الطلاق ... موضوع شائك

[afndina]

حتى الان الامور مستتبه وحاسس ان فيه تغيير بسيط يعني مثلا تيجي تتعصب الاقيهه تمسك نفسهه ... لعله خير وامبارح لقيتهه كتبالي ورقه انهه بتعتذر ليه وان عصبيتهه عشان الضغوط اللي عليهه

مراتك معدنها كويس
حاول تقربوا من بعض كل فترة ويا سلام لو تجبلها بوكيه ورد النهاردة وتكتب كلمتين حلويين عليه
علي فكرة الحاجات دي بتفرق معاهم اوي وحتشوف بنفسك
ربنا ييسرلك حالك

[A.Saad]

زوجة حضرتك مشكلتها الامان
لانها الزوجة التانية
وطلبت الشقة علشان تحس بالامان
وكلامها انك تعرف واحدة غيرها كتير علشان الاحساس ده
اول حاجة علشان تهدى تفهمها انك زهدت تعرف ستات تانية والموضوع مش فى دماغك
وتقولها ان بناتك اهم عندك
وان الشغل هو سبب انشغالك عنها وان الراجل غير الست
الست بتحب تسمع كلام حب
الراجل بيعبر عن الحب بالمواقف والتصرفات
مش بس الكلام
وان تعبك ده علشان توفر حياة افضل ليها وللبنات
وفى نفس الوقت تفهمها ان التجاوز تانى مش مسموح

[volociximab]

مراتك معدنها كويس
حاول تقربوا من بعض كل فترة ويا سلام لو تجبلها بوكيه ورد النهاردة وتكتب كلمتين حلويين عليه
علي فكرة الحاجات دي بتفرق معاهم اوي وحتشوف بنفسك
ربنا ييسرلك حالك

و الله باقول كده برضه و المعدن الاصيل قليل
هى بس اتعودت على اسلوب و يمكن تغييره و لا تنتظر ان تستقيم معك فالضلع لا يستقيم حتى ينكسر

[hh]

ربنا يهيديهالك و يصلح لك الحال يا رب. يا ريت تحاول زي ما أخدت موقف من طريقتها معاك انت كمان تحاول تلتفت للحاجات اللي مضايقاها و تغيرها. طبعا مش حتقدر تغير انشغالك في العمل بس يا ريت تحاول كل فترة تخصص لها وقت تعمل معاها حاجة بتحبها, يعني تخرجها خروجة حلوة, تجيبلها حاجة نفسها فيها, تاخدوا يوم داي يوز في حتة..... و على فكرة الست في الحمل بتبقى متغيرة و حالتها النفيسة زي الزفت بسبب الهرمونات بجد و الله مش دلع, أسأل مجرب و للأسف ان ده بيزيد اول كام شهر بعد الولادة و تعب المولود الجديد.

انت واضح عليك راجل محترم و متزن و بتحب مراتك و باقي عليها و هي كمان, أتعب شوية معاها و حاول تتفاهم دايما معاها بالكلام سواء تعبير عن الحب او الزعل, لأن الستات محتاجين النوع ده من التواصل. ربنا ييسر لك امرك

[cyborg_ift]

شكرا لكم جميعا

[volociximab]

ربنا يهيديهالك و يصلح لك الحال يا رب. يا ريت تحاول زي ما أخدت موقف من طريقتها معاك انت كمان تحاول تلتفت للحاجات اللي مضايقاها و تغيرها. طبعا مش حتقدر تغير انشغالك في العمل بس يا ريت تحاول كل فترة تخصص لها وقت تعمل معاها حاجة بتحبها, يعني تخرجها خروجة حلوة, تجيبلها حاجة نفسها فيها, تاخدوا يوم داي يوز في حتة..... و على فكرة الست في الحمل بتبقى متغيرة و حالتها النفيسة زي الزفت بسبب الهرمونات بجد و الله مش دلع, أسأل مجرب و للأسف ان ده بيزيد اول كام شهر بعد الولادة و تعب المولود الجديد.

انت واضح عليك راجل محترم و متزن و بتحب مراتك و باقي عليها و هي كمان, أتعب شوية معاها و حاول تتفاهم دايما معاها بالكلام سواء تعبير عن الحب او الزعل, لأن الستات محتاجين النوع ده من التواصل. ربنا ييسر لك امرك

بعد الولادة بيجيلهم اكتئاب و فيه ستات بتتجنن رسمى و تروح مستشفى الامراض النفسية(ده كلام طبي بجد مش هزار)

[cyborg_ift]

بعد الولادة بيجيلهم اكتئاب و فيه ستات بتتجنن رسمى و تروح مستشفى الامراض النفسية(ده كلام طبي بجد مش هزار)

هههههه ربنا يطمنك

[reda elgohary]

السلام عليكم

بسم الله الرحمن الرحيم ..قال الله تعالى في محكم كتابه
وَإِنْ خِفْتُمْ شِقَاقَ بَيْنِهِمَا فَابْعَثُوا حَكَمًا مِنْ أَهْلِهِ وَحَكَمًا مِنْ أَهْلِهَا إِنْ يُرِيدَا إِصْلَاحًا يُوَفِّقِ اللَّهُ بَيْنَهُمَا ۗ إِنَّ اللَّهَ كَانَ عَلِيمًا خَبِيرًا..

طبعا واضح إن حضرتك جايب من الآخر ..أقصد يعني حضرتك تخطيت مراحل المسايسه وبالهداوه شوية وبالعنف شويه ..وأكيد طبعا ياما نصحت وياما سايست ..لغاااااااااااااااااااااااااااااااااية الأمور ما وصلت إلى ما هو عليه ..فأكيد طبعا أي كلام على شاكلة إنصحها وهددها ومش عارف إيه فات أوانه ..وحضرتك وصلت فعلا للمرحلة اللي مذكوره في الآية اللي فوق دي ...


راي الشخصي وده هيكون في سياق الآيه المذكوره أعلاه ..حضرتك تطلب عمل جلسه ..ودي معروفه كويس قوي عند المصريين حكاية الجلسة دي ..وتجيب حد من أهلك ..وحد من أهلها تثق فيه..ويكون كذا واحد من عندك وكذا واحد من عندها ..ويكونوا من كبارات العيلة بتاعتها كمان ..وتقعدوا مع بعض وهي تكون قاعده ويكون حاضر حد من أهلها ليه كلمة عليها ..يكون حد من اللي لما يقول بس ..تبقى هي البس ..عشان تعرف تتكلم وعشان كمان أهل الحكمه من أهلك وأهلها يعرفوا يتكلموا ..وإعرض ككككككككككككككككل اللي عندك ..كل اللي عندك من سنين ...لو تقدر تكتب قبل ما تحضر الجلسة دي إكتب ...وقول قالتلي وعملتلي وأنا شيلتها يوم كذا وشيلتها يوم كذا ..أنا ما بقولش تمن عليها في الكلام ..لكن أنا بقول إن اللي حاضر لازم يعرف كل حاجه ..لإن أكيد طبعا اللي حاضر مش عارف ..فحضرتك هتقول للي حاضر إنك مقصرتش معاها في حاجه ..وتعرض ..وتكون مجهز بينك وبين نفسك تسويه لا ترتضي أقل منها ..زي مثلا إعتذار منها قدام أهلها وتبوس راسك وكمان إيدك ..وده مش عيب ولا حرام على فكره ..أو زي مثلا تفويض من أهلها لو عملتلك حاجه هاتها عندنا وإحنا هنعملك فيها اللي مش هتقدر تعمله ...كنت أعرف واحد زمان لما يزعل من مراته يوديها بيت أبوها وأبوها كان بيفرمها ضرب زي العيال الصغيره لغاية ما تقول حقي برقبتي ..لدرجة إنه كان بيهددها ببيت أبوها ...يعني مثلا ..أهم حاجه توصل لتسويه ..إن لو عادت للي هي عملته ده تاني يبقى هتعمل وهتعمل وكذا وكذا ..أهم حاجه بقى في الموضوع ...إن أي تسويه توصلها لازم هي تقر بيها قدام أهلها ..يعني ما ينفعش مثلا أبوها يقولك أنا اللي بتكلم وأنا اللي بقول ..وهي قاعدة ساكته ..وتيجي في الآخر يقولك يلا ..خد مراتك وروح على بيتك ..وهي ساكته ..يبقى هي كده ولا أقرت ولا إعترفت ولا إلتزمت..أو مثلا تبص تلاقي القعده قلبت كلها مطيابطية وإنت ما خدتش حاجه ولا إستفدت حاجه ..لأ ..لازم المواضيع القديمه تتسوى ..بيوت كتير كانت على شفا الخراب وتم عمل الجلسة دي وتم تسوية المواضيع ..والأمور هديت وإستقرت ..خلي بالك ...أنا شفت في الفلاحين الجلسات دي بيتعمل بيها محاضر ..آه محاضر بجد ..وبيمضي فيها شهود وبيمضي فيها ا لزوج والزوجه ..عشان بعد كده بيستعينوا بمحاضر الجلسات دي قدام القاضي لو لا قدر حصل طلاق ..وحاول تخلي كلمة الطلاق دي بعيده ..أو حاول تخفيها من على مسامعك على الأقل دلوقتي ..للأسف ..أحيانا بيكون الطلاق حل ..بس بإذن الله ..ما يكونش هو الحل في حالتك ..ويكون كل ما في الموضوع دلع حريم عايزين قرصة ودن بس مش أكتر ...

خلصت كل الكلام .
الله عليك .