كلمه و لازم اقولها

[Mohab.Nabil]

يسلااااااااااااااااااااااااااام عليك وااااااااااااد
انت جيت في الجون والله يابني
ولما السيسي اخد تفويض لفض مظاهرة رابعة وقتل ما يقرب من 4000 انسان مسلم وحرقهم بالنار
هههههههههههه والمفتي قاله اضرب في المليان دول ناس نتنة
ايه رأيك بقي وفين الحياد ؟؟؟؟؟؟؟؟؟؟؟؟؟؟

بص انا مش عارف انت بتوجه كلام رابعة ده ليا و لا لا

و مش فاهم قصدك من اول جملتين لأنك لو بتتريق يبقى ربنا يسامحك و مش هرد عليك لأن ردى الاول واضح و صريح و معرفش ايه دخل رابعة و 4000 انسان مسلم .. هو عشان انا مش موافق على دبح غير مسلمين يبقى انا موافق على قتل المسلمين ؟

و الحياد فى ايه مش فاهم قصدك ؟ شفتنى قلت للسيسى برافو عليك عشان تقولى انت مش محايد

ردى واضح انى ضد قتل اى انسان مهما كان انتمائه و دينه .. انما انا ازعل على اللى من نفس جماعتى و دينى و الباقى يتحرقوا و لا يروحوا فى داهية.. ده ايه التفكير العظيم ده ؟؟

[eslam atia]

اللي علي راسه بطحة بقي
واللي شاكك في نفسة
عموما
يحشر المرء مع من احب
شوف بقي بتحب مين
قال الله تعالي (( لا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُمْ مِنْ دِيَارِكُمْ أَنْ تَبَرُّوهُمْ وَتُقْسِطُوا إِلَيْهِمْ إِنَّ اللَّهَ يُحِبُّ الْمُقْسِطِين ))
وقال ايضا (( وَلَنْ تَرْضَى عَنْكَ الْيَهُودُ وَلَا النَّصَارَى حَتَّى تَتَّبِعَ مِلَّتَهُمْ قُلْ إِنَّ هُدَى اللَّهِ هُوَ الْهُدَى ))
وقال ايضا
ومن يقتل مؤمنا متعمدا فجزاؤه جهنم خالدا فيها وغضب الله عليه ولعنه وأعد له عذابا عظيما

[الاستاذ]

الناس اللي بتسافر ليبيا في الظروف دي بترمي نفسها في التهلكه ومفروض يتحملوا نتيجه اعمالهم
يعني هما مش عارفين ان بلد فيها حروب وقلق ممكن يموتوا هناك ؟
طبعا شئ متوقع
المفروض نمنع اي مصري من الذهاب لليبيا في ظل هذه الظروف

ليس من الحكمه التورط في حرب ممكن تستمر لعشرات السنين
داعش لعبه مخابراتيه لدمار المنظقه بالكامل

على الاقل دول راحو هناك عشان لقمة العيش
مروحش يبنوا خيم وحمامات وملاهى

[مصطفى-حسن]

الحمد لله على نعمة مصر رغم كل السلبيات اللى فيها

وعشان الموضوع هيقلب سياسة فانا فى الطراوة

[Curbis]

حكمها ربع قرن و البلد بقت عاملة ازاى ؟ على الاقل مسابش الحكم و كل شعبه عارف انه حرامى و فاسد و لا ايه ؟ بما اننا فى منتدى عربيات ، ماليزيا بتصدر عربيات لأنجلترا و استراليا و حتى فيه عربيات ماليزى فى مصر

انا مش هتكلم فى السياسة الماليزية عشان معنديش المعلومات بس اللى مكتوب على النت ان الراجل فاز فى الانتخابات و مفروض انها انتخابات شريفة مش زى عندنا و فى نفس الوقت الراجل ساب الحكم

شوف بقى اللى بيحكمنا حوالى 60 سنة عمل فى البلد ايه ؟

والله احنا من كام سنة كان لما كانوا بيفكروا يعملوا توسعة لمجموعة الدول الثمان الصناعية الكبري المعروفة بمجموعة G8 كانوا عاوزين يدخلوا ٦ دول كمان (البرازيل-الهند-جنوب أفريقيا-الصين-المكسيك-مصر)

وكان اسمها مجموعة G14 أو G8+5+1

ومصر أيام نظيف (آحسن حكومة حكمت مصر) كان بتوصف انها "الجيل التاني للنمور الاقتصادية" زي ما قال شيرويل ابينديس نائب رئيس صندوق النقد وقتها

ده غير ان احنا كنا أقل الدول ديونا في العالم... سواء ديون داخلية أو خارجية

France hopes Egypt will join G14 - Economic Times

G14 (nations) - Wikipedia, the free encyclopedia

ده طبعا بصرف النظر ان ماليزيا مش في الشرق الأوسط ومعندهاش إسرائيل أو أي تهديد أمني وان آخر حرب دخلتها كان من ٥٠ سنة

وياسيدي الفساد موجود في كل حتة... يعني احنا عندنا ناس بتتحاكم عشان الفساد؟ طيب ما هو مهاتير برضو نائبه وخليفته ورئيس الوزراء الأسبق اتسجن بتهمة الشذوذ

المهم الناس نقسها الشعب.... هو لو مهاتير محمد ولا رئيس وزراء اليابان نفسه كان بيحكم مصر كانت هتفرق في إيه يعني مش فاهم؟؟

[AmrAlex]

على الاقل دول راحو هناك عشان لقمة العيش
مروحش يبنوا خيم وحمامات وملاهى

وممكن يكونوا راحوا لسبب تاني

https://www.youtube.com/watch?v=AvNX6sZctNg

[FAR!D]

الحمد لله على نعمة مصر رغم كل السلبيات اللى فيها

وعشان الموضوع هيقلب سياسة فانا فى الطراوة

منور يا مصطفى بيه والله ليك وحشه
ايه رأيك في الاجتماعي بعد ما قلبناه احوال الشارع ؟؟
بيقولك انا اركب دقن ههههههه

[الاسد المهاجر]

وارد إيه؟ ده أكيد طبعا... هو في حرب في التاريخ مكنش فيها قتلى من المدنيين أصلا؟

لكن لما الاقي الاخوانجية وثوار الغبرة امبارح بيقولو فين الجيش وفين مسافة السكة... والنهاردة تنتشر صور من سوريا أو صور قديمة على انها أطفال ماتوا في ليبيا ويتم التركيز الإعلامي عليهم على وجه الخصوص

يبقوا خونة وميزعلوش بقى لما نبقى نعلقهم على المشانق في الميادين

وهو ده نفس اللي بيحصل في سينا

لازم الاخوانجية يقولو كده امال يثيرو الشعب واهالي المتوفين علي الجيش ازاي
انته ناسي لما جابو صور من سوريا لاطفال و...الخ علي ان الصور ديه في سينا
ولا ناسي صور ايام رابعه وجامع الفتح
الارهاب في مصر اهل الفتنه المفروض الجيش المصري يوجه ضربه بيد من نار للارهاب في مصر
الاخوان طول 80 سنه معروف انهم خونه واسئل السادات

[الاستاذ]

وممكن يكونوا راحوا لسبب تاني

https://www.youtube.com/watch?v=avnx6szctng

جايبلى فيديو من 2013 وتقولى ممكن
كل المصرين هناك رايحين يشتغلوا
انا متاكد انكم مع الى بتعملة داعش ومتاكد انكم تتمنوا انهم يخشوا مصر
ربنا يديكم على اد نيتكم

[الاسد المهاجر]

بردة المسلم اخو المسيحي وهما الاثنين مصرين
وبردة مش هتحصل فتنه بينا مسلم ومسيحي
وبردة هنقول الارهابي مهما كان قوته فهوا جبااااااان وخاين ودم الحيوان اطهر واشرف من دم الارهابي الحقير
وبردة مصر افضل من سوريا والعراق وليبيا وانا هعيش وهموت في بلدي مصر ان شاء الله
ومصر ام الدنيا وهتقضي علي كلاب الارهاب في مصر
المقصود بالارهاب مش داعش بس اي حد يقتل يفجر......هما دول كلاب الارهاب وبردة اي حد يدافع عن كلاب الارهاب فهوا مثلهم

[Bassem Youssef]

الاقتصاد و الامن في تحسن !!!

حكومه احمد نظيف كويسه !!!

٤٠٠٠ واحد ماتوا في رابعه !!!

حرام و الله اللي بسمعه ده -_-

[AmrAlex]

جايبلى فيديو من 2013 وتقولى ممكن
كل المصرين هناك رايحين يشتغلوا
انا متاكد انكم مع الى بتعملة داعش ومتاكد انكم تتمنوا انهم يخشوا مصر
ربنا يديكم على اد نيتكم

وايه الفرق لو كان من سنه 2013 او 2015
بس دي حقيقه واضحه

وداعش دي ولا تمت للاسلام بصله
ده شغل مخابرات امريكيه لتدمير المنظقه بالكامل
ربنا ينتقم من كل المتآمرين على مصر ومن اراد بمصر واهلها شرا
وكل خاين عميل للامريكان واليهود
اللهم امين

[AmrAlex]

الاقتصاد و الامن في تحسن !!!

حكومه احمد نظيف كويسه !!!

٤٠٠٠ واحد ماتوا في رابعه !!!

حرام و الله اللي بسمعه ده

علي يدي انا الامن في تحسن مستمر كل يوم بس شويه قنابل بتنفجر في شوارع القاهرة والاسكندريه
وكام قطار واتوبيس بيولع
والجنيه المصري تعافي والدولار بقي ب 6 جنيه

انت اكيد مش عايش في مصر

:)

[Mohab.Nabil]

والله احنا من كام سنة كان لما كانوا بيفكروا يعملوا توسعة لمجموعة الدول الثمان الصناعية الكبري المعروفة بمجموعة G8 كانوا عاوزين يدخلوا ٦ دول كمان (البرازيل-الهند-جنوب أفريقيا-الصين-المكسيك-مصر)

وكان اسمها مجموعة G14 أو G8+5+1

ومصر أيام نظيف (آحسن حكومة حكمت مصر) كان بتوصف انها "الجيل التاني للنمور الاقتصادية" زي ما قال شيرويل ابينديس نائب رئيس صندوق النقد وقتها

ده غير ان احنا كنا أقل الدول ديونا في العالم... سواء ديون داخلية أو خارجية

France hopes Egypt will join G14 - Economic Times

G14 (nations) - Wikipedia, the free encyclopedia

ده طبعا بصرف النظر ان ماليزيا مش في الشرق الأوسط ومعندهاش إسرائيل أو أي تهديد أمني وان آخر حرب دخلتها كان من ٥٠ سنة

وياسيدي الفساد موجود في كل حتة... يعني احنا عندنا ناس بتتحاكم عشان الفساد؟ طيب ما هو مهاتير برضو نائبه وخليفته ورئيس الوزراء الأسبق اتسجن بتهمة الشذوذ

المهم الناس نقسها الشعب.... هو لو مهاتير محمد ولا رئيس وزراء اليابان نفسه كان بيحكم مصر كانت هتفرق في إيه يعني مش فاهم؟؟

ماشى هبقى معاك و اقولك وقت مبارك كانت مصر بلد جميلة و حلوة ... فين انعكاس ده فى الشارع ؟ ليه مشفناش اى تقدم او اى رخاء .. ليه مشفناش صناعة ، تصدير ؟

بصراحة انا مستغرب مصر ازاى تبقى من اعلى 14 دولة مصنعة فى العالم و احنا معندناش صناعات تذكر تقريبا

لو فضلنا فى نغمة الحروب و الشرق الاوسط مش هنخلص ، اليابان اتدمرت بقنابل نووية ، المانيا دخلت حرب عالمية و اتدمرت و العاصمة كانت مقسومة نصين و شوف البلاد ديه حالها وصل لفين ؟

الفساد اللى بتكلم عنه هو سرقة اموال الشعب ، معرفش الشذوذ ايه علاقته بكده ؟

يا باشا طول ما الشعب عارف ان هو هيتسرق و انه مهما اشتغل مفيش نتيجة عمرك ما هتشوف انتاج و بصراحة منطق غريب جدا انك تحمل الشعب كل المسئولية و تنسى دور الحكومة و اللى ماسكين البلد .. لو حد من دول بيحكم مصر كانت تفرق كتير عشان كل واحد عارف انه هياخد حقه و عارف انه مواطن ليه حقوق و واجبات و فيه قانون بيطبق على الكل و ده طبعا مش موجود فى مصر .. هاتلى رئيس كويس يحكم مصر و شوف الفرق و متقوليش محمد مرسى كان رئيس مدنى .. محدش يختلف انه كان رئيس فاشل بس عادى فى اى دولة ان يجى رئيس مش كويس و بعدين يتغير بانتخابات فى الفترة اللى بعدها

[Curbis]

الاقتصاد و الامن في تحسن !!!

حكومه احمد نظيف كويسه !!!

٤٠٠٠ واحد ماتوا في رابعه !!!

حرام و الله اللي بسمعه ده -_-

الـ ٣٦ مليار دولار الاحتياطي اللي عملتهم حكومة نظيف هي دي اللي انتا بتاكل وبتشرب منها بعد ٥ سنين من الركود الاقتصادي

محدش يقدر ينكر الانجازات اللي عملتها حكومة نظيف... كفاية انك تبص في الخريطة وتشوف القاهرة الجديدة اللي مساحتها لواحدها قد القاهرة اللي اتبنت في ١٠٠٠ عام (بلا مبالغة)... كفاية القرية الزكية وقطاع الاتصالات اللي أنا وعشرات الآلاف غيري من المصريين اشتغلوا فيه.... انجازات حكومة نظيف حس بيها المواطن الغلبان من أول أسطول اتوبيسات النقل العام اللي كان بيتغير كل سنة والتاكسي الأبيض اللي ظهر في عهده واتغير لأول مرة من ٥٠ سنة بعد لما كان التاكسي في القاهرة فيات ١٣٢ ولادا....

عموما انجازات حكومة نظيف محتاجة صفحات عشان أكتبها

بالنسبة للوضع الاقتصادي الحالي فهو في تحسن مستمر وفقا للمؤشرات الغربية

حتى بعض الصحف زي الجارديان اللي واخده خط ضد مصر علطول كاتبة

مصر "تعيد بناء الأهرامات" بينما يخطط السيسي لإحياء الاقتصاد

Egypt to 'rebuild pyramids' as Sisi plots economic revival - Telegraph

بينما لم نكن نرى... الاقتصاد المصري ينطلق

Post-Arab Spring: Egypt's economy grows.

العناوين دي حضرتك مش في جورنال الأهرام.... لأ دي عناوين صحف معروفة بتوجهها ضد مصر.... غير طبعا الفاينانشيال تايمز وبيزنس افير وفورين بوليسي وغيرها

بالنسبة للوضع الأمني فلا تعليق الصراحة.... فحضرتك ممكن تسأل أي حد زار مصر من سنتين وبيزورها دلوقت :)