عايز تهاجر من مصر و لا بتحب العيشه في مصر ؟

[Mecha]

أنا بسافر ألمانيا كتير و معايا الجنسية الألمانية و الفرق بين هناك و هنا في الناس نفسها مش في البلد ... لو المصريين كلهم راحوا ألمانيا و الألمان كلهم بقوا في مصر ... مصر هتتصلح و ألمانيا هتخرب ... الفكرة كلها في احترام عقلية اللي قدامك و احترام رأيه و دينه حتي لو مختلف معاك !!!
المصريين شعب مش ماشي غير بالكرباج و عايزين ياكلوا و يشربوا و يهيصوا من غير مايتعبوا عشان كدة مصر عمرها ما هتتقدم غير لما نخلص من الناس معدومة الضمير !!!
آسف لو كلامي offensive لكنه واقع أليم

بلاش حكاية المصري يشتغل بالكرباج دي جامدة شوية ياهندسة .والمصري مبدع وخلاق في الظروف الموهله.بني السد العالي وعمل شغل حلو من غير كرباج.المصريين زي السودانيين وامريكا الجنوبية واسيا وافريقيا المتخلفة كل اللي حكيته ومشكلة فكر وادارة

[Bassem Youssef]

الحقيقه استمتعت بالنقاش الجميل في الموضوع هنا

و بالمره اذكر اسبابي الشخصيه :

1) الشاب المصري عشان يتجوز محتاج نص مليون جنيه علي اقل تقدير + انه هيتربط في الساقيه عشان يصرف علي المدام و عيالها لحد ما يموت بدون اي ترفيه او حتي كلمه شكرا

2) مفيش شغل محترم بمرتب محترم الا لما يكون معاك واسطه تقيله و حاول بقي ترد الجميل ده في اي حاجه لو عرفت

3) لو فتحت مشروعك الخاص هتلاقي الزباين او العملاء بتوعك بيطلعوا الفلوس من لحمهم الحي كأنهم بيدوك صدقه هما مجبرين عليا+ الفصال و المعامله المقرفه

4) النزول للشارع اصبح مغامره لان ممكن يجيلك غيبوبه سكر او ارتفاع مفاجئ في ضغط الدم نظرا لاخلاقيات الناس و حاله المدقات اللي بنمشي عليها + المهارات الرهيبه لقائدي العربيات

5) قطع كهربه + مياه ملوثه + انترنت قذر يعني من الاخر بنيه تحتيه معدومه و مفيش امل في اصلاحها

6) مستوي التعليم "صرف صحي" سواء حكومي او خاص

7) مستوي الطب و العلاج و المستشفيات في خبر كان

8) تطفل من الاخرين و حسد و حقد طبقي لحد ما تبقي تحت الصفر عشان الناس دي ترتاح

9) ثقافه صفر + امن صفر + اقتصاد تحت الصفر و عايشين علي المعونات

10) مفيش حريه من اي نوع و اللي مش عاجبه بيتجاب من قفاه كأنه بينشر الالحاد

كفايه النقط دي

عايز اسافر اصل لما اسافر هرتاح هعد علي مكتب سنه والسنه التانيه هكون صاحب شركة
عشان كل الي بيهاجرو مفيش شقي نهائي بيروحو يشتغلو بالمؤهل بتاعهم زي في مصر وبعد الشغل يروح المطاعم يعملو بهوات

مفيش حد قال لما تسافر هتعد علي مكتب و تاني سنه هتكون صاحب شركه

مفيش حد قال ان اللي بيهاجروا مش بيتعبوا او بيشتغلوا بالمؤهل بتاعهم او بيبقوا بهوات

علي الاقل اللي بيهاجروا بيتعاملوا معامله ادميه و بيعيشوا زي البني ادمين الطبيعين بغض النظر عن مستواهم العلمي او هما بيقبضوا كام

طبعا مش في كل الدول الكلام ده

عموما انا بتمني ان حضرتك تفضل في مصر علي طول حضرتك و كل عائلتك و اصدقاءك و تستمتعوا بالنهضه المصريه :)))))

[4fun14]

أنا بسافر ألمانيا كتير و معايا الجنسية الألمانية و الفرق بين هناك و هنا في الناس نفسها مش في البلد ... لو المصريين كلهم راحوا ألمانيا و الألمان كلهم بقوا في مصر ... مصر هتتصلح و ألمانيا هتخرب ... الفكرة كلها في احترام عقلية اللي قدامك و احترام رأيه و دينه حتي لو مختلف معاك !!!
المصريين شعب مش ماشي غير بالكرباج و عايزين ياكلوا و يشربوا و يهيصوا من غير مايتعبوا عشان كدة مصر عمرها ما هتتقدم غير لما نخلص من الناس معدومة الضمير !!!
آسف لو كلامي offensive لكنه واقع أليم

معلهش صححلي مفهومي بعد اذنك..
هل المصري اللي عايش ف المانيا عاوز ياكل ويشرب ويهيص من غير تعب؟ولا اندمج ف النظام الالماني وباه شخص منتج يحترم القوانين؟

[ENG.MaRk]

معلهش صححلي مفهومي بعد اذنك..
هل المصري اللي عايش ف المانيا عاوز ياكل ويشرب ويهيص من غير تعب؟ولا اندمج ف النظام الالماني وباه شخص منتج يحترم القوانين؟

لا بقي شخص منتج يحترم القوانين و بيقدر يبتكر و يفكر و يبدع كمان ... هنا مثلا ممكن تلاقي حد بيرمي المهملات في الشارع عادي و يقولك ماهو كدة كدة مش نضيف ماجتش عليّ إنما هناك لو حصل كدة (مع إنه مستحيل) بيدفع غرامة فورية ... بس الفكرة مش في الغرامة لأننا هنا برضه هنقول عادي ندفع الغرامة و نكمل في السكة الغلط ... للأسف "الأنتخة" بقت طبع فينا بس ده ممكن يتغير في لحظة لو تغيرت الأسباب المؤدية ليه ... هناك بتتعب فعلا و بتلاقي إنما هنا للأسف ممكن تفضل تتعب علي شوية ملاليم في الآخر إلا لو هتشتغل شغلانة مش شريفة و مش لازم أوضح النقطة ديه ... هناك العيشة غالية برضه بس المقابل المادي كويس و بعدين انت هناك مش بتبقي شايل هم أي حاجة خالص ... مش بتحتاج تحوّش يعني ... أولادك هيتعلموا و يتعالجوا علي حساب الدولة ف انت الراتب بتاعك بيروح للرفاهية و ديه نقطة معدومة في مصر ... هناك صعب جدا تحوّش لأن اللي جاي علي قد اللي رايح بس already انت لو مش بتاخد راتب الحكومة هناك بتتديلك راتب ل 3 سنين و خلالها بتحاول تدورلك علي شغل ... الفكرة هنا في البطالة و عامة أنا بحب مصر ف مش هأفضل أعدد في الحاجات الوحشة !!!
مصر هتبقي جنة و أنا متأكد من الكلام ده بس لو البلد بطلت تتقلب و الحكومة حست بالشعب الغلبان ده يعني لو الحكومة بتوفر الخدمات الأساسية للشعب زي برة هتعرف تخلق جيل يقدر يشتغل و يعمل أحلي أداء ... التخطيط الإقتصادي في البلد ضايع !!!
أنا مش حابب أتكلم أكتر من كدة هنا ... لو عايز تسأل عن حاجة تاني تعالي inbox

[dr_click]

انا ضد تمام وضع اللوم علي الشعب، انا اشتغلت شويه في حاجه اسمها change mangement, و اول حاجة بتتعلمها ان التغيير بيبتدي من فوق و لازم يستهدف حاجات معينة يمكن قياسها و عادة بتبدي بالسهل و تحط خطة طويلة المدي، معني كدا ان تبتدي بالprocess, زي مثلا معاملات المرور، سهل تجعلها ابسط و هتيدك مردود و دفعة كبيرة تخلي الناس تثق فييك تروح لحاجة اكبر، يبقا بالتاكيد البداية مش من الناس او حتي المبادرات المجتمعية محدودة التاءثير

[الاسد المهاجر]

الحقيقه استمتعت بالنقاش الجميل في الموضوع هنا

و بالمره اذكر اسبابي الشخصيه :

1) الشاب المصري عشان يتجوز محتاج نص مليون جنيه علي اقل تقدير + انه هيتربط في الساقيه عشان يصرف علي المدام و عيالها لحد ما يموت بدون اي ترفيه او حتي كلمه شكرا

2) مفيش شغل محترم بمرتب محترم الا لما يكون معاك واسطه تقيله و حاول بقي ترد الجميل ده في اي حاجه لو عرفت

3) لو فتحت مشروعك الخاص هتلاقي الزباين او العملاء بتوعك بيطلعوا الفلوس من لحمهم الحي كأنهم بيدوك صدقه هما مجبرين عليا+ الفصال و المعامله المقرفه

4) النزول للشارع اصبح مغامره لان ممكن يجيلك غيبوبه سكر او ارتفاع مفاجئ في ضغط الدم نظرا لاخلاقيات الناس و حاله المدقات اللي بنمشي عليها + المهارات الرهيبه لقائدي العربيات

5) قطع كهربه + مياه ملوثه + انترنت قذر يعني من الاخر بنيه تحتيه معدومه و مفيش امل في اصلاحها

6) مستوي التعليم "صرف صحي" سواء حكومي او خاص

7) مستوي الطب و العلاج و المستشفيات في خبر كان

8) تطفل من الاخرين و حسد و حقد طبقي لحد ما تبقي تحت الصفر عشان الناس دي ترتاح

9) ثقافه صفر + امن صفر + اقتصاد تحت الصفر و عايشين علي المعونات

10) مفيش حريه من اي نوع و اللي مش عاجبه بيتجاب من قفاه كأنه بينشر الالحاد

كفايه النقط دي



مفيش حد قال لما تسافر هتعد علي مكتب و تاني سنه هتكون صاحب شركه

مفيش حد قال ان اللي بيهاجروا مش بيتعبوا او بيشتغلوا بالمؤهل بتاعهم او بيبقوا بهوات

علي الاقل اللي بيهاجروا بيتعاملوا معامله ادميه و بيعيشوا زي البني ادمين الطبيعين بغض النظر عن مستواهم العلمي او هما بيقبضوا كام

طبعا مش في كل الدول الكلام ده

عموما انا بتمني ان حضرتك تفضل في مصر علي طول حضرتك و كل عائلتك و اصدقاءك و تستمتعوا بالنهضه المصريه :)))))

انا فعلا بتمني اولاد والعائله تعيش في بلدي مصر معلش اصلي بحب بلدي ممكن زيادة بالنسبه لحد تاني بس بحبها
انا ولدي عاش في امريكا اكثر من١٨ سنه وانا رفضت من زمان حتي من قبل مجوز اني اروحها ووالدي اتوفي هناك وجبته مصر بلده وهيا ديه وصيته انه لو اتوفي هناك نجيبه بلده وعلي فكره اتوفي في حادث هناك والجاني حر طليق عشان المجني عليه مصريه

[أحمد كمال]

والجاني حر طليق عشان المجني عليه مصريه

على اعتبار ان قصدك امريكا اللي في الخليج مثلا؟

[الاسد المهاجر]

على اعتبار ان قصدك امريكا اللي في الخليج مثلا؟

والله ده الي حصل وبعدين مسمحلكش تكلم بالاسلوب ده مش مصدق براحتك الاسلوب ده بلاش منه حضرتك اكيد اكبر من الاسلوب ده

[adel1212]

هو المطار بقى منفد على المنتدي

[prof2013]

والله ده الي حصل وبعدين مسمحلكش تكلم بالاسلوب ده مش مصدق براحتك الاسلوب ده بلاش منه حضرتك اكيد اكبر من الاسلوب ده

هو حضرتك اللي والده اتقتل من واحد مغربي كان محتاج فلوس ولا انت عضو اخر ؟

[canner]

عاوز اهاجر علشان انسى

[khaled_sabry]

مشكله البلد دى شعبها
و ثقافه البقاء للاقوى و الفهلوه
و بالتالى عمر ما البلد دى حتتقدم او تنضف سواء حصلت ثوره او لا
ولو حصلت ثوره تانيه نفس الشعب ده حيرجع نفس العصابه القديمه زى ماحصل قبل كده

و بناء عليه اختيارى عاوز اهاجر و مارجعشى البلد دى تانى

[khaled_sabry]

انا لقى مش عارف .. بحب مصر بكل سلبياتها و اما بسافر بتوحشنى بجنون

اول ما انزل اجازة و ابتدى احتك بالناس او اروح مشوار المرور مثلا احس انى مش طايق اقعد فيها ساعة واحدة و اول ما اسافر تانى و انا فالمطار الاقى نفسى عاوز ارجع

بس بأمانة و بدون حساسية ... انا مش عاوز ولادى يتربوا هنا بس مقدرش اسيبها غير طبعا انى الولد الوحيد لوالدى ووالدتى

ياعم رامى و هو انتا عايش فى مصر اصلا
انتا عايش فى الرحااااااااااااااااااااااب
مصر حاجه و الرحاب حاجه - و سع بقى علشان انا جاى جنبك يمكن انسى انا كمان
حبيبى ياعم رامى

[Mecha]

مشكله البلد دى شعبها
و ثقافه البقاء للاقوى و الفهلوه
و بالتالى عمر ما البلد دى حتتقدم او تنضف سواء حصلت ثوره او لا
ولو حصلت ثوره تانيه نفس الشعب ده حيرجع نفس العصابه القديمه زى ماحصل قبل كده

و بناء عليه اختيارى عاوز اهاجر و مارجعشى البلد دى تانى

سبحان الله ,ما هو نفس الشعب كان محترم وملتزم لحد اواخر السبعينات
شعب الموظفين,ةو في العشرينات والتلاتينات كان مبدع وانتاجي

[khaled_sabry]

سبحان الله ,ما هو نفس الشعب كان محترم وملتزم لحد اواخر السبعينات
شعب الموظفين,ةو في العشرينات والتلاتينات كان مبدع وانتاجي

و هو مين قالك كده !!!

كان فين الشعب المصرى فى الثلاثينات و العشرينات ؟؟؟ كان فى الارياف شغال بالسخره فى عزب الباشا و الاقطاعى
كان شغال فعليا بالكرباج - اللى بتشوفهم بقمصان مكويه فى الصور اللى بالابيض و الاسود فى مصر الجديده و الدنيا فاضيه حوليهم و نضيفه دول مش مصريين اصلا دول الاجانب اللى كانو واخدين خير البلد
طلع المصرى فى الصوره دى
[sor2]http://www14.0zz0.com/2010/04/25/18/500783515.jpg[/sor2]
ولا فى الصوره دى

و قصه الموضه اللى كانت بتنز فى مصر قبل باريس لأن وقتها كانت مصر سوق "انجليزي" كبير زى دبى حاليا الفارق ان السوق ده كان تحت اداره انجليزيه يعنى مش شطاره مننا و لا حاجه
التقدم اللى كانت فيه مصر فى الوقت ده ماكنشى بسببنا و لا كان خيره لينا - يعنى مصر مثلا اول بلد يبقى فيها سكه حديد فى الشرق الاوسط - السكه الحديد دى اصلا ماكنتشى اتعملت لسفر البنى ادمين لمده طويله و كانت بتنقل القطن بس من الصعيد علشان يتباع فى الاسكندريه بسرعه !!!
يعنى دول المصريين فى الفتره اللى بتقول عليها
[sor2]http://t1.gstatic.com/images?q=tbn:ANd9GcSm50-WY5N15gz9e54ciXbITSKSYCf6TvTnx8ULggQesxzTGsWQ[/sor2]
و معظم المصريين كانو كده

وللاسف بقى طبيعه فى الشعب ده انه مابقاش يمشى غير بالكرباج (زى كرباج السخره)
و لغايه الناهرده احنا شعب مش بيمشى غير بكرباج