60 الف جنيه بالبنك - فوايدهم قد ايه

[M.Radwan]

من الواضح انك ما قريتش انا كتبت ايه و انكم مصرين ما تتناقشوش من الاساس لانك عندكم فكرة جاهزة

فتوي الشيخ جاد الحق صدرت سنة 1980 و ليها علاقة بالغطاء الذهبي للنقد يعني الفتوي كانت صحيحة في وقتها و دلوقتي دار الافتاء غيرت الفتوي بتغير الواقع البنكي. وصلت الفكرة و لا اقول كمان

علي فكرة انا حاطط فلوسي في بنك اسلامي بس مش راضي عن الارباح القليلة اللي بيضحكوا بيها علينا

محسسني إن دار الإفتاء هي اللى اكتشفت الاكتشاف العظيم ده دون عن باقي علماء العالم قاطبة!
انت عارف كلامك معناه ايه؟ معناه إن القروض بالربا حلال وجميع المعاملات البنكية حلال..ومفيش حاجة اسمها ربا تاني خلاص.
دار الإفتاء (بالتحديد علي جمعة) هي المؤسسة الفقهية الوحيدة اللى غيرت فتواها وجميع المجامع الفقهية متفقة على أن العملات الورقية تحل محل الذهب والفضة من ناحية الثمنية وأنها لا تعد سندات بديون ويجري عليها جميع الأحكام التي تجري على الذهب والفضة في العصور السابقة..وقال الإمام مالك ما معناه، أن الناس لو اتخذت الجلود كوسيلة للتعامل بدلا من الذهب والفضة لجرى عليها نفس الأحكام..لو حد عايز ياخذ برأي شاذ زي ده ويعمل بيه تبقى مشكلته هو..ما لو أخدنا بالآراء الشاذة، الخمرة هتبقى حلال حلال حلال

[hugan]

انا تخيرت الوسط
ووضعت الفلوس اللي كانت معايا في بنك مصر
للمعاملات اﻻسلاميه
مش عارف هل ينطبق عليه حكم البنوك الربويه
من عدمه

[أحمد كمال]

من الواضح انك ما قريتش انا كتبت ايه و انكم مصرين ما تتناقشوش من الاساس لانك عندكم فكرة جاهزة

فتوي الشيخ جاد الحق صدرت سنة 1980 و ليها علاقة بالغطاء الذهبي للنقد يعني الفتوي كانت صحيحة في وقتها و دلوقتي دار الافتاء غيرت الفتوي بتغير الواقع البنكي. وصلت الفكرة و لا اقول كمان

علي فكرة انا حاطط فلوسي في بنك اسلامي بس مش راضي عن الارباح القليلة اللي بيضحكوا بيها علينا

انت عايز تقول ان كان في غطاء ذهبي في التمانينات ؟؟؟؟؟؟ مفيش غطاء ذهبي يمكن من الخمسينات حضرتك !!

[أحمد كمال]

انا تخيرت الوسط
ووضعت الفلوس اللي كانت معايا في بنك مصر
للمعاملات اﻻسلاميه
مش عارف هل ينطبق عليه حكم البنوك الربويه
من عدمه

الفروع الاسلامية من البنوك اشتغالة ....... نظرية ريح الزبون .......

[hugan]

الفروع الاسلامية من البنوك اشتغالة ....... نظرية ريح الزبون .......

والحل
مش هاينفع الفلوس تكون في البيت

[أحمد كمال]

والحل
مش هاينفع الفلوس تكون في البيت

شوف بنك اسلامي ...... الفروع الاسلامية من البنوك اونطة

و لو قلبك مش مطمئن خالص خلي فلوسك في حساب جاري بدون فوائد

[أبو آسر]

والحل
مش هاينفع الفلوس تكون في البيت

البنوك الربوية الفروع الاسلامية عاملة زي واحد بيقول على الخمرة مية أو السجاير دخان وهكذا .. مجرد تغيير في المسميات زي ما أخونا أحمد كمال قال علشان يجيبوا رجل الزباين اللي بتخاف من كلمة بنك وربا والكلام ده
وأصلا المسمى ده أكبر دليل على إن الفروع العادية مش إسلامية وبنوك ربوية ! مش كده ولا إيه ؟
الحل يا إما تجمد الفلوس في حتة أرض أو شقة أو أي حاجة مع مرور الوقت تكسب
يا إما لو المبلغ مش كبير مثلا تفتح حساب جاري في بنك "إسلامي" ، مش فرع إسلامي لبنك ربوي علشان مياخدوش فلوسك يرابوا بيها وتبقى انت اللي شجعتهم على كده ومولتهم كمان
مع العلم إن البنوك الإسلامية برده لا تخلو من أقاويل لكن انت مش هتاخد منهم فوايد مجرد هتفتح حساب جاري وتبقى بتبذل أقصى ما في وسعك علشان تبعد عن الشبهات قدر المستطاع وتبقى أعذرت نفسك أمام ربنا

[dongol123]

يا إما لو المبلغ مش كبير مثلا تفتح حساب جاري في بنك "إسلامي" ، مش فرع إسلامي لبنك ربوي علشان مياخدوش فلوسك يرابوا بيها وتبقى انت اللي شجعتهم على كده ومولتهم كمان

حلو قوي علشان التضخم بعد سنتين تلاتة ياكلهم و ما يجيبلوش قرطاس لب

[dongol123]

محسسني إن دار الإفتاء هي اللى اكتشفت الاكتشاف العظيم ده دون عن باقي علماء العالم قاطبة!
انت عارف كلامك معناه ايه؟ معناه إن القروض بالربا حلال وجميع المعاملات البنكية حلال..ومفيش حاجة اسمها ربا تاني خلاص.
دار الإفتاء (بالتحديد علي جمعة) هي المؤسسة الفقهية الوحيدة اللى غيرت فتواها وجميع المجامع الفقهية متفقة على أن العملات الورقية تحل محل الذهب والفضة من ناحية الثمنية وأنها لا تعد سندات بديون ويجري عليها جميع الأحكام التي تجري على الذهب والفضة في العصور السابقة..وقال الإمام مالك ما معناه، أن الناس لو اتخذت الجلود كوسيلة للتعامل بدلا من الذهب والفضة لجرى عليها نفس الأحكام..لو حد عايز ياخذ برأي شاذ زي ده ويعمل بيه تبقى مشكلته هو..ما لو أخدنا بالآراء الشاذة، الخمرة هتبقى حلال حلال حلال :ka_che1[1]:

يا أستاذي انا كلامي ما وصلكش اكيد

انا ما بقلش ان رأي دار الافتاء هو اللي صح و الباقي غلط

انا كل اللي قلته ان ده امر مختلف عليه فما ينفعش ان واحد طالب نصحية تروح حضرتك واخد الجنب اللي بيحرم و تقله هو ده اللي صح و لو عملت كده يبقي ربا و هتخش النار و الكلام ده

الناصح مؤتمن يعني انا من واجبي لما حد يسألني النصيحة اوضح ان فيه رأيين في الموضوع و أوضح اسباب كل فريق من المجموعتين المختلفتين و صاحب الشأن هو اللي يقرر

مش زي ناس اول ما تسمع كلمة بنك..... لا مش كلمة بنك ....دي أول ما تسمع حرف البه علطول من غير تفكير تقول حرام و ربا و كده

[أحمد كمال]

حلو قوي علشان التضخم بعد سنتين تلاتة ياكلهم و ما يجيبلوش قرطاس لب

حلو أوي يبقى نعمل الحرام عشان الفلوس ما تروحش ......... يبقى اللي مش لاقية شغل تشتغل دعارة و نقول ماهي مش لاقية تاكل ......... يبقى اللي مرتبه قليل ياخد رشاوي و نقول ماهو مش عارف يربي عياله



منطق غريب بصراحة

[dongol123]

حلو أوي يبقى نعمل الحرام عشان الفلوس ما تروحش ......... يبقى اللي مش لاقية شغل تشتغل دعارة و نقول ماهي مش لاقية تاكل ......... يبقى اللي مرتبه قليل ياخد رشاوي و نقول ماهو مش عارف يربي عياله



منطق غريب بصراحة

المنطق الغريب انك لسه مصر ان اللي بيحط فلوسه في البنك حرام بعد كل الكلام اللي اتقال ده

قلنا الامر خلافي و اللي بيحرم اتبع فتوي شيخ بيرتاح لكلامه و اللي بيحلل برضه اتبع فتوي شيخ بيرتاح لكلامة يعني الاتنين مع عملوش حاجة من دماغمهم و في فتوي بتأيد طريقة كل واحد

يبقي انتوا ليه عايزين الناس تمشي ورا كلامكوا انتوا و بس و فاكرين انك كلامكم هو الصح

دي هي دي الغرابة بعينها

[أحمد كمال]

المنطق الغريب انك لسه مصر ان اللي بيحط فلوسه في البنك حرام بعد كل الكلام اللي اتقال ده

قلنا الامر خلافي و اللي بيحرم اتبع فتوي شيخ بيرتاح لكلامه و اللي بيحلل برضه اتبع فتوي شيخ بيرتاح لكلامة يعني الاتنين مع عملوش حاجة من دماغمهم و في فتوي بتأيد طريقة كل واحد

يبقي انتوا ليه عايزين الناس تمشي ورا كلامكوا انتوا و بس و فاكرين انك كلامكم هو الصح

دي هي دي الغرابة بعينها

حلو أوي ...... اشوف شيخ ارتاح لكلامه بيحلل الخمرة و اروح اشرب؟

[أحمد كمال]

زي ما انت مصر انه حلال انا مصر انه حرام !!!

احلى حاجة تمييع الحرام

1- هات حاجة حرام
2- دور على رأي شاذ بيقول انها حلال او بيشكك في حرمانيتها
3- قول ان كده فيه خلاف
4- مادام فيه خلاف بقت لا حلال و لا حرام ..... بقيت حلال للي عايز و حرام للي عايز
5- خش عاللي بعده


هدم الدين على ودنه و الله العظيم ........ و كل واحد و مصلحته بقى

[sherifahmed]

انا مش هاتكلم فى الدين انا هاتكلم فى اللى بفهموا
كل واحد من حضراتكم يطلع محفظتو كدا و يطلع اى فلو س و يشوف مكتوب فيها ايه
مكتوب عليها البنك المركزى المصرى
الفلوس اسمها ايه ؟ اسمها بنكنوت bank note
يعنى ايه؟ يعنى note او اشعار من المصدر اللى هو البنك المركزى فى الدولة ان هذه الورقة اللى هيا مثلا 100 جنيه تساوى 100 وحدة unit من عملة البلد اللى بتساوى مقدار معين من وحدة تانية اللى هى عملة الاحتياطى النقدى للبلد اللى فى حالتنا الدولار و فى حالة دول تانية سلة عملات
اشعار لعلاقة نسبية بين العملة الوطنية و العملة المقابلة
زمان كانت العلاقة دى ثابتة مش نسبية لان العلاقة كانت بين العملة الوطنية و الدهب

ايه هو الربا اصلا؟
التعريف اللغوي فهو : الزيادة على الشيء ومنه (أربى فلان على فلان ) إذا زاد عليه (وربا الشيء)
الربا يعنى تدى فلوس لحد و تاخدها منه بزيادة ببساطة و عشان كدا حرام
طبعا كدا اى تعامل مع اى بنك فى قرض او ادخار يبقى ربا لان الفلوس بتزيد
دى النتيجة المباشرة بس لحظة واحدة
هو كانت ايه التعاملات قبل اختراع العملة ؟ الشىء بالشىء يعنى بقرة بشوالين قمح مثلا
بعد اختراع العملة؟ العملة بالعملة من نفس نوع المعدن او من نوع معدن اخر يعنى ال100 دهب تساوى 500 فضة او 100 دهب تساوى 100 دهب برده و هنا الكلام يبدأ يعنى واحد يدى واحد 100 دهب بس انا هاخدهم 120 دهب و دا ربا يعنى زيادة
طب دلوقتى. مفيش حد ماشى معاه عملات دهب و لا فضة بيشترى و بيبيع بيهم
و لا انت بتاخد قرض و فايده دهب او فضة
بتاخد بنكنوت
و نظرا لان العلاقة نسبية فالعملةو من ثم المقابل الحقيقى بيطلع و بينزل و هنا بنشوف ظواهر مالية زى التضخم و هوا زيادة سعر السلعة مقابل نفس الوحدة المبيعة بيه من وقت لوقت يعنى بالبلدى منيو الخمسة بقيت منيو العشرين
و دا اللى يخلى سعر الفايدة عندنا ارقام غريبة زى 11 و 12 و فى انجلترا نصف فى المية عشان العلاقة النسبية عندهم مستقرة و اقرب للعلاقة الثابتة لقوة العملة ذات نفسها
فحتى لو اخدنا فايدة ثابتة من بنك فالمحصلة ان الفلوس اللى بتاخدها متغيرة لان العلاقة نسبية اصلا من الاول لان انت فى الاخر اصلا بتاخد اشعارات بنكية bank notes مش معدن
بس كدا

[dongol123]

زي ما انت مصر انه حلال انا مصر انه حرام !!!

احلى حاجة تمييع الحرام

1- هات حاجة حرام
2- دور على رأي شاذ بيقول انها حلال او بيشكك في حرمانيتها
3- قول ان كده فيه خلاف
4- مادام فيه خلاف بقت لا حلال و لا حرام ..... بقيت حلال للي عايز و حرام للي عايز
5- خش عاللي بعده


هدم الدين على ودنه و الله العظيم ........ و كل واحد و مصلحته بقى

وصلتها لهدم الدين كمان...أستغفر الله العظيم

انتوا النقاش معاكوا ما ينفعش....وصلنا لطريق مسدود...السلام عليكم و رحمة الله ......ده اخر رد ليه في الموضوع ده