السعر الحقيقى للدولار

[ahmed_eng2001]

يا باشا يعنى حضرتك عايز تشترى اطار سيارات و ده فى المقابل يمنع شراء قمح او بترول او سولار ؟؟ المشكله الاساسيه هى ندره الدولار فى البلد و عليه اه لازم يبقى اطار السيارات اقل اهميه الف مره من القمح و ده مش حل حقيقى الحل الحقيقى اننا نصنح 40 فى الميه من احتياجتنا على الاقل و نصنصع سلع للتصدير توفر العمله الصعبه من الناحيتين و الحل ده عايز اقل شىء ده لو هما ناوين و لا يعرفو ينفذوه اصلا محتاج 10 سنين فى الوقت الحالى مبين تنفيذ ده اذا كانو يعنى و مبين حاليا لما سابو الدولار عادى ايه الى حصل سيادتك وصل ل 8 و كان هيوصل 10 صح بالنسبه لحضرتك اشتريت الاطار الجميل بضعف سعره و بقيت مرتاح الناس بقى تستحمل قمح و بترول بضعف السعر ؟؟ اكيد لا

و دلوقتى بقى فى الوقت الحالى حد عنده حل تانى غير ان يا اما الدولار يبقى ب 10 15 جنيه يا اما يحددو اهميه السلع ؟؟ عشان يحافظ على الدولارات فى البلد و اه عارف ان الوضع ده اخطاء كل الناس الى جت قبل كده لحد الخليفه العثمانى :) بس السؤال فى الوقت ده عشان البلد تمشى عندكو حل ؟؟ جميل يبقى يا باشا نعيش عيشتنا بمواردنا و امكانياتنا و نحاسب بقى الى مش يحسن ده بعد كام سنه و طبعا مش هيحسنو حاجه بادائهم ده لكن استحاله اطلب منهم بفتحوها الدولار يموت الغلابه عشان عايز اطار غالى و على فكره لو سالت بتوع الاطارات هيقولك انه بطاقه الاستيراد ليها اعتماد ميقدرش يجى جنبه يعنى مثال الاطار اصلا مش صح اوى يعنى بس اهو مثال

الاستاذ الى طلب الحكومه تشترى دولار حضرتك فاهم الاقتصاد غلط محدش برا بيشترى الجنيه المصرى عشان يديك قصاده دولار :) يا اما تصدر سلعه يا اما يخشلك كاستثمار منح او سياحه

لى عدة نقاط اختلاف مع حضرتك .... و لى نقاط اتفاق ايضا ...

من المنطقى جدا ... انى مش عاوز اشترى اطارات لسيارتى مع ايقاف شراء القمح و البترول .... علشان لو مفيش قمح و بترول ... حموت و العربية مش حتمشى

نقطة الخلاف هى تحديد ما هى الاساسيات و ما هو الترف .... مع العلم ... انى مش حينفع اعيش بالاساسيات فقط ... قطع غيار السيارات دى من الاساسيات ... و لا العربية مش حتمشى ... و العربيات تمشى يعنى اقتصاد بيتحرك .. و اقتصاد يتحرك يعنى لقمة عيش ... يعنى حياة

و بالمناسبة .... كون انى بشترى اطارات لعربيتى فده معناه ان السوق مفتوحة ... اذن يحكمنى قوانين واضحة للجميع و يمكن ساعتها مناقشة طرق لحل الازمات ..... اما الوضع الحالى ... عامل زى ما يكون عند حضرتك تسريب من الموتور ... حضرتك بتحل المشكلة دى انك بتزيل الزيت الى مطرطش على الموتور ... و كل شوية تزود زيت الموتور ... و سايب سبب التسريب زى ما هو

ندرة الدولار قى السوق !!! ايوة فعلا ... اتفق معاك فى النقطة دى ... فالحكومة بدل ما تدور ازاى تزيد الدولار الى فى السوق ... عاوزة تجمع الدولارات الشحيحة الموجودة فى السوق و تضع الدولارات تحت تصرفها

الحل الى حضرتك ذكرته ... رائع و اتفق معاك نماما فيه ... الانتاج ... زراعى صناعى سياحى ... المهم ننتج سلعة كويسة مطابقة للمواصفات علشان نعرف نبيعها محليا و دوليا

مفيش مشكلة نهائيا اننا نصل لمرحلة التصنيع و التصدير كمان 10 سنوات ... بس المهم اننا نبدأ بداية سليمة

الدولار ليه قيمة فعلية امام الجنيه و امام اى عملة تانية ..... و زيادة سعر الدولار ( نقص سعر الجنيه ) هو المقياس على الاقتصاد ..... و معنى ان الدولار بيعلى ان الاقتصاد بيضعف ... و قيمته 8 جنيه هى القيمة الحقيقية ... و لو وصل ل 10 جنيه حتكون هى دى قيمته الحقيقية ....

انما القيمة الموجودة حاليا مش حقيقية .... و ان اجلا او عاجلا ... البنك المركزى حيفقد السيطرة ... لأنه يعانى الان من فرق السعر ده و يتحمله وحده فى الفترة الحالية ... و قريبا الاقتصاد كله حيبدأ يعانى كمان
و بعدين ليه حضرتك حاططنى انا و الكاوتشات بتاعتى فى حتة و الناس و القمح و البترول فى حتة تانية ؟!!! انا عايش فى مصر ... و لما الدولار و البنزين حيكون بضعف السعر ... مش حركب الاطارات الجميلة و اروح اجيب قمح علشان اكله ... و الاطارات الجميلة مش حتلاقى حد يشتريها

اما عن الحلول .... فيه حلول كتيرة اتقالت .. و حلول كمان لسة حتتقال .... و مش للدولار فقط .. حلول للاقتصاد كله و رسم خطوط عامة لخطط طويلة الامد .. و خطط قصيرة الامد

و العيش على الاد و النظر لمواردنا دائما على انها محدودة و على ادنا و النمو السكانى المتزايد و الكلام الى بنسمعه من اول ما وعينا على الدنيا ده ..... محتاج الى اعادة النظر فيه و فحصة و دراسته مرة اخرى من وجهات نظر مختلفة

[ahmed_eng2001]

و الله العظيم معاك جدا بس نفس السؤال ايه رايى حضرتك نستورد كل الى قولته ده و نقلل او نعلى سعر القمح و البترول ؟؟ قارن و قولى فى ظل ندره الدولار ايه الى هيضرك اكتر تلاقى بطاريه ساعه نضيفه و تدفع 5 جنيه فى لتر البنزين ؟؟

انا فاهم كويس اوى اننا عندنا مصيبه فى حياتنا اسمها الاستراد و الاعتماد على الدولار بس حلها يا اما كده يا اما كدا هنختار ايه طبعا زى مقولت ده مش حل حقيقى ده تسير مراكب بس

اسمحلى اوضح لحضرتك نقطة مهمة ....

علشان متتعبش كتير و تفضل تطلع قوانين و ترقع الاقتصاد المتهالك ..... يا تمشى مع الشرق .... يا تمشى مع الغرب
الشرق ده موضة و بطلت و مفيش الان فى العالم تقريبا غير الغرب ... و اقصد به النظام الرأسمالى الانفتاحى الاستغلالى ... الى ماشى بيه اغلب دول العالم على اختلاف طرقها

يا اما تفتح السوق و تسيب كل حاجة للعرض و الطلب ... و كدة انت بقيت جزء من الكيان العالمى .. بمميزاته و عيوبه ... و امريكا مثال شبه واضح على النظام ده

او تتحكم فى السوق تماما ... تحكم فعلى و تتحمل عيوبه و مميزاته ... و لنا فى السعودية مثال على هذا النظام

فى الوضع الحالى نحن نتخبط فى المنتصف عنينا على ناحية و عاوزين نمسك فى الناحية التانية

دى القاعدة العامة الى ممكن من خلالها نضع خطط مستقبلية لعدة سنوات .... مش للحفاظ على سعر الدولار لعدة شهور لمحاولة تغطية عجز الاقتصاد
تحياتى

[ali ashraf]

هل هناك حل للمشكلة

السلام عليكم انا على اشرف اللى اثرت الموضوع للنقاش و الحقيقة مكنتش اتوقع ردود الفعل و التفاعل الجميل من حضراتكم و السؤال الان هل هناك حل لمشكلة ندرة الدولار فى بلد بات يعتمد على الاستيراد فى كل شئ.......الحل ببساطة من السؤال نفسه تعظم حصولك على الدولارات و تقلل اعتمادك على الاستيراد.....و طبعا دى الاجابة البديهية بس اذاى تعمل كدة........احب اقول شوية حقائق فى الاول قبا ما نحاول نجاوب على السؤال الصعب ده , مصادر الدولارات لمصر تقريبا كلها بدون مجهود فعلى من المصريين وكلها تعتمد على الانشائات الضخمة بدون عائد مجزى فى المقابل و هفسر كلامى ده.....اولا كان هناك عائد من البترول و الغاز الطبيعى استعملناه بسفه الغاز الطبيعى مصر لليوريا و السماد يحقق اضعاف اضعاف ثمنه كمصر طاقة و النتيجة فشل ذريع , عائد الدولارات من العاملين بالخارج ...الدولة حطى رجل على رجل و المصريين العاملين بالخارج بيحولوا الفلوس لمصر بدون اى جهد جقيقى من الدولة ,,,,,السياحة تعتمد على تقديم خدمات و سياحة شواطئ و الاثار الفرعونية وبس , فين الانتاج الفعلى للدولة مش هقول وادى سيلكون و تكنولوجيا متقدمة,.....لكن مش معقول ان دولة متواضعة جدا زى بنجلادش تطرد مصر من اسواق الملابس القطنية. كوريا الجنوبية ارسلت وفد الى مصر عام 1962 لدراسة ظاهرة التقدم الصناعى فى مصر , قناة السويس يمكن تعطى بعض الامل لكنه ذو موارد محدودة مقابل انشائات مكلفة جدا,,,,,,طيب فين الانتاج الصناعى مش معقول يكون شركة زى سامسونج مثالا عوائدا 4 اضعاف الناتج القومى لبلد زى مصر , لا حل امامنا الا ثورة صناعية من اول صناعةالملابس القطنية ( الله يرحمها) مرورا بصناعة المعلومات ( و ارباحها بمئات المليارات وشوفوا الهند عملت فيها ايه) و انتهاء بالصناعات الثقيلة و كل ده مش ممكن الا لما نيتفيد من خبرات اللى سبقونا و نستعين بهم و نبطل حكاية اننا فرعناه و بناه الاهرامات و نستعين بالخبرة الاجنبية ( زى الكورة ) . للاسف الخطوات اللى الدولة بتعملها بتأجل حدوث المشكلة اللى بانت و اتكشفت مع نضوب البترول و التباطئ فى قطاع السياحة

[ahmed_eng2001]

و انا شاكر لحضرتك اثارتك للموضوع

كلام حضرتك عن موارد الدولار .... صحيح بنسبة 99%
لازم اعادة التفكير و النظر الى معتقداتنا الاقتصادية .... معتقداتنا الحياتية بصفة عامة

احد المشاكل اننا بنستسهل .. و مش عاوزين نتعب ... و مش عاوزين نخطط للمستقبل

و حدى حضرتك كمان مثال للتعقيد .... شركة هوندا بدأت تقريبا مع شركة النصر للسيارات ... و فى نفس الوقت تقريبا مع شركة سيات

متابع للاستفادة

[Karim Alaa]

كل كلامك صح يا باشا و انت اتفقت معايا فى كل شىء مفيش حل حقيقى غير بعد مده ده اذا بدؤا دلوقتى حالا عشان نلحق ال 10 سنين دول صح و ميه ميه ده الحل الحقيقي

الاختلاف الى حضرتك بتقول انه اختلاف و هو مش اختلاف انك بتقول خلاص امشى مع الغرب و سيبها للعرض و الطلب

تقدر حضرتك تشترى لتر البنزين بسعر 2.65 دولار و كمان الدولار يبقى ب 10 جنيه ؟؟ متقدرش يبقى هو كمان ميقدرش يسبها تمشى بالعرض و الطلب عشان الناس متموتش الحل الوحيد انك تزيت الموتور لحد متحوش و تجيب الجديد

الاهم بقى انك تحوش يعنى تبدا باصلاحات صناعيه حقيقه عشان بعد 10 سنين تجيب موتور جديد

مش هتفلت من المركزى لانه هيفضل يركز فى الاولويات و بس و كل ما الضغط يزيد هيقلل الاولويات دى و يشحتو قرشين يمشو بيهم الوضع

بالنسبالى قرار المركزى الاخير عامل زى الى بتغزل برجل حمار فى المثل الشعبى قرار ممتاز انقذ ما يمك انقاذه فى الوضع الحالى و مقالش اصل لما نعمل صناعه هنبقى كويسين و اهى الدنيا مشيت

اتمنى نكون وصلنا لنقطه مشتركه يا استاذ اشرف

[ahmed_eng2001]

كل كلامك صح يا باشا و انت اتفقت معايا فى كل شىء مفيش حل حقيقى غير بعد مده ده اذا بدؤا دلوقتى حالا عشان نلحق ال 10 سنين دول صح و ميه ميه ده الحل الحقيقي

الاختلاف الى حضرتك بتقول انه اختلاف و هو مش اختلاف انك بتقول خلاص امشى مع الغرب و سيبها للعرض و الطلب

تقدر حضرتك تشترى لتر البنزين بسعر 2.65 دولار و كمان الدولار يبقى ب 10 جنيه ؟؟ متقدرش يبقى هو كمان ميقدرش يسبها تمشى بالعرض و الطلب عشان الناس متموتش الحل الوحيد انك تزيت الموتور لحد متحوش و تجيب الجديد

الاهم بقى انك تحوش يعنى تبدا باصلاحات صناعيه حقيقه عشان بعد 10 سنين تجيب موتور جديد

مش هتفلت من المركزى لانه هيفضل يركز فى الاولويات و بس و كل ما الضغط يزيد هيقلل الاولويات دى و يشحتو قرشين يمشو بيهم الوضع

بالنسبالى قرار المركزى الاخير عامل زى الى بتغزل برجل حمار فى المثل الشعبى قرار ممتاز انقذ ما يمك انقاذه فى الوضع الحالى و مقالش اصل لما نعمل صناعه هنبقى كويسين و اهى الدنيا مشيت

اتمنى نكون وصلنا لنقطه مشتركه يا استاذ اشرف

تغيير مسار الاقتصاد يحتاج الى خطة طويلة الاجل ... و خطط قصيرة الاجل ...

من الخطط طويلة الاجل ... تحويل الاقتصاد الى شرقى ... او ... غربى
الخطط قصيرة الامد ... هى تحويل الدفة ببطأ مع محاولة الحفاظ على الاستقرار فى الاسعار مع نمو الاقتصاد
ممكن نعتبر قرار البنك المركزى خطة قصيرة الامد ... مع تجهيز خطة بديلة قريبة

و عذرا ... حضرتك ذكرت ان سعر لتر البنزين ب 2,65 دولار ؟؟ السعر ده مصدره ايه ؟؟

و بالمناسبة ... حضرتك اغفلت ان مصر بتنتج بترول .. هو صحيح مش مكفى الاستهلاك و ذو جودة منخفضة ... بس بيساعد فى تغطية السوق المحلية
اخبار الغاز الطبيعى ايه فى منظومة الطاقة ؟
و ليك عليا ازيت الموتور كويس و اسايسه علشان يعيش معايا :) لغاية امتى ؟؟؟ و ححوش ازاى اذا كان الى جاى على اد الى رايح . . بل بالعكس مصاريفى بتزيد ... و المحرك بدل ما كان بيتزيت فقط ... اصبح محتاج قطع غيار بالاضافة للتزييت ... بالوضح الحالى و المستقبلى ... مفيش تحويش !!!

و انا معترض تماما على مثل ... تغزل برجل حمار

لو عاوز تنتج منتج كويس ... مينفعش تغزل برجل حمار
لو عاوز تعمل سياحة كويسة ... برضو مينفعش تغزل برجل حمار

القرار بالفعل مشى الدنيا شوية ... و كان ليه تأثير ايجابى فى وقف زيادة الاسعار الغير مفهوم
و لكن لغاية امتى ؟؟!!!

ببساطة جدا ... البنك المركزى حدد سعر سلعة .. و احتكرها .. و هو معندوش منها الى يكفى حتى الضروريات

[Mecha]

اومال المليارات المتلتله اللي جايه من الخليج فين ,ومراكب النفط البلوشي فين ,وتحويلات العاملين بالخارج فين

[ahmed_eng2001]

اومال المليارات المتلتله اللي جايه من الخليج فين ,ومراكب النفط البلوشي فين ,وتحويلات العاملين بالخارج فين

ملناش دعوة بالحاجات دى .... الموضوع لو قلب سياسة حيتحذف و نتوقف ... و حيقولوا عليك اخوانى و حيقولوا عليا من انصار الاخوانى

و بالمناسبة ... انا اعتذر لعدم تكملة الحديث فى موضوع الذراع ال 3/4 بوصة و حديث حضرتك عن الثيرامايت ... ( بالرغم من انه موضوع شيق )... علشان ميتقالش عليك ارهابى و يتقال عليا من انصار الارهابى و نتوقف

[رحالة]

.و انا معترض تماما على مثل ... تغزل برجل حمار

لو عاوز تنتج منتج كويس ... مينفعش تغزل برجل حمار
لو عاوز تعمل سياحة كويسة ... برضو مينفعش تغزل برجل حمار

بعدين البلد اصلا مفيهاش رجول حمير
اومال اللحمة اللي بناكلها دي جاية من فين

[Karim Alaa]

المرجع سعر البنزين الحر فى امريكا لانه معليهوش دعم و بينتجو بترول اضعافنا بكتير بالنسيه لاستهلاكهم و ادى الموقع

Gasoline and Diesel Fuel Update - Energy Information Administration

سؤال بس يا باشا حضرتك مختلف معايا فى ايه ؟ انت شايف انهم يسيبوها توصل زى متوصل و لا شايف انهم عشان معملوش خطط كويسه من دلوقتى يبقى يسبوه يغلى و لا ايه بالظبط يعنى الحل عند حضرتك ايه من غير قرار البنك المركزى ايه الحل الشهر ده ؟ و انا اقصد الحل فى ساعه مخد البنك المركزى القرار من شهر كده تقريبا و كان السعر خلاص هيجيب 8 ايه الحل ؟

[ahmed_eng2001]

المرجع سعر البنزين الحر فى امريكا لانه معليهوش دعم و بينتجو بترول اضعافنا بكتير بالنسيه لاستهلاكهم و ادى الموقع

Gasoline and Diesel Fuel Update - Energy Information Administration

سؤال بس يا باشا حضرتك مختلف معايا فى ايه ؟ انت شايف انهم يسيبوها توصل زى متوصل و لا شايف انهم عشان معملوش خطط كويسه من دلوقتى يبقى يسبوه يغلى و لا ايه بالظبط يعنى الحل عند حضرتك ايه من غير قرار البنك المركزى ايه الحل الشهر ده ؟ و انا اقصد الحل فى ساعه مخد البنك المركزى القرار من شهر كده تقريبا و كان السعر خلاص هيجيب 8 ايه الحل ؟

شكلك زهقت منى

انا استغربت بس من سعر البنزين الى حضرتك ذكرته .. السعر ده للجالون = 4 لتر تقريبا يعنى اللتر = 0,6 دولار ... و امريكا بتستهلك اكتر من انتاجها بكتير .... و سعر الجالون كان وصل 4 دولار منذ عدة سنوات .. و فيه دول اغلى من كدة

و متزعلش منى ... احنا بنتناقش و ممكن كلامنا ده يكون مش صحيح و فيه حاجات مش واخدين بالنا منها

قرار البنك المركزى ( بالرغم من اعتراضى عليه ) ممكن يعتبر من المسكنات المؤقته .. و لقترة قصيرة ..
و التفكير يكون اننا ازاى نخلى الدولار سعره ينزل ... مش نوقف ارتفاعه فقط
او الاستفادة من ارتفاع سعره ... بخطة طويلة المدى

الانتاج لكفاية السوق المحلى
الانتاج للتصدير
تطوير السياحة ... و الكلام البراق الى بنسمعه و لم نجد منه اى تطبيق فى الواقع

لو فرضنا ان سعر الدولار اغلى من 7,63 .. و البنك ماسك السعر كدة علشان ميزدش ... لحد امتى سيستطيع البنك الحفاظ على فرق السعر ده ؟!

علشان كدة لازم نعرف توجهات الحكومة و الدولة ايه ... لأن القرار ده زى ما يكون قرار فرض تحكم من الحكومة ( قرار اشتراكى ) على سلعة يتم التعامل فيها بطريقة راسمالية

[Mecha]

ملناش دعوة بالحاجات دى .... الموضوع لو قلب سياسة حيتحذف و نتوقف ... و حيقولوا عليك اخوانى و حيقولوا عليا من انصار الاخوانى

و بالمناسبة ... انا اعتذر لعدم تكملة الحديث فى موضوع الذراع ال 3/4 بوصة و حديث حضرتك عن الثيرامايت ... ( بالرغم من انه موضوع شيق )... علشان ميتقالش عليك ارهابى و يتقال عليا من انصار الارهابى و نتوقف
:b4_556: :h_angry[1]:

يا نهار مدوحس هي حصلت كدا ,اللانس يعتبروه اشرهباب .اومال في السكه الحديد مبيستعملوش الحاجات دي !!!!!,احنا كنا بنستعمل الشربون الكهربا في التفوير.ايه اللي جري في الدنيا.انت ادري بالدنيا المقلوبه يا بشمهندس .

[Mecha]

اوافق حضرتك الرأى تماما ....

و موضوع تحديد السلع هل هى استفزازية و لا لأ ... موضوع فى حد ذاته ... مستفذ جدا ....

زى ما حضرتك ذكرت ... ممكن سلعة مهمة بالنسبة لى .. تكون مستفزة لشخص اخر
على ذكر قطع الغيار .... انا عاوز اركب فلتر فى عربيتى ... و مفيش بديل مصرى .. السلعة دى .. مهمة و لا مش مهمة ؟!!!!

و لو حضرتك حتتكلم عن الحرية .... فانا كنت اعتقد ان انا حر ... اركب الاطارات الى انا عاوزها لعربيتى
مينفعش تقفل الاستيردا بدون توفير بديل جيد ... و بعد ذلك ... تفتح الاستيراد و تتركلى حرية الاختيار

اعتقد ان صاحب قرار تحديد الايداع بالدولار ده .... ممكن يكون اجنبى متربى فى حوارى مصر .... او مصرى مدأرم و راح اخد كورس برة مصر و رجع تانى ....
فكرة ظاهرها جيد .. و هو وقف ارتفاع سعر الدولار ... بس اتنفذت بطريقة ضرب تحت الحزام

باشا البليكه دي حصلت قبل كده في بدايه الالفينات . قالك سلع افتزازيه عشان لقي ناس بتستورد بودرة طعميه واكل كلاب معلب .لكن في القلب قالك ممنوع استيراد اي منتج له مثيل محلي .المهم الناس دي مش دريانه بالدنيا حطو ضمن المنع خراطيم الهيدروليك افتكروها زي خراطيم الميه التيل المحلي واهو كلو خراتيم ههههه .كت بأيف تونج فرحت اشتري حاجات من واحد مشهور من الاضيش الهيدروليك .وانا في المخزن دخل علينا البيه وباللفظ - متسولين البلد جايين عاوزين مني خراطيم - .القصد القرار جاله علي الطبطاب وستوك المخازن عكم وقفش منو فحت .وهوبا شويتين والهوجه راحت . وشوف عندك اسعار السلع هتنزل !! ولا هتفضل فوق.

[minicooper20]

البنك المركزى مش قادر يحدد البيضه الاول و لا الفرجه
هو لو امن السلع الرءيسيه
و ساب الناس تستورد سلع استفزازيه
ماهو الاستفزازيه دى غاليه الناس بتشتريها غالى و انتا كل ما المكسب ذاد بتاخد ضرايب اكتر
فا تقدر تدعم بيها القمح او اى حاجه انتا عايز تدعمها
تفكير عقيم من قايدات خريجين جامعات السبعينات
مفيش ابداع فى الفكر مفيش وضع حلول جزريه
كلها مسكنات
الخلاصه هو خرب بيوت ناس كتير و فى الاخر مستفادش اى حاجه
الا انو هيقول فى عهدى الدولار كان سعرو ثابت
كلها شعرات و اى كلام
تحياتى

[Mecha]

ملناش دعوة بالحاجات دى .... الموضوع لو قلب سياسة حيتحذف و نتوقف ... و حيقولوا عليك اخوانى و حيقولوا عليا من انصار الاخوانى

و بالمناسبة ... انا اعتذر لعدم تكملة الحديث فى موضوع الذراع ال 3/4 بوصة و حديث حضرتك عن الثيرامايت ... ( بالرغم من انه موضوع شيق )... علشان ميتقالش عليك ارهابى و يتقال عليا من انصار الارهابى و نتوقف
:b4_556: :h_angry[1]:

كمان ياباشا ,محسوبك هليهلي بالاوي هههه .الحاجات الوش دي يانهار .كام واحد من الالاضيش الاخوانيه دول في المنتدي قفشت معاهم ومبطاقهمش من ايام الكليه .مقضينها بيومي