إعـــــــلان

Collapse

.

,
See more
See less

تجربة سيئة في شراء منتج من سوق دوت كوم

Collapse
X
Collapse
 
  • Page of 3
  • Filter
  • الوقت
  • Show
Clear All
new posts
السابق 1 2 3 template التالي
  • #1

    تجربة سيئة في شراء منتج من سوق دوت كوم

    السلام عليكم
    يوم 5-7 الماضي اشتريت "ماكينة حلاقة الرأس من فيليبس QC 5580/13" من موقع سوق دوت كوم وكان عليها عرض بدل 777 ج أصبح 448 جنيه وكان عرض مغري بصراحة وكان موجود 3 قطع اشتريت واحدة ومفروض اتبقى 2
    عملت طلب الشراء أول مرة بالكريديت كارد وبعد ما أتممت عملية الشراء فتحتلي صفحة "page cannot displayed" فدخلت على مشترياتي في الموقع ملقيتش الأوردر ، استنيت رسالة على الموبايل إن مبلغ كذا اتخصم من بطاقتك من موقع سوق مفيش رسايل ، قلت يبقى العملية لم تتم بنجاح
    كررت العملية تاني فتمت بنجاح والأوردر اتضاف في الموقع وجاتلي رسالة على الموبايل وبعدها مفيش دقايق جاتلي رسالة تانية بنفس المبلغ اتخصم مرة تانية !
    كلمت البنك وطلبت إلغاء الأوردر الأول وبعت لسوق برده وقدمت شكوى قالولي مبلغ واحد اللي اتخصم عندنا ارجع للبنك فكلمت البنك تاني قالي أنا قدمتلك طلب وهياخد من يومين ل10 أيام قلت مش مشكلة أبقى أتابع معاهم
    الأوردر بقى من يوم 5 ليوم 11 اللي هو امبارح الحالة بتاعته (لم يتم الشحن) مش عايزة تتغير وبعت أكتر من شكوى محدش عبرني مع إن مكتوب إن السلعة سيتم تجهيزها للشحن خلال 3 أيام
    المفاجأة بقى
    النهاردة دخلت على الموقع فوجئت إن الأوردر اتلغى تماما !! والمبلغ الأول عملوله refund للكريديت بتاعي والمبلغ التاني لسة موجود في حسابي في الموقع عندهم
    طبعا اتعصبت ازاي يكنسلوا أوردر بدون إذني خاصة إنهم رفعوا السعر خلوه 666 جنيه !
    اتصلت بيهم ردت عليا الموظفة شرحتلها المشكلة قالتلي أيوة يا فندم أصل ال item ده out of stock !!!!!!
    قلتلها ازاي الكلام ده وأنا لما اشتريت كان موجود 3 قطع وازاي أصلا تبلغوني إنه out of stock بعد 7 أيام من الشراء !! طبعا معرفتش ترد ومعلش وحاولنا نوصل لحضرتك ونبلغك وممكن تكون وانت بتشتريه في نفس اللحظة عملاء تانيين اشتروه على أساس إن اللحظة اللي أنا اشتريت فيها كان معايا 3 غيري بيشتروا نفس المنتج اللي أصلا قعد كذا يوم على ما عدد القطع بدأ يقل من 2 لواحدة والتلاتة اللي كانوا بيشتروا وصلهم المنتج وأنا ابن البطة السودا اللي على حظي العاثر كنت آخر واحد في الأربعة اللي اشتروا ال3 قطع !!
    الخلاصة إن التجربة سيئة جدا وشغل نصب يعملك عرض وهمي على سلعة مش موجودة عنده وتشتري وتقعد منتظر وفي الآخر يكنسل الطلب رغما عن أنفك وشغل عك زي ما متعودين يعني
    [SIZE="4"][COLOR="Blue"][FONT="Century Gothic"]Freelancer Web Designer & E-marketer[/FONT][/COLOR][/SIZE]
    [SIZE="5"] ( --- [COLOR="Green"][URL="http://www.nilemotors.net/Nile/search.php?do=finduser&u=129815&starteronly=1"]جــمــيــــع مــوضــوعـــاتـي[/URL][/COLOR] --- )[/SIZE]

    [SIGPIC][/SIGPIC]
    الكلمات الدلالية (Tags): تجربة, دوت, سوق, سيئة, شراء, في, كوم, من, منتج
  • #2
    اكيد دى حاله خاصه لانى اتعاملت مع سوق ومشكلتهم الوحيده تأخر الشحن
    الانفرتر الهندى من البدايه للنهايه
    http://www.nilemotors.net/Nile/430457-a.html

    Comment

    • #3
      المشاركة الأصلية كتبت بواسطة mk3 مشاهدة المشاركة
      اكيد دى حاله خاصه لانى اتعاملت مع سوق ومشكلتهم الوحيده تأخر الشحن
      حتى لو حالة خاصة هي دي مشكلة بسيطة يعني ؟
      في موقع محترم تشتري منه حاجة ويقولك موجود 3 قطع وبعد ما تشتري ب7 أيام كاملين يكنسل الأوردر ويقولك أصله out of stock ؟!
      لو موقع محترم فعلا كان يوفرلي المنتج بنفس التمن اللي اشتريت بيه حتى لو هيخسر فيه لكن يكنسل الأوردر بكل برود وبعد ما سحب تمنه مرتين ويقولي معلش !!
      [SIZE="4"][COLOR="Blue"][FONT="Century Gothic"]Freelancer Web Designer & E-marketer[/FONT][/COLOR][/SIZE]
      [SIZE="5"] ( --- [COLOR="Green"][URL="http://www.nilemotors.net/Nile/search.php?do=finduser&u=129815&starteronly=1"]جــمــيــــع مــوضــوعـــاتـي[/URL][/COLOR] --- )[/SIZE]

      [SIGPIC][/SIGPIC]

      Comment

      • #4
        المشاركة الأصلية كتبت بواسطة mk3 مشاهدة المشاركة
        اكيد دى حاله خاصه لانى اتعاملت مع سوق ومشكلتهم الوحيده تأخر الشحن
        لا مش حاله خاصه - حصلت معايا و نفس الحوار بس الفرق انى كنت طالب السلعه Cash on Delivery و لغو الاردر لعدم توافر السلعه بعد ما دوخونى اسبوعين و بعدها باسبوع تانى لقيتهم جيبينلى السلعه و كانت اول و اخر مرة اتعامل معاه

        من الاخر موقع سوق زباله و القائمين على ادارته زباله و خدمع العملاء زباله و تحس انه عبارة عن شويه هواه و بيلعبو

        انا دايما انصح الناس تبعد عن الموقع الزباله دة

        الاحسن منه و انضف عن تجربه كذا مرة هوة موقع جوميا او موقع نفسك

        Comment

        • #5
          انا افتكر مره من سنه 2009 اشتريت HTC HD2 موبايل كبير زى النوت كده دلوقتى من موقع امازون فى امريكا

          والله الى بقوله ده حصل صحبى خده باظ منه لوحده مش عارف سوفتوير ولا هاردوير مكنتش عارف احدد وكاتب كلام ان السيستم Dump ومش عايز يتحرك

          بعت لامازون سكرين شوت لكل حاجه بالجهاز والسريال والفاتوره بعدها ب 5 ايام جالى جهاز جديد بالكرتونه اخوه ومطلبوش منى حتى ابعت القديم

          ده الفرق بين الفكر العربى واحترام العميل فى دول الغرب

          ناس بتدور على السبوبه وناس تدور على راحه العميل على حساب اى حاجه
          [B][SIZE="4"]Take it Or Leave it.[/SIZE][/B]

          Comment

          • #6
            المشاركة الأصلية كتبت بواسطة Secret-Man مشاهدة المشاركة
            انا افتكر مره من سنه 2009 اشتريت HTC HD2 موبايل كبير زى النوت كده دلوقتى من موقع امازون فى امريكا

            والله الى بقوله ده حصل صحبى خده باظ منه لوحده مش عارف سوفتوير ولا هاردوير مكنتش عارف احدد وكاتب كلام ان السيستم Dump ومش عايز يتحرك

            بعت لامازون سكرين شوت لكل حاجه بالجهاز والسريال والفاتوره بعدها ب 5 ايام جالى جهاز جديد بالكرتونه اخوه ومطلبوش منى حتى ابعت القديم

            ده الفرق بين الفكر العربى واحترام العميل فى دول الغرب

            ناس بتدور على السبوبه وناس تدور على راحه العميل على حساب اى حاجه
            حصلي نفس الموقف في أمازون برده في usb 3.0 hub من شركة anker
            اشتريته وبعته على عنوان صديق ليا كان في أمريكا ونازل مصر وبعد ما نزل خدته منه وشغلته فمكنش شغال بسرعة usb 3.0 المعروفة
            عملت تقييم سلبي على أمازون واستعوضت ربنا وقلت أشغله usb 2.0 عادي وخلاص
            لقيت الشركة باعتالي احنا آسفين جدا وياريت حضرتك ترجعهولنا وهنستبدله بواحد تاني مجانا
            رديت قلتلهم شكرا لكن مش هينفع أرجعه لأنه اتشحن مصر
            قالولي مفيش مشكلة هنعملك refund للمبلغ كامل وخليه عندك !!
            استحرمت قلتلهم لأ مش هينفع هو شغال وأنا هستفيد بيه ومش هقبل الفلوس
            قالولي خلاص هنبعتلك واحد تاني مجانا وخلي القديم عندك !!!
            تخيل فضلوا يحايلوا فيا ازاي علشان ابقى راضي لمجرد إني عملت تقييم سلبي
            وفعلا بعتولي واحد تاني جديد على عنوان صديقي وأصبح عندي اتنين بدل واحد

            بس سيبك انت مصر حضارة 7000 سنة برده
            [SIZE="4"][COLOR="Blue"][FONT="Century Gothic"]Freelancer Web Designer & E-marketer[/FONT][/COLOR][/SIZE]
            [SIZE="5"] ( --- [COLOR="Green"][URL="http://www.nilemotors.net/Nile/search.php?do=finduser&u=129815&starteronly=1"]جــمــيــــع مــوضــوعـــاتـي[/URL][/COLOR] --- )[/SIZE]

            [SIGPIC][/SIGPIC]

            Comment

            • #7
              امازون ممتاز ..

              السلعه كما وصفت تماما .. و علشان لا تفاجئ بأداء السلعه بعد الشراء .. دائما اقرأ Reviews و خصوصا ذات التقييم المنخفض من المشترين لمعرقه سبب الشكوى

              اتصلت مره بالموقع محل الشكوى منك .. بمجرد الحديث مع خدمه العملاء .. قررت عدم الشراء منه

              Comment

              • #8
                مش اول واحد يكتب عن سوق انه سئ الاسوء ان في عملا وصلهم بضاعه غير اللي اشتروها تماما
                منساش ابدا اني من سنتين خليت ابو كمال يشتريلي ايسر ايكونيا تابلت ولما وصل مصر
                طلع بيهنج ويهيس حاولت ادخله ايسر مصر صيانه بفلوس عملولي حوارات
                بقول لابو كمال الحوار كذا بعتلهم
                قالو يا تخليه ونردلك نص التمن يا تبعته وتسترد فلوسك
                تاني يوم كان سافر من مصر والفلوس رجعت بعدها بايام
                انه امازون يا ساده
                علي فكره يا ابو اسر
                بحكم تقدمنا في مواقع البحث والارشفه موضوعك ده هايوجعهم كتير ولفتره طويله

                جروب ورشة نايل موتورز علي الفيس بوك

                صفحة ورشة نايل موتورز على الفيس بوك

                Comment

                • #9
                  المشاركة الأصلية كتبت بواسطة karim_monir مشاهدة المشاركة
                  علي فكره يا ابو اسر
                  بحكم تقدمنا في مواقع البحث والارشفه موضوعك ده هايوجعهم كتير ولفتره طويله
                  أحسن خليهم يتلموا شوية ويبطلوا استخفاف بعقول الناس
                  [SIZE="4"][COLOR="Blue"][FONT="Century Gothic"]Freelancer Web Designer & E-marketer[/FONT][/COLOR][/SIZE]
                  [SIZE="5"] ( --- [COLOR="Green"][URL="http://www.nilemotors.net/Nile/search.php?do=finduser&u=129815&starteronly=1"]جــمــيــــع مــوضــوعـــاتـي[/URL][/COLOR] --- )[/SIZE]

                  [SIGPIC][/SIGPIC]

                  Comment

                  • #10
                    المشاركة الأصلية كتبت بواسطة أبو آسر مشاهدة المشاركة
                    حصلي نفس الموقف في أمازون برده في usb 3.0 hub من شركة anker
                    اشتريته وبعته على عنوان صديق ليا كان في أمريكا ونازل مصر وبعد ما نزل خدته منه وشغلته فمكنش شغال بسرعة usb 3.0 المعروفة
                    عملت تقييم سلبي على أمازون واستعوضت ربنا وقلت أشغله usb 2.0 عادي وخلاص
                    لقيت الشركة باعتالي احنا آسفين جدا وياريت حضرتك ترجعهولنا وهنستبدله بواحد تاني مجانا
                    رديت قلتلهم شكرا لكن مش هينفع أرجعه لأنه اتشحن مصر
                    قالولي مفيش مشكلة هنعملك refund للمبلغ كامل وخليه عندك !!
                    استحرمت قلتلهم لأ مش هينفع هو شغال وأنا هستفيد بيه ومش هقبل الفلوس
                    قالولي خلاص هنبعتلك واحد تاني مجانا وخلي القديم عندك !!!
                    تخيل فضلوا يحايلوا فيا ازاي علشان ابقى راضي لمجرد إني عملت تقييم سلبي
                    وفعلا بعتولي واحد تاني جديد على عنوان صديقي وأصبح عندي اتنين بدل واحد

                    بس سيبك انت مصر حضارة 7000 سنة برده
                    راعي ان كلامك جارح

                    Comment

                    • #11
                      رغم ان اكيد مش كل مبيعاتهم بيحصل فيها نفس السيناريو لكن موضوعك جاء في وقته ، كنت لسه بفكر اشتري هارد اكسترنال منهم لكن زي ما المثل بتاعنا بيقول ابعد عن الشر وغنيله. انزل اشتريه بنفسي احسن عشان ابعد عن وجع الدماغ ده.

                      Comment

                      • #12
                        ابو اسر باشا ، اخبارك ايه الاول
                        بص يا باشا انا بتعامل مع سوق دوت كوم بقالي ٥ سنين فرع مصر وفرع دبي وبصراحة خلال الفترة دي مشفتش منهم حاجه وحشه واي مشكلة معاهم كانت بتتحل

                        هم اكيد بعتولك confirmation mail لما انت عملت الاوردر الاولاني ، وده يأكد ان الاوردر مظبوط وان كان موجود في الستوك بتاعهم
                        يبقى الحل حضرتك تفرورد الميل ده لخدمة العملا عندهم وتكتب شكوى ان الاوردر ده اتلغى بعد مانت عملته ومن غير مانت اللي تلغيه
                        واستنى شوف هايردوا عليك بأيه وان شاء الله خير

                        Comment

                        • #13
                          المشاركة الأصلية كتبت بواسطة A_H_M_A_D مشاهدة المشاركة
                          ابو اسر باشا ، اخبارك ايه الاول
                          بص يا باشا انا بتعامل مع سوق دوت كوم بقالي ٥ سنين فرع مصر وفرع دبي وبصراحة خلال الفترة دي مشفتش منهم حاجه وحشه واي مشكلة معاهم كانت بتتحل

                          هم اكيد بعتولك confirmation mail لما انت عملت الاوردر الاولاني ، وده يأكد ان الاوردر مظبوط وان كان موجود في الستوك بتاعهم
                          يبقى الحل حضرتك تفرورد الميل ده لخدمة العملا عندهم وتكتب شكوى ان الاوردر ده اتلغى بعد مانت عملته ومن غير مانت اللي تلغيه
                          واستنى شوف هايردوا عليك بأيه وان شاء الله خير
                          أحمد باشا :) أخبارك ايه ؟
                          على فكرة أنا برده بتعامل معاهم من فترة ممكن توصل ل5 سنوات زيك بس على فترات متباعدة واتعاملت كبائع ومشتري مش مشتري بس وأعترف إن زمان كانوا أسوأ من دلوقتي يعني أنا سمعت إنهم غربلوا السيستم بتاعهم ومبقوش يسمحوا لكل من هب ودب يبيع زي زمان وبقوا يصعبوا عرض منتجات التجار إلا بعد ما يقدموا ورق وإثباتات وحوارات وده شيء كويس طبعا لأن ياما اتدبست في سلع صيني رديئة ومكنتش بعرف أرجعها ويوم ما أفكر أعمل كده بندم علشان بيدوخوك السبع دوخات على ما يرجعولك فلوسك
                          ممكن انت تكون تجاربك معاه كلها إيجابية وده شيء كويس بس أقدر أقولك إن ده هو اللي حالة فردية لأن تقريبا محدش اتعامل معاهم لفترة ومشتكاش منهم على الأقل بسبب التأخير لكن ناس كتير بتشتكي من حاجات مش بتبقى بالمواصفات اللي مكتوبة أو بايظة أصلا أو ممكن يبعتوا حاجة غير اللي اشتروها تماما
                          لكن إنك تشتري من الموقع نفسه مش من بائع خارجي وتقعد 7 أيام منتظر سلعة وفي الآخر يكنسل الأوردر علشان out of stock !!! بصراحة دي قمة في التهريج والاستهبال وزي ما قلت لو موقع محترم كان راح اشترى المنتج من أي حد وبعتهولي ولو هيخسر فيه لكن لما تكلم خدمة العملاء ويقولك معلش يبقى انت بتتعامل مع عم أحمد البقال مش مع موقع محترم فمعتقدش إن إيميل هيغير من الأمر شيء وأنا أساسا صرفت نظر عن إني أتعامل معاهم تاني وهنزل أشتري الحاجة من أي مكان سلّم واستلم حتى لو أغلى بس متعرضش لموقف زي ده تاني
                          للأسف لسة علينا بدري على ما نوصل لثقافة البيع والشراء أونلاين ويبقى في ثقة متبادلة بين البائع والمشتري
                          [SIZE="4"][COLOR="Blue"][FONT="Century Gothic"]Freelancer Web Designer & E-marketer[/FONT][/COLOR][/SIZE]
                          [SIZE="5"] ( --- [COLOR="Green"][URL="http://www.nilemotors.net/Nile/search.php?do=finduser&u=129815&starteronly=1"]جــمــيــــع مــوضــوعـــاتـي[/URL][/COLOR] --- )[/SIZE]

                          [SIGPIC][/SIGPIC]

                          Comment

                          • #14
                            تجربتي مع الموقع فى السعودية جيدة-لى تجارب جيدة اخرى مع اي باى و على اكسبريس
                            مشكلة الموقع ان التقييم السلبي ليس له قيمة
                            يعنى البائع على اي باى بيقعد يفخر انه 100% تقييم ايجابي و يتحايل عليك و يقولك لو حاجة زعلتك قلى و نحلها مع بعض بس متقييمش سلبى
                            المشكلة فى الشحن من خارج السعودية ان البضاعة لازم تتشحن ب tracking no و الا هتضيع
                            [CENTER] [SIZE=5][COLOR=blue]لا تمكّن زائغ القلب من أذنيك، فإنك ما تدري ما يعلقك من ذلك.[/COLOR][/SIZE][/CENTER]
                            الإمام مالك* الموطأ.

                            Comment

                            • #15
                              المشاركة الأصلية كتبت بواسطة volociximab مشاهدة المشاركة
                              تجربتي مع الموقع فى السعودية جيدة-لى تجارب جيدة اخرى مع اي باى و على اكسبريس
                              مشكلة الموقع ان التقييم السلبي ليس له قيمة
                              يعنى البائع على اي باى بيقعد يفخر انه 100% تقييم ايجابي و يتحايل عليك و يقولك لو حاجة زعلتك قلى و نحلها مع بعض بس متقييمش سلبى
                              المشكلة فى الشحن من خارج السعودية ان البضاعة لازم تتشحن ب tracking no و الا هتضيع
                              ُُُ EBay غير آمن .. و حصل عليه اكثر من Hack على حسابات العملاء

                              المنتجات عليه فيه منها اصلى .. و منها مغشوش و يباع على انه الاصلى .. و هذا هو الاعم الاغلب

                              ميزته الوحيده انه فيه بعض المنتجات الغير موجوده على الامازون ( بتنوع اكبر للموديلات المعروضه .. مثلا على الامازون موديل واحد .. و على الاى باى موديلات اكثر )

                              و يجب الانتباه جدا عند اختيار المنتج و التأكد انه الاصلى .. و عاده ستحصل على سلعه غير مطابقه للمواصفه المذكوره

                              اعتقد Pay Pal هو الانسب للتعامل مع هذا الموقع .. لحفظ حقك قدر الامكان

                              انصح بالابتعاد عنه .. الامازون افضل منه 100 مره .. فى المنتج و الثقه .. و السعر ايضا

                              Comment

                              السابق 1 2 3 template التالي
                              Working...
                              X