فشل ذريع وبفكر استسلم وابقى روتيني !!!

[Mahmoud Naguib]

انا واحد مالهوش أي حظ ف أي حاجة
اللي معايا ف شغلي القديم او الجديد بيعملوا شغل بأقل مجهود وانا مش عارف اعمل نصهم حتى
المفروض اني اعمل اي
اروح اشتغل موظف ف شركة وخلاص واعيش شخص عادي زي الغالبيه
ولا استمر ف الشغل اللي بيعتمد على نسبة حظ بس عائدها كبير بالرغم من اني معنديش نسبة ١% منه

انا بجد تعبت من التفكير

هو مش في حاجة اسمها حظ
طب دي تيع القدر ولا ليها تبعية تانية
ولو عايز يبقى عندي حظ اعمل اي !!!!!!

[بحار]

اجتهد واعمل اللى عليك .. بعد كده دى بتاعة ربنا .. واتأكد ان ربنا خلقك ويعلم الصالح لك .

[Bassem Youssef]

مفيش حاجه اسمها حظ ... في حاجه اسمها قدر

[Mahmoud Naguib]

يعني هو الصالح ليا ان الكل يتضايق مني بسبب فشلي
ولا الصالح ليا اني بعد ما خلاص قررت استقل وعاندت الظروف اني ارجع خائب الأمل
ولا الصالح ليا اني اقعد افكر تفكير يتعبني نفسيا ويشككني ف ديني
ولا الصالح ليا اي بالظبط
انا زهقت ومش شايف أي شئ عدل ولا اي دلالة على اي امل او شئ فيه خير ليا

[Adel.Nasr]

ممكن توضح اكتر عن طبيعة عملك جايز يكون في اعضاء ليهم خبره سابقه يفيدوك بيها

[Mahmoud Naguib]

انا وسيط عقاري
بس الحظ مش محالفني فيها زي حاجات كتيرة سابقة عملتها

[Bassem Youssef]

الشغل في العقارات نايم اليومين دول

تقبل الامر ده او اشتغل حاجه تانيه

[Karim Alaa]

الرزق فوق عند ربنا مكتوبلك الشهر ده هتعمل كذا و هتعمله لو انت اكثر واحد محظوظ او منحوس الى عليك تعمل شغلك كويس جدا و بس صلى استخاره و اختار نوع الشغل الى ترتاح ليه فى النهايه

[طارق _عبد السلام]

مش عارف... مش عايزك تزعل من كلامى..ولا اى حد بيشتغل سمسار يزعل.. بس هى شغلانه السمسار دى شغلانه اصلا؟؟؟

[moha sasa]

يعني هو الصالح ليا ان الكل يتضايق مني بسبب فشلي
ولا الصالح ليا اني بعد ما خلاص قررت استقل وعاندت الظروف اني ارجع خائب الأمل
ولا الصالح ليا اني اقعد افكر تفكير يتعبني نفسيا ويشككني ف ديني
ولا الصالح ليا اي بالظبط
انا زهقت ومش شايف أي شئ عدل ولا اي دلالة على اي امل او شئ فيه خير ليا

1- إاللى يضايق خليه مضايق. أهم حاجه أنت متضيقش. أخرت الفشل نجاح.

2- يبقى واجب عليك أنك مترجعش خايب الأمل.

3- قلة بذلك للمجهود هترجعك لورا.

4- أنت عندك كام سنة.

5- المفروض مكنتش أرد عليك عشان أنقطع من عندك الأمل.

[elrasy]

استغفر ربنا كتير .... و هتدعيلى

[unl0veable]

إربط ضعفك بقوة الله واقرن عجزك بقدرة الله
سيجعل لك من كل ضيق مخرجا ومن كل همٍ فرجا
ومن كل بلاء عافيه

[أبو آسر]

قارن حالك ووضعك دلوقتي بحالك ووضعك من ٥ سنين مثلا وهتتأكد انك بتتقدم للأمام ولو بخطوات بطيئة انت مش حاسس بيها
كن على يقين ان الله لا يضيع أجر من أحسن عملا وده سواء للمسلم وحتى للكافر فانت اجتهد وابذل ما في وسعك واترك النتائج على الله وتأكد أنها مبشرة لكن أهم شيء ترضى بما قسم الله لك وتكن من القانعين ولا تتعجل رزق الله
خد بالأسباب المادية ولكن متخليهاش كل شيء لازم يكون في جزء يتدخل فيه القدر وده شيء يرجع لحكمة الله وتقديره
متقارنش نفسك بحد لان الناس ليها الظاهر والمظاهر ممكن تكون افضل بكتير من اللي بتظن انهم افضل منك وانت لا تدري ممكن ربنا يكون ممتعك بصحة وعافية وحارمهم منها ويتمنوا لو تذهب كل اموالهم ويتمتعوا بصحة مثلك
برده متقارنش نفسك بزملاء العمل ممكن يكونوا بيكسبوا بالغش والخداع وربنا بيعجل لهم رزقهم ليستدرجهم لكن مدخرلك انت الخير
حسن علاقتك مع الله وعليك بالاستغفار لانه يفتح الابواب المغلقة (فقلت استغفروا ربكم إنه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم أنهارا)

[Adel.Nasr]

حضرتك كل شغلانه وليها مفتاح بالنسبه لسوق العقارات مفتاحه العلاقات العامه على نطاق واسع يعني حاول تخلي تليفونك مع اكبر عدد ممكن من الناس و السماسره و تعمل شهره لنفسك و الموضوع دا مش في يوم وليله لا دا بياخد منك سنين لاكن في خلال الفتره دي هتكون ثبت رجلك في المجال ده و اتعرفت اكتر

[Zing0]

أنا زيك , و ساعهات كتير بأحس إن اللى بيراعى الحلال اليومين دول بتبقى مقفله فى وشه بشكل غريب و اللى ماشى فى الحرام مش ملاحق.
و راجعت نفسى كتير , إيه اللى ناقصنى علشان أكون متفوق على زمايلى (للأسف مبلاقيش غير الطريق الملتوى بس هو اللى ناقصنى)
و حال البلد زى ما كلنا شايفين من نقص لفقر لحرمان لجوع لـ ..... و لا حول و لا قوة إلا بالله.

لو وصلت للمرحلة دى, ساعتها تعرف إن ربنا بيحبك
( حتى إذا استيئس الرسل وظنوا أنهم قد كذبوا جاءهم نصرنا )
( الم أحسب الناس أن يتركوا أن يقولوا آمنا وهم لا يفتنون )
( أم حسبتم أن تدخلوا الجنة ولما يأتكم مثل الذين خلوا من قبلكم مستهم البأساء والضراء وزلزلوا حتى يقول الرسول والذين آمنوا معه متى نصر الله ألا إن نصر الله قريب )
قال صلى الله عليه و سلم "الدنيا سجن المؤمن وجنة الكافر"

متبصلش لغيرك إلا لو حاله أقل, هتلاقى نفسك فى نعمة.
و متعرفش ربك بيرزق ليه و إزاى ... و زى مبيقول المثل الشعبى: يدى البرد على أد الغطا.
الحمد لله على كل حال.