عندك شقة يابني ؟؟؟؟ لا معنديش والله

[eslam atia]

ايه ده ... انا عندى شقه عند مدرسة الصنايع حوالى ١٠٠ متر ... تشطيب عادى ... لو حبيت ابيعها تجيب كام اليومين دول على كده !
هى حاليا متاجرة بس لو فضيت هقولك لو حابب تاجرها

الشقة دي في مساكن ابو بكر ؟؟
تعملها من 450 - نص مليون
وممكن اكتر كمان
في سمسار اسمة الصفا في ابو بكر فوق كافتريا الفراعنة قولة يسعرهالك

[eslam atia]

دى عدت القاهره الجديده..متغير محل اقامتك بكلمك بجد

عذرا ،،
الناس من المحافظات المجاورة اجت احتلت بورسعيد بمعني الكلمة
عندك الاستثمار 75 % من طاقتة التشغيلية اغراب (الاسماعلية - الشرقية - المنزلة - الدقهلية ) الخ
عندك مصانع البترول غرب بورسعيد 60% اغراب
عندك مقاولين شرق التفريعة (الكتبي - تريدمار -انمار) 50% اغراب كذلك
وكل دا اللي خلي اسعار الايجار ترتفع بشكل جنوني برضة ، لان الشركة اللي بتدفع فمش فارقة اساسا
دا غير محلات الكشري والفول والطعمية والنجارين والسباكين وأغلب صنايعية الحرفيين اغراب برضة
ومنهم اللي عمل اقامتة علي بورسعيد وراح عمل عشة في زرزارة ولما كتروا عملوا مظاهرة وطالبوا بشقق والمحافظة فعلا جابت لهم شقق
انما ولاد البلد الاصليين فحدث ولا حرج
واللي ذاد الطين بلة موضوع مجزرة الاستاد
اللي البلد اتظلمت فيه ظلم شديد جدا من الاعلام وكبار المسؤلين وكأنها انتقامة لاهل بورسعيد كلهم
انا مش من مشجعي الكورة اصلا
ولكن يوم الماتش المشؤوم المفروض الشوارع المحاطة بالاستاد بتتقفل بقوات الامن زي أصغر ماتش بيكون بيتلعب
ولكن وانا شغال وبحكم شغلي افاجئ ان الشوارع مفتوحة وبنعدي عااااااااادي من شارع 23 ودا ملاصق للأستاد والامن المركزي قاعد جوة العربيات وبيضحكوا وبيهزروا
ومن الشارع الخلفي للأستاد استوقفني منظر غريب ( اشكال غريبة طول بعرض ولابسين قناع علي وجوههم ) ودول داخلين المدرج بتاع الاهلي ومفيش حد واقف علي ابواب التذاكر قسما بالله ، لدرجة ان زميل لي قالي تعالي ندخل مفيش تذاكر قولتلة مبحبش الدوشة بتاعت المدرجات
وحصل اللي حصل ورحنا اتبرعنا بالدم ونقذنا اللي قدرنا عليه
وحسبي الله ونعم الوكيل في اللي تسبب في هذه الفتنة التي دمرت بورسعيد
ومن ساعة الماتش الوظائف المطروحة قلت جدااااااااااا
كابسي بتاع الدهانات مش راضي يشغل بورسعدية ومعايا الدليل
مشروع الاسكان الاجتماعي والتعاوني مقدم فيه اكتر من 43 الف وهما 8 الف شقة بس
دا حتي في العيد القومي الاخير 23/12/2014 الرئيس متكلمش ولا وجه تحية لاهل بورسعيد ولا لشهداء بورسعيد في الاحتلال
وراح المحافظ عمل حفلة وجاب فيها سعد الصغير مع احترامي لية اللي كان بيجيب احد ابطال المقاومة الشعبية (مهران) اللي الانجليز خلعوا عنية علشان يحطوها لظباط انجليزي
تحس ان بورسعيد بقت من المغضوب عليهم
تعالي عند المنفذ واتفرج علي التهريب اليومي
خير البلد كلة طاااااااااااالع برة
كساااااااد رهيب في التجاري وسوق الملابس
بلطجة وقلت ادب ومخدرات وسلاح وحوادث خطف يوميا في الزهور والمناخ والعرب وبنك الاسكان والضواحي
انما حي الشرق فلا والف لا
لان اساسا الشرطة مش متواجده الا هناك علشان فيلا مدير الامن
حسبي الله ونعم الوكيل
واسف جداااااااااااااا للأطالة ودا مش 1% من اللي في قلبي

[eslam atia]

شوف الرابط دا بتاع كابسي
مهزلة ” مصنع ” كابسي ” يعلن عن حاجة الى عمالة بشرط ” ان لا تكون من ابناء محافظة بورسعيد “ | بورسعيد اليوم

[amr100]

طب يا جماعة انتو زعلانين علشان الشقق من 450 الف الى نص مليون طب ايه رايكو والله وبعقد الهاء الشقة عندنا في محافظة أسيوط واصلة الى مليون جنيه في الاماكن اللي تعتبر كويسة في المحافظة وحكاية المليون دي من خمس ست سنين و الشقق اللي على اول او اخر المدينة ثمنها يحي حدود 500000 الف او اكثر و كمان على المحارة

[mohamed_selim]

الشقة دي في مساكن ابو بكر ؟؟
تعملها من 450 - نص مليون
وممكن اكتر كمان
في سمسار اسمة الصفا في ابو بكر فوق كافتريا الفراعنة قولة يسعرهالك

لا فى عمارات التعاونيات بتاعة الاطباء بتبص على سور المدرسه من الشارع الضيق
بس للدرجادى دا من سنه و نص كانت جايبه ٢٣٠ و كنت هبيعها لانى كنت محتاج الفلوس و بعدين الموضوع اتفشكل فخليتها ....

[eslam atia]

نفس اسعار ابوبكر برضة
خش علي دوبيزل واتفرج علي المهاااااااااااازل اللي احنا فيها

[midooo_119]

امال الى عنده شقه تمليك و يترفض من اهل العروسة عشان شقته اوضتين مش تلاته و اخوها شقته اوضتين يعمل ايه

[eslam atia]

لا تحزن
هما مش مقدرين النعمة اللي كانت هتبقا معاهم
ابدلك الله خيرا منهم اللهم امين

[MACATHIUS]

فيه فى القاهرة شقق اسعارها اقل من كدة بكتير
العبور فيها مناطق راقية سعر المتر فيها من 1500
فيه مناطق تانية كويسة بس مشكلتها زحمة شوية دى المتر فيها بألف زى النزهة 2 جسر السويس
لو عرفت تيجى القاهرة هتلاقى و انا مستعد اساعدك
و بالنسبة للجواز انا شوفت ييجى 400 بنت لغاية لما لقيت اللى ترضى باحوالى
فلا تيأس
هتتدبر

[احمد المصرى]

هو حضرتك شايف ان طلب والد البنت ال الراجل ال متقدم معاه شقه دى حاجه غريبه ولا ايه مش فاهمك بصراحه ما طبيعى جدا السؤال وطبعا لو مش معاك شقه اكيد الناس مش هتوافق دى حاجه بديهيه اكيد يعنى


حضرتك توكل على الله وجيب شقه حتى لو قانون قديم او جديد او تمليك وادخل اى بيت من بابه وربنا يوفقك


اخيرا :- ودى نصيحه ليا انا شخصيا قبل ما اقلهالك ان بنات الناس مش لعبه ولو جه عريس لاختى من غير شقه اكيد او سؤال هقوله الشقه فيه دا حاجه بديهيه

[S O P H O S]

نصيبك منتظرك والله
ودي مراحل هتعدي عليها وتنساها

[hugan]

ربنا يكون في عون الشباب
الجواز شيء صعب
لكن خلي نفسك مكان اﻻب
كل اب عايز يضمن لبنته افضل شيء

[احمد فهمى]

هو بيسآل عندك شقه عشان يضمنو يطردوك منها وهي تبقي حاضنه ويجبروك تصرف بالمحاكم يعنى نصيحه لا تشتري شقه ولا توجع دماغك دى دوله متخلفه الشقه ال100 متر من 300 الف وانت طالع فخلال ممكن تأجر فنفس العماره ب1500 جنيه او 2000 نفس الشقه

[eslam atia]

هو حضرتك شايف ان طلب والد البنت ال الراجل ال متقدم معاه شقه دى حاجه غريبه ولا ايه
لا طبعا ومن حقة يسأل بس ايه المانع لو ايجار ؟؟
مش فاهمك بصراحه ما طبيعى جدا السؤال وطبعا لو مش معاك شقه اكيد الناس مش هتوافق دى حاجه بديهيه اكيد يعنى
وهو دا اللي حصل

حضرتك توكل على الله وجيب شقه حتى لو قانون قديم او جديد او تمليك وادخل اى بيت من بابه وربنا يوفقك
اللي ايده في المية مش زي اللي ايده في النار

اخيرا :- ودى نصيحه ليا انا شخصيا قبل ما اقلهالك ان بنات الناس مش لعبه ولو جه عريس لاختى من غير شقه اكيد او سؤال هقوله الشقه فيه دا حاجه بديهيه
جزاك الله خيرا علي النصيحة ،، بس انا برضة ليا اخوات بنات وعارف انا بعمل ايه وبخصوص دخول البيت من بابه فانا فعلت ذلك ،،

[eslam atia]

هو بيسآل عندك شقه عشان يضمنو يطردوك منها وهي تبقي حاضنه ويجبروك تصرف بالمحاكم يعنى نصيحه لا تشتري شقه ولا توجع دماغك دى دوله متخلفه الشقه ال100 متر من 300 الف وانت طالع فخلال ممكن تأجر فنفس العماره ب1500 جنيه او 2000 نفس الشقه

فعلا احنا في اوائل الدول في التخلف
مساحة مصر 100%
احنا زانقين نفسنا في 6 % وسايبين الباقي فاضي
واي حتة ارض فاضية داخل البلد هتلاقي الجيش حاطط ايده عليها
دا ناقص يشاركك في البيت ويقولك هاخد منك اوضة
حسبي الله ونعم الوكيل