هو إحنا شعب متدين بطبعه فعلا ؟؟؟؟.....

[الاسد المهاجر]

متدين بطابعه :)

فعلا والله صدقت )مطابع الاميرية(

[Bassem Youssef]

"الشعب الماسري العزيم"شعب متدين بطبعه بأماره حصول "ماسر" علي المركز "التاني" في التحرش الجنسي بالسيدات و الدخول علي المواقع الاباحيه و ان شاء الله الشعب يشد حيله عشان يبقي في المركز الاول

ده موضوع كتبته بعد رمضان اللي فات

http://www.nilemotors.net/Nile/384721-a.html

[Abo_Mazen]

ما هو سواق الميكروباص ده اللي بيسب بالدين

هههههههههههه

[Abo_Mazen]

"الشعب الماسري العزيم"شعب متدين بطبعه بأماره حصول "ماسر" علي المركز "التاني" في التحرش الجنسي بالسيدات و الدخول علي المواقع الاباحيه و ان شاء الله الشعب يشد حيله عشان يبقي في المركز الاول

ده موضوع كتبته بعد رمضان اللي فات

http://www.nilemotors.net/nile/384721-a.html

ياباشا أنا فاهم والله ..بس كنت بطرح السؤال عشان عاوز حد من أصحاب نظرية ..إحنا شعب متدين بطبعة ...يحاول يقنعني بالنظرية دي ..بس واضح إن مفيش ..وكل الناس عارفه إن المقوله دي إما مضلله ..أو بتقال لأغراض تانيه ...

[Abo_Mazen]

الموضوع ببص له كالآتي: الفكرة في مش في التديّن بخالص معناه.. الفكرة في احترام وتقدير الدين, بمعنى سواق ميكروباص مثلاً لا بيصوم ولا بيصلّي ولا..الخ ومع ذلك لو مشغل أغنية والأذان أذّن بيقوم موطّي صوت الكاسيت من باب التقدير وهكذا..
احترام الناس وتقديرهم لأهل الدين سواء لبس أزهر أو إمام جامع وكده.
لكن التديّن الخالص قلباً وقالباً ده في البطيخ

برضه كلامك صح ..هي القصه كلها قصة شكل ومظاهر ..لكن من جوه ..فاضييييييييييييييييييييي

[Bassem Youssef]

الدين عبادات و معاملات

بالنسبه للعبادات

المصليين قليلين اوي في المساجد في الايام العاديه (الصلاه)

ناس بتسب الدين و بتشرب بيبسي في نهار رمضان (الصيام)

الفقراء و المساكين كتير اوي يعني مش كل الناس بتطلع زكاه (الزكاه)

العبادات الرئيسيه فيها تقصير رهيب عند ناس كتير

بالنسبه للمعاملات

حضرتك اكيد شايف الناس بتتعامل مع بعض ازاي

الفقير بيحقد علي الغني الا من رحم ربي

الغني بيحتقر الفقير الا من رحم ربي

الكبير بيفتري علي الصغير الا من رحم ربي

الصغير بيقل ادبه علي الكبير الا من رحم ربي

كل الناس بتستغل بعض ... بتحقد علي بعض ... عايزين يطلعوا منك بمصلحه و تولع انت

يعني العبادات و المعاملات في الضياع

اذن الشعب ده غير متدين بطبعه الا من رحم ربي

[aif]

بص يا باشا
انا رأيي الشخصي ان مفيش شعب مميز عن شعب تاني الا بعمله
ودو مبدأ اقره الاسلام
لا فضل لعربي علي أعجمي ولا لأبيض علي اسود الا بالتقوى
اما حكاية ان مصر ربنا فضلها علي غيرها وكدة
فدة نفس منطق الصهاينة اللي بيقولو انهم شعب الله المختار ... وقالوا نحن ابناء الله وأحباؤه ...الآية
احنا شعب زينا زي باقي خلق الله
لو عملنا كويس او وحش ربنا ح بجازينا علي عملنا
وكذلك في الامور الدنيوية
لو اجتهدنا ح نبقي بلد محترمة .... لو فضلنا زي ما احنا ح ننزل كمان وكمان ..... لا حضارتنا ح تنفعنا و لا ماضينا ح يشفع لنا ولا ان مصر مذكورة في القرءان ح تبقي سبب ان ربنا يميزنا عن اي حد
حكاية اننا شعب متدين بطبعه دي اكذوبة كبري يراد بها قطع الطريق علي اي خطاب ديني

[إنسانة]

ربط الاخلاق بالدين ربط غير دقيق في الاساس

في تجربة تم عملها على فئران لدراسة سلوكها تحت تاثير الزحام الشديد

تم وضع فئران في قفص متسع عاشوا بسلام تزايدت اعدادهم زادت معدلات العنف والاقتتال حتى ان جيل الاباء قتل الابناء

الزحام و الوضع الاقتصادي يجعل من البشر شخصيات عنيفة

انظروا الى القنوات المصرية الجميع يصرخ "سياسي,ديني,رياضي" بنبرات حادة وعدائة "طوال الوقت" , لماذا يصرخون !!!

[Abo_Mazen]

ربط الاخلاق بالدين ربط غير دقيق في الاساس

في تجربة تم عملها على فئران لدراسة سلوكها تحت تاثير الزحام الشديد

تم وضع فئران في قفص متسع عاشوا بسلام تزايدت اعدادهم زادت معدلات العنف والاقتتال حتى ان جيل الاباء قتل الابناء

الزحام و الوضع الاقتصادي يجعل من البشر شخصيات عنيفة

انظروا الى القنوات المصرية الجميع يصرخ "سياسي,ديني,رياضي" بنبرات حادة وعدائة "طوال الوقت" , لماذا يصرخون !!!

قمة الظلم هو فصل الأخلاق عن الدين ...!!!!!!!!!!!!!!!!!!!

الإسلام جه عشان يقوم الأخلاق ..آجي أنا النهارده أقول ربط الأخلاق بالدين غير دقيق ..إزاي ؟؟؟؟!!!!!!

حَدَّثَنَا حَاتِمُ بْنُ عَقِيلٍ ، قَالَ . ح يَحْيَى بْنُ إِسْمَاعِيلَ ، قَالَ . ح يَحْيَى الْحِمَّانِيُّ ، قَالَ . ح أَبُو مُعَاوِيَةَ ، عَنِ الأَعْمَشِ ، عَنْ أَبِي يَحْيَى مَوْلَى جَعْدَةَ بْنِ هُبَيْرَةَ ، عَنْ أَبِي هُرَيْرَةَ رَضِيَ اللَّهُ عَنْهُ ، قَالَ : قَالُوا : يَا رَسُولَ اللَّهِ ، فُلانَةُ تَصُومُ النَّهَارَ ، وَتَقُومُ اللَّيْلَ ، وَتُؤْذِي جِيرَانَهَا ، قَالَ : " هِيَ فِي النَّارِ " ، قَالُوا : يَا رَسُولَ اللَّهِ ، فُلانَةُ تُصَلِّي الْمَكْتُوبَاتِ ، وَتَصَدَّقُ بِالأَثْوَارِ مِنَ الأَقِطِ ، وَلا تُؤْذِي جِيرَانَهَا ، قَالَ : " هِيَ فِي الْجَنَّةِ " .

طبعا الحديث السابق واضح ...فلانة تصوم بالنهار وتقوم بالليل ..يعني دين ..وتؤذي جارتها ..يعني مفيش أخلاق ..النبي عليه الصلاة والسلام قال ..هي في النار ...

وفلانة أخرى تصلى المكتوبات ..يعني يدوب فجر وظهر وعصر ومغرب وعشاء وحتى الصدقه بتاعتها كانت عبارة عن لبن مجفف ..أو أطعمة مجففه ..دليل على قلة قيمتها ..فالنبي عليه الصلاة والسلام قال هي في الجنة

قمة الظلم فصل الأخلاق عن الدين ..وأنا أعتقد إن أحد مداخل العلمانية هو مدخل فصل الأخلاق عن الدين

[mikho83]

لأ طبعا، بالعكس احنا كشعب تجرأنا على حاجات كتير ما ينفعش يعملها واحد متدين.

[Ah.Farid]

فى اعتقادى ان احنا شعب مضحوك علية بكل طوائفة يعنى المتعلم والجاهل الغنى والفقير الشاب والكبير ......واسباب الخداع دة متعددة وهدفها المصلحة .....يعنى مثلا:

-حضارة 7 الاف سنة ......يبقى خلاص بلاش تقدم ولا حضارة لان اجدادك وصلوا للتقدم
-بلد الامن والامان ......خلاص اى حاجة بتحصل دة شذوذ بس عن القاعدة وانت احسن من بلدان كتير
- امريكا عمللنا مشكلة .....مرات يقارنوا بيها على اساس اننا دولة صديقة ومتقدمة .....ومرات يقارنوا بيها على اساس انها دولة معادية وبتكرهنا لله فى لله
- المصرى لما يسافر الخارج ويكافح وينجح بعد ما يغسل صحون ......مرة يقولك المصرى مقاتل ومكافح بطبعة ....ومرة يقولك هو نجح عشان هناك فية نظام بيساعد اى مجتهد انة يوصل
وهاكذا
لازم نعترف ان الشعوب نتيجة لزيادة الجهل والاستعمار الاقتصادى بيتم توجيها لترسيخ مبادىء واهداف تخدم من فى يدة دفة القيادة سواء حكام او دول او شركات .....يعنى من الاخر كلة بيستغل الحالة فى اتجاة مصلحتة ويتم تجهيز تابوهات لشرح وتوضيد مفاهيم تخدم المصلحة

[Abo_Mazen]

فى اعتقادى ان احنا شعب مضحوك علية بكل طوائفة يعنى المتعلم والجاهل الغنى والفقير الشاب والكبير ......واسباب الخداع دة متعددة وهدفها المصلحة .....يعنى مثلا:

-حضارة 7 الاف سنة ......يبقى خلاص بلاش تقدم ولا حضارة لان اجدادك وصلوا للتقدم
-بلد الامن والامان ......خلاص اى حاجة بتحصل دة شذوذ بس عن القاعدة وانت احسن من بلدان كتير
- امريكا عمللنا مشكلة .....مرات يقارنوا بيها على اساس اننا دولة صديقة ومتقدمة .....ومرات يقارنوا بيها على اساس انها دولة معادية وبتكرهنا لله فى لله
- المصرى لما يسافر الخارج ويكافح وينجح بعد ما يغسل صحون ......مرة يقولك المصرى مقاتل ومكافح بطبعة ....ومرة يقولك هو نجح عشان هناك فية نظام بيساعد اى مجتهد انة يوصل
وهاكذا
لازم نعترف ان الشعوب نتيجة لزيادة الجهل والاستعمار الاقتصادى بيتم توجيها لترسيخ مبادىء واهداف تخدم من فى يدة دفة القيادة سواء حكام او دول او شركات .....يعنى من الاخر كلة بيستغل الحالة فى اتجاة مصلحتة ويتم تجهيز تابوهات لشرح وتوضيد مفاهيم تخدم المصلحة

يبقى إحنا فعلا شعب مضحوك عليه بطبعة

[إنسانة]

قمة الظلم هو فصل الأخلاق عن الدين ...!!!!!!!!!!!!!!!!!!!

الإسلام جه عشان يقوم الأخلاق ..آجي أنا النهارده أقول ربط الأخلاق بالدين غير دقيق ..إزاي ؟؟؟؟!!!!!!

حَدَّثَنَا حَاتِمُ بْنُ عَقِيلٍ ، قَالَ . ح يَحْيَى بْنُ إِسْمَاعِيلَ ، قَالَ . ح يَحْيَى الْحِمَّانِيُّ ، قَالَ . ح أَبُو مُعَاوِيَةَ ، عَنِ الأَعْمَشِ ، عَنْ أَبِي يَحْيَى مَوْلَى جَعْدَةَ بْنِ هُبَيْرَةَ ، عَنْ أَبِي هُرَيْرَةَ رَضِيَ اللَّهُ عَنْهُ ، قَالَ : قَالُوا : يَا رَسُولَ اللَّهِ ، فُلانَةُ تَصُومُ النَّهَارَ ، وَتَقُومُ اللَّيْلَ ، وَتُؤْذِي جِيرَانَهَا ، قَالَ : " هِيَ فِي النَّارِ " ، قَالُوا : يَا رَسُولَ اللَّهِ ، فُلانَةُ تُصَلِّي الْمَكْتُوبَاتِ ، وَتَصَدَّقُ بِالأَثْوَارِ مِنَ الأَقِطِ ، وَلا تُؤْذِي جِيرَانَهَا ، قَالَ : " هِيَ فِي الْجَنَّةِ " .

طبعا الحديث السابق واضح ...فلانة تصوم بالنهار وتقوم بالليل ..يعني دين ..وتؤذي جارتها ..يعني مفيش أخلاق ..النبي عليه الصلاة والسلام قال ..هي في النار ...

وفلانة أخرى تصلى المكتوبات ..يعني يدوب فجر وظهر وعصر ومغرب وعشاء وحتى الصدقه بتاعتها كانت عبارة عن لبن مجفف ..أو أطعمة مجففه ..دليل على قلة قيمتها ..فالنبي عليه الصلاة والسلام قال هي في الجنة

قمة الظلم فصل الأخلاق عن الدين ..وأنا أعتقد إن أحد مداخل العلمانية هو مدخل فصل الأخلاق عن الدين

كلام جميل ولكن يا سيدي الناس بعقولها استطاعت ان تميز الاذيه واستطاعت ان تضع لكل اذيه تفصيل دقيق ولكل جرم عقوبه مناسبة له في مستوى الشدة

مفيش حاجه اسمها فصل الاخلاق عن الدين اساسا لان الاخلاق موجوده عند الانسان مهما كانت عقيدته

وكلمة "اذية" تدل على انه فعل يستوجب فرض العقوبة الرادعة و الناس بلا دين اساسا وضعت عقوبات رادعة وواقعية تردع المعتدي والمؤذي للناس

[Abo_Mazen]

كلام جميل ولكن يا سيدي الناس بعقولها استطاعت ان تميز الاذيه واستطاعت ان تضع لكل اذيه تفصيل دقيق ولكل جرم عقوبه مناسبة له في مستوى الشدة

مفيش حاجه اسمها فصل الاخلاق عن الدين اساسا لان الاخلاق موجوده عند الانسان مهما كانت عقيدته

وكلمة "اذية" تدل على انه فعل يستوجب فرض العقوبة الرادعة و الناس بلا دين اساسا وضعت عقوبات رادعة وواقعية تردع المعتدي والمؤذي للناس

مين اللي قال لحضرتك إن مفيش حاجه إسمها فصل الأخلاق عن الدين ؟؟؟...فيه طبعا فصل للأخلاق عن الدين ..لو حضرتك تابعت مسلسل يوميات ونيس الجزء الأول هتلاقي مثال واضح وفج وصريح لفصل الأخلاق عن الدين ..ده على سبيل المثال مثلا ..العلمانيه نفسها فيها فصل للأخلاق عن الدين ..آفة هذا المجتمع هو فصل الأخلاق عن الدين

[JOHN YOUSSEF]

اسمحولى اشارككم بالرأى

انا شايف ان احنا (باستثناء صفوة منا) نقوم بعملية فصل
ازاى
يعنى احنا ك افكار و قناعات شعب متدين بطبعه
اما فى التطبيق و العمل فلا نلتزم لا بالقانون و لا بالاخلاق و لا بالدين اللى احنا حافظين اجزاء كبيرة منه
ودا بسبب زى ما قال الاخ قبلى : ضغوط الحياة .. الزيادة السكانية... الزحام.... الحالة الاقتصادية ... الفقر ... الاحتياجات التى لا تجد متنفس... و امور اخرى و اهمها التربية
يعنى فى البيت فى الاسرة مثلا : الاب بينصح بحاجات و بيعمل عكسها فالطفل بيتولد عنده فصل ما بين الحياة و العيشة و ما بين ماينبغى ان ينادى به .. فيتعلم ان ينادى بمثاليات فوق طاقته -زى مابيشوف ابوه و امه و المعلمين ما بيعملوا- لكن فى التطبيق يكون حاجة تانية خالص
دا اللى بيسمى فى العلم الفرق بين المثل و القيم مقابل التطبيق
methodology vs ideology
و معلش لو الانجليزى بتاعى فيه غلطة