الشارع المضئ

[نور القمر]

هو الشارع ضلم تاني ولا ايه
محدش عنده قصص مضيئة

في حكاية بتعجبني اوي لما اكون مسافرة على الصحراوي
بالرغم من معارضه ناس كتير ليها هنا في االمنتدى
وهي اصحاب العربيات لما يكتشفوا وجود ردار على الطريق بيدوا اشارة ضوئية للعربيات في الاتجاه المعاكس
بصراحة منتهى التعاون ضد شرطة المرور
وعلى رأي المثل انا واخويا على ابن عمي وانا وابن عمي على الغريب
طبعا الغريب ده هم شرطة المرور

[Samir Elshahawy]

الشارع دائما مضئ ان لم يكن بنور الحكومة فهو مضئ بالأفعال الايجابية لمن يسيرون فيه يتقدمهم النخبة أعضاء نايل موتورز

[D . a .\ AYMAN]

هوة الموضوع ده ليه متكرر مرتين

الشارع المضئ

انا لما قريته حسيت اني جالي زهايمر لأني متأكد اني مشارك فيه وفي نفس الوقت مش لاقي مشاركاتي ... لما دورت لاقيته متكرر فعلا

حد عنده تفسير!!

[OlaOsman]

متابعة بانشكاح

[نور القمر]

من حوالي شهر كنا مسافرين مجموعه كل واحد بعربيته مش اقل من 7 عربيات ويمكن اكترعلى الصحراوي
جينا في نقطه مرور وقفوا ابن عمي وسحبوا منه الرخص لانه الردار رصد سرعته اكتر من المسموح بيها
ومجرد قولنا للظابط اننا مسافرين علشان في حالة وفاة رجع له الرخصة فورا بدون تحرير اي مخالفة

[Samir Elshahawy]

هوة الموضوع ده ليه متكرر مرتين

الشارع المضئ

انا لما قريته حسيت اني جالي زهايمر لأني متأكد اني مشارك فيه وفي نفس الوقت مش لاقي مشاركاتي ... لما دورت لاقيته متكرر فعلا

حد عنده تفسير!!

فعلا الموضوع مكرر و لكن في المنتدي العام فقد تكوني قد شاركتي به بالمنتدي العام و ليس بالمنتدي الاجتماعي , يعني ماعندكيش زاهيمر و لاحاجة

[muslimah_dentist]

و الله حصلى موقف النهاردة قلت لازم أجى و أحكيه فى " الشارع المضئ"

و أنا داخلة العمارة اللى انا ساكنة فيها كان واقف قدامها كلب و عمال يهههههو و أنا من ساعة أما طلع عليا كلبين ألمانى شيبرد واحد كان هيأكلنى و التانى يساعده و انا عندى عقدة من الكلاب:k20:.

المهم كان فيه بائع متجول معدى فى الشارع و أما شافنى محتاسة وقفلى و قالى :فيه حاجة و حاس ان أنا خايفة من الكلب ، راح قال:استنى.
و جاب طوبة ، قلتله: ماتضربهوش ، قالى :ماتخافيش أنا مش هأضربه.

المهم الكلب بعد عن العمارة و استنى الراجل معايا لغاية ما دخلت العمارة.

شفتوا بأه لسة فيه جدعنة و شهامة فى المصريين.

[Samir Elshahawy]

و الله حصلى موقف النهاردة قلت لازم أجى و أحكيه فى " الشارع المضئ"

شفتوا بأه لسة فيه جدعنة و شهامة فى المصريين.

اولا.. شكرا علي مشاركتك بالشارع المضئ الذي يرحب بجميع الايجابيات في حيلتنا كي يظل مضيئا وسط الظلام الذي بدأ ينتشر بحياتنا

ثانيا .. الشعب المصري معروف بكرمه و عطائه و معدنه الاصيل الذي يحتاج لمجرد صقل و ازالة كل ماعلاه من غبار الزمن و المشاكل اليومية كي يظهر بريقه

[MoToRiZeR]

انا امبارح عند ميدان جهينة وقفني كمين .. قلت يادي النيلة
وطيت الكاسيت و فتحت الشباك ... الأمين قاللي "الرخص لو سمحت" و كان مبتسم و علي رأي عادل إمام هيعيط من الإيمان و التقوي .
طلعتله الرخص .. شافها و بص عالنمر و إداهاني في إيدي و قاللي "مع ألف سلامة يا فندم" .. بصراحة مكنتش مصدق نفسي .. و فكرت ألف اليو تيرن و أرجع أعدي من الكمين تاني .

[Samir Elshahawy]

بالامس كنت عائد من بورسعيد حوالي الساعة 11 ليلا و طبعا الطريق به بعض المناطق الوعرة ذات المطبات و المهابط و المقبات المفاجئة مثله في ذلك مثل أي طريق مصري

المهم بعد كوبري السلام بشوية كنت أسير و بسرعة من 100 - 120 كم/ساعة حتي وجدت سيارة نقل بمقطورة تسير علي سرعة 80 كم/ساعة كان الطريق به ضباب غير عادي اضطررت للسير خلف النقل الذي كان عندما يجد مطب علي اليمين يعطي اشارة للسيارات التي خلفه و في الملفات كان يفعل نفس الشئ و عندما أردت ان اتخطاه اذا به يحذرني باشارة ضوئية و بالانتظار و فعلا اكتشفت ان هناك علي يسار الطريق حفرة تقطم الوسط و ظل معي علي ذلك حتي اصبح الطريق خالي من أي عوائق و أذا به يفسح لي الطريق كي أتخطاه من يساره و عندما أصبحت أمامه أطفأ نوره العالي حتي ابتعدت عنه

بصراحة اردت ان احكي عن هذا السائق الذي قلما أجد له مثيل فتحية له و لكل من عنده ضمير يجعله يحترم السيارات الاخري و يخاف علي أرواح السائقين الاخرين

[MoToRiZeR]

إمبارح إتخانقت مع ضابط أمام سينما رينيسانس 6 أكتوبر
انا داخل شارع السينما و في نص الشارع لقيت ضابط موقف عربية نقل و بيفتش السواق .. و الموضوع طول .. و الشارع وقف .. و الكل متعطل .. و أصلا قدامه فاضي يعني ممكن ياخده علي جنب يعمل اللي هو عايزه من غير ما يعطل الناس .. فا إديتله كلاكس .. أول واحد معبرتيش .. تاني واحد .. بصلي و برقلي كدة زي ما أكون تلميذ في الفصل بيكلم اللي جنبه .. قلتله عايز أعدي لو سمحت انا متعطل !! قام قاللي "متعطل !!؟" بإستهزاء كدة و جايلي و في وشه نظرة شر و قلت هيطلعلي القطط الفطسانة في العربية و يسحب الرخصة .. و هو جي سمعت صوت "خد السواق علي جنب و مشي الراااجل" .. بصيت في المرايا لقيت ضابط أكبر في الرتبة بيقول كدة .. قام الضابط التاني راجع و كله حسرة و أخد العربية علي جنب و عديت .

[ahmed_su]

ا بصراحة مكنتش مصدق نفسي .. و فكرت ألف اليو تيرن و أرجع أعدي من الكمين تاني .

جامدة دى ...!!!!

[Samir Elshahawy]

من حوالي 3 ساعات كده كنت رايح المطار استقبل واحد صاحبي و لما دخلت المطار حسيت أني دخلت في مغارة علي بابا و مابقتش عارف أمشي منين و اطلع من المتاهة دي ازاي المهم لاقيت لجنة و فيها ظابط فسالته قام قالي لف كده من ورايا و لف مع الصينية دي شمال و لما قولت له لو لفيت من وراك كده هايبقي عكسي قام قالي معلش خش و ماتخافش هأعمل نفسي مش شايفك و ضحك ( اتفضل ياباشا )
بصراحة ماصدقتش نفسي فسألته " هو سيادتك متاكد انك ظابط في وزارة الداخلية و اننا في مصر " , فقالي " ماهي دي روح القانون انت شكلك تايه و بتحب الالتزام اتفضل "

صحيح وسط الظلام لازم يبقي فيه شعاع ضوء حتي و لو كان ضعيف

[D . a .\ AYMAN]

بالامس كنت عائد من بورسعيد حوالي الساعة 11 ليلا و طبعا الطريق به بعض المناطق الوعرة ذات المطبات و المهابط و المقبات المفاجئة مثله في ذلك مثل أي طريق مصري

بصراحة حكايتك دي فكرتني بواحد سواق نقل مقطورة بس اللى هية فيها container كاملة من ورا وكانت نمر الأردن على الدائري وهوة كان على اليمين وانا جاي من ورا بسرعة علة الشمال وهوة كان رايح يطلع من اللى قدامه
وادى إشارة شمال وفعلا ابتدى يحدف شمال .... أنا كنت لسة بعيد عنه الى حد ما يعني هوة لو كمل طريقه انا هالحق أقف برضه بس الراجل شافني جاي من بعيد بسرعة لاقيته راح كاسر الدريكسيون بتاعه تاني رجع للحارة اليمين عشان يعديني الأول من على الشمال ... أنا طلعت منه ومش مصدق نفسي انه في حد ممكن يعمل كده في البلد دي .. وبعدين طلع هوة ورايا

[pro_samir]

اخويا الصغير مرة كان فى كفر الشيخ عندة امتحان فى الجامعة هناك ومكانش لسة طلع رخصة
وحظة اتقفش لاول مرة بس الظابط استجدع معاة وخلاة يدفع تبرع لمش عارف اية كدة
وكان هيدفعة خمسين جنية وهوا فاصل معاة كمان دفع 20 بس ههههه
المهم بعد كدة عرف مكان اللجنة وبقى ييجى قبلها ولافف من اليوتيرن وراجع من الناحية التانية بضهرة هههههههه لحد ما يعدى من قدام اللجنة وبعدين ياخد طريقة عادى

فى اليوم دة اصلا كنت اول مرة ادخل نايل موتورز لان العربية خدت هوا منة والفرامل والدبرياج سقطو منة وهوا راجع وكانت اول مرة تحصل وهوا اصلا وصفلى غلط فقلقت.. عملت سيرش ودخلت ولاقيت المنتدى