أسئـــلة ذكـــاء و معلومــات

[إسلام شاهين]

أنا قلت نسلي بعض ، ديه أسألة للذكاء كل مرة هحط سؤال واحد وأسرع إجابة صح صاحبها هياخد درجة واحدة ، في النهاية هعلن ليكم الفائز وله عندي جايزه هاااااااااااااااااايلة :-
السؤال الأول :-
1- كيف تحصل على العدد 100 بإستخدام الرقم (1) خمس مرات ؟؟

[3mr Farrag]

نحط 1 +1+1 جنب بعض هتكون 111
يبقي لسه ناقص واحدين ...1+1 جنب بعض برضوا يبقوا 11

بعدين 111-11=100


صباح الخير يا باشا

[إسلام شاهين]

برافو عمرو باشا آدي أول درجه لعمرو فراج .
السؤال الثاني :-
2- ما الحيوان الذي يحك أذنه بأنفه ؟

[PRO-DRIVE]

الفيل

[إسلام شاهين]

برافو تيربو 911 كده عمرو فراج وتيربو كل واحد درجة ، يا جماعه بجد الجايزة هايلة جدا جدا ، ننتقل للسؤال الثالث :-
3-أنا بداية النهاية ونهاية الزمان والمكان أنا بداية النبات ونهاية

الإنسان و الحيوان .. فمن أكون ؟؟

[Mo3taz Selim]

حرف النون يا باشا

[Mo3taz Selim]

حذف للتكرار

[إسلام شاهين]

وآدي كمان درجة للباشا معتز سليم كده بقوا ثلاثة درجات عمرو فراج درجة وتيربو 911 درجة و معتز سليم درجة ، يا جماعه عايز الأسرع علشان يلم درجات أكثر ، المهم إحنا كده في السؤال الرابع :-
4-من هو الشخص الذي يتمنى أن يكون أعورا ؟

[Mo3taz Selim]

يا باشا ربنا يكرمك :D :D

مافيش أختيارات :roll: :roll:

بس أعتقد الأعمى

[إسلام شاهين]

اعتقادك صحيح يا حبيب قلبي والإجابة صح ، كده معتز بقى درجتين ويتقدم على عمرو وتيربو ، يلا يا جماه شيدوا حيلكوا ، السؤال الخامس :-
5-أنا ابن الماء فإن تركوني في الماء مت فمن أنا ؟

[Hossam_Hassan]

الثلج

[Mo3taz Selim]

الثلج

فى أنتظار الجائزه

[Mo3taz Selim]

عفوا أستاذ Hossam Hassan
جاوبت بعدك ... أعتقد الدرجه المره دى من حق سيادتك

[إسلام شاهين]

طيب ديه بقه أحلها إزاي ؟ معتز وحسام جاوبوا صح بس للأمانة رد معتز الأول يبقى الصح هو اللي ياخد الدرجة ، كده معتز يبقى 3 درجات ، معلش يا حسام تتعوض في السؤال السادس :-
6 - ما هي المدينة التي لا يطحن فيها الطحين ولا يموت فيها ميت؟

[Hossam_Hassan]

يا باشا ولا يهمك، درجة عندى..درجة عندك، المهم كلنا ننجح :lol: :lol: :lol: