انقطاع الكهرباء وحل عملى

[salam100100]

الصيف اللي فات كنت بشتكى من انقطاع الكهرباء زى اغلبنا
اشتريت مولد كهرباء وكنت بستخدمه, بعد شويه بقيت بكسل اشغله عشان الصوت والدخان وكل شويه اجبله بنزين وعمال المحطات مبيردوش يدونى بنزين

قريت عن الانفرتر والUPS ولقيت اسعارهم عاليه فقررت اعمله على ايدى فالبيت

المكونات والاسعار:
بطاريه عربيه فارتا 400 جنيه (مش فاكر 44 امير او اكتر)
انفرتر صينى 1500 وات ب400 جنيه
ادابتور 12 فولت صينى 15 جنيه (بتاع التليفونات الاسيلكى والعاب الاطفال)
ريلاى 12 فولت بتاع عربيه ماروتى يبانى ب50 جنيه (بتاع الاشارات)
مروحه طابلوه عربيه ب 50 جنيه
فيوز وحامل فيور عربيع ب 10 جنيه
مفاتيح شداد الواحد ب15 جنيه
كشاف قديم ليدات بايظ كان ب120 جنيه
قعده انبوبه بوتجاز ب 30 جنيه
شاحن بطاريه عربيه تونجر مستلفه (غالبا فى حدود 250 جنيه)
بواقى مواسير صرف

المجموع: حوالى 1400 جنيه

التوصيل:
الادابتور بوصله بالفيشه (كهرباء الحكومه)
اطراف الادابتور بالكويل بتاع الريلاى
طرف البطريه الموجب بوصله بالفيوز
طرف الفيوز التانى بوصله بالريلاى common
والخارج من الريلاى NO normaly open
من الريلاى للكشاف (موجب)
السالب من الكشاف للسالب بتاع البطريه

كدا طول مافى كهرباء من الحكومه الريلاى فاصل الدائره بتاعت الكشاف
اول مالكهرباء تقطع , الريلاى يقفل الدائرة والكشاف يشتغل

بكدا انا عندى نظام بيشتغل عند انقطاع الكهرباء وكل فتره بشحن البطاريه مانيوال
انا شغال على شحن البطاريه اوتوماتيك ولسه مخلصتش الابحاث بتاعتى :)

يارب اكون قدمتلكم حاجه عمليه ورخيصه

[salam100100]

النظام دا بيقدملى كهرباء 12 فولت dc
و220 فولت ac

معنديش اجابه لعمر البطاريه , القاعده عمر البطاريه بيقل مع الاحمال الكبيره

عن تجربه: الكشاف الليد والمروحه قعدوا شغالين ساعه متواصله وافتكر يعدو ساعتين تانى

الريسيفر والتليفزيون ومروحه كبيره قعدوا ساعه بردوا

من عيوب البطاريه بتاعت العربيه انها محتاجه تتشحن كل فتره استخدام عشان متنتهيش
لو نامت: عمرها يبقى قصير جدا
على عكس بطاريات ال ups ممكن تفضى خالص وتتشحن تانى ومفيش مشاكل (بطاريات اغلى بتبقى ليثيوم)

[amr011111]

الله ينور

[طارق _عبد السلام]

ماشاء الله.......... ممتاز جدا

انا عندى الانفيرتر الهندى بصراحه ممتاز جدا جدا....... وهو جى معاه ترابيزه شيك فيها البطاريه ... وشكل الجهاز كأنه ريسيفر ... وبيشغل الشقه كلها انوار وتحفه


بس بجد الله ينور عليك.........

[elkorany]

متابع

[rotanamasoud]

غلطتك انك مجبتش انفرتر من اللى بيشحن البطاريه كان ريحك من القصه دى (التونجر والريلاى للتحويل)

[mr_vampire]

ماشاء الله.......... ممتاز جدا

انا عندى الانفيرتر الهندى بصراحه ممتاز جدا جدا....... وهو جى معاه ترابيزه شيك فيها البطاريه ... وشكل الجهاز كأنه ريسيفر ... وبيشغل الشقه كلها انوار وتحفه


بس بجد الله ينور عليك.........

سعره كام ا/ طارق وقدرته كام????

[طارق _عبد السلام]

سعره كام ا/ طارق وقدرته كام????

هو قدرته 900 va

وبصراحه مكفى الشقه كلها ماعدا المطبخ

السعر اكيد دلوقتى نزل حاجات احدث منه وارخص...... وبيفرق السعر كمان فى نوع البطاريه لو جافه السعر اقل ولو ديب سايكل السعر بيرتفع

وهنا بعض التوضيح والنقاش

http://www.nilemotors.net/Nile/435676-a.html

[Bassem Youssef]

الله ينور عليك مع انها صعبه علي غير ذو الخبره بالكهرباء

[sherif222]

الله ينور عليك ... الحاجة أم الاختراع

[afndina]

انا جبت دا
Home Power Egypt - الرئيسية
كان عامل 3100 الجهاز كامل بالبطارية

[sas5]

ماشاء الله.......... ممتاز جدا

انا عندى الانفيرتر الهندى بصراحه ممتاز جدا جدا....... وهو جى معاه ترابيزه شيك فيها البطاريه ... وشكل الجهاز كأنه ريسيفر ... وبيشغل الشقه كلها انوار وتحفه


بس بجد الله ينور عليك.........

طارق باشا صباح الفل
انا ايضا عندى الانفيرتر الهندى بصراحه ممتاز جدا

[K_E]

زي ماحضرتك قلت

من عيوب البطاريه بتاعت العربيه انها محتاجه تتشحن كل فتره استخدام عشان متنتهيش
لو نامت: عمرها يبقى قصير جدا
على عكس بطاريات ال ups ممكن تفضى خالص وتتشحن تانى ومفيش مشاكل (بطاريات اغلى بتبقى ليثيوم)


بطارية العربية غير مناسبه تماماً للحاله في مصر لآن النور فالصيف بيتقطع تقريباً كل يوم يعني كل يوم البطارية معرضه للتفريغ حتى لو مش تفريغ كامل
علشان كده بتختلف بطاريات الUPS فالسعر اختلاف كبير لآنها Deep cycle وممكن تتفرغ 100% وتتحن كتير جداً بدون ما تقل كفائتها في كل مره زي بطارية العربية


بطارية العربيه هتكون ممتازة في حالة ان الكهربا مش بتقطع غير نادر ولمدة قليله

[Elawany13]

شكرا ياباشا على الموضوع
انت جبت ادابتور 12 فولت ليه ؟
مهى البطارية كده كده 12 فولت اصلاً وصل عليها مباشر
ثم انت عاوز 12 فولت فى ايه بالضبط فى البيت ؟

[هشام.النجار]

في البلكونة وإنسى .