محتاج رأيكم ضروري عشان اتخنقت

[punisher]

الحكايه ببساطه اني خاطب من سنه وكان جواز صالونات ( خالها ف الشغل معايا وهوا عرضها عليا) هيا البنت عندها 19 سنه وانا 28 سنه وطبعا هيا لسه ف الكليه...

المهم ف البدايه خالص تليفونها رن بالغلط علي والدتي وكانت ف الكليه وسمعت بقي ضحك وهزار والحياه زي الفل ومعجبهاش الوضع ف قالتلي.. قولتلها انا هكلمها كأني كنت اجازه من الشغل ورديت ع تليفونك بدالك وسمعت المكالمه وفهمتها اني مبحبش النظام ده...

بعد كده الاقيها بتحكيلي انها بتروح السينما مع صحباتها وبردوا بيكون في ولاد معاهم... فهمتها بردوا اني مبحبش كده

ومره اصل كنت واقفه مع فلان وجاب صاحبتي عشان يصالحنا

ومره خرجنا كلنا نتغدي بعد الكليه

واخر مره دي بقي اللي انا جبت زخري فيها بتحكيلي ان هيا وصاحبتها قاعدين وجه واحد قعد معاهم بيفرجهم علي محادثه بينه وبين واحده ف القسم عملتله اضافه علي الفيس وطبعا الكلام كله شمال ومن ضمن الكلام ام الواد ده بيقولهم انه كان هيأجر شقه وياخدها فيها

طبعا كنا خارجين ومسكت نفسي بالعافيه وروحتها بسرعه لاني مكنتش طايقها بصراحه ازاي يعني ولد يتكلم مع خطيبتي ف مواضيع زي دي وازاي هيا تقبل ان حد يكلمها كده

زمايل ف الكليه وقولت عديها بس الواضح من المعامله ان كده مش طريقه زمايل خالص

كلمت والدتي ف الموضوع وكل همها اني مفركش الجوازه واضيع فرحتها واني اكلم البنت وابوها ف الموضوع ده لان والدتها متوفيه وقالتلي ممكن اتصل اجيبها البيت وابهدلها بأدب

الميزه الوحيده ف البنت انها صريحه وبتحكي كل حاجه ووالدتي قالت ما ممكن تعمل كل حاجه من وراك بس بردوا انا مش عاجبني الوضع ده

اتمني حد يكون فاهمني ويرد عليا

[4fun14]

اللى انت بتحكيه ده عادى..ممكن انا اقبله بس واضح انك غيور زياده شوية
اعتقد هيباه بينكم مشاكل كتير مستقبلا لان الجزئية دى حساسة شوية والطبع صعب يتغير

[afndina]

بص حاجة من اتنين
ياما خاطبتك متعرفش الصح من الغلط ومحدش قلها دا عيب ودا ميصحش وخصوصا انك بتقول والدتها متوفية وانها صريحة ومش بتخبي حاجة
او هي مش فارقة معاها اي حاجة خالص
لو هي صريحة ومتعرفش الصح من الغلط , اقعد معاها وفهمها بالراحة وبالاقناع علشان العافية والعصبية حتعمل زي ما ولدتك بتقلك حتعمل من وراك ومش حتيجي تقلك , لازم تبقي هي مقتنعة ان دا غلط وميصحش .
اما بقي لو الدنيا مش فارقة معاها ,يبقي نصيحة سبها علشان حتتعب اوي
وربنا ييسرلك حالك

[ainshouka]

19 سنة بحكم الزمن اللى احنا فيه غالبا بيبقى المخ طفولى لسه وفرحانة انها فى الكلية وسط اصحابها وكمان مخطوبة فهى عايشة حياتها بالطول والعرض
بحكم سنك يعنى اتخرجت من زمان واشتغلت واحتكيت بالحياة وخدت خبرات وعقليتك بتنضج يوم عن التانى وشلت مسؤليات طبيعى حتلاقى نفسك كبير شوية وتقدر تشوف الصح من الغلط اكتر منها
ممكن حاجات تكون مخوفاك هى لسه متقدرش تستوعبها وبتتعامل بعفوية وبراءة
لو هى كويسة من جواها وفيها خير ونبتتها صالحة يبقى ممكن تصبر عليها لغاية لما تستوعب اللى بتعمله وتبقى مسؤلة عن تصرفاتها
فلو هى زى ماقلتلك كده مظنش حتى النصيحة معاها حيخليها تقف فجاة عن اللى بتعمله وبيضايقك هى محتاجة كذا سنة لغاية لما تكبر وتعقل وتفهم ان اللى بتعمله بيضايقك

[misry]

سيبها في اسرع وقت ,,, البنت اللي تعمل كده لا أئتمنها على نفسي ولا بيتي

اختار صاحبة الدين والاخلاق علشان ما تندمش

[adiaa222]

الانسان الملتزم بيبقى ملتزم عندة 19 عندة 28 عندة 12 الطبع مبيتغيرش ولكن الشخصية بتتطور وتنضج وليس التحول من شخصية الى شخصية اخرى عند النضوج
الفكرة من الاخر طبعها فى كلامها فى اسلوبها فى مناقشتها فى فرحها فى زعلها بيتماشى مع طبعك ولا انتو زى الملك والكتابة مبتقبلوش

[canner]

بص يا باشا حتى لو كلمتها و مش مقتنعة بالكلام اللى انت قولته ح تعمل اللى هى بتعمله بس ح تخبى عليك

حاول انت كمان تشوف احساسها ايه من ناحيتك يعنى و انتوا مع بعض خلى حد يكلمك و تقول ايوه يا حبيبتى عامله ايه وحشتينى قوى و الكلام ده قدمها و لو تسألك مين دى قولها واحدة معايا فى الشغل عادى يعنى

و شوف رد فعلها ح تغير عليك و لا ح تاخد الموضوع عادى و احكلها برضه على بنات و شوف رد فعلها و على حسب اللى هى تعمله اتصرف على اساسه

[tarekmomo]

بص للاسف الاجيال دى كلها بقت كده مافيش حياء الا من رحم ربى انا عن نفسى ماقبلش الوضع

[punisher]

اللى انت بتحكيه ده عادى..ممكن انا اقبله بس واضح انك غيور زياده شوية
اعتقد هيباه بينكم مشاكل كتير مستقبلا لان الجزئية دى حساسة شوية والطبع صعب يتغير

حضرتك منكرش ان الموضوع فيه غيره بس بردوا معتقدش انك لو خاطب فعلا هتقبل حد يتكلم مع خطيبتك ف مواضيع زى دى

[punisher]

بص حاجة من اتنين
ياما خاطبتك متعرفش الصح من الغلط ومحدش قلها دا عيب ودا ميصحش وخصوصا انك بتقول والدتها متوفية وانها صريحة ومش بتخبي حاجة
او هي مش فارقة معاها اي حاجة خالص
لو هي صريحة ومتعرفش الصح من الغلط , اقعد معاها وفهمها بالراحة وبالاقناع علشان العافية والعصبية حتعمل زي ما ولدتك بتقلك حتعمل من وراك ومش حتيجي تقلك , لازم تبقي هي مقتنعة ان دا غلط وميصحش .
اما بقي لو الدنيا مش فارقة معاها ,يبقي نصيحة سبها علشان حتتعب اوي
وربنا ييسرلك حالك

والدتها متوفيه من سنه ونصف قبل ما نتخطب بشهور بسيطه ووالدها كان دائم السفر خارج مصر .. الفكره انى لمحتلها كذا مره انى مش بقبل كده وكنت بتفاجئ ان كل شويه اسمع اسم ولد جديد .. انا منكرش اني من النوع العصبى بس انا مسكت نفسي ومكلمتهاش ف اى حاجه لما قالتى لان لو كنت رديت كنت بهدلت بكرامه اهلها الارض

[punisher]

19 سنة بحكم الزمن اللى احنا فيه غالبا بيبقى المخ طفولى لسه وفرحانة انها فى الكلية وسط اصحابها وكمان مخطوبة فهى عايشة حياتها بالطول والعرض
بحكم سنك يعنى اتخرجت من زمان واشتغلت واحتكيت بالحياة وخدت خبرات وعقليتك بتنضج يوم عن التانى وشلت مسؤليات طبيعى حتلاقى نفسك كبير شوية وتقدر تشوف الصح من الغلط اكتر منها
ممكن حاجات تكون مخوفاك هى لسه متقدرش تستوعبها وبتتعامل بعفوية وبراءة
لو هى كويسة من جواها وفيها خير ونبتتها صالحة يبقى ممكن تصبر عليها لغاية لما تستوعب اللى بتعمله وتبقى مسؤلة عن تصرفاتها
فلو هى زى ماقلتلك كده مظنش حتى النصيحة معاها حيخليها تقف فجاة عن اللى بتعمله وبيضايقك هى محتاجة كذا سنة لغاية لما تكبر وتعقل وتفهم ان اللى بتعمله بيضايقك

وانا اعرف منين ان نبتتها صالحه وايه اللي يجبرنى استحمل الكلام ده ؟ الواحد يعني من التلميح بيفهم بس دى لا كلام نافع ولا تلميح .. وقولتلها لو زمايل بس ماشي لانى مش بحب نوع الامر ولازم متكلميش ولاد .. بس هل دى مواضيع تتفتح بين زمايل ؟

يا جماعه انا كنت تجارة انجليش وما ادراك يعني ومكنتش بعمل كده مع زمايلى

[punisher]

سيبها في اسرع وقت ,,, البنت اللي تعمل كده لا أئتمنها على نفسي ولا بيتي

اختار صاحبة الدين والاخلاق علشان ما تندمش

منا بفكر ف كده

[punisher]

الانسان الملتزم بيبقى ملتزم عندة 19 عندة 28 عندة 12 الطبع مبيتغيرش ولكن الشخصية بتتطور وتنضج وليس التحول من شخصية الى شخصية اخرى عند النضوج
الفكرة من الاخر طبعها فى كلامها فى اسلوبها فى مناقشتها فى فرحها فى زعلها بيتماشى مع طبعك ولا انتو زى الملك والكتابة مبتقبلوش

بص انا منكرش انها بتستحملنى وبتستحمل عصبيتي بس ساعات بحس اننا مش بنفهم بعض

[punisher]

بص يا باشا حتى لو كلمتها و مش مقتنعة بالكلام اللى انت قولته ح تعمل اللى هى بتعمله بس ح تخبى عليك

حاول انت كمان تشوف احساسها ايه من ناحيتك يعنى و انتوا مع بعض خلى حد يكلمك و تقول ايوه يا حبيبتى عامله ايه وحشتينى قوى و الكلام ده قدمها و لو تسألك مين دى قولها واحدة معايا فى الشغل عادى يعنى

و شوف رد فعلها ح تغير عليك و لا ح تاخد الموضوع عادى و احكلها برضه على بنات و شوف رد فعلها و على حسب اللى هى تعمله اتصرف على اساسه

هيا من النوع الغيور جدا جدا جدا

وده اللى خانقنى يعني انتى تغيرى عليا بس انا مليش الحق اغير !!!!

[punisher]

بص للاسف الاجيال دى كلها بقت كده مافيش حياء الا من رحم ربى انا عن نفسى ماقبلش الوضع

ولا انا ممكن اقبله

المشكله ان والدتى مش عايزانى اسيبها وتقولى مش راضيه عن اللى بتعمله ومش هكلمك طول منا عايشه وكلام كتير كده