ثقافة الشعب المصري في إختيار سياراته

[Abo_Mazen]

يا ريت تعديل العنوان لسيارته الجديدة

علشان ثقافة اختيار القديم هتلاقى فيها الاعجب

تلاقى واحد ماشى بكبوت العربية و سقفها مكلحين و لونهم ضايع من الشمس و دا علشان تبقى ما رشتش

هههههههههه...آه والله ..دي خيبه تانيه ..حكاية إنك تسيب العربية لغاية ما تتنحل وتطلع من هدومها عشان قال إيه ..تبقى فبريكه

[Abo_Mazen]

عندما تتغابي الدولة في فرض جمارك وضرائب على عوامل امان السيارات بدلا من دعمها او اشتراطها او حتى تحمل الدولة لتكلفة إضافتها
فلا ينكر احد ان الدولة تريد إبادة شعبها

معلش ..ما إنت في مصر ..الفلوس أغلى منك

[ahmedwagdy03]

التفكير فى مصر بالنسبة للغالبية العظمى 90% مثلا مادى بحت لا علاقة له بجودة أو أمان أو إعتمادية

سعررخيص : علشان ما يدفعش كتير
قطع غيار رخيصة : علشان ميدفعش كتير و يقدر يجيب مستعمل من الوكالة و ياسلام بقى إستعمال خارج ( الناس الهبلة فاكرة إنهم برة مصر بيسوقوا بالشوكة و السكينة )
سعر إعادة بيع : ياسلام لو يكون أعلى من سعر الشراء علشان أبقى ركبت ببلاش
الصيانة : عايز عربية زى الشاهين و اللادا كل الميكانيكية تعرف فيها علشان مايدفعش كتير فى توكيلات

تيجى تكلمه عن الثبات و الأمان يقولك يا عم كلها 4 عجلات بتمشى . تكلمه عن الكواليتى يقولك هو أنا حأقضى عمرى فيها

عادة الناس بتحكم على الأمور و تضع معاييرها و مقاييسها على أساس العلم و التطور إلا عندنا مافيش حاجة إسمها علم

[Abo_Mazen]

التفكير فى مصر بالنسبة للغالبية العظمى 90% مثلا مادى بحت لا علاقة له بجودة أو أمان أو إعتمادية

سعررخيص : علشان ما يدفعش كتير
قطع غيار رخيصة : علشان ميدفعش كتير و يقدر يجيب مستعمل من الوكالة و ياسلام بقى إستعمال خارج ( الناس الهبلة فاكرة إنهم برة مصر بيسوقوا بالشوكة و السكينة )
سعر إعادة بيع : ياسلام لو يكون أعلى من سعر الشراء علشان أبقى ركبت ببلاش
الصيانة : عايز عربية زى الشاهين و اللادا كل الميكانيكية تعرف فيها علشان مايدفعش كتير فى توكيلات

تيجى تكلمه عن الثبات و الأمان يقولك يا عم كلها 4 عجلات بتمشى . تكلمه عن الكواليتى يقولك هو أنا حأقضى عمرى فيها

عادة الناس بتحكم على الأمور و تضع معاييرها و مقاييسها على أساس العلم و التطور إلا عندنا مافيش حاجة إسمها علم

ما هو ده نتيجة الفقر ..مع الجهل

[fepsceasar]

يا ريت تعديل العنوان لسيارته الجديدة

علشان ثقافة اختيار القديم هتلاقى فيها الاعجب

تلاقى واحد ماشى بكبوت العربية و سقفها مكلحين و لونهم ضايع من الشمس و دا علشان تبقى ما رشتش

دى كارثة انسانية لما تلاقى العربية مكلحة ومخبطة ومش عاوز يرشها
ويقولك عربيتي فابريكة وتتباع اغلى من واحد منضف عربيته ورشها..طب ما هو المنطقى ان انا اخدها ارشها ولا اكمل علىيها لحد ما تبقى صفيحة زبالة!!!!!!!!!

[ahmedwagdy03]

الشعب مش بإيده الموضوع أكبر بكتير مما تتخيل ... أنا عندي اقتناع تام إن لو الشعب قاطع شراء العربيات لمدة 6 شهور هتلاقي العربيات سعرها نزل النص تقريباً و ديه هتبقي ضربة قاضية للجمارك و التجار و التوكيلات و كل حاجة مش شغالة في البلد بما يرضي الله ... لكن علشان تقنع شعب كامل إنه يعمل كدة ده شبه مستحيل

عايز الشعب يقاطع 6 شهور فى دولة الممنوع مرغوب . كانوا قاطعوا أكل الحمير أولى . ده فيه ناس بتاكلها و هى عارفة

[Abo_Mazen]

دى كارثة انسانية لما تلاقى العربية مكلحة ومخبطة ومش عاوز يرشها
ويقولك عربيتي فابريكة وتتباع اغلى من واحد منضف عربيته ورشها..طب ما هو المنطقى ان انا اخدها ارشها ولا اكمل علىيها لحد ما تبقى صفيحة زبالة!!!!!!!!!

بالفلسفه المصرية ..تكمل عليها لحد ما تبقى صفيحة زباله

بالمنطق ..تاخدها ترشها

[ENG.MaRk]

عايز الشعب يقاطع 6 شهور فى دولة الممنوع مرغوب . كانوا قاطعوا أكل الحمير أولى . ده فيه ناس بتاكلها و هى عارفة

شبه مستحيل :)

[Abo_Mazen]

شبه مستحيل :)

يعني حضرتك بتقول على حاجه وعارف إنها مش هتحصل ..؟؟؟

[ALYSALIM]

في السعودية تقريبا نفس الوضع علي فكرة
1- رخص قطع الغيار وتوافرها واعتماديتها
2- سهولة الصيانة
3- سعر اعادة البيع
4- منشأ السيارة
5- التوفير في البنزين
وده كله يندرج تحت اسم سيارة اعتمادية
ممكن تلاقي كورولا موديل 2002 تمنها 14 الف مثلا وجيلي ايمجراند 7 موديل 2012 محدش عاوز يشتريها علي 12 الف

[mk3]

المشكله فى الاساس ماديه

[أبو آسر]

جزء من المشكلة يرجع لانتشار الغش وقلة الضمير عند كثير من التجار والصنايعية وطبعا مفيش رقيب على الناس دي وده سبب ان العربية المتكلحة بس مش راشة مرغوبة عن عربية راشة وبتبرق علشان الزبون مش هيقتنع انها راشة نضافة !!! وقيس على المثال ده كتير

[egyplan]

لما تروح سوق السيارات وتشوف سيارة المانى محترمه محدش بيعبر صاحبها
وتلاقى سيارة نوبيرا داخلة السوق التجار بتتلهف على سائقها وهو لسا سايقها فى الشارع على مدخل السوق
وتلاقى تاجر فتح الباب الخلفى وركب على الكنبة الخلفية (دليل انه حجز السيارة للشراء) وتلاقى تاجر اخر يقول للسائق نمرة موبيلك كام ورنلى لو مشتراش منك (التاجر اللى قعد على الكنبة الخلفية) وتاجر تالت على الجانب الاخر عمال يقوله ياعم انا قلتلك على السعر ده قبلة وتلاقى لمه وكانه فرح المولد على سيارة (كورى) مع الاحترام للى راكبينها
وفى المقابل سيارة اوبل محترمة والبائع الناس بتسالة كده عشان تعرف السعر مش اكتر

فطبعا التفكير بيتجة انك تشترى سيارة بياعة تعرف تبيعها بسرعة لو اتزنقت فى الفلوس

[Abo_Mazen]

لما تروح سوق السيارات وتشوف سيارة المانى محترمه محدش بيعبر صاحبها
وتلاقى سيارة نوبيرا داخلة السوق التجار بتتلهف على سائقها وهو لسا سايقها فى الشارع على مدخل السوق
وتلاقى تاجر فتح الباب الخلفى وركب على الكنبة الخلفية (دليل انه حجز السيارة للشراء) وتلاقى تاجر اخر يقول للسائق نمرة موبيلك كام ورنلى لو مشتراش منك (التاجر اللى قعد على الكنبة الخلفية) وتاجر تالت على الجانب الاخر عمال يقوله ياعم انا قلتلك على السعر ده قبلة وتلاقى لمه وكانه فرح المولد على سيارة (كورى) مع الاحترام للى راكبينها
وفى المقابل سيارة اوبل محترمة والبائع الناس بتسالة كده عشان تعرف السعر مش اكتر

فطبعا التفكير بيتجة انك تشترى سيارة بياعة تعرف تبيعها بسرعة لو اتزنقت فى الفلوس

بتفكرني بموقف واحد حكاه وحصل معاه شخصيا ...

بيقول كان راكب عربيه نوبيرا وماشي وداخل على نفق الأزهر ..وبعدين الطريق كان واقف ..فعرف إن في حادثه حاصله في الطريق ..المهم الطريق كان ماشي على مهله وواحده واحده كده لغاية ما وصل لمكان الحادث ..وطبعا هو كان ماشي بس وصل لمكان الحادث وشاف الحادثه بنفسه ..المهم بيقول لما قربت لقيت عربية بي إم دبليو لابسه في الجزيرة اللي في النص ووش العربيه كله رايح ..والكلام ده كان بعد الساعة 12 بليل تقريبا على ما أذكر في الرواية بتاعته ...وبيقول لقيت واحد كبير شكله محترم قوي كده واقف وبيزعق لشاب شكله نضيف وابن ناس وبيهزأه طبعا ونازل في شتيمه ..وكان من ضمن الكلام اللي قاله (أنا غلطان إني عملتك بني آدم وجبت لك عربيه بالشئ الفلاني ..كان المفروض أجيبلك أي عربيه كوري معفنه من بتاعة اليومين دول عشان تعرف قيمة القرش يا بن الكلب) ...طبعا الراجل اللي بيحكي بيقول أنا حسيت إن هو بيتكلم عليا ..بس لما بصيت حواليا ولقيت في عربيات كوري تانيه واقفه إطمنت وعرفت إني مش لوحدي في الموضوع ده ...

أنا طبعا بعتذر لكل مالكي الكوري وبقدم إحترامي لهم ..لكن أنا بحكي القصه زي ما صاحبها سردها ..عشان عاوز أوصل لفكرة إن الظروف اللي إحنا فيها فرضت علينا حاجات معينة وإنتشرت وبقت ليها قيمة مع إن هي في الأصل ملهاش قيمة بالنسبة لحاجات تانيه

[JOHN YOUSSEF]

تعالوا نشوفها بطريقة تانية
انا ايه اللى يخلينى اشترى عربية مرسيدس ولا بى ام ولا اى حاجة من الغالى دا فى شوارعنا البايظة
احتمالات التصادم عالية جدا نتيجة سوء التخطيط لكثير من الطرق و اخطاء نسبة كبيرة من السائقين بالاضافة لرعونة سائقى الميكروباصات و التوكتوك و فتونة سائقى النقل
انا اصلا 95 % من قيادتى اقل من سرعة 100 كيلو/ساعة يبقى ايه لزمته السيارة الغالية

انا بأمكانى اشترى سيارة و اتنين بى ام او مرسيدس من اعلى الفئات بينما سيارتى الحالية ب 60 الف و تفى بالغرض.. و عمرى ما ادفع مبلغ فوق ال 100 الف فى سيارة ... ليه
لان تمنها هيقل مع الوقت و ابقى غبى لانى بضيع فلوسى
السيارات المحترمة يا اخوتى فى بلدنا غالية جدا جدا و الغلو فى السعر لا يناظر قيمتها الفعلية بالمرة
اشترى شقة افضل بعد سنة واحدة اكسب فيها مبلغ و قدره
و كل ما اصبر عليها كل ما سعرها يزيد و اكسب فيها
باعتبره تبذير شديد انى اشترى فى بلدنا و شوارعها سيارة ب ربع مليون او نص مليون
نظرية اقتصادية فاشلة تماما