Tweet
يا جماعة انا بكتب الموضوع ده و ربنا فقط يعلم بحالتي .. انا عديت أقصي مراحل الإكتئاب .. إنهاردة قاعد في المحاضرة الساعة 10 الصبح .. لقيت واحد دخل بيقول فيه طالب هنا إسمه محمود مصطفي ؟ قلتله انا .. قاللي أختك عملت حادثة و في المستشفي .. انا أصلاً مستحملتش الكلمة دنا من يومين كنت في عزا صاحبي اللي توفي في حادث .. طلعت جري علي مستشفي الجامعة .. ناس قابلوني عالباب .. إيه يا جماعة اللي حصل ؟ من وصف الحادث انا قلت إنها خلاص إنتهت .. كانت بتعدي الشارع اللي قدام جامعة مصر .. عربية لانسر طلعت من ورا عربية (كانت بتاخد غرزة) و طاير مش شايف أي حد .. قام لقي أختي قدامه فجأة فضل يفرمل بس برضه ملحقش و خبطها طيرها قدامه .. البيه عايز يجري مش هيقف .. و هي سدت عليه الطريق .. قام طالع من فوقيها ! إنتم متخيلين مدي الحقارة و السفالة و الكفر اللي إبن الكلب ده فيها ؟؟؟؟!!! ده مش بني أدمين اللي ماشيين في الشارع ده مجرمين محترفين !!! طبعا من الصدمة و كل ده فقدت الوعي .. و الواد جري .. و كان فيه ناس واقفة عايزة تجري وراه بس محدش رضي يركبها معاه في العربية أو يجري هو بنفسه وراه و محدش لحق النمرة .. الناس إفتكروها توفت .. و كله واقف يتفرج .. ما عدا "شــــخــــص واحـــــــــــد" فقط شالها لمستشفي الجامعة التعليمي و دخل بيها و أمن الجامعة واقف يتفرج ولا حد حتي جاب ترولي من المستشفي .. صحابها شافوها راحوا ندهولي .. انا من الوصف ده متوقع أدخل أشوف منظر بشع .. و لكن الحمد لله الأثار مكانتش ببشاعة الحادث و لكن ما خفي كان أعظم .. المستشفي في منتهي الإهمال و بتتعامل مع المريض أكنه مفيش أي حاجة واجعاه و مش بينقلوه بل "بيهبدوه" .. إتخانقت و سبيت و لعنت و بهدلت الممرضات و زعقت مع الدكاترة و أعصابي بازت .. قلتلهم كلمولي أي مستشفي ننقلها يلعن أبو دي مستشفي علي ****** .. كلمت دار الفؤاد .. و الله حضرتك مفيش عندنا إستقبال طوارئ "بتاعة وزير الصحة" .. و باقي المستشفيات معظمها تعليمي برضه أو في نفس المستوي .. المهم تابعت الأشعات و الحاجات دي عشان اتأكد إن مفيش نزيف داخلي و طلع مفيش الحمد لله .. و فاقت و صريخ بقي كل حاجة بتوجعها .. و بعد سلسلة من الإهمال تتطول شرحها .. طلع مفيش جهاز للكشف علي الأربطة ولا أشعة مقطعية للمخ .. نعملها فين ؟ مستتشفي جامعة 6 أكتوبر .. ننقلها إزاي ؟ إطلع كلمهم من إستقبال الطوارئ بس معندناش عربية إسعاف .. ليه ؟ أصل طلعت مشوار !!! يا جماعة انا في مستشفي ولا موقف ميكروباص ؟!!! المهم طلعت عند الطوارئ أكلم المستشفي التانية لقيت موظف إستقبال الطـــــوارئ .. نايم !!!!!!!!!!!! و هو ده بجد اللي فجرني و خرجني عن شعوري .. لأنه كان نايم مش نوم واحد مغفل .. لأ واحد قال اما أريحلي ساعتين !! قمت مصحيه بقلم علي وشه و سابب و لاعن و عليت صوتي أد كدة و الناس إتلمت و كنت ماسك قصرية زرع هلبسهاله في دماغه .. قعدت أشتم في المستشفي و كلمت خالي خليته كلملي رئيس الجامعة .. عربية إسعاف طلعت بعد ما كانت مختفية و إتنقلت و عملنا كل حاجة و روحتنا لحد البيت !! بلد أقل ما يقال عليها زبالة .. و للأسف انا كنت في الموقف لوحدي لأن مكان بعيد و والدي مسافر و والدتي هتتخض و بس لو كلمتها .. بعدها بساعة خالي جه و قاللي أقعد إنت لأن انا أعصابي كانت بازت خلاص و كان ممكن أروح في داهية في حد .. خلصنا كل حاجة و رجعت في عربية الإسعاف .. هي عندها كسور متفرقة في الجسم و كدمات و كسر كبير في الحوض هياخد وقت .. و لكن الحمد لله المخ و العمود الفقري سليم .
انا و انا بتكلم مش في وعيي فا محكتش كل الإهمال اللي حصل ..
كلمت إسعاف 123 الحكومة يبعتولنا عربية من اللي بيقفوا عالمحور .. قعدنا ساعة و ربع مجوش .. كلمتهم قالولي تلاقي العربية في مشوار أول ما تفضي هتجيلك .. و شتمت الموظف شتيمة أبيحة جداَ عالتليفون مع إن كان فيه تحذير من الأول إن المكالمة مسجلة بس مش مهم يولعوا بجاز .. ده يا ريت يجيبولي التسجيل عشان يسمعوا المسخرة اللي سمعتها .
سلسلة الإهمال كانت إيه ؟ قبل منطقتنا فيه منطقة بيعدي فيها قطار .. فا الناس بترمي الزبالة علي السكة الحديد لحد ما بقت مزبلة .. القطر إتزحلق طلع من عالقضبان .. الناس كلمت البوليس يمكن حد من الشخصيات الهزلية اللي إسمها حكومة تتصرف .. سابوا القطر من 3 بالليل لحد 9 الصبح .. الباص اللي بييجي ياخد أختي لقي الشارع واقف قالك مش مشكلة الناس اللي في الشارع ده أخدهم إنهاردة .. حتي لو فيه تخريمة تعديني انا أتعب نفسي ليه ؟ بناقص .. قامت الباص مجاش .. و أختي عندها إمتحان .. و انا مشيت خلاص في 6 أكتوبر .. قامت راكبة ميكروباص .. نزلها عالناحية التانية .. بتعدي .. ظهر الشاب الطائر الواطي اللي إن شاء الله ربنا هينتقم منه و بشدة في الأيام اللي جاية .. لأن اللي عمله ده ملوش وصف . شوفتوا سلسلة الإهمال ؟ انا إنهاردة بس عرفت قد إيه انا بكره البلد دي ..
و كله كوم و انا طالع بعربية الإسعاف مع أختي كوم .. ناس مش عايزة تعدي العربية و ناس تزنق عليها !! و مشغلين السارينة و بنقول معانا مريض ولا حد معبرنا .. لدرجة واحد عالمحور ماشيين وراه بالسارينة و هو ماسك الشمال و بنقلبله نور قام مدينا إشارة شمال !! يعني طز فيكوا .. و اما وصلنا منطقة الزحمة بتاعة المحور و الطريق وقف تماماَ كان هيجيلي إنهيار عصبي .. لأن أختي متكسرة و مش عارف أعمل حاجة بسبب إن ربنا خلقنا في مجتمع قذر البهائم متحضرة عنه .. ربنا يبتلي البلد دي بمصيبة أكتر من اللي هي فيها و يحرق الناس كلها بجاز شعب معفن و قذر و انا خلاص مش عارف هنزل الشارع إزاي بعد كدة من 3 أسابيع أنجو من الموت بأعجوبة و ما زلت بأنجو منه كل يوم .. و صاحبي يموت من 3 ايأم و أختي تبقي بين الحياة و الموت إنهاردة .. بنزل مش عارف انا هرجع ولا لأ و لو رجعت مش عارف أهلي و صحابي هيرجعوا ولا لأ .. دي مش عيشة انا خلاص حاسس إن قلبي هيقف .
معلش انا طولت عليكم بس انا مضايق جداَ .
و أختي الحمد لله حالتها مستقرة دلوقت ..
و للأسف محدش خد نمرة العربية
انا و انا بتكلم مش في وعيي فا محكتش كل الإهمال اللي حصل ..
كلمت إسعاف 123 الحكومة يبعتولنا عربية من اللي بيقفوا عالمحور .. قعدنا ساعة و ربع مجوش .. كلمتهم قالولي تلاقي العربية في مشوار أول ما تفضي هتجيلك .. و شتمت الموظف شتيمة أبيحة جداَ عالتليفون مع إن كان فيه تحذير من الأول إن المكالمة مسجلة بس مش مهم يولعوا بجاز .. ده يا ريت يجيبولي التسجيل عشان يسمعوا المسخرة اللي سمعتها .
سلسلة الإهمال كانت إيه ؟ قبل منطقتنا فيه منطقة بيعدي فيها قطار .. فا الناس بترمي الزبالة علي السكة الحديد لحد ما بقت مزبلة .. القطر إتزحلق طلع من عالقضبان .. الناس كلمت البوليس يمكن حد من الشخصيات الهزلية اللي إسمها حكومة تتصرف .. سابوا القطر من 3 بالليل لحد 9 الصبح .. الباص اللي بييجي ياخد أختي لقي الشارع واقف قالك مش مشكلة الناس اللي في الشارع ده أخدهم إنهاردة .. حتي لو فيه تخريمة تعديني انا أتعب نفسي ليه ؟ بناقص .. قامت الباص مجاش .. و أختي عندها إمتحان .. و انا مشيت خلاص في 6 أكتوبر .. قامت راكبة ميكروباص .. نزلها عالناحية التانية .. بتعدي .. ظهر الشاب الطائر الواطي اللي إن شاء الله ربنا هينتقم منه و بشدة في الأيام اللي جاية .. لأن اللي عمله ده ملوش وصف . شوفتوا سلسلة الإهمال ؟ انا إنهاردة بس عرفت قد إيه انا بكره البلد دي ..
و كله كوم و انا طالع بعربية الإسعاف مع أختي كوم .. ناس مش عايزة تعدي العربية و ناس تزنق عليها !! و مشغلين السارينة و بنقول معانا مريض ولا حد معبرنا .. لدرجة واحد عالمحور ماشيين وراه بالسارينة و هو ماسك الشمال و بنقلبله نور قام مدينا إشارة شمال !! يعني طز فيكوا .. و اما وصلنا منطقة الزحمة بتاعة المحور و الطريق وقف تماماَ كان هيجيلي إنهيار عصبي .. لأن أختي متكسرة و مش عارف أعمل حاجة بسبب إن ربنا خلقنا في مجتمع قذر البهائم متحضرة عنه .. ربنا يبتلي البلد دي بمصيبة أكتر من اللي هي فيها و يحرق الناس كلها بجاز شعب معفن و قذر و انا خلاص مش عارف هنزل الشارع إزاي بعد كدة من 3 أسابيع أنجو من الموت بأعجوبة و ما زلت بأنجو منه كل يوم .. و صاحبي يموت من 3 ايأم و أختي تبقي بين الحياة و الموت إنهاردة .. بنزل مش عارف انا هرجع ولا لأ و لو رجعت مش عارف أهلي و صحابي هيرجعوا ولا لأ .. دي مش عيشة انا خلاص حاسس إن قلبي هيقف .
معلش انا طولت عليكم بس انا مضايق جداَ .
و أختي الحمد لله حالتها مستقرة دلوقت ..
و للأسف محدش خد نمرة العربية
Comment