افضل نوع دهان ضرورى جدا جدا

[abokoko]

في دهان يبقي بطانة وده بيكون مط زي اللي بيتعمل بية السقف ده عيبة انة لو لمستة بأيدك وفيها اي اتساخ هيعلم فيها ولو حبيت تمسحة مش هينفع لكن القابل للغسيل بيكون فية طبقة زي الورنيش كده عازلة متخليش الاتساخ يمسك فية وممكن تغسلة
وفي حل تاني بقي انك تجيب اللون البطانة ده وتدهن بية وبعدين تجيب ورنيش مائي وتدي وش للحيطة يبقي انت كده عملت عازل :)

الورنيش المائي
هل هو - سلر - خاص ببعد الدهان
وهل تكلفة اللون البطانة + الورنيش المائي هيكون اقل من ال220 ثمن الجوتن
؟

شكرا لحضرتك

كمان سؤال
النقاش قال لى لو هنجيب لو كمثال 10 جرادل من النوع العادى ممكن نجيب 6 من الجوتن
الكلام ده صح
؟

[HeMa_LanCeR]

الورنيش المائي
هل هو - سلر - خاص ببعد الدهان
وهل تكلفة اللون البطانة + الورنيش المائي هيكون اقل من ال220 ثمن الجوتن
؟
التكلفة واحدة لو لغرفة لكن لو لكذا حاجة هتقل لأن الورنيش هوا يادوب وش واحد سعنس ممكن الجزلا تكفي غرفتين مثلا
شكرا لحضرتك

كمان سؤال
النقاش قال لى لو هنجيب لو كمثال 10 جرادل من النوع العادى ممكن نجيب 6 من الجوتن
الكلام ده صح
غلط جداااااااا لأن ببساطة الجرادل العادية اللي هي البطانة بيبقي دهانها تقيل وبيستر من اول وش لكن الالوان الكمبيوتر بتكون شفافة ولازم وشين وساعات تلاتة حسب البطانة
؟

علي فكرة انا بعمل شغل النقاشة كلة بنفسي والحمد لله لسة مخلص شقتي الجديدة كلها نقاشة

[hon]

http://www.nilemotors.net/Nile/469849-a.html

شوف حضرتك ردى فى الموضوع دا واسف على عدم تكرار الرد لظروف المرض
تحياتى

[abokoko]

علي فكرة انا بعمل شغل النقاشة كلة بنفسي والحمد لله لسة مخلص شقتي الجديدة كلها نقاشة

فكرت فيها
بس الوقت مش سامح

وكنت بفكر اجيب كمبروسر زى اللى عند بتوع الكاوتش ارش الدهان بنفسي
( المعجون صعب عليا لان جربته ولقيت نفسي مش ممشي فيه )
وعلى فكرة كان لي تجربة بالدهان فقط بالرولة بنفسي


بتبقي متعه انجاز الشيئ بنفسي لو طلع الشغل اقل من اللى ممكن يعمله المتخصص
والكلام ده برضة ينطبق على عمل اى شيئ ذاتى فى العربية حتى لو كان غسيل السيارة

[أبو_يوسف]

الحجرة ممكن تاخد بستلة يوتن يعني حوالي 10 لتر
الابيض ب 260 ج تقريبا والألوان بتتراوح من 320 ل 380 تقريبا
والتلوين الكمبيوتر غير تلوين الصنايعية خالص ....

[abokoko]

http://www.nilemotors.net/Nile/469849-a.html
شوف حضرتك ردى فى الموضوع دا واسف على عدم تكرار الرد لظروف المرض
تحياتى

قرات الموضوع
خلال سؤالى الفترة الماضية -لم اصادف منتج cmp
وانا مش فى القاهره فمش عارف له له موزعين عندنا من عدمة
سايبس قليل اللى بيبيعه و صراحة اللى لقيته عنده انسان يطفش بلد وكانت رايح اشترى المعجون من عنده وكانت اسعاره كويسه بس اسلوبه خلانى ااقول لو ببلاش مش عاوز من عنده

باكين موجود فى محلات مش توكيل

[abokoko]

الحجرة ممكن تاخد بستلة يوتن يعني حوالي 10 لتر
الابيض ب 260 ج تقريبا والألوان بتتراوح من 320 ل 380 تقريبا
والتلوين الكمبيوتر غير تلوين الصنايعية خالص ....

موزع لجوتن
كان عندهم بستلة اقتصادى تبدا من 156 ج

اللى قابل للغسيل يبدا من 255 ج ابيض
وقال لى ان التلوين سعره بيتغير حسب اللون اللى هطلبه وعدد مكونات الالوان اللازمه للحصول على النوع النهائي


بفكر اشترى جوتن ابيض بس التلوين يبقي يدوى بمعرفة النقاش

ممكن اعرف - هل فى سلر فى مرحلة التفنيش
ولو فى فهل النقاش هيطلب مبلغ اضافى للمتر

[abokoko]

كمان سؤال مهم

الباب بيتعمل بكام
والشباك 3 قطع - شيش /زجاج/سلك
بيتعمل بكام

والشباك 2 قطعه - سلك/ زجاج بدون شيش - يتعمل بكام

فى حالة اللاكيه - مش الجمالاكه