أسئـــلة ذكـــاء و معلومــات

[إسلام شاهين]

يا صباح الخير طبعا أنا آسف للتأخير بس مش ذنبي كان الموقع ساقط امبارح ، المهم شاركي برافو الإجابة صح خد درجة واحدة ، وأنا آسف نيل هارت بس المفروض تجاوب بسرعة ، معلهش عوضها النهاردة إن شاء الله ، إحنا دلوقتي في السؤال الثامن ، بس معلش هقول التريب تاني :-
1- معتز 3 درجات
2- عمرو 1 درجة
3- تيبرو 1 درجة
4- khalidic 1 درجة
5- شاركي درجة واحدة
السؤال الثامن :-
8- أسير بلا رجلين ولا ادخل إلا بالأذنين فمن انا ؟

[Mo3taz Selim]

ولا يهمك يا باشا ... أهم حاجه الجائزه عايزين تنويه عنها
علشان المسابقه تسخن

الكلام

[fady]

الصوت

[إسلام شاهين]

والله يا معتز بالنسبة للجائزة أنا قلت إنها مفاجأة من العيار الثقيل جدا ، وبالنسبة للإجابة بتاعتك هي تمشي الكلام بس الأصح هو الصوت اللي جاوبها فادي فمعلش هياخد هو الدرجة وكده يتساوى مع عمرو وتيبرو وخالد وشاركي ومازل الباشا معتز سليم يحتل المقدمة بلا منافس ، المهم السؤال التاسع :-
9- ماهي الصلاة التي يمكن أن تقرأ فيها أربعة تشهدات وراء الإمام وكيف يكون لك ؟

[Sharky]

ممكن صلاة التراويح

[إسلام شاهين]

لأ يا شاركي مش صلاة التراويح ، حاول تاني .( إيه رأيك علشان قلت كلمتين حلوين على الانسر أبعتلك الإجابة على الخاص ) ههههههههههههههههه .

[Sharky]

:D :D :D :D

يا باشا أنا ماقلتش غير الحق

[Mo3taz Selim]

أعتقد إنها الصلاه أثناء المعارك

[إسلام شاهين]

جلت منك ديه يا معتز فكروا شوية يا جماعه

[fady]

و لو انا السؤال ده بعيد عني شويه و لكن بالسؤال و الفحص و التمحيص عرفت انها صلاه المغرب

[إسلام شاهين]

برافو فادي هي فعلا صلاة المغرب بس مش هتاخد غير نص الدرجة إلا لو شرحت إزاي يكون فيها أربعة تشهدات ؟؟؟؟؟؟؟
ملحوظو ( ممكن تستعين بصديق ) .

[Sharky]

تخش تصلى مع التشهد التانى و بعدين تقول التشهد مع الركعة التالتة و بعد كده تقوم تصلى الركعتين اللى فاتوك بتشهد و را الإمام على أساس إنه لسه قاعد حيصلى السنة

[أبو عبد الله***]

صلاة المغرب بس تدخل مع الأمام بعد ركوع الركعة الثانية.

[إسلام شاهين]

هو جواب فادي صح بس الشرح اللي قاله شاركي نصه صح ونصه غلط وشرح أبو عبد الله غير كلمل :-
الصح :- هتدخل مع الإمام في صلاة المغرب في التشهد الأول وهتقوم تصلي وراه الركعة الثالثة وتتشهد التشهد الأخير ثم تقوم لتكمل ما فاتك ( ركعتين ) بعد كل ركعة تشهد لأن المغرب ثلاث ركعات إذن يكون مجموع التشهدات أربعة .

طيب كده الدرجة تروح لمين حد فيكم يحلها ديه :-
فادي جاوب نص السؤال ويشكر ، شاركي كمل النص التاني ، أبو عبدالله كمل برضه النص التاني ، طيب آخد بالترتيب ولا أعمل إيه ؟؟؟؟؟

[Mo3taz Selim]

بصراحه و بدون تحيز طبعا أ / فادى لأنه أشار إن السؤال المره دى بعيد عنه لكنه لم يستسلم و بحث حتى وصل للنتيجه أنا بصراحه مافكرتش فيها و طبعا مجهود يشكر عليه