تغرق ,حجمها كبير ولكن لا وزن لها-معادله كيسنجر

      Comment


      • #33
        بفرض انخفاض البترول لنصف قيمته 50% ,
        دعم المحروقات على ما اذكر 90 مليار, نفترض انخفاض 45 مليار
        الانخفاض هيصب في عجز الموازنة, طبعا في النهاية عجز الموزانه 6 اضعاف الرقم دا يعني اقصى طموحاتنا ان الحكومة تطلع و تقول خفضنا عجز الموازنة ويضحكوا على الناس بانجاز وهمي

        لكن لاحظ ان انت دخل السياحة عندك حوالي 6 مليار دولار ( 40 - 50 مليار مصري )
        السياحة عندنا معتمدة بنسبة 75% سياحة روسية. و دول سحبوا 50% من حجوزاتهم في شرم الشيخ الاسبوع دا. و بالطبع وارد جدا الحجوزات تستمر في الانخفاض. و مفيش سياحة تحل محل السياحة الروسي طبعا لاننا في قاع التصنيفات بالنسبة للاماكن السياحية.

        دا جانب واحد فقط للازمة اللي حصلت, و اللي يبحث ورا كل مجال هيلاقي ان الانخفاض في أسعار البترول هيجي علينا بخسارة و يضيف لمتاعبنا. سواء لسوء الإدارة أو لأن حالتنا بالفعل اسوأ ما يمكن.
        فسوف يأتي الله بقوم يحبهم ويحبونه أذلة على المؤمنين أعزة على الكافرين يجاهدون في سبيل الله ولا يخافون لومة لائم ذلك فضل الله يؤتيه من يشاء والله واسع عليم. المائدة - 54

        Comment


        • #34
          المشاركة الأصلية كتبت بواسطة imhotep مشاهدة المشاركة
          ده صحيح لان جهاز الدولة الادارى كله عاوز النسف لانه كله واخد شغلانته الحكومية وسيلة للتربح الحرام... زى ما من فترة اتسربت تصريحات من شركة مرسيدس العالمية أنها لم تستطيع تمشية بعض إجراءاتها فى مصر الا عن طريق رشوة مسئول مصري كبير... طبعا هاجت الدنيا و ماجت لكن نزلت على مفيش و لم يتم الكشف عن المسئول ده و لا حسابه و نام الموضوع
          كلام حضرتك مظبوط جدا
          الموضوع اصبح مزمن ... بمعنى ان كل الناس اصبحت تتربح من المال الحرام ... و مش مهم يضر مين .. المهم انه يكسب فلوس زيادة ... و ساعد على هذا ... عدم محاسبة الاشخاص على الاخطاء المرتكبة صغيرة كانت او كبيرة
          موضوع مرسيدس كان فضيحة فعلا ...لأنه اتعرف .... فما بالك بالى متعرفش !!! كل مكان فى مصر مليئ بالفساد .. حتى الشركات الاجنبية .. النى يديرها اجانب و كمان التى يديرها مصريين .. موضوع الفساد ده عادى جدا
          الغريب فى الامر ... ان المراكز الرئيسية للشركات دى بتبقى عارفة كويس ايه الى بيحصل فى افرعها ... و بيطنشوا طالما الامور شغالة

          بالفعل .. الفساد .. اسلوب حياة
          تقبل تحياتى

          Comment


          • #35
            للأسف نتحدث كثيراً عن الفساد و كأنه لغز . .
            و كأننا لا نعرف من هم مُؤسسوه و راعوه و مُمارسوه . .

            و عجبى ياخلق هوه !!
            [SIZE=4][COLOR=DarkGreen][SIZE=5][SIZE=4][COLOR=Blue][B]ما بين ميلاد رسول الله موسى وهلاك فرعون عشرات السنين . . يُمهل ولا يُهمل !![/B][/COLOR][/SIZE]
            [/SIZE] [/COLOR][/SIZE]

            Comment


            • #36
              اللعب بين أمريكا وروسيا بيؤكد تماماً إن دول العالم الإسلامي عموماً من الهند للمغرب تحت أيديهم مقسمة كمناطق نفوذ
              مش لازم يكون محتلها بقواعد عسكرية
              الفرجن الجديد من الإحتلال متسطب بقاله ييجي 50 سنة
              من ساعة الإنسحاب التكتيكي لقوات المحتلين الأجانب من الأراضي الإسلامية من الهند شرقاً إلى المغرب غرباً

              الآن اللعب على المكشوف بإستخدام مناطق النفوذ
              وإستخدام مناطق النفوذ بناسها بخيراتها بقوتها بحكامها بكل حاجه فيها أمر مثير للسخرية
              وده اللي بتقولوا عليه في كلامكم إننا وقود تلك الصراعات
              وده أقل قيمة للإنسان في العالم أن يكون وقود لصراعات الآخرين

              مفيش لاعب جديد ظهر
              الصين حتى لو كان إقتصادها قوي فلم تصل لمرحلة قطب من أقطاب العالم

              الوضع ده مفيهوش جديد من بعد الحرب العالمية التانية
              يعني من 60 سنة
              غير إضمحلال أوروبا ودخولها تحت جناح أمريكا

              في لاعب جديد هيدخل ؟
              مينفعش تكمل 100 سنة بدون تغير
              أو هكذا يقول التاريخ في كثير من الأحيان

              .

              Comment


              • #37
                شوية فلسفة تاريخ ممكن تساعد و هستعين هنا بصديق اسمه ارنولد توينبى و ده مؤرخ حضارات كاملة و نظريته فى فلسفة التاريخ ضمنها فى موسوعته الاشهر قصة الحضارة

                بعد دراسته لاسباب صعود و هبوط الامم على مر التاريخ. . . خلص ارنولد توينبى الى نظرية التحدى و الاستجابة
                يعنى ايه. . . يعنى الامم زيها زى الافراد بتقابل تحديات و امتحانات. . . و يا تنجح فيها يا تفشل. . . و النجاح معناه الاستمرار و الفشل معناه الاضمحلال
                و على قدر التحدى. . . تكون الاستجابة. . . و اذا كانت الاستجابة اقل من مستوى التحدى فده يصب ناحية اضمحلال الحضارة

                لو طبقنا النظرية دى على كل حضارات العالم القديم منها و الحديث سنجد انها تفسر الكثير من اسباب صعود و هبوط الامم و الحضارات

                طيب لو طبقناها على المسرح العالمى بصورته الحالية
                هنلاقى ان الثقافة الامريكية كأسلوب حياة سادت فى النصف الثانى من القرن العشرين و تفوقت على خصومها لسبب جوهرى وحيد . . . هو انها قائمة على الابداع الفردى. . . يعنى ببساطة انت بتعرف تعمل ايه. . . و هل اللى بتعمله ده له قيمة و اهمية عند حد تانى و لا لأ. . . عشان كده المجتمع الامريكى مجتمع تنافسى جدا و يقدر الموهبة الفردية و يدعمها و يصقلها و يبرزها. . . و يوجد نظام قوى محكم يقوم بتجميع هذه المواهب الفردية و يكافئها و يضعها فى نسق يدفع المجتمع للامام. . . ده المحرك الحقيقى للبلد . . .

                طيب امريكا فى القرن العشرين كانت بتواجه مين. . . بتواجه النقيض. . . ثقافات شمولية تكبت الفرد بزعم ان ذلك لصالح المجموع. . . زى الاتحاد السوفيتى سابقا و الصين حاليا. . . طيب انهى ثقافة اكثر اتساقا مع الطبيعة البشرية. . . من الواضح انها الثقافة الامريكية التى تشجع الحرية الفردية و الابداع الفردى لان الانسان ولد ليكون حرا . . . لكن الموضوع مش بالسهولة دى لانه اذا كان الاتحاد السوفيتى فشل بسبب شموليته و قمعه للفرد. . . فالصين استوعبت الدرس و هى تقوم فى اخر عقدين بفتح مجتمعها رويدا رويدا حتى لا ينسحق تحت وطأة التغيير العنيف كما انسحق الاتحاد السوفيتى الذى انهار مع القليل من المكاشفة و المصارحة و الحرية. . . الصين ايضا تواجه العالم بنظرية اقتصادية جديدة. . . مشتقة من طريقة حياة النمل. . . كل نملة تعمل و تنتج فى ظل اطار عام للمجموع لا تخرج عنه رغم حريتها فى ذلك ان ارادت لكن ساعتها لن يكون لها قيمة بدون المجموع

                طيب هل هيحصل صدام بين امريكا و الصين. . . التاريخ يعلمنا ان الصدامات بين الدول و الحضارات تكون إما للتوسع و السيطرة. . . او بسبب قلة الموارد و مواجهة ندرتها. . . لكن السببين حاليا و للمدى المنظور لا يتسببان فى وضع امريكا و الصين على مسار تصادمى. . . ده حتى البترول سعره فى النازل :-)

                اما القوى القديمة التى عرفت السيطرة و العظمة فى وقت ما فلدي كل منها شئونه الداخلية التى تشغله. . . اوروبا تم استئناسها تحت المظلة الامريكية و كل ما يشغلها حاليا ايجاد حلول للمشاكل الداخلية التى تعوق تكامل اعضاء اتحادها. . . اما روسيا فرغم محاولتها للنهوض كالعنقاء من رماد الاتحاد السوفيتى سابقا الا انها لم تصل بعد بشكل كامل لمكونات القوة الكامنة داخلها بشكل كامل يجعلها تتسلم دفة قيادة العالم نحو عودته كعالم ثنائى الاقطاب على الاقل

                نأتى للمتغير x. . . او ذلك المجهول القادم من الخلف بقوة ليتسبب فى ازمات لكبار العالم . . . و انا رأيى ان هؤلاء بالتحديد هم اللى هيودوا العالم فى ستين داهية. . . لان القوى العظمى المتمرسة سواء قديمة او حديثة خلاص ارست قواعد اللعبة و اتقنتها و تعرف جيدا حدودها و حدود غيرها. . . اما الصغار فأهم ما يميزهم هو الغشم. . . يعنى غرور القوة. . . بالذات لو قوة غير تقليدية. . . مثلا السلاح النووى فى ايد العيل بتاع كوريا الشمالية ممكن يبدأ تفاعل احداث متسلسل يودى العالم فى ستين داهية. . . صراع زى الصراع الايرانى الاسرائيلى. . . مرشح بقوة من وجهة نظرى انه يغير شكل النصف الاول من القرن ده. . . يعنى من الاخر هيرسى الموضوع على اشتعال عظيم النار من مستصغر الشرر. . . يعنى هيعملوها الصغار و هيقعوا فيها الكبار :-)

                Comment


                • #38
                  ماهر باشا

                  فينك من زمان , الواحد كان مفتقد حواراتك و كلامك الثرى بمعانيه

                  شكرا لمن استحثك على الكتابه مره اخرى
                  [RIGHT][FONT=Tahoma][SIZE=2][COLOR=darkred][I]كيميائى / محمد طه[/I][/COLOR][/SIZE][/FONT][/RIGHT]
                  [RIGHT]------------------[/RIGHT]
                  [CENTER][COLOR=blue]بسم الله الرحمن الرحيم[/COLOR][/CENTER]
                  [CENTER][COLOR=green]وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ[/COLOR][/CENTER]
                  [CENTER][COLOR=blue]صدق الله العظيم[/COLOR][/CENTER]
                  [CENTER][COLOR=blue]التوبة 105[/COLOR][/CENTER]
                  [COLOR=#ff0000][/COLOR]

                  Comment


                  • #39
                    نقاش اقتصادى تاريخى فلسفى ممتع
                    تحية حارة للجميع وخاصة للأستاذ Imhotep


                    اسمحوا لى اتكلم فى نقطة بخصوص التأثير المباشر لأزمة سعر البترول على الاقتصاد المصرى
                    معروف وبديهى ان انخفاض السعر من المفترض "نظريا" انه يوفر لمصر مليارات من الدولار. لكن هل مصر اصلا بتشترى؟ مصر عايشة حاليا ولفترة جاية على المعونات البترولية من دول الخليج. ده غير ان اصلا قطاع البترول المصرى مديون بشدة للداخل (البنوك) والخارج ( الشركاء الاجانب) ده غير حاجة تانية: الشركاء الأجانب فى مصر نتيجة لانخفاض الأسعار لجأوا لتقليل الانتاج علشان الجدوى الاقتصادية ولتقليل اى خسائر محتملة. مما يعنى الانخفاض العام لانتاج مصر فمنسوب الاستيراد هيزيد بس احنا مش بنستورد لأن الميزانية العامة اصلا متبهدلة وعايشين زى ما قلت وكلنا عارفين على المعونات. حسبة برما :)

                    نقطة تانية: التأثير المباشر لانخفاض سعر البترول على دول منتجة وفى نفس الوقت بتصدر سياح لمصر زى روسيا ودول الخليج. انخفاض السعر معناه تأخر وتيرة الانتاج الصناعى وتقليل الدخول هيأدى الى انكماش الدخل للفرد وهيضطر الى الاستغناء عن رفاهيات مثل السياحة لبلد زى مصر اللى هى اصلا وجهة اساسية للروس لانخفاض الأسعار. طبعا ده له تأثير سلبى مباشر على الاقتصاد المصرى اللى بيعتمد بقوة على السياحة وخصوصا من شرق اوربا والخليج
                    mhelshaar سابقا

                    Comment


                    • #40
                      المشاركة الأصلية كتبت بواسطة Imhotep مشاهدة المشاركة
                      شوية فلسفة تاريخ ممكن تساعد و هستعين هنا بصديق اسمه ارنولد توينبى و ده مؤرخ حضارات كاملة و نظريته فى فلسفة التاريخ ضمنها فى موسوعته الاشهر قصة الحضارة

                      بعد دراسته لاسباب صعود و هبوط الامم على مر التاريخ. . . خلص ارنولد توينبى الى نظرية التحدى و الاستجابة
                      يعنى ايه. . . يعنى الامم زيها زى الافراد بتقابل تحديات و امتحانات. . . و يا تنجح فيها يا تفشل. . . و النجاح معناه الاستمرار و الفشل معناه الاضمحلال
                      و على قدر التحدى. . . تكون الاستجابة. . . و اذا كانت الاستجابة اقل من مستوى التحدى فده يصب ناحية اضمحلال الحضارة

                      لو طبقنا النظرية دى على كل حضارات العالم القديم منها و الحديث سنجد انها تفسر الكثير من اسباب صعود و هبوط الامم و الحضارات

                      طيب لو طبقناها على المسرح العالمى بصورته الحالية
                      هنلاقى ان الثقافة الامريكية كأسلوب حياة سادت فى النصف الثانى من القرن العشرين و تفوقت على خصومها لسبب جوهرى وحيد . . . هو انها قائمة على الابداع الفردى. . . يعنى ببساطة انت بتعرف تعمل ايه. . . و هل اللى بتعمله ده له قيمة و اهمية عند حد تانى و لا لأ. . . عشان كده المجتمع الامريكى مجتمع تنافسى جدا و يقدر الموهبة الفردية و يدعمها و يصقلها و يبرزها. . . و يوجد نظام قوى محكم يقوم بتجميع هذه المواهب الفردية و يكافئها و يضعها فى نسق يدفع المجتمع للامام. . . ده المحرك الحقيقى للبلد . . .

                      طيب امريكا فى القرن العشرين كانت بتواجه مين. . . بتواجه النقيض. . . ثقافات شمولية تكبت الفرد بزعم ان ذلك لصالح المجموع. . . زى الاتحاد السوفيتى سابقا و الصين حاليا. . . طيب انهى ثقافة اكثر اتساقا مع الطبيعة البشرية. . . من الواضح انها الثقافة الامريكية التى تشجع الحرية الفردية و الابداع الفردى لان الانسان ولد ليكون حرا . . . لكن الموضوع مش بالسهولة دى لانه اذا كان الاتحاد السوفيتى فشل بسبب شموليته و قمعه للفرد. . . فالصين استوعبت الدرس و هى تقوم فى اخر عقدين بفتح مجتمعها رويدا رويدا حتى لا ينسحق تحت وطأة التغيير العنيف كما انسحق الاتحاد السوفيتى الذى انهار مع القليل من المكاشفة و المصارحة و الحرية. . . الصين ايضا تواجه العالم بنظرية اقتصادية جديدة. . . مشتقة من طريقة حياة النمل. . . كل نملة تعمل و تنتج فى ظل اطار عام للمجموع لا تخرج عنه رغم حريتها فى ذلك ان ارادت لكن ساعتها لن يكون لها قيمة بدون المجموع

                      طيب هل هيحصل صدام بين امريكا و الصين. . . التاريخ يعلمنا ان الصدامات بين الدول و الحضارات تكون إما للتوسع و السيطرة. . . او بسبب قلة الموارد و مواجهة ندرتها. . . لكن السببين حاليا و للمدى المنظور لا يتسببان فى وضع امريكا و الصين على مسار تصادمى. . . ده حتى البترول سعره فى النازل :-)

                      اما القوى القديمة التى عرفت السيطرة و العظمة فى وقت ما فلدي كل منها شئونه الداخلية التى تشغله. . . اوروبا تم استئناسها تحت المظلة الامريكية و كل ما يشغلها حاليا ايجاد حلول للمشاكل الداخلية التى تعوق تكامل اعضاء اتحادها. . . اما روسيا فرغم محاولتها للنهوض كالعنقاء من رماد الاتحاد السوفيتى سابقا الا انها لم تصل بعد بشكل كامل لمكونات القوة الكامنة داخلها بشكل كامل يجعلها تتسلم دفة قيادة العالم نحو عودته كعالم ثنائى الاقطاب على الاقل

                      نأتى للمتغير x. . . او ذلك المجهول القادم من الخلف بقوة ليتسبب فى ازمات لكبار العالم . . . و انا رأيى ان هؤلاء بالتحديد هم اللى هيودوا العالم فى ستين داهية. . . لان القوى العظمى المتمرسة سواء قديمة او حديثة خلاص ارست قواعد اللعبة و اتقنتها و تعرف جيدا حدودها و حدود غيرها. . . اما الصغار فأهم ما يميزهم هو الغشم. . . يعنى غرور القوة. . . بالذات لو قوة غير تقليدية. . . مثلا السلاح النووى فى ايد العيل بتاع كوريا الشمالية ممكن يبدأ تفاعل احداث متسلسل يودى العالم فى ستين داهية. . . صراع زى الصراع الايرانى الاسرائيلى. . . مرشح بقوة من وجهة نظرى انه يغير شكل النصف الاول من القرن ده. . . يعنى من الاخر هيرسى الموضوع على اشتعال عظيم النار من مستصغر الشرر. . . يعنى هيعملوها الصغار و هيقعوا فيها الكبار :-)

                      موضوع اكثر من رائع ... ربنا يباركلك ... و كالعادة ( و ربنا ما يقطعلى عادة ) .. اسمحلى اختلف مع حضرتك فى بعض النقاط الفرعية و كمان اؤيد حضرتك فى بعض النقاط ...

                      ما ذكرته حضرتك عن تفوق الشعب الامريكى صح بنسبة 99% .... الابداع الفردى متفوق جدا جدا عندهم اكثر من اى شعب اخر .... و مثال بسيط على كدة ... قصة بداية عهد الطيران ... الاخوين رايت ...
                      من افضل قصص الكفاح الانسانى لغاية لما طيروا طائرتهم ... و بعد كدة دخلوا النظام الادارى المعتاد ..

                      مجهود افراد مستقل تماما عن الهيئات .... و قصص كتيرة عن اشخاص زيهم .. و فى الزمن الحالى.. اتفرج على اليوتيوب .. و على تجهيزات الناس البسيطة لورش صغيرة فى اماكن اقامتهم ... و ناس بتصلح عربياتها و تعدلها بنفسها ..و اختراعات و مشاريع صغيرة من مجهود فردى .... فالمجهود الفردى ده حاجة معتادة و طبيعية .... و بالطبع النظام العام يساعد على هذا

                      حاجة تانية مهمة ..... عدم محاولة احتكار المعرفة ( انا بتكلم عن الافراد مش عن المؤسسات ) .. انا بتكلم عن خبرة تعامل شخصية مش قليلة مع الامريكان و مع جنسيات مختلفة .... بمعنى .... الواحد ببساطة جدا يشرحلك و يبسطلك الى انت بتسأل عنه و لا يبخل عليك بالمعلومات ... و يفرح جدا لما تقوله انا ممكن اساعدك من غير فلوس

                      النظام الادارى الامريكى ... لا يخلو من لمحة تنظيمية انجليزية واضحة فى معالمه .... بس الامريكان لم يلتزموا بالتخطيط ده حرفيا .. و اضافوا عليه الكثير من الاضافات المستمرة

                      و اقصد تحديدا استفادوا من التخطيط الانجليزى لبقاء الامبراطورية الانجليزية عقودا طويلة من السنين ... و التوسعات الخارجية الضرورية لامداد بريطانيا بمستلزمات قيادة امبراطورية
                      و لنقطة دى تحديدا .... ذكرها هتلر فى مذكراته ... عن ضرورة التوسع الخارجى ( الاستعمار الخارجى ) لضرورة بناء وطن قوى
                      و حاجات تانية كتير محتاجة لمواضيع منفصلة

                      و انا موافق حضرتك بشأن الروس ... و الصين ... انما فيه حاجات تانية موجودة فى الشعوب دى .. لو احسن استغلالها .. ممكن تكون قوة تانية .. على الاقل .. تقلل من النفوذ الامريكى العالمى

                      و اوربا ... لاحظت عدم اتفاق الاوربيين و اختلافهم حتى فى ابسط الامور .. و حقيقة .. لا يوحدهم الا الاخطار الخارجية .. او الطمع التى من الممكن ان توحدهم على رأى

                      اما عن الدول الصغيرة .... انا مختلف مع حضرتك فى النقطة دى اختلافا طفيفا .... ليه ؟!
                      كوريا الشمالية ( بغض النظر عن مواقفها ) .. لازم تلجأ للقوة المفرطة تجاه عدو عملاق بحجم امريكا

                      فلو افترضنا .... قيام كوريا الشمالية بقذف اليابان او كوريا الجنوبية ... نتيجة خلافات قديمة .. او نتيجة وجود قوات امريكية فى البلدين تهددها باستمرار ... فده حيؤدى الى قيام امريكا بالرد ... و بالتالى قيام الروس و الصين بالرد ... الموضوع حيكبر نظرا لأن الكبار حيقعوا فى بعض .. علشان مش عاوزين اى تدخل قرب مصالحهم

                      الصراع الايرانى الاسرائيلى ؟؟!!!
                      بصراحة انا شايف اتفاق ايرانى اسرائيلى ... و تنسيق بين الطرفين فى الخفاء ... يصل احيانا قليلة الى السطح .. و انا لم ارى اكثر من التراشق بالكلام و التهديدات بين الطرفين .. و لم يتخذ اى طرف خطوة واحدة ايجابية فى اتجاه الطرف الاخر .. و لم تفرض عقوبات رادعة على ايران .. و الصناعة الايرانية القليلة موجودة خارج ايران ... بس بتغطى عليها المنتجات الصينية كالعادة .. و الصناعة العسكرية .. متقدمة الى حد كبير .. و لم تتأثر بالحصار الدولى و لا بالعقوبات و لا بكل الكلام الكبير ده

                      النار تأتى من مستصغر الشرر فعلا .... ده فى وسط جاهز اصلا انه يشتعل

                      تقبل مرورى و خلافى مع حضرتك احيانا فى الرأى ... و لا اخفى عليك استمتاعى بالحديث مع حضرتك

                      تقبل تحياتى

                      Comment


                      • #41
                        المشاركة الأصلية كتبت بواسطة mohamed_hamid مشاهدة المشاركة
                        نقاش اقتصادى تاريخى فلسفى ممتع
                        تحية حارة للجميع وخاصة للأستاذ imhotep


                        اسمحوا لى اتكلم فى نقطة بخصوص التأثير المباشر لأزمة سعر البترول على الاقتصاد المصرى
                        معروف وبديهى ان انخفاض السعر من المفترض "نظريا" انه يوفر لمصر مليارات من الدولار. لكن هل مصر اصلا بتشترى؟ مصر عايشة حاليا ولفترة جاية على المعونات البترولية من دول الخليج. ده غير ان اصلا قطاع البترول المصرى مديون بشدة للداخل (البنوك) والخارج ( الشركاء الاجانب) ده غير حاجة تانية: الشركاء الأجانب فى مصر نتيجة لانخفاض الأسعار لجأوا لتقليل الانتاج علشان الجدوى الاقتصادية ولتقليل اى خسائر محتملة. مما يعنى الانخفاض العام لانتاج مصر فمنسوب الاستيراد هيزيد بس احنا مش بنستورد لأن الميزانية العامة اصلا متبهدلة وعايشين زى ما قلت وكلنا عارفين على المعونات. حسبة برما :)

                        نقطة تانية: التأثير المباشر لانخفاض سعر البترول على دول منتجة وفى نفس الوقت بتصدر سياح لمصر زى روسيا ودول الخليج. انخفاض السعر معناه تأخر وتيرة الانتاج الصناعى وتقليل الدخول هيأدى الى انكماش الدخل للفرد وهيضطر الى الاستغناء عن رفاهيات مثل السياحة لبلد زى مصر اللى هى اصلا وجهة اساسية للروس لانخفاض الأسعار. طبعا ده له تأثير سلبى مباشر على الاقتصاد المصرى اللى بيعتمد بقوة على السياحة وخصوصا من شرق اوربا والخليج
                        اسمحلى اشترك معاك فى الموضوع ....

                        لو الكلام الى حضرتك بتقوله ده هو الى البلد ماشية عليه ... تبقى مصيبة سودة ... معلوماتى البسيطة .. ان دول الخليج تدعم مصر ( لاسباب خفية او ظاهرة ) ببعض العجز فى الاحتياج المحلى ... و الحكومة بتشترى محروقات بالسعر العالمى ... و الغاء الدعم التدريجى لتعويض النقص ده !!!!

                        و انا متفق مع حضرتك فى نقطة السياحة الروسية
                        تقبل مرورى

                        Comment


                        • #42
                          المشاركة الأصلية كتبت بواسطة Mohamed_Hamid مشاهدة المشاركة
                          نقاش اقتصادى تاريخى فلسفى ممتع
                          تحية حارة للجميع وخاصة للأستاذ Imhotep


                          اسمحوا لى اتكلم فى نقطة بخصوص التأثير المباشر لأزمة سعر البترول على الاقتصاد المصرى
                          معروف وبديهى ان انخفاض السعر من المفترض "نظريا" انه يوفر لمصر مليارات من الدولار. لكن هل مصر اصلا بتشترى؟ مصر عايشة حاليا ولفترة جاية على المعونات البترولية من دول الخليج. ده غير ان اصلا قطاع البترول المصرى مديون بشدة للداخل (البنوك) والخارج ( الشركاء الاجانب) ده غير حاجة تانية: الشركاء الأجانب فى مصر نتيجة لانخفاض الأسعار لجأوا لتقليل الانتاج علشان الجدوى الاقتصادية ولتقليل اى خسائر محتملة. مما يعنى الانخفاض العام لانتاج مصر فمنسوب الاستيراد هيزيد بس احنا مش بنستورد لأن الميزانية العامة اصلا متبهدلة وعايشين زى ما قلت وكلنا عارفين على المعونات. حسبة برما :)

                          نقطة تانية: التأثير المباشر لانخفاض سعر البترول على دول منتجة وفى نفس الوقت بتصدر سياح لمصر زى روسيا ودول الخليج. انخفاض السعر معناه تأخر وتيرة الانتاج الصناعى وتقليل الدخول هيأدى الى انكماش الدخل للفرد وهيضطر الى الاستغناء عن رفاهيات مثل السياحة لبلد زى مصر اللى هى اصلا وجهة اساسية للروس لانخفاض الأسعار. طبعا ده له تأثير سلبى مباشر على الاقتصاد المصرى اللى بيعتمد بقوة على السياحة وخصوصا من شرق اوربا والخليج
                          خبر زى ده هيوضحلك نسبة ما نشتريه الى المنح من دول الخليج بالاضافة الى مجموعة اخرى من الارقام المفيدة:
                          الإمارات تقدم مواد بترولية لمصر بـ8.7 مليار دولار خلال عام :: بوابة الشروق :: نسخة الموبايل

                          السياحة ممكن فعلا تتأثر لحظيا فى المدى القريب جدا لكن على المدى المتوسط يعنى بنتكلم فى سنة متوقع لها استمرار النمو لانها اصلا خارجة من قاع الازمة بتاعة اخر 4 سنين

                          Comment


                          • #43
                            المشاركة الأصلية كتبت بواسطة ahmed_eng2001 مشاهدة المشاركة
                            اسمحلى اشترك معاك فى الموضوع ....

                            لو الكلام الى حضرتك بتقوله ده هو الى البلد ماشية عليه ... تبقى مصيبة سودة ... معلوماتى البسيطة .. ان دول الخليج تدعم مصر ( لاسباب خفية او ظاهرة ) ببعض العجز فى الاحتياج المحلى ... و الحكومة بتشترى محروقات بالسعر العالمى ... و الغاء الدعم التدريجى لتعويض النقص ده !!!!

                            و انا متفق مع حضرتك فى نقطة السياحة الروسية
                            تقبل مرورى
                            جزئية المديونية والشريك الأجنبى وخفض الانتاج ده متأكد منه تماما

                            تشرفت بمروركم الكريم

                            المشاركة الأصلية كتبت بواسطة imhotep مشاهدة المشاركة
                            خبر زى ده هيوضحلك نسبة ما نشتريه الى المنح من دول الخليج بالاضافة الى مجموعة اخرى من الارقام المفيدة:
                            الإمارات تقدم مواد بترولية لمصر بـ8.7 مليار دولار خلال عام :: بوابة الشروق :: نسخة الموبايل

                            السياحة ممكن فعلا تتأثر لحظيا فى المدى القريب جدا لكن على المدى المتوسط يعنى بنتكلم فى سنة متوقع لها استمرار النمو لانها اصلا خارجة من قاع الازمة بتاعة اخر 4 سنين
                            تمام ولو حسبناها نسبة وتناسب هنلاقى ان احنا بنعتمد بنسبة كبيرة على المنح.
                            mhelshaar سابقا

                            Comment


                            • #44
                              المشاركة الأصلية كتبت بواسطة ahmed_eng2001 مشاهدة المشاركة
                              اما عن الدول الصغيرة .... انا مختلف مع حضرتك فى النقطة دى اختلافا طفيفا .... ليه ؟!
                              كوريا الشمالية ( بغض النظر عن مواقفها ) .. لازم تلجأ للقوة المفرطة تجاه عدو عملاق بحجم امريكا

                              فلو افترضنا .... قيام كوريا الشمالية بقذف اليابان او كوريا الجنوبية ... نتيجة خلافات قديمة .. او نتيجة وجود قوات امريكية فى البلدين تهددها باستمرار ... فده حيؤدى الى قيام امريكا بالرد ... و بالتالى قيام الروس و الصين بالرد ... الموضوع حيكبر نظرا لأن الكبار حيقعوا فى بعض .. علشان مش عاوزين اى تدخل قرب مصالحهم

                              الصراع الايرانى الاسرائيلى ؟؟!!!
                              بصراحة انا شايف اتفاق ايرانى اسرائيلى ... و تنسيق بين الطرفين فى الخفاء ... يصل احيانا قليلة الى السطح .. و انا لم ارى اكثر من التراشق بالكلام و التهديدات بين الطرفين .. و لم يتخذ اى طرف خطوة واحدة ايجابية فى اتجاه الطرف الاخر .. و لم تفرض عقوبات رادعة على ايران .. و الصناعة الايرانية القليلة موجودة خارج ايران ... بس بتغطى عليها المنتجات الصينية كالعادة .. و الصناعة العسكرية .. متقدمة الى حد كبير .. و لم تتأثر بالحصار الدولى و لا بالعقوبات و لا بكل الكلام الكبير ده

                              النار تأتى من مستصغر الشرر فعلا .... ده فى وسط جاهز اصلا انه يشتعل

                              تقبل مرورى و خلافى مع حضرتك احيانا فى الرأى ... و لا اخفى عليك استمتاعى بالحديث مع حضرتك

                              تقبل تحياتى
                              فى كثير من الاحيان تتصاعد الاحداث بأسلوب كرة الثلج الهابطة من فوق قمة جبل. . . و هى تهبط يزداد حجمها. . . و يزيد قوتها التدميرية طاقة الحركة التى تكتسبها تحت تأثير القصور الذاتى و هى تهبط. . . الكبار لديهم القدرة على احتواء الاحداث الى حد معين و كمان لما يكون اللعب بينهم و بين بعض بشكل مباشر زى ما حصل فى أزمة الصواريخ الكوبية سنة 1963. . . لكن المواجهات دى عصرها انتهى. . . و اصبحنا فى عصر الحروب و الصراعات التى يتم ادارتها بالوكالة proxy. . . و هو ده وجه الخطورة لانك صعب جدا ساعتها ان تقوم بأحتواء كل المتغيرات

                              الدنيا فعلا مولعة نار بين الكوريتين بقالها كام شهر بس لان ده بقى المعتاد فمحدش بقى ياخد باله. . و من فترة قصيرة تمت اكبر مناورات بحرية بين امريكا و اليابان و كوريا الجنوبية فى استعراض جاد للقوة. . . بس على فكرة انا مش قلقان اوى من العيل بتاع كوريا الشمالية عشان هو كل هدفه انه يعمل دوشه عشان يرموله حاجة فى شكل اتفاقات و مساعدات لاقتصاد بلده المنهار. . . ده برضه مينفيش خطورته و خطورة افعاله رغم كونها مكشوفة الهدف

                              قصة ايران بقى هى اللى قالقانى و ياما كتبت عنها بتفصيل التفصيل هنا فى المنتدى بس للاسف مجهودى كله راح لانها كانت مواضيع فى قسم احوال الشارع المصرى الذى ذهب بالصالح و الطالح فيه. . .
                              بس انا هكتفى هنا انى اقولك كام حاجة بسيطة. . . اولها ان النظامين الايرانى و الاسرائيلى يمثلان وجهين لعملة واحدة. . . دول دينية عقائدية تحرك الصفوة الحاكمة فيها افكار مضادة للاخر بدرجة تجعل الصراع بينهما صراع وجود. . . ثانيا سؤال بسيط اجابته ذات مغزى. . . اشمعنى العالم كله ساب كوريا الشمالية تطور سلاح نووى لكنه مصمم على منع ايران من ذلك. . . الاجابة ببساطة ان الكبار فى العالم يعرفون خطورة امتلاك نظام عقائدى للسلاح النووى. . . فالقاعدة فيما يخص السلاح النووى تقول انك لا تخاف كثيرا ممن يمتلك الاف الاسلحة النووية. . . لكنك يجب ان تعمل الف حساب لمن يبذل جهدا حثيثا لكى يمتلك قنبلة نووية واحدة فقط لا غير. . . لانه ينوى ببساطة ان يستخدمها. . . و محدش يفتكر ان ايران مستهدفة عشان دولة اسلامية. . . طيب ما هى باكستان دولة اسلامية و لديها اسلحة نووية. . . الموضوع له علاقة بطبيعة النظام العقائدى الذى يحكم ايران. . . و الذى يعلم العالم جيدا خطورته . . . و ده اللى خلى امريكا لا تجد بديلا عن ضرب اليابان بالقنابل النووية فى الحرب العالمية التانية. . . لان نظامها العقائدى وقتها كان سيظل يحارب الى اخر جندى يؤمن بأن واجبه يقتضى ان يحارب و يضحى بحياته من اجل الامبراطور ابن الشمس. . . هييييه فكرتنى بمجهودى الضائع هدرا فى قسم احوال الشارع المصرى. . . بس مش مشكلة. . . خلى موضوع ايران ده على جنب و هبقى افكرك بيه بعدين . . . لما يحصل :-)

                              Comment


                              • #45
                                و لا يهمك يا ماهر باشا
                                انت تؤمر
                                دا رابط بدايه اول الكلام عن ايران
                                موضوع و موجود في. الاجتماعي (زي ما يكون قلبي حاسس وقتها و عملته في الاجتماعي ) عموما ادعو الجميع لمراجعه هذا الموضوع الذي به معلةمات غايه في الروعه و اعده من افضل المواضيع و احبها الي قلبي
                                و طبعا عارفين مين السبب اللي خلي الموضوع كده بالاضافه الي اعضاء اخرون كانوا قمه في السرد و الحوار برغم الاختلاف السياسي وقتها
                                شكرا للجميع مره اخري

                                http://www.nilemotors.net/Nile/33738...post3874829999
                                [RIGHT][FONT=Tahoma][SIZE=2][COLOR=darkred][I]كيميائى / محمد طه[/I][/COLOR][/SIZE][/FONT][/RIGHT]
                                [RIGHT]------------------[/RIGHT]
                                [CENTER][COLOR=blue]بسم الله الرحمن الرحيم[/COLOR][/CENTER]
                                [CENTER][COLOR=green]وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ[/COLOR][/CENTER]
                                [CENTER][COLOR=blue]صدق الله العظيم[/COLOR][/CENTER]
                                [CENTER][COLOR=blue]التوبة 105[/COLOR][/CENTER]
                                [COLOR=#ff0000][/COLOR]

                                Comment

                                Working...
                                X