نظام جديد من Tedata

[Hossam_Hassan]

Tedata عملوا نظام جديد تفاصيله كالأتى:

1 - السرعة 1 ميجا، داونلود 10 جيجا شهريا فقط، الجيجا الزيادة ب 7 جنيه تقريبا او 8.
2 - الأشتراك 120 جنيه فى الشهر
3 - مودم 4 بورت وايرلس مجانا، بس يرجع طبعا لو انهيت الخدمة
4 - لازم ما تغيرش النظام الا بعد سنة او تدفع 220 جنيه
5 - لو مشترك و هتغير للنظام ده، تدفع 50 جنيه، بس لازم يوم تجديد الأشتراك و تستلم المودم و انت واقف، بس من الفروع الكبيرة بس

بصراحة نسيت اسأل لو الواحد الغى الأشتراك هيدفع كام

كده يبقى دخول فودافون و اتصالات و موبينيل فى مجال خدمات النت لصالح المستهلك و ربنا يسهل و الأسعار تنزل و العروض تكتر

[NaderNabil]

عرض جميل فعلا...و هو أكيد نازل لمنافسة فودافون

بس عندي سؤال....نفرض انا مش عايز الروتر دلوقتي...عايز السرعة دي بالليميتد داونلود ده بس...هل موجودة؟

[Hossam_Hassan]

معلش يا نادر، نسيت النقطة دى، أنا سألت على الحكاية دى علشان عندى راوتر مكفينى، بس قالوا مش هيفرق فى السعر لأن الراوتر مجانى

[NaderNabil]

طب انا بصيت علي السيات بتاعهم

www.tedata.net

و لاقيت العرض (التوربيدو) زي ما انت قلت ب 120 جنيه في الشهر

في حين ان ال1 ميجا ليميتد 10 جيجا ب 150 خارج العرض

طب ازاي...حد يفهمني

[Hossam_Hassan]

طب انا بصيت علي السيات بتاعهم

www.tedata.net

و لاقيت العرض (التوربيدو) زي ما انت قلت ب 120 جنيه في الشهر

في حين ان ال1 ميجا ليميتد 10 جيجا ب 150 خارج العرض

طب ازاي...حد يفهمني

سهلة جدا يا نادر، دى شركة حكومة، يبقى تتوقع ايه،غالبا التوربيدو ده عرض لمدة محدودة او هيلغوا التانى، بس لسه معملوش تحديث للموقع بتاعهم، بص ان شاء الله انا هغير النظام يوم الأحد القادم، لو ميعاد تجديدك بعد كده يبقى هتعرف كل التفاصيل عن تجربة.

[أبومعاذ]

أصلا ال 1 ميجا ب 150
العرض ان اسعر يبقى 120 بدل 150 وكمان الراوتر ال4 بورت وايرلس مجانا وفي حالة الغاء الاشتراك بعد سنة الراوتر من حق المشترك
الراوتر دا الشركة كانت بتبيعه ب 390 ج

[NaderNabil]

هو في نفس الوقت تقريبا...بس ديما بستني لحد ما يقطعوا الخدمة عشان أروح أدفع:)
يبقي هاستناك

بس انت مش كنت غيرت لل512 ليميتد 6 جيجا؟

[Hossam_Hassan]

هو في نفس الوقت تقريبا...بس ديما بستني لحد ما يقطعوا الخدمة عشان أروح أدفع:)
يبقي هاستناك

بس انت مش كنت غيرت لل512 ليميتد 6 جيجا؟

بالضبط، بقالى كذا شهر و استهلاكى حوالى 2 جيجا فى الشهر، بس هغير علشان السرعة الأعلى، علشان جد لولو لازم يكلمها صوت و صورة من السعودية كل يوم و السرعة هتفرق فى الصورة جامد، و بينى و بينك بفكر فى موضوع الشو بوكس و ساعتها ابقى استهلك باقى ال 10 جيجا براحتى

[أبومعاذ]

بالمناسبة فودافون مينفعش تنافس تي اي داتا ومش بقول كدا عشان انا شغال فيها ولكن دي بتلعب في غير ملعبها
وبعدين فودافون شغلها الاساسي في الانترنت هو الوايرلس عن طريق ال 3g ويادوب بيفكروا يدخلوا في الdsl ومعندهمش بنية تحتية تخليهم يفكروا مجرد تفكير ينافسوا تي اي داتا

[NaderNabil]

الشو بوكس

يطلع ايه ده

[Hossam_Hassan]

يطلع ايه ده

على ما فهمت طشاش انك بتجيب ريسيفر اسمه شو بوكس او ترومان مش فاكر و بيتوصل بالراوتر تقريبا مش بال ال ان بى و بيفك شفرات كل القنوات اتوماتيك و تدفع للشركة اللى بتعمل القصة دى 40 جنيه شهرى اشتراك و اتفرج يا معلم على كل القنوات.

انا بصراحة مش عارف تفاصيل اكتر بس اسمع ناس كتير بتتكلم عليه و هدور على التفاصيل لما اغير للسرعة الأعلى و ياريت اللى يعرف معلومات اكتر يقولنا

[Hossam_Hassan]

معلومات طازة

العرض ده لمدة سنة بس، يعنى تغير النظام تانى بعد سنة، و الراوتر يبقى بتاعك بعد السنة دى.

الغباء الحكومى بقى، لما العرض يخلص و تحول، تدفع 50 جنيه رسوم تحويل تانى.

[أبومعاذ]

معلومات طازة

العرض ده لمدة سنة بس، يعنى تغير النظام تانى بعد سنة، و الراوتر يبقى بتاعك بعد السنة دى.

الغباء الحكومى بقى، لما العرض يخلص و تحول، تدفع 50 جنيه رسوم تحويل تانى.

ونت اصلا ايه اللي يخليك تحول مانت ممكن تكمل 1 ميجا بس تدفع 150 بدل 120 و الراوتر بقى بتاعك

[hesham_tawfiq]

بالمناسبة فودافون مينفعش تنافس تي اي داتا ومش بقول كدا عشان انا شغال فيها ولكن دي بتلعب في غير ملعبها
وبعدين فودافون شغلها الاساسي في الانترنت هو الوايرلس عن طريق ال 3g ويادوب بيفكروا يدخلوا في الdsl ومعندهمش بنية تحتية تخليهم يفكروا مجرد تفكير ينافسوا تي اي داتا

لا يايباشا دول عندهم شركه كامله اسمها رايه تليكوم بتقدم خدمة الدى اس ال ( كان اسمها زمان ستار نت لو حد يفتكر
) واشترو الشركه من شركة رايه عشان الموضوع دا بالتحديد

[أبومعاذ]

ما هيا راية تعبانة اصلا و كانت بتاخد band width من ايجي نت فترة طويلة