رحلة الى صحراء جبلية(وادى دجلة) ..تقرير متكامل بالتفاصيل والصور(الجزء التالت والاخير)

[مصطفى-حسن]

السلام عليكم ورحمة الله وبركاتة

دة الجزء التالت والاخير من رحلة قمت بيها انا واصحابى الى وادى دجلة
واللى مش فاكر الموضوع او مش متابعة دى روابط الاجزاء الماضية

رابــــــــــــــط الجـــــــــــزء الاول

رابـــــــــــــط الجـــــــــــــزء التانى

لو قررت انك تقرأ الوضوع بدون ما يكون عندك خلفية عن الاجزاء الاولى والتانية هتكون زى اللى بيتفرج على فيلم فى ربعة الاخير فهتكون كتير من الاحداث مش مفهومة ليك

جدير بالذكر ان كل الصور اللى تم التقاطها فى الموضوع من اولة لاخرة كانت عشوائية يعنى اللى كان ماسك الكاميرا كان بيصور بدون ما يقول لحد
ــــــــــــــــــــــــــ

نبدأ من حيث انتهى الجزء التانى

ـــــــــــــــــــــــ


هنا كنا وصلنا لنهاية الوادى اللى كنا ماشيين فية
ومرحلة تسلق الجبال انتهت
احنا كنا قدام اخدود صخرى بين جبلين
والمفروض ان احنا نتسلقة ونطلع لفوق على الهضبة
بس الموضوع مكانش بالسهولة دى
كان كل اللى اتسلقناة حاجة والاخدود دة كان حاجة تانى
لانة كان زلق جدا
وصخورة حادة جدا
والمفاجأة لقيت فية برك مية
وعشان تبقى متخيل صعوبة التسلق
انا هسبق الاحداث واحط لك صورة من فوق خالص للاخدود عشان تعرف صعوبة تسلقة والخطورة الفعلية فيها
صورة



حاجة مفيهاش هزار زى ما انت شايف وواحد مننا بيكافح عشان يطلع
والاخدود وراة مستعد يبلعة فى كلمة
والى رجلة او ايدة هتفلت يبقى شكرا
طيب يا ترى هنعرف نتسلقة كلنا
ولا ناس هتعرف وناس لأ
واللى هيتسلق هيطلع فوق سليم
ولا بجروح واصابات وخدوش
ولا
ولا
ولا
.
.
.
.
.

وقررنا صعود الاخدود بس اخدنا بعض القرارات والاحتياطات
1 - متنقلش رجلك الا لما تكون التانية ثابتة تماما
2 - متنقلش ايدك الا لما تكون التانية متمسكة بشدة
3 متبصش لتحت
4 - دايما حط فى دماغك ان الارض تحت منك بمتر واحد فقط
ودى صورة للاخدود من فوق



ودخلنا الاخدود وبدأنا نتسلقة مرحلة مرحلة













كان الغريب فى وسط الصحرا والاخدود دة ان احنا لقينا برك مياة شبة متعفنة
وكان تفسيرها الوحيد انها نتجت عن هطول الامطار
واتجمعت فى المكان دة
وعشان الشمس مبتعديش علية فالمية مبتتبخرش





تقريبا بلا استثناء مفيش حد فينا هدومة متبهدلتش من الجبل
بس كلها كانت بتتنفض وتمام
واللى فينا ايدة ناشفة طلع بدون اى مشاكل
واللى ايدة مش ناشفة كان فيها بعض الاحتكاكات









لما طلعنا فوق كنا متخيلين ان دة قمة الوادى اللى احنا فية
لكن لما طلعنا اكتشفنا اننا مخطئين
لاننا شوفنا جبل تانى هنطلعة









ولما طلعنا فوق لقينا المبنى الغريب دة اللى مش عارفين هو اية اصلا
لانة كان الوحيد فوق الجبل ومفيش حوالية اى حاجة



وبصراحة مرضيناش نروح ناحيتة
وقعدنا فوق شوية
وكان المنظر بديع وجميل جدا
منظر الصحراء الممتدة الى ما لا نهاية
مشهد بانورامى رائع لكل الوادى اللى كنا ماشيين فية
واختبرنا صدى الصوت المهيب فى الجبال المفتوحة
وبعد كدة نزلنا

قولنا نريح شوية ونضرب واحد شاى قبل ما نروح
خصوصا اننا كنا مرهقين تماما


وزى ما الموظف قالنا
نرجع قبل الساعة 4 عصرا
وقد كان









نهاية الجزء التالت والاخير
تمـــــــــــت بحمـــــــــد اللــــــــــــه

ـــــــــــــــــــــــــــ









كان المفروض انى بعد ما اخلص ال3 اجزاء دول ابدا فى سلسلة جديدة كانت هتكون عبارة
عن رحلة تانية للوصول الى احد اقدم الكهوف فى مصر واسمة كهف وادى سنور
وهو بعد بنى سويف فى صعيد مصر بحوالى 50 كيلو فى عمق الصحراء الشرقية لمصر

بحثت علية على النت على قد ما اقدر وحاولت استدل على مكانة على الجوجل ايرث بس فشلت
وحاولت اتواصل مع اى جهة حكومية تكون تابعة للسياحة وبردو فشلت

مكانش قدامنا غير اننا نطلع على المعلومات المحدودة اللى عندنا غير اننا فشلنا وقضينا اليوم كلة
فى عمق الصحراء الشرقية تايهين بمعنى الكلمة ولولا انى املك ذاكرة طوبوغرافية ممتازة كان زمانا بنغنى ظلموة

دى صور للكهف المنشود






ودى صور المحاولة الفاشلة للوصول








وجارى الاعداد لنفس الطلعة مرة تانية
وجارى اقناع نفس المجموعة بنفس الطلعة عشان مينفعش اطلع لوحدى
ولو نجحت الطلعة هرفع تقرير بيها ان شاء الله

[FAR!D]

الله ينور يا درش بجد

[مصطفى-حسن]

وعليك يا فريد

[n_salamaly]

عليك و على جهاز شئون البيئة ( وزارة البيئة ) بالمعادى عندهم كل المعلومات عن هذه الكهوف و كيف تصل اليها

[مصطفى-حسن]

عليك و على جهاز شئون البيئة ( وزارة البيئة ) بالمعادى عندهم كل المعلومات عن هذه الكهوف و كيف تصل اليها

طب معلش ممكن عنوانة بالتفصيل واكون شاكر ليك

[mohamed hussei]

لية مروحتوش تشوفوا المبني ؟

[n_salamaly]

عنوان جهاز شئون البيئة ( او وزارة البيئة ) المعادي - طريق مصر حلوان الزراعى بعد شركة لينك دوت نت و قبل اكاديمية السادات للعلوم الادارية.
لو انت جاي من كورنيش النيل - من وسط المدينة الى المعادي - تدخل شمال الطريق اللى بعد مستشفى المعادى للقوات المسلحة مباشرة وقبل السفارة اليابانية ثم فى اخره هاتلاقى تقاطع - تدخل يمين هاتمشى حوالى 500 متر هاتلاقى شركة لينك على شمالك - بعدها بـ 200 متر هاتلاقة عمارة على اليمين فيها معرض سيارات هي دى اللى فيها الجهاز فوق ( بس مش عارف فى اي دور ).

[مصطفى-حسن]

عنوان جهاز شئون البيئة ( او وزارة البيئة ) المعادي - طريق مصر حلوان الزراعى بعد شركة لينك دوت نت و قبل اكاديمية السادات للعلوم الادارية.
لو انت جاي من كورنيش النيل - من وسط المدينة الى المعادي - تدخل شمال الطريق اللى بعد مستشفى المعادى للقوات المسلحة مباشرة وقبل السفارة اليابانية ثم فى اخره هاتلاقى تقاطع - تدخل يمين هاتمشى حوالى 500 متر هاتلاقى شركة لينك على شمالك - بعدها بـ 200 متر هاتلاقة عمارة على اليمين فيها معرض سيارات هي دى اللى فيها الجهاز فوق ( بس مش عارف فى اي دور ).

شكرا جزيلا على العنوان المفصل وان شاء الله فى اقرب فرصة اعدى عليهم وافهم الدنيا والنظام اية

[مصطفى-حسن]

لية مروحتوش تشوفوا المبني ؟

هيا الفكرة ان وجودة كان مفاجاة بالنسبة لينا
يعنى من اول الطريق واحنا ماشيين فى صحراء جبلية ومفيش اى معالم عن المدنية ولما تطلع قمة الوادى اللى انت ماشى فية تلاقى فى اعلى منة مبنى كان موضوع محير

وعشان تبقى متخيل دة شكل الوادى من فوق بعد ما طلعنا من الاخدود اللى ظاهر تحت فى الصورة


ودة تقريبا المنظر العام من فوق


ودة المبنى المجهول اللى مبنى على حافة الهضبة

[n_salamaly]

شكرا جزيلا على العنوان المفصل وان شاء الله فى اقرب فرصة اعدى عليهم وافهم الدنيا والنظام اية

اي خدمة يا استاذ مصطفى و منتظرين باقى اجزاء رحلة الاقصر و اسوان

[مصطفى-حسن]

اي خدمة يا استاذ مصطفى و منتظرين باقى اجزاء رحلة الاقصر و اسوان

ان شاء الله قريب هرفع الجزء التالت

[Hosaam]

[gdwl]شكرا أستاذ / مصطفى حسن . على الرحلة الممتعة اللي خدتوناااا معاكم فيها . الوصف أكثر من رائع . و الصور ممتعة . و روح المغامرة و الشباب و حب الحياة خلتنا كأننا ماشيين معاكم خطوة بخطوة . و الأهم من ده كله جو الصداقة و الأخوة و الألفة اللي بينكم خلتنا نحبكم كأنكم أخوة ليناااا بالظبط .. و بنتمنى لكم جميعا دوام الصحة و العافية عشان تمتعونااا برحلاااات أكتر .أدام الله عليكم الأخوة و المحبة . و السلام عيكم و رحمة الله و بركاته [/gdwl]

[مصطفى-حسن]

[gdwl]شكرا أستاذ / مصطفى حسن . على الرحلة الممتعة اللي خدتوناااا معاكم فيها . الوصف أكثر من رائع . و الصور ممتعة . و روح المغامرة و الشباب و حب الحياة خلتنا كأننا ماشيين معاكم خطوة بخطوة . و الأهم من ده كله جو الصداقة و الأخوة و الألفة اللي بينكم خلتنا نحبكم كأنكم أخوة ليناااا بالظبط .. و بنتمنى لكم جميعا دوام الصحة و العافية عشان تمتعونااا برحلاااات أكتر .أدام الله عليكم الأخوة و المحبة . و السلام عيكم و رحمة الله و بركاته [/gdwl]

شكرا جزيلا على مشاركتك الجميلة