محتاج رأيكم ضروري عشان اتخنقت

[kar!m]

بص باختصار الحاجات دي عادات و تقاليد و ما دامت هي مقتنعة باللي هي بتعمله و انت مش قابله فا هيحصل بينكم مشاكل كتير قدام .. و ما يتقبله غيرك فقد لا تقبله انت و العكس صحيح .. و الموضوع ملوش علاقة بالسن خالص .. يعني ممكن تخطب واحده أصغر منها و تكون بتفكر بنفس طريقتك و متفقه معاك في أفكارك.

[omarhelalyehia]

اخى العزيز .....بحكم طبعنا الريفى و الشرقى لا نقبل هذه الاشياء....و لكن كما قال احد الاخوه عليك بالجلوس معها و تعريفها ان هذه السلوكيات غلط مرة و اتنين و عشان والدتك ما تزعلش منك و تكون عملت مايرضى الله من النصيحة...... و انت بعد كده حاتشوف فى استجابة والا مافيش ....و بعدين صلى استخارة و اتخذ قرارك اللى يحفظ عليك دينك و حياتك المستقبلية سواء بالاستمرار او بالتراجع.....
و ربنا يوفقك لما فيه الخير

[unl0veable]

الانسان الملتزم بيبقى ملتزم عندة 19 عندة 28 عندة 12 الطبع مبيتغيرش ولكن الشخصية بتتطور وتنضج وليس التحول من شخصية الى شخصية اخرى عند النضوج
الفكرة من الاخر طبعها فى كلامها فى اسلوبها فى مناقشتها فى فرحها فى زعلها بيتماشى مع طبعك ولا انتو زى الملك والكتابة مبتقبلوش

+11111111111111111111111111111111111111

[مُصْطٓفٓى]

خد قرارك قبل ما تتعلق بيها
أو على الأقل قبل ما يزيد تعلقك بيها

[omar101970]

كلمه واحده

سيبها

[Abo_Mazen]

أنا لو مكانك ..أنا عن نفسي ..هخلع فورا ..أنا عايز واحده تربيلي عيالي ..عيال المستقبل يعني ..مش واحده لسه هربيها عشان تبقى تربي العيال ..أنا ياما شفت بنات من الصنف ده ..وإتجوزوا من هم على شاكلتهم ..عادي ..كل فوله وليها كيال ..لغاية ما ربنا رزقني ببنت الحلال اللي كانت لا بتكلم ولاد ولا بتروح سينمات

نصيحه بقى من أخ كانت حماته السابقة معندهاش مشكلة إنه يدخل السجن عشان كانت عايزه تكتب قايمه وتحط الشبكة جرامات في القائمة ..ما تتجوزش عشان خاطر حد ...إتجوز عشان خاطر إنت مقتنع بالبنت اللي هترتبط بيها ...مفيش حاجه إسمها عشان خاطر أمي وعشان خاطر أبويا ..النهارده لأ ...ببلاش ..بكره بعد الجواز لأ ..بفلوس ..بعد بكره بقى لما يبقى فيه أولاد ..هتبقى لأ ..بسجن وبهدله ونفقه ..ده رايي

[afndina]

واضح من ردودك علي الاعضاء انك مش مقتنع بيها وعايز تسبها
يفضل انك تسبها احسن قبل ما ترتبط بيها ويبقي الموضوع صعب ليكم انتم الاتنين
وعايز اقلك حاجة
في نوع الرجالة تبقي خطبته او مراته مقتنع مليون فى الميه انها محترمة وعمرها ما كلمت رجالة او لا تعرف يعني ايه ولاد خالص ,لكن فى الحقيقة هي عايشة حياتها وادامه محترمه وبنت ناس ومش بتكلم ولاد
اوعي تكون من النوع دا
ياما كتير ستات وبنات بيشتغلوا وبيحتكوا برجالة وبيتكلموا معاهم هل معني كدا انهم مش محترمين !!!
وياما كتير ستات وبنات قاعدين فى البيوت ومش بيشوفوا الشارع , لكنهم عايشين حياتهم ومقضينها علي الفسبوك والشات والكاميرات
البنت المحترمة بجد تلاقيها محترمة في بيتها وادامك ومحترمة في شغلها ومن ورا ظهرك
ياريت تكون فهمت معني كلامي

[Bassem Youssef]

واضح من كلامك ان عقليتها لسه صغيره و بعدين فرق السن بينك و بينها كبير الي حد ما

برضه في نقطه تانيه

سيبك من كلام والدتك لانه هيبقي كلام عاطفي بحت و انت اللي هتتحمل العواقب لوحدك في الاخر

[أبو آسر]

هي زي ما انت ذكرت ميزتها انها صريحة لأنها كان بسهولة ممكن تخبي عليك كل الكلام ده وترسم فيها دور التقية الورعة
بس برده دي متنفعكش لأنها هتفضل كده ومفيش حاجة اسمها مش عارفة وانت توجهها والكلام ده ، ده طبع ومش هيتغير إلا إذا شاء الله
واضح انها لسة مراهقة وطفولية وعايشة حياتها واللي زي دي هتتعبك مستقبلا لأنها مش هتقبل انك تضيق عليها حياتها اللي كانت عايشاها قبل الجواز ومش بعيد بعد ما تتجوز تطب عليها تلاقيها بتكلم واحد في التليفون وتقولك ده هيثم زميلي من أيام الجامعة وإيه المشكلة !!
نصيحة شوف واحدة متربية كويس وملهاش في الحوارات دي ومع احترامنا للست الوالدة انت اللي هتتجوز ولازم انت اللي تختار اللي تناسبك الأهل ملهمش دور في الموضوع ده

[minicooper20]

على فكره هى ممكن تخبى عليك كل الكلام ده
هى بتقولك و انتا المفروض توجهها و تعرفها الصح و الغلط
امال هما عملو الخطوبه ليه
لو لقيت مفيش فايده ارمى على طول دراعك

[punisher]

اليوم اتصلت بوالدتي وطلبت انها تزورها وهيا رحبت بيها طبعا

المهم والدتي قالتلها انتوا زعلانين مع بعض ف قالتلها لا خالص.. فردت عليها ان هيا حست اني زعلان منها بدون ما تزكر اي اسباب.. راحت خطيبتي حكتلها كل الموضوع وطبعا والدتي فهمتها غلطها وغسلتها بس بالادب واقتنعت بكل كلامها

ف الاخر طلبت منها انها تساعدها عشان تصالحني وفضلت مستنيه لما رجعت من الشغل وقعدت شويه وقالتلي تعالا وصلني وطول السكه بتعتزرلي وحقك عليا وانا غلطانه ومش هعمل كده تاني..

ما رأيكم؟

[أبو آسر]

اليوم اتصلت بوالدتي وطلبت انها تزورها وهيا رحبت بيها طبعا

المهم والدتي قالتلها انتوا زعلانين مع بعض ف قالتلها لا خالص.. فردت عليها ان هيا حست اني زعلان منها بدون ما تزكر اي اسباب.. راحت خطيبتي حكتلها كل الموضوع وطبعا والدتي فهمتها غلطها وغسلتها بس بالادب واقتنعت بكل كلامها

ف الاخر طلبت منها انها تساعدها عشان تصالحني وفضلت مستنيه لما رجعت من الشغل وقعدت شويه وقالتلي تعالا وصلني وطول السكه بتعتزرلي وحقك عليا وانا غلطانه ومش هعمل كده تاني..

ما رأيكم؟

رأيي تقعد معاها وتفاتحها بصراحة وتقولها أنا ليا شروط وبناء عليها هنكمل مع بعض وتعدلها واحد اتنين تلاتة وتفهمها انك مش موافق على موضوع انها تصاحب صبيان وتتكلم معاهم بأي حجة كانت وتطلب منها تقطع علاقتها بيهم فورا وتفهمها انها مخطوبة يعني شوية وهتبقى زوجة وان زمن المراهقة انتهى
لو وافقت على كلامك وأبدت استعدادها انها تعمل كده فعلا يبقى تحطها فترة تحت الاختبار وتحاول تروح الجامعة من غير ما تعرف وتراقبها وتشوف هتنفذ الاتفاق ولا لأ (وده على فكرة مفيهوش لا حرام ولا عيب وميعتبرش تجسس ولا تدخل في خصوصيات ده حقك انت بتتأكد وبتتطمئن على زوجة المستقبل اللي مفروض هتصون عرضك وبيتك)
لو لاقيتها ملتزمة واتغيرت وسمعت الكلام يبقى الحمد لله
لو ملتزمتش وكانت بتشتغلك أو رفضت أصلا من البداية يبقى الحمد لله ان ربنا خلصك منها دلوقتي قبل ما كنت تتورط معاها بعد الجواز

[ainshouka]

حاول انك تشوف معاها حل يخلى علاقتها مع زمايلها تكون فحدود الزماله
بلاش طريقه الأوامر معاها لانك كده حتحطها فى مزنق انها فجاه المفروض تقطع مع كل زمايلها ودا حيبقى صعب عليها تعمله مرة واحده
يعنى لو فيه خروجه ممكن تعتذرلهم بشياكه انها مش حتقدر تنزل معاهم النهارده
حيبقى دا افضل من انها تقولهم كل شوية خطيبى رافض انى انزل معاكم
عشان حتى صاحبتها ميتخنقوش منها ويسيبوها فجاهوهى تلاقى نفسها لوحدها بعد ماكان عندها كل الصحاب دول
دا مثال

الموضوع طويل شوية ومرهق شوية
بس متقارنش تصرفاتك ايام ماكنت فى الكلية بتصرفاتها وان انت على ايامك مكنش فيه كده
صدقنى احنا اخلاقنا بتدهور جامد جدا فى العشر سنين الفرق دول

[punisher]

والله فهمتها كل ده وبراحه جدا كمان وقولتلها انا بحترم صراحتك بس مش معني كده انك تعملي الغلط واسكت عشان جيتي تقوليلي
وفهمتها انها لا سينما ولا لو راحوا يجيبوا اكل يكون في اي ولد معاهم وان يكون في حدود بينها وبين اي حد سواء ولاد او بنات

قالتلي مقتنعه بكل كلامك وانا غلطانه وفضلت تتأسف ومتزعلش مني ومش هيحصل كده تاني و ولا حد فيهم يهمني

[dede_dodo88]

مهو معلش يعني, هو انت عايز واحدة عندها 19 سنة و لسة في الجامعة حياتها تبقى عاملة ازاي ؟!!
لو انت من دلوقتي طريقة تعاملك معاها كده, يبقى انت اللي متنفعهاش مش هي اللي متنفعكش, هي واحدة طبيعي لسة صغيرة و بتعيش سنها خروج و صحاب و فسح زي ما كلنا كنا كده ايام الجامعة, و انت اكيد عارف كويس ان الايام دي مبتتعوضش, و يكفي انها صريحة معاك و بتحكيلك على كل حاجة..
عايز انت بقى تجيلها في سنها ده تقيد حريتها و تحددلها تكلم مين و تروح فين, اعمل كده براحتك بس كل ده هيطلع عليك انت في الاخر قدام شوية لما هي تحس ان في فترة في حياتها هي معاشتهاش..