علاج سريع و فعال للكرش

[Mohab.Nabil]

جاريث بيل جسمه مش رفيع ، جاريث بيل خصوصا بعد ما راح ريال مدريد بقى so fit



و حسب بعد المواقع فهو 183 سم و 75 كجم

لو عايز تقول جسم رفيع يبقى حد زى محمد بركات او محمد ابو تريكة كده

المهم نرجع للموضوع الاساسى

هتبدأ تجرب تعمل تمارين بطن و اليوتيوب مليان فيديوهات حلوة جدا لتمارين البطن مستويات مختلفة .. مفترض بعد اسبوعين تبدأ تحس بتغيير و بعد شهر تبدأ تشوف نتايج .. خلى بالك الصبر ثم الصبر لأن اصعب منطقة تقل هى منطقة البطن .. يعنى لو قعدت اسبوع و مشفتش نتايج متقلقش .. اهم حاجة انك تحس انك بتلعب صح و النتايج هتيجى هتيجى ان شاء الله

تانى حاجة لازم تخلى بالك من الاكل .. حاول تقلل من الاكل برة .. حاول تقلل من الزيوت و المشروبات الغازية ..

جرب تنوع التمارين و نوعيات الاكل و شوف كل اسبوعين كده هل فيه تغيير ولا لا .. لو حسيت ان النتايج مش مرضية غير من نظامك

[KemozTanta]

متتعشاش او اتعشي خفيف زبادي مثلا وفاكهة ومتشربش مياة غازية وبعد شهر او شهر ونص هتشوف فرق كبييير

[msobhy]

حضرتك وزنك أقل من طولك ب 20 كيلو وعندك كرش!!!!!!!!!
ظبط أكلك بالليل وان شاء الله خير
يا ريت بس تبقى تعمل شوية تحليل ومن ضمنها انزيمات كبد

[هيثم مجدي]

الوزن المثالي ليك بين 72 ل 75 كيلو جرام. يعني اكتر من وزنك الحالي ب 12 كيلو على الأقل.
بالنسبة للكرش بسبب ضعف عضلات البطن والعادات السيئة (الجلوس فترات طويلة - مشروبات غازية - وجبات غير صحية - قلة الحركة )
المفروض جسمك بيحتاج 1800 ل 2000 سعر حراري في اليوم لو انت بتعمل مجهود خفيف. (حسب معلومات الطول والوزن اللي حضرتك قايلها). حاول تخلي 40% من اكلك بروتين حيواني (يعني صدر فرخة يوميا أو شريحة لحمة 200 جرام, او سمكة متوسطة) , والباقي كربوهيدرات و خضروات وفاكهة ولازم تعمل تمارين كارديو لمدة 5 أيام في الأسبوع.

ولو قدرت تروح لاخصائي تغذية هيبقى أفضل بكتير

[subhimust]

مش هقدر اقولك الا


يـــــــــــــــــــــــــــــــــــــــا بخـــــــــــــــــــــــــــــــتك

[Bassem Youssef]

جاريث بيل جسمه مش رفيع ، جاريث بيل خصوصا بعد ما راح ريال مدريد بقى so fit

و حسب بعد المواقع فهو 183 سم و 75 كجم

هو رفيع بس معضل

طب ما هو Underweight برضه

صعب علي الواحد يوصل لربع الفورمه دي حتي

احنا اخرنا فورمه الساحل :))

[abdulkhaleq]

استاذ باسم
اللي عندك مش شرط يبقى كرش
لأنك فعلا بتعاني من نحافه
اذا استبعدنا انتفاخات المعده والقولون
فعدم ممارسة الرياضه حتى لو الشخص رفيع مع الوقت العضلات بتترهل
وطبعا عضلة البطن مش استثناء
فهيفضل الحل شوية رياضه
ولو اني مش بحبذ موضوع ان حد يمرن جزء واحد بس من جسمه ده

[abdulkhaleq]

انا بقى محتاج اخس عشره كيلو في خلال 12 يوم

مفيش حل؟

من حيث فيه اه فيه
بس مش هقولك عليه وما انصحكش بيه اطلاقاااا
لأن ده مش بتكون نتايجه صحيه خالص

اللي متابع اكله وتمرينه ينزل 4 كيلو في الشهر وكده يبقى بطل

[Bassem Youssef]

حضرتك وزنك أقل من طولك ب 20 كيلو وعندك كرش!!!!!!!!!
ظبط أكلك بالليل وان شاء الله خير
يا ريت بس تبقى تعمل شوية تحليل ومن ضمنها انزيمات كبد

انزيمات كبد!!!!

حضرتك قلقتني

هو ممكن يكون عندي اي؟؟؟؟؟

[msobhy]

انزيمات كبد!!!!

حضرتك قلقتني

هو ممكن يكون عندي اي؟؟؟؟؟

يا باشا ولا اى حاجه واعتبر حتى انى مكتبتش الكلام ده
انا كنت رياضى سابقا وقابلت اشكال اجسام كتيره جدا
اوقات بيبقى فيه مشكله بسيطه جدا فى الكبد بتعمل التضخم ده ومش بتبقى مؤذيه
عايز تعمل شوية تحليل تطمنك على نفسك ومش هاتكلفك 200 جنيه يبقى زى الفل
مش عايز برضو زى الفل بس اهتم شويه بالرياضه

[eng_amg]

بص يا باشا. الي عند حضرتك دا تركيز دهون ولا علاقة له بالوزن المثالي.
انا طولي 183 ووزني 84 ومع ذلك تركيز الدهون عندي في الصدر والبطن.
في الرجال التركيز معظمه في الصدر والبطن. والنساء في الارداف والارجل في المعظم.
هذه التركيزات لا تختفي إلا بعد حرق جميع الدهون الاخرى في الجسم وطبعا بيكون شكل الواحد وحش وزي مايكون مريض.
والمشكلة ان الواحد لو زاد بعد كدا. اول مكان بيزيد هو المكان القديم بتاع تركيز الدهون.
الحل الوحيد هي جلسات النحت. وهي مكلفة الي حد ما لكن بدون جراحة.

[egyplan]

بص يا باشا. الي عند حضرتك دا تركيز دهون ولا علاقة له بالوزن المثالي.
انا طولي 183 ووزني 84 ومع ذلك تركيز الدهون عندي في الصدر والبطن.
في الرجال التركيز معظمه في الصدر والبطن. والنساء في الارداف والارجل في المعظم.
هذه التركيزات لا تختفي إلا بعد حرق جميع الدهون الاخرى في الجسم وطبعا بيكون شكل الواحد وحش وزي مايكون مريض.
والمشكلة ان الواحد لو زاد بعد كدا. اول مكان بيزيد هو المكان القديم بتاع تركيز الدهون.
الحل الوحيد هي جلسات النحت. وهي مكلفة الي حد ما لكن بدون جراحة.

موضوع الدهون فى الصدر وةالبطن ده ملهوش حل فعال غير موضوع النحت ده؟
طب اواى يتعمل موضوع النحت ده
ولو وزنك ثبت على رقم اكبر من الطبيعى ب 5 كيلو مثلا رغم الرياضة والرجيم فما الحل؟