السعر الحقيقى للدولار

[ali ashraf]

السؤال هو : هل السعر الحالى للدولار بالجنية المصرى يعبر عن القيمة الحقيقية لقيمة الجنية مقابل الدولار ؟ فى اعتقادى لأ طبعا,,,,سياسة البنك المركزى سياسة فطنة و ذكية و لكن ينقصها دعم كافى من احتياطي العملة الاجنبية فتأخذ قرار بمنع الايداع فى البنوك و ده بالنسبة لمستوردى البضائع فعل يشل معظم تجارتهم ان لم يكن كلها و تم توجيهة الحصيلة المتاحة من العملة الصعبة لشراء الضروريات فقط و على رأسها المواد الغذائية و الطاقة فى شكل مواد ومشتقات بترولية,,,,,والحقيقة كان قرار صائب و ممتاز ادى الى جمح الارتفاع الغير مسبوق فى سعر الدولار ,,,,,,الا انه فى نفس الوقت مثل واحد يصوم علشان ممعهوش فلوس ياكل (آسف فى التشبيه) وفى نهاية الامر لازم ياكل ,,,,,قرار تحديد مبلغ الايداع "لجم قدرة المستوردين" بس الحقيقة ده اكيد هينعكس فى صورة قلة المواد المستوردة " وما اكثرها" و بالتالى شح البضائع فى الاسواق " بما فيها السيارات نفسها و قطع الغيار و بالتالى و حسب نظرية العرض و الطلب سيصاحب هذا الشح أرتفاع معتبر فى الاسعار و اخشى ما اخشاه ان السوق الان شغال باللى متواجد فى المخازن بس عدم تعويض الخارج من المخازن سيؤدى حتما لتناقص مستمر.........بالمناسبة انا مش اقتصادى و لا مالى بس معلومات بقرأها و أعتقد ده موضوع كويس وهام أطرحه للنقاش على اعضاء المنتدى الكرام نثرى به الحديث و نجدد الافكار الخ
3385

[Karim Alaa]

هو مش كده و مش قلل حاجه لان السيارات من الاساسيات الى البنك المركزى بيصرفلها اعتمادات افهم بس ان 30 فى الميه من الاستيراد سلع اكتر من استفزازيه لدوله حياتها كلها مقيمه بالدولار لانها دوله استيراد و ليس انتاج عارف يعنى ايه اكل قطط و كلاب و جبمرى من انواع معينه جبن عجيبه و سلع كهربائه مكن مسمعتش عنها اصلا بيتصرف عليها اكتر من 30 فى الميه من الدولارات الى فى البلد حضرتك قولت قله عدد المواد المستورده فى السوق و ده مطلوب جدا لنفس السبب ان اى حد عمال يجيبلنا حجات تشل يضيع فيها الدولارات و الى بيستخدمها ناس قليله ينفع فى دوله معندهاش مشاكل لكن هنا مينفعش خالص و كان لازم يسيطر على منابع الدولارات فتشبيه مش حد صام عشان ممعهوش فلوس التشبيه ان حد مبذر جدا و بيته مبهدل فمراته استولت على المرتب و مشيت هى البيت بدل المارلبورو جابت مكانه عيش و زيت و سكر لاننا ممعنهاش

اما سعر الجنيه قصاد الدولار احسب عدد الجنيهات المطبوعه (بالتريليونات) قصاد الاحطياتى النقدى و الذهبى مقيم بالدولار و عيش هيطلع رقم خوزعبلى :))

[yasser100]

ما يقلل الاستيراد . ما فيش مشكله . اصلا عادات الشعب المصرى غريبه فى الاستهلاك و ﻻزم تقيم من اول و جديد . من الاخر احنا مش عايشين عيشه بتاعتنا . تلاقى الواحد راكب عربيه بالشئ الفلانى و اقساط و شغلانه و هو عايش فى علبه صفيح . طيب ما توجه المجهود ده و الصرف ده فى تحسين معيشتك و سكنك الاول . ربنا لم يخلق الناس كلهم زى بعض و ﻻزم نحترم القدر الربانى ده .

مش بيقولوا كان الدولار غالى و الناس بتصوت ؟ شوفوا استهلاك الموبيلات ازاى و السيارات . اللى مالوش شغلانه يفتح موبيلات .

السعر الحقيقى للدولار اقل من كده و لكن هاتعمل ايه فى بتوع الفوانيس اللى زعلانين و لعب الاطفال التعبانه اللى بتتباع فى الاشارات ؟

لن يغير الله ما بقوم الا ان يغيروا ما بانفسهم . و اللى ما يتغيرش بالحنيه يتغير بالغصب .

[Mecha]

فيه نقطه عاوز افهمها .تجار السلع الاستفزازيه دي مش بيشتروا دولارات بجنيه يعني فلوس يعني بضاعه معاهم تمنها .يعني الدوله مش بتدعم الدولار ولا يحزنون. يبا ليه التضييق .وليه المركزي ميشتريش دولار .وطالما الاستيراد هو الغالب في الاقتصاد ليه العمله متتحولش لدولار

[ali ashraf]

نظريا صح انما على ارض الواقع مينفعش

فيه نقطه عاوز افهمها .تجار السلع الاستفزازيه دي مش بيشتروا دولارات بجنيه يعني فلوس يعني بضاعه معاهم تمنها .يعني الدوله مش بتدعم الدولار ولا يحزنون. يبا ليه التضييق .وليه المركزي ميشتريش دولار .وطالما الاستيراد هو الغالب في الاقتصاد ليه العمله متتحولش لدولار

ده اللى كان معمول به قبل قرار البنك المركزى الخير و كانت الامور مشية لحد ثورة يناير و توقف السياحة و ندرة المعروض من الدولار و بحسب نظرية العرض و الطلب وصل سعر الدولار الى 8 جنية مصرى و لولا القرار الاخير ( اللى يعنى حتى لو اشتريت دولارات من السوق السوداء مش هتعرف تستورد بيها بضائع لعدم قدرتك على ايدعها فى البنوك) لكان الدولار عدى 10 جنيه

[sherifahmed]

و بعدين المشكلة مش فى استراد سلع استفزازية
المشكلة فى تحويل الدولار نفسه لسلعة مش عملة بمعنى المضاربة فى سعره من اجل تحقيق ربح
فالبنك المركزى الاك لا ياحبيبى خليه معاك و خلله
و الحدود اللى حاططها البنك المركزى معقولة جدا للاشخاص الطبيعية
اصلا بره مستحيل انك تشيل مبالغ كبيرة بالعملة المحلية
فى امريكا و انت داخل او خارج بيسألك معاك كام دولار
التعاملات المالية لازم تبقى عن طريق بنوك عشان يضمن نظافة الفلوس و انها مش عن طريق تجارة غير مشروعة

[ahmed_eng2001]

فيه نقطه عاوز افهمها .تجار السلع الاستفزازيه دي مش بيشتروا دولارات بجنيه يعني فلوس يعني بضاعه معاهم تمنها .يعني الدوله مش بتدعم الدولار ولا يحزنون. يبا ليه التضييق .وليه المركزي ميشتريش دولار .وطالما الاستيراد هو الغالب في الاقتصاد ليه العمله متتحولش لدولار

موضوع يعكس وجهة نظر الحكومة المصرية المعتادة .....
يا اما يمشوا على نظام التجارة المفتوحة .. بكل مميزاتها و عيوبها .... او يمشوا على نظام الاشتراكية ... بمميزاته و عيوبه


لو نظام التجارة المفتوحة ... اذن الى بيعمله البنك المركزى ده اسمه مسكنات .. و حيفضل لفترة ثابت و حيرجع الدولار لارتفاعه مرة اخرى .. علشان البنك المركزى بيحاول يعالج النتائج ... مش الاسباب

لو نظام الاشتراكى ... الحكومة تقفل على تعامل الدولار فى السوق الحرة تماما ... و تكون هى المسئولة عن توفير السلع الاقتصادية ... و تتحكم كمان فى السلع .. و هى الى تحدد .. هل هى استفزازية و لا لأ

موضوع تحويل العملة الرسمية لدولار .... محتاج الكثير من البحث و التفكير ....

انما تطلق حرية التعامل بالدولار ... و تقفل على حركة الحسابات و الايداع ... و تحدد سعر للدولار فى البنك ... و لما اروح اشترى من البنك لا اجد !!!! :b4_556:

لنا الله

[Mecha]

موضوع يعكس وجهة نظر الحكومة المصرية المعتادة .....
يا اما يمشوا على نظام التجارة المفتوحة .. بكل مميزاتها و عيوبها .... او يمشوا على نظام الاشتراكية ... بمميزاته و عيوبه


لو نظام التجارة المفتوحة ... اذن الى بيعمله البنك المركزى ده اسمه مسكنات .. و حيفضل لفترة ثابت و حيرجع الدولار لارتفاعه مرة اخرى .. علشان البنك المركزى بيحاول يعالج النتائج ... مش الاسباب

لو نظام الاشتراكى ... الحكومة تقفل على تعامل الدولار فى السوق الحرة تماما ... و تكون هى المسئولة عن توفير السلع الاقتصادية ... و تتحكم كمان فى السلع .. و هى الى تحدد .. هل هى استفزازية و لا لأ

موضوع تحويل العملة الرسمية لدولار .... محتاج الكثير من البحث و التفكير ....

انما تطلق حرية التعامل بالدولار ... و تقفل على حركة الحسابات و الايداع ... و تحدد سعر للدولار فى البنك ... و لما اروح اشترى من البنك لا اجد !!!! :b4_556:

لنا الله

ممشينها توهان ,لا طايله اشراكي ولا رسمالي .مفقوع من البو اللي حدد دخول الكاش بعشر تلاف .ايام السبعينات في نصها التاني لما الدولار بيقولوا ب 80 قرش .الكلام دا كان قيمه فعليه ولا تهتيش ع الخلايق ???

[Mecha]

و بعدين المشكلة مش فى استراد سلع استفزازية
المشكلة فى تحويل الدولار نفسه لسلعة مش عملة بمعنى المضاربة فى سعره من اجل تحقيق ربح
فالبنك المركزى الاك لا ياحبيبى خليه معاك و خلله
و الحدود اللى حاططها البنك المركزى معقولة جدا للاشخاص الطبيعية
اصلا بره مستحيل انك تشيل مبالغ كبيرة بالعملة المحلية
فى امريكا و انت داخل او خارج بيسألك معاك كام دولار
التعاملات المالية لازم تبقى عن طريق بنوك عشان يضمن نظافة الفلوس و انها مش عن طريق تجارة غير مشروعة

طالما ضيقها كدا .هيفتح سكة التهريب .الدولار الكاش المحبوس دا زي الغول .لازم هيضرب ويلوش.كمان الدنيا مهش امريكا اسياد الدولار . وايه حكاية نضافة الفلوس اللي هما متكيين عليها .دا كلام كبير جدا مصر محدوده للغايه في المخدرات والبغاء والاموال المشمومه .مشكلة الاموال اغلبها كاش غير رسمي.كمان احنا في قبل ايها سنت.
تحياتي

[Hany Saad]

حابب أشارك فى النقاش الثرى ده لو سمحتولى، أنا برده مش إقتصادى و لكن عملى قريب شوية من الكلام ده
أولاً البنوك حالياً (أو البنك المركزى) هو اللى بيحدد ما هو إستفزازى من ما هو غير إستفزازى، يعنى مثلاً هل كاوتش العربيات يعتبر إستفزازى و لا لأ؟ من وجهة نظر البنوك يعتبر إستفزازى و عندك بدايل مصرى..... و لكن من وجهة نظر المستهلك ده أساسى جداً جداً و أنا مش جايب عربية تمنها ربع مليون جنيه علشان أركبلها كاوتش "نسر"
هنا تكمن المشكلة أن القرار أعطى للبنوك عملية التصنيف لما هو إستفزازى و ما هو غير إستفزازى!!!!
لو حضرتك توكيل سامسونج و حابب تفتح إعتماد علشان تستورد موبيلات سامسونج أصلية، البنك مش هيوافق لو حسابك مفهوش دولارات كافية لأن الصنف ده بالنسبة للبنك إستفزازى!!!!!


النتيجة:
- فعلاً أغلب اللى بيتباع فى السوق دلوقتى هو البضاعة الموجودة فى المخازن لغالبية السلع و طبعاً التجار هترفع سعرها جداً علشان هو مش عارف هيقدر يجيب تانى أمتى و التضخم هيزيد....أغلب الإستيراد متوقف من فبراير و بقول أغلب مش بس ال 30% الإستفزازى
- الشركات العالمية العاملة فى مصر، بعد ما بتخلص مبيعاتها المقدرة بالملايين كانت بتحول الفلوس المصرى لدولارات سواء من البنك أو السوق السوداء ثم تقوم بتحويلهم للشركة الأم فى الخارج....الموضوع ده توقف الأن و أصبحت الشركات دى عندها مكدسات من العملة المصرية ليست فى حاجة لها و تم تقليص نشاطها لتخفيف فائض العملة المحلية المكدس
- شركات تجارة كتير هتقلل عمالة علشان وقف الإستيراد و ده هيزود البطالة.
- الحكومة عاملة مشروع بيع قطع أراضى فى أماكن مميزة للعاملين فى الخارج بشرط أن يتم الشراء بالعملة الصعبة....طيب لما أنت محددلى الإيداع الشهرى ب50 ألف دولار فقط...أزاى أشترى الأرض دى؟؟!!! و الكلام ده حصل قدامى فى البنك من أحد المودعين


الخلاصة: القرار ظاهره إيجابى و لكنه لم يدرس بشكل جيد و أدى إلى شلل تام للإستيراد مش بس للسلع الإستفزازية و أسألوا أى حد بيستورد لو قادر يفتح إعتماد حتى لو كانت قطع غيار لازمة لماكينات مصنع

حتى قطع غيار السيارات عند الوكلاء هتتأثر بشكل كبير جداً الفترة اللى جاية

أعتقد الأيام الجاية هتكون صعبة لأننا للأسف بنستورد " كل " حاجة و موفرناش بدايل جيدة قبل إتخاذ هذا القرار
بشبهها بطفل متعود يعوم بعوامة و مرة واحدة رميته فى البحر قبل تعليمه السباحه جيداً

الأول وفر بدايل مصرية جيدة و بعدين أقفل الأستيراد

تحياتى

[ahmed_eng2001]

حابب أشارك فى النقاش الثرى ده لو سمحتولى، أنا برده مش إقتصادى و لكن عملى قريب شوية من الكلام ده
أولاً البنوك حالياً (أو البنك المركزى) هو اللى بيحدد ما هو إستفزازى من ما هو غير إستفزازى، يعنى مثلاً هل كاوتش العربيات يعتبر إستفزازى و لا لأ؟ من وجهة نظر البنوك يعتبر إستفزازى و عندك بدايل مصرى..... و لكن من وجهة نظر المستهلك ده أساسى جداً جداً و أنا مش جايب عربية تمنها ربع مليون جنيه علشان أركبلها كاوتش "نسر"
هنا تكمن المشكلة أن القرار أعطى للبنوك عملية التصنيف لما هو إستفزازى و ما هو غير إستفزازى!!!!
لو حضرتك توكيل سامسونج و حابب تفتح إعتماد علشان تستورد موبيلات سامسونج أصلية، البنك مش هيوافق لو حسابك مفهوش دولارات كافية لأن الصنف ده بالنسبة للبنك إستفزازى!!!!!


النتيجة:
- فعلاً أغلب اللى بيتباع فى السوق دلوقتى هو البضاعة الموجودة فى المخازن لغالبية السلع و طبعاً التجار هترفع سعرها جداً علشان هو مش عارف هيقدر يجيب تانى أمتى و التضخم هيزيد....أغلب الإستيراد متوقف من فبراير و بقول أغلب مش بس ال 30% الإستفزازى
- الشركات العالمية العاملة فى مصر، بعد ما بتخلص مبيعاتها المقدرة بالملايين كانت بتحول الفلوس المصرى لدولارات سواء من البنك أو السوق السوداء ثم تقوم بتحويلهم للشركة الأم فى الخارج....الموضوع ده توقف الأن و أصبحت الشركات دى عندها مكدسات من العملة المصرية ليست فى حاجة لها و تم تقليص نشاطها لتخفيف فائض العملة المحلية المكدس
- شركات تجارة كتير هتقلل عمالة علشان وقف الإستيراد و ده هيزود البطالة.
- الحكومة عاملة مشروع بيع قطع أراضى فى أماكن مميزة للعاملين فى الخارج بشرط أن يتم الشراء بالعملة الصعبة....طيب لما أنت محددلى الإيداع الشهرى ب50 ألف دولار فقط...أزاى أشترى الأرض دى؟؟!!! و الكلام ده حصل قدامى فى البنك من أحد المودعين


الخلاصة: القرار ظاهره إيجابى و لكنه لم يدرس بشكل جيد و أدى إلى شلل تام للإستيراد مش بس للسلع الإستفزازية و أسألوا أى حد بيستورد لو قادر يفتح إعتماد حتى لو كانت قطع غيار لازمة لماكينات مصنع

حتى قطع غيار السيارات عند الوكلاء هتتأثر بشكل كبير جداً الفترة اللى جاية

أعتقد الأيام الجاية هتكون صعبة لأننا للأسف بنستورد " كل " حاجة و موفرناش بدايل جيدة قبل إتخاذ هذا القرار
بشبهها بطفل متعود يعوم بعوامة و مرة واحدة رميته فى البحر قبل تعليمه السباحه جيداً

الأول وفر بدايل مصرية جيدة و بعدين أقفل الأستيراد

تحياتى

اوافق حضرتك الرأى تماما ....

و موضوع تحديد السلع هل هى استفزازية و لا لأ ... موضوع فى حد ذاته ... مستفذ جدا ....

زى ما حضرتك ذكرت ... ممكن سلعة مهمة بالنسبة لى .. تكون مستفزة لشخص اخر
على ذكر قطع الغيار .... انا عاوز اركب فلتر فى عربيتى ... و مفيش بديل مصرى .. السلعة دى .. مهمة و لا مش مهمة ؟!!!!

و لو حضرتك حتتكلم عن الحرية .... فانا كنت اعتقد ان انا حر ... اركب الاطارات الى انا عاوزها لعربيتى
مينفعش تقفل الاستيردا بدون توفير بديل جيد ... و بعد ذلك ... تفتح الاستيراد و تتركلى حرية الاختيار

اعتقد ان صاحب قرار تحديد الايداع بالدولار ده .... ممكن يكون اجنبى متربى فى حوارى مصر .... او مصرى مدأرم و راح اخد كورس برة مصر و رجع تانى ....
فكرة ظاهرها جيد .. و هو وقف ارتفاع سعر الدولار ... بس اتنفذت بطريقة ضرب تحت الحزام

[ahmed_eng2001]

طالما ضيقها كدا .هيفتح سكة التهريب .الدولار الكاش المحبوس دا زي الغول .لازم هيضرب ويلوش.كمان الدنيا مهش امريكا اسياد الدولار . وايه حكاية نضافة الفلوس اللي هما متكيين عليها .دا كلام كبير جدا مصر محدوده للغايه في المخدرات والبغاء والاموال المشمومه .مشكلة الاموال اغلبها كاش غير رسمي.كمان احنا في قبل ايها سنت.
تحياتي

محدش ينكر ... القرار بتاع البنك المركزى وقف ارتفاع اسعار المنتجات تحت دعوى غلاء الدولار ....
اسعار المنتجات المحلية كانت بتغلى بسبب ارتفاع سعر الدولار !!!!!

و اوافق الرأى تماما فى موضوع تضخم الاسعار و الدولار

و كما سمعت ... من المفروض ان مصر زيها زى دول كتير بتحاول تحارب غسيل الاموال
واحد زميلى كان بيودع 200 الف جنيه فى حسابه فى البنك .... قالوا له لازم تجيب ما يفيد انت جبت الفلوس دى من فين !!!!! اه و الله زمبؤولك كدة ... المشكلة ان زميلى فلوسه دى كان سالف جزء منها :b4_556: و جزء منها تحويشة مرتبه و كان فى حسابه فى بنك تانى

[Karim Alaa]

يا باشا يعنى حضرتك عايز تشترى اطار سيارات و ده فى المقابل يمنع شراء قمح او بترول او سولار ؟؟ المشكله الاساسيه هى ندره الدولار فى البلد و عليه اه لازم يبقى اطار السيارات اقل اهميه الف مره من القمح و ده مش حل حقيقى الحل الحقيقى اننا نصنح 40 فى الميه من احتياجتنا على الاقل و نصنصع سلع للتصدير توفر العمله الصعبه من الناحيتين و الحل ده عايز اقل شىء ده لو هما ناوين و لا يعرفو ينفذوه اصلا محتاج 10 سنين فى الوقت الحالى مبين تنفيذ ده اذا كانو يعنى و مبين حاليا لما سابو الدولار عادى ايه الى حصل سيادتك وصل ل 8 و كان هيوصل 10 صح بالنسبه لحضرتك اشتريت الاطار الجميل بضعف سعره و بقيت مرتاح الناس بقى تستحمل قمح و بترول بضعف السعر ؟؟ اكيد لا

و دلوقتى بقى فى الوقت الحالى حد عنده حل تانى غير ان يا اما الدولار يبقى ب 10 15 جنيه يا اما يحددو اهميه السلع ؟؟ عشان يحافظ على الدولارات فى البلد و اه عارف ان الوضع ده اخطاء كل الناس الى جت قبل كده لحد الخليفه العثمانى :) بس السؤال فى الوقت ده عشان البلد تمشى عندكو حل ؟؟ جميل يبقى يا باشا نعيش عيشتنا بمواردنا و امكانياتنا و نحاسب بقى الى مش يحسن ده بعد كام سنه و طبعا مش هيحسنو حاجه بادائهم ده لكن استحاله اطلب منهم بفتحوها الدولار يموت الغلابه عشان عايز اطار غالى و على فكره لو سالت بتوع الاطارات هيقولك انه بطاقه الاستيراد ليها اعتماد ميقدرش يجى جنبه يعنى مثال الاطار اصلا مش صح اوى يعنى بس اهو مثال

الاستاذ الى طلب الحكومه تشترى دولار حضرتك فاهم الاقتصاد غلط محدش برا بيشترى الجنيه المصرى عشان يديك قصاده دولار :) يا اما تصدر سلعه يا اما يخشلك كاستثمار منح او سياحه

[Hany Saad]

يا باشا يعنى حضرتك عايز تشترى اطار سيارات و ده فى المقابل يمنع شراء قمح او بترول او سولار ؟؟ المشكله الاساسيه هى ندره الدولار فى البلد و عليه اه لازم يبقى اطار السيارات اقل اهميه الف مره من القمح و ده مش حل حقيقى الحل الحقيقى اننا نصنح 40 فى الميه من احتياجتنا على الاقل و نصنصع سلع للتصدير توفر العمله الصعبه من الناحيتين و الحل ده عايز اقل شىء ده لو هما ناوين و لا يعرفو ينفذوه اصلا محتاج 10 سنين فى الوقت الحالى مبين تنفيذ ده اذا كانو يعنى و مبين حاليا لما سابو الدولار عادى ايه الى حصل سيادتك وصل ل 8 و كان هيوصل 10 صح بالنسبه لحضرتك اشتريت الاطار الجميل بضعف سعره و بقيت مرتاح الناس بقى تستحمل قمح و بترول بضعف السعر ؟؟ اكيد لا

و دلوقتى بقى فى الوقت الحالى حد عنده حل تانى غير ان يا اما الدولار يبقى ب 10 15 جنيه يا اما يحددو اهميه السلع ؟؟ عشان يحافظ على الدولارات فى البلد و اه عارف ان الوضع ده اخطاء كل الناس الى جت قبل كده لحد الخليفه العثمانى :) بس السؤال فى الوقت ده عشان البلد تمشى عندكو حل ؟؟ جميل يبقى يا باشا نعيش عيشتنا بمواردنا و امكانياتنا و نحاسب بقى الى مش يحسن ده بعد كام سنه و طبعا مش هيحسنو حاجه بادائهم ده لكن استحاله اطلب منهم بفتحوها الدولار يموت الغلابه عشان عايز اطار غالى و على فكره لو سالت بتوع الاطارات هيقولك انه بطاقه الاستيراد ليها اعتماد ميقدرش يجى جنبه يعنى مثال الاطار اصلا مش صح اوى يعنى بس اهو مثال

الاستاذ الى طلب الحكومه تشترى دولار حضرتك فاهم الاقتصاد غلط محدش برا بيشترى الجنيه المصرى عشان يديك قصاده دولار :) يا اما تصدر سلعه يا اما يخشلك كاستثمار منح او سياحه

بغض النظر عن مثال الإطارات و هو على سبيل المثال ليس أكثر، و أعتقد بطاقة الإستيراد دى للمناطق الحرة فقط و يجب أيضاً أنه يوفر الدولار فى حسابه حتى يستطيع الإستيراد حتى لو عنده بطاقة إستيرادية. ...مفيش أى إعتماد بيتفتح حالياً إلا كما ذكرت حضرتك للقمح و الحليب و الأدوية أو تقدر تقول أساسيات الأساسيات....غير كده البنوك مبتفتحش إعتمادات و أسأل أى مستورد لأى سلعة مهما بلغت أهميتها....كله حالياً متوقف إلا فى ما هو فى حدود ال 50 ألف دولار شهرى أو ما يسمح بيه حسابك الدولارى إن وجدت مدخرات...ساعتها البنك بيفتح إعتماد لإستيراد أى شىء طالما فلوسك

حضرتك فكر معايا كده: " إيه فى حياتنا مش إستيراد و بالأخص من الصين؟"

الإجابة: صفر....

حايتنا و أستمثارتنا كلها و بقول كلها متوقفة على الإستيراد.....مش لاقى شىء واحد فقط مش معتمد على الإستيراد....
يعنى هضرب مثال برده لحياة مواطن متوسط الدخل:
- بطارية ساعته مش مسموح إستيرادها او بيقل
- فانوس عربيته الإستعمال اللى اتكسر مش موجود
- ملو حبر البرينتر بتاعته مش موجود
- لبس رخيص على الرصيف مش موجود
- إصلاح أى شىء فى البيت مش هتلاقى قطع غيار

القرار ده بيمس كل الناس مش الطبقة العليا....الناس كلها حياتها قايمة على الإستيراد و إستثمارتها (برينتر، ساعة، عربية إستعمال....هتتأثر و تتضرر لعدم توافر الدولار للإستيراد)

تحياتى

[Karim Alaa]

و الله العظيم معاك جدا بس نفس السؤال ايه رايى حضرتك نستورد كل الى قولته ده و نقلل او نعلى سعر القمح و البترول ؟؟ قارن و قولى فى ظل ندره الدولار ايه الى هيضرك اكتر تلاقى بطاريه ساعه نضيفه و تدفع 5 جنيه فى لتر البنزين ؟؟

انا فاهم كويس اوى اننا عندنا مصيبه فى حياتنا اسمها الاستراد و الاعتماد على الدولار بس حلها يا اما كده يا اما كدا هنختار ايه طبعا زى مقولت ده مش حل حقيقى ده تسير مراكب بس