خلاص .. خلاص بجد .. دي مش عيشة بني أدمين

[1.8Tee]

صبرك الله يا اخ محمود و شفى الله شقيقتك و لا تترك نفسك للغضب
بارك الله لك يا استاذ Sameh

تقصد ايه ؟

زى لما تقول دى عربية شكلها "killer" بس هى مش مميتة.

عشان فى بعض الأعضاء لما بيشوفوا الأنجليزية فى الرد بيجيلهم هيستريا....

[aif]

لا حول ولا قوة الا بالله
احمد ربنا الف مرة يا محمود ان اختك بخير ...
الوصف اللي حصل دة بشع ....
والله ربنا هو اللي بيستر .......
قدر الله وماشاء فعل

[TaoTao]

الف سلامة لاختك وإن شاء الله ربنا يعافيها ويشفيها في أسرع وقت.

[fiatto]

والدي الله يرحمه قالي حكمة ( حقـــــك يقويــــــك ) طول ما انت ليك حق ما تسبهوووووووووووش و اعمل اي حاجة علشان تاخده حتى لو هتموت ( الله يرحمه )

نفس مقولة والدى الله يرحمه , بس كنت دايما باختلف معاه ان الاوضاع فى مصر والتغير الاجتماعى والاخلاقى أصبح مش كفاية ان يكون معاك الحق ولو بعقد وختم وشهادة شهود , لو محطوط فى دماغ حد حقك لن يقويك وسينزع منك شرفك وملكيتك وحتى اسمك لو اقتضى الأمر .
الحق كان مع النبى عليه الصلاة والسلام بل أكثر من ذلك كان مؤيدا من السماء من عند الله عز وجل , لكن برغم ده لم يقويه حقه وظل مستضعفا ولاقى ما لاقى من جبابرة قريش .
أتمنى ييجى اليوم اللى اسمع فيه من الناس فى الشارع عند أى خلاف طبعا الراجل الحق معاه وغصب عنك لازم تخضع لقوة الحق .

[fiatto]

اللي حصل لمحمود انا عارفه و حاسه كويس
بتحس للحظة انك فار محبوس في قزازة
قزازة باردة من اللا مبالة و عفن الروح
و شفافة كمان ..يعنى تلاقي الكل شايفك بتتحرق و هما ولا على بالهم ...ما تتحرق
انا مش لاقي كلام اكتبه ولا أقوله
ولا هاقولك اصبر و لا هاقوللك معلش
لنه مش ماعلش
و لأن الصبر هو ضعف في الحالة دي
و للأسف
للأسف ما فيش فايدة من اي حاجة في الخرابة اللي احنا فيها
و لو فضلنا فيها هانتحول لكياس قمامة حقيقية كأكياس القمامة التي تجوب الشوارع حولنا كل يوم .

كلام حضرتك مظبوط جدا , وانا أقلمت نفسى انى مش عايش مع بنى آدمين فمتتوقعش من حد انه يشاركك آلامك .
وهنروح بعيد ليه معانا هنا فى المنتدى حد بارز وناشط جدا فى المنتدى الاجتماعى وهاتك يامشاركات فى حب الخير والناس , حد سمع همسة من العضو تساند محمود مع ان موضوع محمود بقاله حوالى 24 ساعة والناس كلها واست محمود فى مصيبته !!!
صلى عالنبى وخلينا بهمنا

[R A N A]

لا حول ولا قوة الا بالله.
انا لسة شايفة الموضوع دلوقتي لان الجهاز بتاعي كان فيه مشكلة ويادوب اتعدل شوية وفتحت وفوجئت بموضوعك انا اسفة على التأخير في الرد بس والله غصب عني.
بجد انا قريت كلامك ومش مصدقة اللي حصل وعيوني والله دمعت .

ايه ده ؟ بجد في ناس كده؟ مش بس يخبطها بعربيته بمنتهي الحقارة بسبب التهور والغرز والقرف ، كمان يدوس عليها عشان يهرب ؟ ازاي عنده القلب انه يعمل كده؟ ايه الوحشية دي وايه القرف ده؟ ده الحيوانات متعملش كده وبيخافوا علي بعض ده المفروض يتشنق في ميدان عام عشان يبقي عبرة لمن يعتبر

بجد حسبي الله ونعم الوكيل وربنا يصبرك يارب ويقومها بالسلامة يارب.

وحق اختك لو مأخدتوش من الشخص ده في الدنيا صدقني ربنا هايأتي بيه يوم القيامه واختك تقتص منه لإن ربنا مبيضيعش حق حد ابدا.
بجد قلوبنا معاك وبدعيلك ان ربنا يطمنك عليها ويقومها بالسلامة ويتم شفاها علي خير يارب.
وبقول حسبي الله ونعم الوكيل في الشخص اللي عمل كده وحسبي الله ونعم الوكيل في المهملين والناس اللي بتستخف بحياة البشر بالشكل ده.
ولو محتاج اي حاجة بجد قلنا كلنا هنا في المنتدي اخواتك ومحدش ابدا هيتأخر عنك في اي شئ.
ربنا يطمنك عليها يارب ويصبر قلب والدتك علي اللي حصل

[amr mokhtar]

انا لسه شايفه الموضوع دلوقتى
و الله انا أخدت فترة عقبال ما فهمت اللى حصل
لا حول ولا قوة إلا بالله
انا سمعت كتير عن حوادث مشابهة بس بصراحة مكنتش بصدق ان ده ممكن يحصل فعلآ و بالذات لحد مننا
ربنا يصبرك يا محمود و يتمم لأختك الشفا
و ماتقلقش ربنا يمهل و لا يهمل

[Dr_Smart]

لا حول ولا قوة الا بالله

الف سلامه على اختك يا محمود وربنا يشفيها وتقوم بالسلامة وتبقى احسن من الاول

وخليك واثق في الله انه مش هيضيع حقكم وهينتقم من المجرم ده

وربنا يصبركم ويصبرنا

[D . a .\ AYMAN]

رينا يشفيها ويقومها بالسلامة تاني على رجليها يــــــــــــــــارب

بالله عليك تطمنا عليها دلوقتي عاملة ايه

حسبنا الله ونعم الوكيل

طول عمري بقول ان اللى يحصله حاجة في البلد دي مالوش دية ولا تمن

كان زمان لو حاجة حصلت زي كده قدام الناس تلاقي خمسين واحد نطوا على الواد ده قطعوه حتت قبل ما يسلموه للقسم وكنت تلاقي خمسين واحد غيرهم بيتخانقوا على مين يشيل البنت في عربيته للمستشفى وكان طلع كذا واحد يقول وسعوا شوية انا دكتور أو انا ممرض أو .. أو .. (ايام ماكان الدكاترة يتعدوا على الصوابع!!!) ... لكن تقريبا خلاص الشعب كله مابقاش عنده دم ولا إحساس

حسبنا الله ونعم الوكيل

لكي الله يامصر وأصلح الله حالك وقومك

[mada121977]

ربنا يصبرك ويجعله فى ميزان حسناتكم ويشفى اختك وتقوم بالسلامه ان شاء الله

[mido777]

حمدا لله على سلامة اختك يا محمود
وربنا ينتقم من كل واحد مهمل معندوش دم

انا لو مكانك كنت حعمل نفس اللى عملته ويمكن اكتر

الناس بقت عندها لا مبالاه غريبه


بجد انا متغاظ جدا جدا

[linkin2008]

لا حول ولا قوة الا بالله هى وصلت للدرجة دى
تاكد ان الى عمل كدة ربنا عمره ما حيسيبه وحيصله اكثر من الى حصل عندك
انه الجبار المنتقم

[Abdelrahman]

لا حول ولا قوة إلا بالله العلي العظيم

بجد ربنا يصبرك ويصبر اهلك ..يارب العرش العظيم ...وتقوم أختك باذن الله أحسن وأقوى من الاول

آمين آمين...يا ذا الجلال والاكرام


البلد فيها تسيب كبير ...وقلة ضمير ....بس صدقني برضه في ناس كتير عندها ضمير وبتخاف من ربنا سبحانه وتعالى

مصر بلد الخير ....الشر للأسف هو إلي ظاهر للناس ...بس البلد دي بلد خير

[fiatto]

مصر بلد الخير ....الشر للأسف هو إلي ظاهر للناس ...بس البلد دي بلد خير

هو مش حضرتك بتاع البترول برضه !!

ياريت اشوف تعليقك لما تستقر فى مصر وتيجى من المريخ أقصد الخليج!!!

وحتى ذلك الحين ركز فى البترول أحسن !

[badblood]

كان الله في عونك
مش لاقي غير حاجة واحدة بس اقولها
الله يلعن ابو اللي كده في البلد اللي كل همه يمسك ابنه الكرسي وملعون ابو المهم هو عايش مبسوط
لا بيعدي شارع وبيمشي والشارع فاضي
حسبي الله ونعم الوكيل
ويوكل عربيات الاسعاف منتشرة و 5 دقايق وتيجي
يأخي الامريكان اللي هما لا دين ولا مله والله والله والله كمان مرة ان لما قطة تتعلقفي شجرة بيجبلوها عربيه اسعاف وفرقة انقاذ نتقذ القطة
واحنا هنا بنمسح بكرمة البني ادم التراب
والله مرة قادم عيني في مستشفى الهرم كنت في زيارة مريض ودخل راجل تقريبا حد ضربة بسكينه والناس بتتحايل على الممرضه تقوم تشوف في ايه او تكلم الدكتور يقوللها الراجل بينزف ويموت توقعوا ترد تقول (ما يموت انا مالي)
ربنا يخليك لينا ياريس ربنا يخليك لينا يانظيف يا ابو النظافة كلها
حسبي الله ونعم الوكيل