عايز تهاجر من مصر و لا بتحب العيشه في مصر ؟

[Mecha]

الصور اللي انت جيبها لمصريين بسطاء ولا كانوا فهلوية ولا بلطجيه فلاحين من احسن الفلاحين ,وكان فيه كتبة وموظفيي الحكومه غير مرتشين,ومنهم اغنيا زي طلعت حرب وعبود وقطاوي والجمال ومنهم مفكرين ومبدعين زي طه حسين والعقاد ومشرفة وعلي مبارك والرافعي
السكه الحديد اول خط القاهرة للسويس مع افتتاح القناة
كمان مبنكلمش عن الرفاهية انت بتقول ( ثقافه البقاء للاقوى و الفهلوه )
مكنتش الامور بالسوء دا. الغالبية كانت محترمة وملتزمه
السخره اتلغت مع اخرالقرن 19 ,ومتنساش ان فرنسا قبل ثورتها كانوا عايشين سخره وجلد غير الجوع اللي كان متفشي رغم غني الارض
البني ادم واحد في كل مكان المهم ازاي تديره وتطبعه

[Abo_Mazen]

بالنسبالي .. الاسباب واضحة:

مفيش تعليم .. مفيش صحة .. مفيش اكل نظيف .. مفيش هواء نظيف .. مفيش شغل عدل .. كل حاجة بالواسطة .. لو ليك ظهر هتسلك فى البلد دي .. مفيش قانون .. احمي نفسك بنفسك .. اتفاوض وهات عربيتك اللى اتسرقت

هحكيلكوا على قصة حصلت امبارح

كنت نازل اقابل واحد صاحبي على باب العمارة تحت .. فوجئت بعربية ربع نقل نازل منها مسلحين ودخلوا على المكوجي اللى قدام البيت .. وبيجروه بالعافية على العربية .. جريت علشان اشوف في ايه كنا فاكرينها خناقة لقيناهم المباحث

المهم الساعة واحدة بليل لقيت الواد رجع تاني وشغال عادي جدا

ايه يابنى اللى حصل؟؟

قال انه كان مشغل الكاسيت في المحل على اغاني بصوت عالي .. المهم حد من الجيران مش عاجبه الوضع والصوت عالي .. نزل اتخانق معاه وضربوا بعض ..

الولد اللى نزل ده ابوه ظابط ... فبعتله عربية جابته واترمى فى الحجز ..

حظ الولد المكوجي ان في ظابط تاني اعلى رتبه كان بيتعامل معاه .. فراح الظابط ده سأله ايه اللى جابك هنا .. وعرف منه القصة وراح مطلعه وخلاه يروح على المحل بتاعه

الخلاصة .. احنا في بلد بنت ستين كلب مفيهاش قانون .. ليك واسطة عند ابو 50% هتسلك .. ليك واسطة وتعرف مستشار او قاضي هتاخد براءة .. واعرف ناس والله العظيم اتسجنت ظلم فى البلد دي لمجرد ان القاضي كان بيجامل الطرف اللى رافع القضية

بلا قرف !!

أهم حاجه قولتها في قائمة مفيش اللي حضرتك ذكرتها ..مفيش عدل ..وألا لعنة الله على بلد ضاع فيها العدل ..مشكلة وكارثة البلد في غياب العدل

[adel1212]

أهم حاجه قولتها في قائمة مفيش اللي حضرتك ذكرتها ..مفيش عدل ..وألا لعنة الله على بلد ضاع فيها العدل ..مشكلة وكارثة البلد في غياب العدل

بس هو مقلش مافيش عدل

[mhamdsamy]

ارجو الاجابه مع ذكر الاسباب بدون تعصب

تعصب لية انت لو بصيت لعدد النجوم و المجرات و كوكب الارض و انواع الكائنات الحية كالقلقااس و السحالي والانسان
هتلاقي نفسك انسان كائن حي اتولدت في مصر تحديدا
سبحان الله و لا حول ولا قوة الا بالله
ثانيا
انا هجرت الحمدالله و طلع عيني لحد مخليت ابني جنسيتة بريطانية مع اني مش معايا الجنسية بس اقامة دائمة و دة عشان اوفر علية العذاب و المؤامرة الكونية علية لو بقي مصري
والاجابة علي سؤالك انا افضل الهجرة و لحد تلت شهور كنت بفضل العيشة في مصر لكن نزلت اجازة اسبوع لقيت مصر محضرالي خبووووو@#@(*$ر و معرفتش ارجع
حجزت تذكرتين و نزلت لقيت و احد صاحبي بيقولي انت خلاص اجازتك اسبوع قلت ايوة قالي هتسافر ازاي من غير تصريح سفر قولتلو انا واخد تاجيل لم يصبة الدور و الاعفاء نهائي بعديها لان انا 28 سنة قالي لازم تصريح سفر حتي لو معاك اعفا رحت منطقة التجنيد قالولي البطاقة منتهية و جواز السفر مينفعش عملت بطاقة جديدة مستعجل و رجعتلهم قالولي فين شهادة التاجيل القديمة قلتلهم اجبها منين انا دلوقت انا جي استلم الاعفا رحت القسم عامل بدل فاقد ورجعت يوم كامل واقف مستني استلمها وال يعرف مجند بياخدها الاول
قلت الحمدالله قالولي لازم تروح تختم من الجوازات انك مش في التجنيد رحت قالولي الختم دة كان للجواز القديم الكبير لازم تعمل جواز جديد لان الجواز المميكن بتاعك فية مطلوب للتجنيد لازم تتغير طب انا مسافر بكرة قالولي معلش المرة الجية اعمل حسابك تنزل اجازة اطول
حلفت مانا راجع البلد بنت ^%^%^# دة تاني

[mhamdsamy]

بس هو مقلش مافيش عدل

ماهو الدرس المستفاد من القصة يا جهبذ
مافيش عدل مافيش مكواة للظباط

[Curbis]

من واقع كلامي وتعاملي مع أجانب كتير

مصر بلد كويسة زي أي بلد في العالم وفيها نفس المشاكل اللي في أي بلد

ومقابلتش حد عاجبه حاله ولا حتى في أمريكا ولا ألمانيا ولا انجلترا ولا ولا ولا

[adel1212]

ماهو الدرس المستفاد من القصة يا جهبذ
مافيش عدل مافيش مكواة للظباط

اسف لاني كنت اعتقد انه ضعف في البصر فقط

[Khaled Online]

تعصب لية انت لو بصيت لعدد النجوم و المجرات و كوكب الارض و انواع الكائنات الحية كالقلقااس و السحالي والانسان
هتلاقي نفسك انسان كائن حي اتولدت في مصر تحديدا

أنا هخرج من صمتي مخصوص عشان أقولك شكرا
^جملتك ضحكتني من قلبي :)

[prof2013]

من واقع كلامي وتعاملي مع أجانب كتير

مصر بلد كويسة زي أي بلد في العالم وفيها نفس المشاكل اللي في أي بلد

ومقابلتش حد عاجبه حاله ولا حتى في أمريكا ولا ألمانيا ولا انجلترا ولا ولا ولا

بالظبط كده
بس فيه لغز هنا
المصري لما بيروح البلاد دي بينجح وبيرتاح في العيشه هناك ومش كلهم طبعا لان فيه اللي مش بيستحمل الغربه
اما الاجانب مش بيرتاحوا في العيشه هنا وبيحنوا لبلدهم تاني حتى لو مكانوش مرتاحين
بدليل الجوازات الفاشلة لمصريين من اجانب وخاصة الانجليز
الحكايه كلها ان الممنوع مرغوب

[Mecha]

انا اشتغلت مع اجانب في مصر قاعدين فيها من السبعينات وكانوا بيتحايلوا عليهم يروحو فرع في هانوفر وفرع في كنساس وهما ابدا.
لما سالتهم قالولي الضرايب وعاجبهم الشمس ورخص الحياة وعاجبهم الاكل المصري ومنهم اجوز عراقيه ومصرية

[memo_p910]

البلد خرابه دي حقيقه
محدش حابب العيشه فيها
بس انا قاعد فيها مقدرش ابعد عن الأهل والأصحاب

[khaled_sabry]

انا اشتغلت مع اجانب في مصر قاعدين فيها من السبعينات وكانوا بيتحايلوا عليهم يروحو فرع في هانوفر وفرع في كنساس وهما ابدا.
لما سالتهم قالولي الضرايب وعاجبهم الشمس ورخص الحياة وعاجبهم الاكل المصري ومنهم اجوز عراقيه ومصرية

لو اجنبى حب يعيش فى مصر حيعيش زى الملوك
هل ممكن ان امن الدوله يجي يعتقله لاى سبب
هل ممكن حد يدايقه او يستغفله
فلوسه القليله فى بلده هنا تلاقيها تجيبله احسن شقه فى احسن مكان
الاجنبى هنا ليه هيبه لما بيدخل اى مكان
المصرى بقى لما بيهاجر اى بلد بياخد على دماغه هناك - زى بالظبط السودانيين فى مصر (زمان)
فالاجنبى ليه حق يقعد فى مصر لأنه برضه مش بيعيش زى المصريين و بيبقى فى وضع افضل بكتير منهم

[Curbis]

لو اجنبى حب يعيش فى مصر حيعيش زى الملوك
هل ممكن ان امن الدوله يجي يعتقله لاى سبب
هل ممكن حد يدايقه او يستغفله
فلوسه القليله فى بلده هنا تلاقيها تجيبله احسن شقه فى احسن مكان
الاجنبى هنا ليه هيبه لما بيدخل اى مكان
المصرى بقى لما بيهاجر اى بلد بياخد على دماغه هناك - زى بالظبط السودانيين فى مصر (زمان)
فالاجنبى ليه حق يقعد فى مصر لأنه برضه مش بيعيش زى المصريين و بيبقى فى وضع افضل بكتير منهم

لأ ده كان زمان دلوقت الأجنبي بيتهان عادي جدا

ولو رحت سينا اي باص في اجانب بيقف ويتفتش كله انما لو كله مصريين (وشكلهم نضيف يعني) بيعدي من غير تفتيش

ده غير ان في اجانب كتير منهم فرنسيين وأمريكان ماتوا من التعذيب في اقسام الشرطة :)

[lost2008]

نفسى اهاجر و مرجعش تانى ابدا حتى لو مت ادفن هناك " من كتر قرفى من البلد ديه" للاسف كبر سن اهلى و رفضهم التام انهم يهاجرو مخلينى متقيد و مش عارف اتصرف

[إنسانة]

النعمة اللي مش حاسين بيها

أنا نفسي أعيش في مصر

هعرف أسوق العربية بنفسي ^^
و هروح السينما كل أسبوع
وهروح كل شهر مدينة سياحية
ومطاعم
ونوادي
ومولات
ومجالات تعليم واسعة وخيارات كتير
ومش مشكلة النور يقطع وماله الشمع