Tweet
هــربــت مـن المــدرســه كــام مــرة !!!
---
بناء على طلب من العضوة نور القمر
بناء على طلب من العضوة نور القمر
يا ترى حد فيكوا كان بيهرب من المدرسة ؟
طب لو مكنتش بتهرب.. ليه مهربتش من المدرسة ؟
ولو هربت كنت بتهرب وتروح فين ؟
وكنت بتهرب ليه ؟
يا ريت الصراحة التامة -
يا ترى حد فيكوا كان بيهرب من المدرسة ؟
طب لو مكنتش بتهرب.. ليه مهربتش من المدرسة ؟
ولو هربت كنت بتهرب وتروح فين ؟
وكنت بتهرب ليه ؟
يا ريت الصراحة التامة 65نعم ,, وكنت بعيش مع اصحابي .0%37لا ,, عمرى ما فكرت اهرب ابدا .0%14جـربت الهروب ولكن معجبنيش .0%14 -
يااااااااااااااااااااه انا تقريباَ في ثانوي مكنتش بعمل حاجة غير إن أهرب من المدرسة و كنت محترف .. يعني ساعات كنت أطلع أفطر و أرجع تاني ولا حد ياخد باله
و كنت بجد محترف في كل سبل الهروب .. و مرة طلعت علي رجلي من باب المدير شخصياَ .. أخدت رزمة ورق فاضية و رحت للبواب قلتله المدير بيقولك إفتحلي الباب هصورله الورق ده .. قام فاتحه .. و طلعت بمنتهي اللاطة .. و كانت هوايتي المفضلة هي السينما اما أهرب من المدرسة ، كنت بشوف بالتلات أفلام في الأسبوع .
مكنتش بحب أنط من عالسور بصراحة و كنت شايف الموضوع ده للهواة .
و انا في ثانوي كنت في مدرسة حكومة و كانت مرشقة بلطجية لكن البلطجية كانوا بيحبوني بصراحة بل و بيأمنولي الطريق لأني في أولي ثانوي كنت قائد ثورة حصلت في المدرسة و كنت بقول للمدرس لو قل أدبه حاجات من طراز "مش من حقك" و "لو عايز توديني للمدير و تحكيله إنت قلت إيه انا موافق" في وشه كدة و دي كانت حاجة جديدة في مدرستنا فا كانوا يحترموني لأن كانوا شايفين إن انا مناضل
.. و مرة عملوا خدمة لي و مجموعة من أصدقائي اما نسبة الغياب بتاعتنا تعدت النسبة القانونية و كانوا بيقفلوا المدرسين باب المدرسة و ميدخلوش المتأخرين و يكتبوهم غياب .. فا جم بالليل هدولنا سور المدرسة عشان نخش براحتنا .
كانت أيام و الله .[COLOR="gray"]
[CENTER]Leadership is based on inspiration, not domination[/CENTER][/COLOR] -
يوة دا انا يعتبر برضوا فى ثانوى ما كنش ورايا حاجة غير الهروب
انا التلت سنين بتوع ثانوى على بعض ما رحتش شهر او اتنين على بعد فى التلاتة
وابسط حاجة لما كنت بحبة اهرب اروح لمدرس الالعاب كنت مظبطة
واقولة انا مش ضايق المدرسة وعايز امشى
واقلة انا رايح اجيب فطار لكذا واطلع
دا مرة اخويا هرب ونسينا جوة
رجع تانى وهربنا مع بعض تانى :d
وكنا بنروح الكوفى شوب نلعب طاولة وكدة
كانت ايام جنان بقىComment
-
يا رجل !المشاركة الأصلية كتبت بواسطة MoToRiZeR مشاهدة المشاركة
انا كنت بروح يوم الخميس بس لانى مش فاضي
Comment
-
جربتها كام مره بس مكانتش ممتعه بالنسبالي اني اهرب لأني مكنتش بلاقي حاجه اعملها فا كنت بروح بدري و خلاص :([CENTER][SIZE=4][URL="http://www.youtube.com/watch?v=AbR3fgcJacE"][B]People of The Lie[/B][/URL][/SIZE]
[/CENTER]
[CENTER]<!--EndFragment-->[/CENTER]Comment
-
ياه انا كنت بهرب لازم كل يوم لا نط علشان اجيب اكل من بره
لا اروح او ادخل السينما ام 3 جنيه الكلام ده فى اولى وتانيه لكن تالته مرحتش
المدرسه خالص وجالى جوب رفض وبعدين رحت للمدرسه ومش فاكر ساعتها دفعت
للمدرس 60 جنيه وعملت شهاده مرضيه وشلت الرفض مع انى المفروض كنت انى
منازل وكده وماقدمش فى حربيه ولا شرطه ولا حاجه من دى حصلت ورحت قدمت حربيه
عادى جدا وطبعا ما تبقلش علشان انا دلوقتى مش ظابط ولا حاجه[CENTER][shr71=http://www.dieselstation.com/pics/Hyundai%20Accent%202009-car-pictures.jpg]Hyndai Accent 2011[/shr71][/CENTER]Comment
-
طبعا عمري ما فكرت اهرب
اولا لاني بنت و دي حاجة عيب اوي ان بنت تعملها
ثانيا لاني زي ما قولت في موضوع قبل كده اني كنت بحب المدرسة جدا
حتي في ايام كانت المدرسه هي اللي بتطلعني و يقولولي روحي عشان كان بيبقي عندي تمرين و كمان تبع المدرسة نفسها و انا اقولهم لا مش هاروح
و لو عاوزني اروح ابعتو معايا مستر او ميس عشان لو حد شافني في الشارع مش يفتكرني هربانه و لا حاجة
بصراحة عمر ما حاجة زي دي جت في دماغي ابدااااااا
و بتهيالي اساسا عمرها ما حصلت في مدرستنا[COLOR="DarkOrchid"][SIZE="3"][I][CENTER]il n’est pire aveugle que celui qui ne veut pas voir[/CENTER][/I][/SIZE][/COLOR]Comment
-
انا بئه كنت عاشق للهروب من المدرسه
في اعدادى كنت بهرب عشان اروح العب كوره وده مكنش باستمرار عشان كنت لسه في نطاق الخوف والجبن
وفي ثانوى انطلقت وكنت بهرب لمجرد الهروب وكسر النظام وكنت برضه بروح السينما
وفي موقف بئه منسهوش في حياتى
فى مره كنت مزوغ انا وشله معايا ومكنش معانا فلوس وكنا عاملين حسابنا من قبلها بيوم المهم رحنا تانى يوم الصبح بدرى ونشرنا فيى المدرسه اننا رايحين بور سعيد عشان نجيب هدوم واللى عاوز حاجه يقول وطبعا بئه انتو متوقعين الباقى (طلبه ومدرسين حتى وكيل المدرسه) لمينا يومها مبلغ محترم والجميل فى الموضوع ان الوكيل بنفسه فضل معانا لغايه اما طلعنا من البوابه وبيوصينا على حاجته
وبعد يومين اما رجعنا (وطبعا اليومين حضور في الكشف) قولنالهم اننا اتسرقنا فى القطر وصعبنا عليهم
والله كانت ايام
الجميل بئه انى كنت بحب الهروب والزوغان اوى اوى بس كنت مؤدب برضه جدا
وكنت دايما فى كل سنه دراسيه اخدها من اولها لعب بس كنت اجى في اخر شهر وقبل الامتحانات واقفل على نفسى واربط اليل بالنهار والحمد لله كنت دايما من العشره الاوائل
ياريت اللى فات يرجع تانى
كانت ايام
[[URL="http://up2.m5zn.com"][IMG]http://up2.m5zn.com/photo/2009/4/15/06/bfuu44fdo.gif/gif[/IMG][/URL]]Comment
-
بصو بقى مش هضيف جديد لو قلت إنى ياما هربت من المدرسة لإن ده أغلب حال الشباب فى مرحلة الثانوى
وأنا بصراحة مكنت بصدق إنى أخلع من المدرسة لدرجة إننا كنا لما بنروح متأخر ونلاقى الباب مقفول كنا بنتمنى إن المدير ميرضاش يدخلنا علشان تبقى جت منهم ,
وكان أغلب الأماكن اللى بنروحها هو آى ملعب أو شارع نلعب فيه كورة وساعات بتطلب معانا سينما أم ال 5 أفلام ب 3 جنيه وحاجات كدا
وحكايه الهروب دى بتفكرنى بموقف عمرى مهنساه طول عمرى ,
كنت أنا وصحابى أصلآ متفقين إننا مش هنروح المدرسة وكل واحد هيبلبس الحتة الجديدة ومظبطين إننا هنروح الرحلة النيلية بتاعة القناطر واللى كانت معظمها شباب وبنات كتين زينا ,
المهم روحنا القناطر وإحنا هناك واحد صاحبى بالصدفة أبوه كان هناك وأبوه شافوه ولحد كده الموضوع كويس ,
الكارثة بقى إن الواد هو كمان أفش أبوه مع واحدة ,
لأ وإيه كمان أبوه ماشى مع واحدة وحاطط إيده على كتفها ولا أحسن حبيبه
وإحنا اللى شوفنا أبوه الأول وأول مشوفناه من ضهره ندينا عليه
وهو من غير مايبص بشوف مين بينادى راح داخل جوه هدومه وقلبك وقع فى رجليه ,
والراجل يسأل إبنه إنت إيه اللى جابك هنا إنت مش المفروض فى المدرسة ,
الواد يرد إنت إيه اللى جابك هنا ,
وأنا وصحابى ميتين بجد من الضحك
واللى عرفناه إن كل واحد فيهم فضل يعامل التانى فى البيت كإنه ماسك عليه زلة
معلش طولت عليكو بس بجد موقف عمرى مهنساه والموضوع ده فكرنى بيهComment
-
الهروب ياااه دى كانت متعتى انا واصحابى ان احنا نزوغ اوممكن ننزل من البيت متفقين ان احنا مش هنروح المدرسه اونروح وميدخلوناش تبقى بركه جت منهم نطلع من البوابه من فوق البوابه ننط من فوق السور كنا زى العفاريت بنعمل اى حاجه كنا بنزوخ باى طريقه نروح قهوه معينه بنجمع فيها تقريبا كنا اعضاء فيها وناقص نعمل كارنيهات عضويه نقضيها طاوله وكوتشينه او نطلع على راس البر نقضيها على البحر و كأننا فى رحله بس احيانا المدرسه توحشنا مانخلعش مش حبا فيها بس عشان نطلع عين المدرسين ونشتغلهم ولما نزهق نرجع نزوغ تانى....يااااااااااااه كانت ايام
..mokhtar..[CENTER][/CENTER]
[B][I][CENTER][FONT="Arial Black"]mokhtar[/FONT][/CENTER][/I][/B]Comment
-
إتعلمت أهرب من المدرسة من أول تانية ثانوى ... أيوه بجد عمرى ما هربت قبل كده خالص نوهائى.
بسبب ضغط الدروس و كده .. كان ده البرنامج بتاعى:
أصحى الساعة 9 أو 9:30 أوصل المدرسة على 10 .. أخد غيابى و لو كان إتاخد خلاص أروح أجرى على المسئولة عن الغياب و أقولها كنت فى الحمام ساعتها :D
بعد الغياب أروح على باب الإدارة جنب مكتب المديرة على طول .. و أعمل نفسى مستنى حد ... أول ما البواب يقوم .. هوب على الباب أفتح الترباس و أخرج بمنتهى الهدوء و أشد الباب ورايا.
غالباً الطريقة اللى فوق كانت بتنجح لكن لو طولت و البواب نام فى مكانه بروح على سور قصير كده و أجيب ديسك و بيكون معايا كام واحد من أصحابى و أنط لجوه مدرسة جنبينا (تصوروا) و منها على بره.
بعد الخروج موفقاً الحمد لله .. أجرى على السايبر .. أقضيها medal of honor (متخصص shotgun) و generals و need for speed و war craft بس كانت فى أخر سنة تالتة.
أرجع البيت أنام ساعة زمن و أصحى أخلص كل الواجب المطلوب.
و بالليل بقى الدروس ... و غالباً برجع ميت أنام لتانى يوم.
بعد أخر يوم من تالتة ثانوى .. عمرى ما دخلت سايبر تانى ... عشان كده نفسى أرجع ثانوية .. أيام العززز بصحيح
[CENTER][SIZE=3]رأيي صواب يحتمل الخطأ ,ورأي غيري خطأ يحتمل الصواب[I]. [/I][/SIZE][SIZE=1]الإمام الشافعى[/SIZE][/CENTER]Comment
-
أولا ده موضوع ظريف جدا و بيفكرنا بالذي مضى .
بما أني كنت من القيادات الطلابية البارزة فالهروب ده يعتبر شئ عادي جدا ( قدوة للطلاب ) يعني حاميها حراميها .
طبعا لما كنت أنط من ع السور ( أكتر وسيلة هروب ) أو يفتحوا لي البوابة ( ثقة من عم شاهين بواب المدرسة الله يرحمه ) كان فيه ملعب كورة و نطلع نلعب كورة لغاية م اليوم الدراسي يخلص و نروح عادي جدا و لا كأن حاجة حصلت .
مرة عرف مدير المدرسة و طبعا كالعادة بينادي على الطلاب ( الفشلة اللي أنا طبعا كنت منهم ) اللي هربوا أمس و يطلعنا في طابور الصباح و طبعا يسمعنا كلمتين ملهومش لازمة و أنا ع الأخص باعتبار أني المفروض أكون قدوة ( هيهات طبعا ).
مرتين على مدار حياتي التعليمية البائسة أخدت ( رفد ) م المدرسة و الحمد لله عدوا على خير طبعا كل الأحداث دي في ثانوي .
أما الاعدادي برضه كان فيه هروب كتير بس مش زي الثانوي طبعا .Comment
-
أنا كنت بهرب
ودية حاجة من أفضل الحاجات إلي عملتها في حياتي
مكنتش بروح أصلاً
كل سبت وتلات عشان أطول الأيام (7 حصص)
وبروح السينما جمب المدرسة 4 أفلام وان شوت
ولما إتطورت شوية كنت بنزل وسط البلد بصراحة بتبقى روعة بدري الصبح وأفطر في أخر ساعة وأخش حفلة 10 أو 10.30 في أي سينما في وسط البلد
طيب والغياب !!!
كان في واحد زميلي في الفصل قاعد جمبي يعرف واحدة تقريباً قريبته في المعاونين كانت بتدخله يفتح الدفتر بتاع الغياب ويشيل إسمه بنفسه وينزل الأيام من عليه وكنت بعزمه على السينما عشان يشطبلي غيابي أنا كمان وكانت أيام فلة يا سلام حاجة عز والله[CENTER][SIZE=3]من عمِل عملاً لله ... ثم يعتقد أن الله سيضيعه ... فلا يتهمن إلا نفسه[/SIZE][/CENTER]Comment
-
بصراحة مكنتش ناوى أرد.
شكلى هيبقى إيه و مفيش غيرى مكنش بيهرب من المدرسة ؟!!!
كنت بحب المدرسة و المذاكرة و بستغرب جدا من الطلبة اللى واقفة بره فى الشارع مش عايزه تدخل المدرسة و الطلبة اللى بتهرب.
كان لى كام زميل واخدين نفس الفيروس ( فيروس المدرسة) فاكر فى يوم الفصل كله مشى و احنا قاعدين المدرس جيه قالنا قاعدين ليه امشوا و مع ذلك مكنتش بهرب ، بس ممكن أروح بدرى من البوابة الرئيسية للمدرسة؛ أيام .
[FONT=Georgia][SIZE=3][COLOR=Blue][I][B]م/ شريف[/B][/I][/COLOR][/SIZE][/FONT]Comment
-
مره واحدة فقط في رابعة ابتدائي
السيد الوالد عرف === وعينيكوا ماتشوف الا النور
ودي كانت اول واخر مرة:k37:[CENTER][SIGPIC][/SIGPIC][/CENTER]Comment
Comment