هــربــت مـن المــدرســه كــام مــرة !!!

[hamedo0]

طب حد من اللى كانو عايشين فى مصر الجديدة فاكر قهوة كتكت اللى فى روكسى وأدهم بارك ؟

هو انت من ايام ادهم بارك دي كانت ايام
.......................................
طبعا ثانوى كانت فشل بمعني الكلمه عشان مش كنت عاوز اخش ثانوى عام اصلا فكانت كلها هروب وفشل وضياع في مره اعقد العب طوله في قهوه قريبه من المدرسه الاقي بابا بيقولي معاك فلوس تحاسب ولا احسبلك قولتله معايا وطبعا روحت البيت انتو عرفن ايه الحصل :K15::k41::k37:

[Bossy_Fadl]

لو سمحت الادارة تخلي الموضوع ده للكبار فقط وتمنعه عن الاعضاء الصغيرين
علشان الاعضاء اللي لسه طلبه ميتعلموش من الاعضاء الكبار فنون التزويغ

:k48::k48::k48::k48::k48::k48::k48:

ازاي يا نور هانم يعني؟

نوقف حد علي باب الموضوع ميدخلش الا فوق ال21 ؟ :k48:

و الله يا نور انتي عسل

[elassar2010]

لو سمحت الادارة تخلي الموضوع ده للكبار فقط وتمنعه عن الاعضاء الصغيرين
علشان الاعضاء اللي لسه طلبه ميتعلموش من الاعضاء الكبار فنون التزويغ

يااستاذة نور مافيش اصلا مدارس دلوقتى علشان يكون فية تزويغ
المدرسة بتنتهى مع نهاية المرحلة الابتدائية دى الى فيها حضور
بعد كدة الكل بيعتمد على الدروس بشكل كامل ومحدش بيدخل المدرسة اصلا
والمدرس عايز المدرسة فاضية علشان يزوغ ويظبط مواعيد الدروس بتاعتة

[Terrible_DaRsH]

ههههههههههههههه فضايح علشان اللي مشفش ردي اول مرة يشوفو دلوقت مش كدة

انا مش قلت لك محدش هيفتن عليكى ؟
مصر كلها عرفت انك هربتى مرة قبل كده
هههههههههههههههههه

بس بصراحة موضوعك تحفة وردود الاعضاء كلها تموت من الضحك زي ما يكونوا ما صدقوا حد يفكرهم بالذي مضى ههههههههههههه

انا وشي احمر من كتر الضحك
ده بقي روتين عند طلاب مصر كلهم ...
انا مش عايز احكى انا كنت بعمل ايه ايام ثانوى دى لحسن لو حد قلدنى تبقي مصيبـــــــــــــة

[KHALED AYMAN]

انا فى اعدادى كنت بروح المدرسه عشان اعد مع اصحابى بس زهقنا من المدرسين فقولنا نعد مع بعض فى اى سيبر و اعدت 2 اعدادى كلها تقريبا مروحش المدرسه انا و اصحابى لحد محصل المعتاد و اتقفشت فروحت شويه لحد ما السنه خلصت و فى 3 اعدادى مروحتش خااااااالص و حولت منازل و من يومها و انا كده روحت بأه الكليه و مش بغيب ولا بهرب.

[mokhtar]

كانت ايام جميلة

انا كنت من ضمن شلة كانت مزهقة مديرية التربية والتعليم فى الأسكندرية من كتر المشاكل اللى كنا بنعملها

لدرجة ان مدير المدرسة كان بييرافبنا ويبعت ورانا ناس تشوف احنا بنروح فين وبنعمل ايه وبعد ما يتأكد اننا فى مكان معين يروح بنفسه ومعاه 3 - 4 مدرسين وميكروباص ويلمنا فيه زى الشرطة لما بتنزل حملة على مكان فيه مسجلين خطر ...

فكرتنى بالموقف اللى حصلنا زى ده فى تالته ثانوى كنت انا والشعصابه اقصد الشله مزوغين من فوق السور وسايبين ورانا المدرسين يدعوا علينا من اللى بنعملوا فيهم المهم واحنا فى طريقنا للقهوه اللى بنجمع عليها الاقى مدير المدرسه وكان راجل صايع وبن بلد وفاهمنا وعارف احنا بنروح فين خصوصا انه اصلا كان مدرس العاب وملوش علاقه باى حاجه تربويه الراجل المدير ده لقيته ومعاه اتنين من مدرسين العاب والاقى وراهم ايييييييه...عربيه البوكس الشرطه وشافونا انا قولت ايه ده احنا بنوزه ممنوعات ولا ايه دحنا لو هاربين من جوانتانامو مش هيجيبوا الشرطه ورانا وطبعا صفاره ويافكيك وكله جرىومحدش كان يغلبنا فى الجرى ومعرفوش يجيبوا ولا واحد فينا كنا عفاريت اوى ومحدش يقدر علينا ونبقى فى قمه المتعه اننا قرطسناهم...




..MOKHTAR..

[Dr.A.Nabil]

:k17:الله الله الله



كلكم كده بتنطوا السور وبتزوغوا؟؟


عمري ما عملتها !!!

انا دايما كنت باقعد في اول ديسك واركز مع الاستاذ

وكنت باعتبر اللي بيزوغ ده فاشل:k17:

[meza]

طبعا بس في تانيه وتالته ثنوي بس
لكن كنت بزوغ بكرامتي من الباب , يمكن مرتين ولا تلاته

meza من وصفك كده حاسس انك كنت في نفس مدرستي

تشرفنا يا فندم .... أنا كنت 3abdoh college ....لو فهمتها يبقى إنتا زميل :biggrinjester:

لو سمحت الادارة تخلي الموضوع ده للكبار فقط وتمنعه عن الاعضاء الصغيرين
علشان الاعضاء اللي لسه طلبه ميتعلموش من الاعضاء الكبار فنون التزويغ

و يستحسن برضه يخلوه للولاد فقط

أولاً عشان الفضايح






و ثانياً عشان الصورة دى:






فو فو فوفو فووووووو .....

[AhmedSarhan]

الهروب من المدرسة استهتار....ودا اللى بيخللى الناس بعد كدا سهل عليها عدم الالتزام

[ramyso4]

أنا كنت مابحبش أزوغ كنت بحب مرحش من اصلو
ثانية + ثالثة ثانوي مارحتش المدرسة غير إمتحنات النهائية وبس يعني بتاع 10 أيام فالسنتين D:

[نور القمر]

:k48::k48::k48::k48::k48::k48::k48:

ازاي يا نور هانم يعني؟

نوقف حد علي باب الموضوع ميدخلش الا فوق ال21 ؟ :k48:

و الله يا نور انتي عسل

بما اتك يا بوسي هانم يا اختشي اكتر واحدة معارضة لموضوع التزويغ اذن مفيش أأمن منك نوقفه على باب الموضوع
ياريت كمان متدخليش كل دكاترة المنتدى لانهم مكنوش بيزوغوا

بس على فكرة معلومة زغنونه كدة على الماشي لو عايزين نحدد قسم لفئة عمرية معينه .. للبنات بس .. لمجموعه معينه وهكذا ... ليها طريقه طبعا
بجد انتي اللي زي العسل

[نور القمر]

انا مش عايز احكى انا كنت بعمل ايه ايام ثانوى دى لحسن لو حد قلدنى تبقي مصيبـــــــــــــة

لا احكي متقلقش بوسي واقفه على الباب مش هتدخل الطلبة
وسرك في بير غوييييط يجي شبرين ونص

[Nour_Peugeot]

لمفروض السوال يكون رحت المدرسه كام مره و مهربتش كام مره اسئلوني انا

انا بروح الساعة 9 اخرج 9:30 من الباب و لو رخم السور عالي بس جمبيه شجره فبتحول قرد و انط و اروح

انا بروح بقي انام شويه و اصحي اعد علي الكمبيوتر و اعد اذاكر شوية و انام عشان ابدا اليوم الجميل ده

انا رحت في 2 ثانوي المدرسه بظبط شهر و نص و في 3 ثانوي حتي الان يومين فقط

[youssefmustang]

والله انا كنت بهرب عشان الحق اطلع الكمبيوتر من الكراتين بتاعته والعب عليه حبه (كنت مدمن كمبيوتر) قبل ايويا ما يجى من المدرسة (مدرس رياضيات) لحد ما جه فى مرة واكتشف انى بشغل الكمبيوتر من وراه (انا كنت فى ثانوية عامة) وهو مالهوش فى الكمبيوتر طبعا المدرسة فيها مدرسين كمبيوتر راح اشتكى للمدرس بتاع الكمبيوترالمدرس بقى الله يسامحه مطرح ما راح علم ابويا يفك الكيسة وعلمه يشيل الرامات !!!!
المهم انا كان عندى رامتين واحدة محروقة والتانية اللى فى الجهاز افجأ بعد تلات ايام بردو هربت من المدرسة ان الكمبيوتر بيصفر الصفارة اللى ترعب دى لما ما يكونش فى رامات او فى حاجة غلط فى الهارد وير .. اجيبو يمين اجيبو شمال مش راضى يشتغل بفك الكيسة لاقيت الرام المحروق هو اللى موجود واللى كان شغال مش موجود انا اتجننت وشكيت ان فى حد من صاحبى هو اللى اخدها منى . المهم شيلت الكمبيوتر وانا كتنكد على الاخر .. ابويا جه فا شافنى وانا مخنوق ما بتكلمش واذا بالحوار الاتى :

1-مالك ياض انت اتخانقت انهارده ولا ايه
2-لا لا مفيش حاجة
3- يبقى الكمبيوتر فيه حاجة
4- لا مافيش حاجة
5-طب هو انهارده مش الخميس
6- اه
7- طب خش طلع الكمبيوتر واقعد عليه شوية
8-المهم عملت نفسى ان انا فرحان وقولتلو "طيب"
9- يالهوى الكمبيوتر مش شغال
10-ليه
11-الرامات اتحرقت
12-تانى الرامات تانى اوعى كده اشوفه انا
13- استغربت جدا جدا " انت ما بتعرفش تفتحه هتعرف تصلحه"
14- يا ابن الـــ.... الحق عليا انى انا بشوفهولك
15- طب خلاص خلاص شوفه
16- المهم دخلنا شوفناه قالى اطلع بره الاوضة ..
17- نعم
18-اطلع ياض بره
19- رحت طالع وقعد 10 دقايق
20- راح نده عليا وقالى "شغل"
21- بشغل واذا بالمفاجأة الكمبيوتر اشتغل طبعا الاندهانش والاستغراب غلب فرحتى لما الكمبيوتر اشتغل ..
ما حططش فى بالى وقعد العب واقضيها
المهم وانا بشيل الكمبيوتر قولت لما اشوف هو عمل ايه فى الرامات بص لاقيت الرامات اللى كانت محروقة مش موجودة والسليمة هى اللى موجودة قولت اه يبقى انت يا نمس اللى عملت كده ...
عرفت بقى ان ابويا كان هو اللى بيشيل الرامات ويخبيها وانا كنت ادور عليها واجيبها تانى لحد ما اتخنق منى وقالى طلع الكمبيوتر على طوووول ..

[MoDyBeNz2008]

يااستاذة نور مافيش اصلا مدارس دلوقتى علشان يكون فية تزويغ
المدرسة بتنتهى مع نهاية المرحلة الابتدائية دى الى فيها حضور
بعد كدة الكل بيعتمد على الدروس بشكل كامل ومحدش بيدخل المدرسة اصلا
والمدرس عايز المدرسة فاضية علشان يزوغ ويظبط مواعيد الدروس بتاعتة

مين اللي قال ان من بعد ابتدائي دروس انا كنت لغاية اولى ثانوي من غير دروس و جبت 97% كنت بذاكر ايام الامتحانات بس غير كدة كنت منفض لكن مع بداية 2 ثانوي بدأـ مشكلة الدروس

بالنسبة للتزويغ جربته قبل كدة و محبتوش يمكن علشان مجتهد شوية بس انا في 3 ثانوي مرحتش غير اسبوعين و الباقي مذاكرة و دروس و كمبيوتر و نوم