كلمتين لازم أقولهم عشان أنا جبت آخري بصراحه

[eslamrace]

كل اللي إنت قلته ده أتفق معاك فيه ..أو أختلف


لكن يظل اللي بيبرر لغيره ده حاجه كده غير مبرره

ابو مازن الشخص"اللى بيبرر لغيره" ده بيبرر لنفسه تمسكه وثقته فى الشخص التانى "خوفا او حبا" عن طريق ايجاد اسباب لافعال الشخص ده "حتى لو اسباب قد تظهر غير مقنعه ولكنها بالنسباله كافيه" وقد تكون تبريراته مش السبب الحقيقي لافعال الشخص ده
وفى كتير من الاوقات بيكون فى سبب محترم ومقنع وواقعى لافعال شخص ما ولكن لجهل او ضعف ثقافه واطلاع الشخص "اللى بيبرر" بتخليه يختلق تبريرات تتوافق مع فهمه للامور .
تقدر تقول بيحاول يحلل امور ممكن تكون اكبر من استيعابه فبتظهر للغير بشكل مش كويس فيبدأ يهاجمه فحفاظا على شكله العام "علشان احنا مبنعرفش نختلف" يزايد ويكابر ويوجد مبررات اكتر مغالاه وساعتها بيبقى العيب مش عليه ولا على الشخص اللى هو بيبررله العيب يكون على الشخص المثقف اللى مسكتش وقدر دوافع الشخص ده وخلاه بدلا من السكوت عند اول مبرر "مختلق" انه يغالى فى الامر

تحياتى.

[eslamrace]

بخصوص موضوع فيرس سي رأيي الشخصي ان الحكومه عامله شغل ممتاز فى توفير العلاج"اللى بيقلل المرض ويحجمه" وهم مشكورين على توفيره بسعر مناسب وبكميات مناسبه
ولكن يظل اسباب انتشار المرض فى مصر مش بيتعالج والحكومه مقصره جدا فى الوقايه منه
اما عن المصابين بيه "ربنا يكتبلهم الشفاء" فده اختبار ومش هو سبب ضياع فرصهم لان اكيد ربنا مانع عنهم بسببه حاجات اسوأ وعليهم السعى لعلهم يحققوا ما لم يستطع غيرهم تحقيقه.
تحياتى.

[Abo_Mazen]

ابو مازن الشخص"اللى بيبرر لغيره" ده بيبرر لنفسه تمسكه وثقته فى الشخص التانى "خوفا او حبا" عن طريق ايجاد اسباب لافعال الشخص ده "حتى لو اسباب قد تظهر غير مقنعه ولكنها بالنسباله كافيه" وقد تكون تبريراته مش السبب الحقيقي لافعال الشخص ده
وفى كتير من الاوقات بيكون فى سبب محترم ومقنع وواقعى لافعال شخص ما ولكن لجهل او ضعف ثقافه واطلاع الشخص "اللى بيبرر" بتخليه يختلق تبريرات تتوافق مع فهمه للامور .
تقدر تقول بيحاول يحلل امور ممكن تكون اكبر من استيعابه فبتظهر للغير بشكل مش كويس فيبدأ يهاجمه فحفاظا على شكله العام "علشان احنا مبنعرفش نختلف" يزايد ويكابر ويوجد مبررات اكتر مغالاه وساعتها بيبقى العيب مش عليه ولا على الشخص اللى هو بيبررله العيب يكون على الشخص المثقف اللى مسكتش وقدر دوافع الشخص ده وخلاه بدلا من السكوت عند اول مبرر "مختلق" انه يغالى فى الامر

تحياتى.

يعني اللي بيبرر لرئيس الشركة إنه واكل حق الناس ..ده تقوله إيه طيب ..والله العظيم متنيل على عينه وأقل من ناس تانيه كتير بتطالب بحقوقها ..لكن تلاقيه هو اللي طالع يبرر ..وكل ده عشان لما يكون رئيس الشركة طالع مكتبه يقف كده ويقوم باصصله ويقوم مديله حته إبتسامه كده ..أو لما يكون رئيس الشركة طالع مكتبه يجري يسلم عليه ويقف يتكلم معاه شويه ..

هل دي مبررات كافيه إني أبيع ناسي وصحابي اللي أنا منهم وتعبان تعبهم ..؟؟؟!!!!!

قيس الكلام اللي أنا قايله فوق ده على مستويات أعلى ورد عليا ..اللي بيبرر لرئيس الشركة سرقته لعرق الغلابه ..ده تسميه إيه ؟؟؟

[Abo_Mazen]

اترفض لانه مريض مش لانه مصري وفيرس سي موجود في كل دول العالم مش في مصر بس وبعدين احنا لو هنمشي بالمبدا ده يبقي الامريكي لو مكانش امريكي مكانش جاله الايدز والاوروبي كمان..

فيرس سي موجود في مصر من سنين ومكانش في اجراءات فعليه بتتاخد لمحاربة المرض وتوفير العلاج انما في الفتره الاخيره بدء يبقي فيه تحركات واضحه لتوفير العلاج بسعر ارخص من سعره الرسمي وبدون مقابل للمنتفعين بالتأمين الصحي وبدأنا نلاقي سرعه في توفير احدث العلاجات زي السوفالدي وغيره وزي ما قال زميلنا استاذ / john youssef الفيروس لا يقتل ولكن يحجم وتحجيمه ده بيمنع مخاطره علي الكبد ويخلي الانسان يقدر يعيش طول عمره بكبد سليم بدون تليفات اذا اكتشف المرض بدري وفي دول كتير بتقبله طالما انه اتعالج ووصل لمرحله امنه وحتي لو متقبلش ده مش نهاية الكون في ناس اقل منه في الدرجه العلميه وبتجتهد وتعمل مشاريع خاصه وبتبقي اصحاب اعمال وبشوات مع انهم بدأوا من تحت الصفر واعتقد انه مش اقل منهم...

بخصوص ضغط منظمة الصحه العالميه واليونسكو علي مصر علشان يوجدوا حل للمشكله ده فمنظمة اليونسكو هي منظمة الامم المتحده للتربيه والعلم والثقافه وبالتالي ملهاش علاقه بالموضوع ده ومنظمة الصحه العالميه اشادت في تصريح علي لسان ممثلها بالقاهره بجهود مصر في مكافحة المرض وده لينك الخبر.

"الصحة العالمية": دول العالم تسعى لنقل برامج مصر لمكافحة الفيروسات الكبدية |اليوم السابع

وكلامي مش معناه انه مفيش اهمال طبي بيتسبب في نقل العدوي للناس والاهمال ده مش بس في المستشفيات الحكوميه لكن كمان في المستشفيات الخاصه وعيادات الاسنان اللي بندفع فيها دم قلبنا والسبب الطمع وضعف النفوس اللي بيخلي بعض الاطباء يوفروا علي حساب التعقيم..

أنا آسف ممكن يكون حصل لبس عندي ما بين اليونسكو وما بين منظمة الصحه العالمية


بس حضرتك بتقول إترفض لإنه مريض مش لإنه مصري ..

ما هو مرض لإنه مصري

يا بيه أنا مش عايز أقعد أنوح وأعدد وأقولك مريض الفيروس المشؤم ده بيعاني قد إيه

بس هديك عينه كده من باب مشاركتك في هموم الآخرين

قبل السولفادي ده ..اللي هو على فكره لسه أصلا موصلش للفقراء ومازال إلى الآن حكرا على القادرين ..ده على الأقل لغاية اللحظه اللي أنا بكتب فيها المشاركه دي ..قبل السولفادي كان في حاجه إسمها الإنترفيرون واللاميفيودين ..والإنترفيرون ده حاجه كده ربنا ما يوريك ولا يكتبها عليك ..ده بعيد عنك كده بعد ما تاخد الحقنه بتبقى حاسس إن إنت قاعد في جهنم الحمرا ..بتلاقي جسمك كله قايد نااااااااااار ...ده غير عذاب الحصول على الحقنه أصلا ..يعني المشكلة إنك ما تحصلش على الحقنه بسهولة ..ويوم ما بتحصل عليها بتحصل على العذاب معاها

الإنترفيرون ده بقى كان في منه مصري ومستورد ..المصري ده كان في التأمين الصحي ..يعني بتاع الناس الغلابه ..اللي هما المفروض حمل وعاله على البلد والمفروض يحمدوا ربنا إن البلد دي أصلا موافقه إن هما يقعدوا فيها ..وده بقى بعيد عنك اللي بقولك عليه بيعيش المريض في جحيم ..وللأسف ..نتائجه كانت دائما مش مرضية

فيه بقى الإنترفيرون المستورد ..وده بقى ملناش دعوه بيه لإن الحقنه الواحده منه في سنة 2011 كانت بتعمل تقريبا 2800 جنيه ..بتاخدها مره في الأسبوع ..وده كان بيعتبر سم في العسل..يعني بعد المريض ما بياخده ما بيحسش بأعراضه قوي ..لكن طبعا بيحس بيها على مدى بعيد شويه في خلال نفس الأسبوع ..بس بتكون أعراض خفيفة شوية عن الإنترفيرون المصري وده بقى كانت نتائجه مقبوله عن الإنترفيرون المصري ..وده طبعا مش للناس الغلابه ..ده بيكون للي بيتعالجوا على نفقة الدولة زي مثلا الفنانين ومن على شاكلتهم

السولفادي في ناس كتير حاطه عليه أمل ..وياريت فعلا يكون حل لمعاناة ناس كتييييييييييير قوي في البلد دي ...إلا إنه برضه مش هيحل مشكلة واحد زي اللي أنا هقول عليه دلوقتي

بس حط نفسك كده مكان واحد إتخرج من كلية هندسه ..هندسه بحرية على فكره ..وجاتله فرصة سفر ..وكان طاير من الفرحه إنه خلاص هيسافر عشان يقدر يحقق حلمه ..وكان خلاص بيضبط حاله عشان يعمل دبلومه ..يعني كان بدأ فعلا في إنه ياخد خط الدراسات العليا ..وكانت فرصة سفره دي دافع إنه يعمل حاجه وأهو على الأقل يبعد عن البلد اللي ما بتقدرش لا علم ولا علماء ...ولما راح يحلل ..طلع عنده فيروس سي ..وهو ما يعرفش ...

قمة الإحباط ..قمة الإحباط لما تعرف إنك كنت ضحية نظام كامل من الغباء والإهمال والتخلف ..لأ وإيه ..ملوش هنا في مصر غير إنه يشوف اي شركة ترضى تشغله بدون كشف طبي ..على فكره شركات كتيييييييره جدا النهارده مش هتقبلك غير لما تعمل تحليل الفيروسات ده ..وجوه مصر كمان ..وللأسف الشركات دي هي اللي تعتبر شركات القمه واللي تعتبر بديل مقبول للسفر خارج البلاد

موبينيل ..إتصالات ..فودافون ..مابسو ..بي إم إس ..كل شركات البترول ..الشركة المصرية للإتصالات ...
وغيره وغيره وغيره من الشركات اللي ممكن الواحد يحقق فيها أي طموح ..بيقتلوك وإنت جوه بلدك ..لمجرد إنك مصري ..آه ..بلاش أقول مصري ..لمجرد إنك مريض ومصري

فيه في أمريكا مواطنين مصابين بالمرض ده ..لكن عمري ما شفت شركات أمريكيه بتمنع تعيينهم بسبب إنهم مرضى ..وفي السعوديه ناس مصابين بالمرض ده ..لكن عمري ما شفت شركة سعوديه بتمنع نعيينهم لمجرد إصابتهم بالمرض ده ..لكن هنا ..بتحصل ياباشا ..بتحصل ..

لما شركات بتعمل في مصر ..وعلى أرض بلدك ..ووفق قوانين بلدك ..ترفض تعيينك عشان حضرتك مصاب بمرض إنت ملكش ذنب فيه ..لأ وإيه ..المفروض إن إنت آمن وعلى الأقل مش معدي ..وده من خلال تحليل ال pcr مثلا ..يبقى طبيعي جدا إن بلاد تانيه ترفض أصلا تشوف وشك ولا تعرفك ...وتصنفك إنك مريض ..


خلي بالك ..أنا لما بقول إن مصر فيها أكبر نسبة إصابة بالمرض ده يعني معنى كده إن إحتمال ناس كتير تكون مصابه بيه أكتر من أي دولة تانيه ..مش عارف بقى أقول يا حظه اللي مش مصري ..عشان أكيد إحتمالية إصابته كانت هتبقى أقل من كونه مصري ؟؟؟

اللي قلته ده بقى تسميه إحباط ..تسميه زي ما إنت عايز ..إلا إن الناس اللي أنا قايل عليها دي زي المهندس ده مثلا ..عمل اللي عليه ..وإشتغل في شركة حكومه ب 2000 جنيه في الشهر ..في وقت زمايله شغالين في دولة زي الإمارات بخمس تلاف درهم ..

هو نصيبه كده ..مصري بقى ..يعمل إيه ...ما هو لو كان سعودي ولا أمريكي ولا أي جنسيه تانيه ..مكانش حصل معاه كده وكان إشتغل عادي في بلده ..


قبل ما انسى ..المصابين بالمرض ده لازم يعيشوا في حالة تربص ..وده من خلال إنهم لازم يعملوا تحليل PCR كل فتره عشان لو الفيروس نشط ..يدخلوا تاني دايرة العذاب ويضطروا ياخدوا العلاج تاني لغاية ما يوصل لمرحلة الخمول ..يعني الفيروس بمجرد ما خمل ..ده مش معناه إن هو كده خلاص ..لأ ..بتظل الحرب قائمة ما بين المريض وما بين المرض حتى وإن كانت حرب بارده

[hany121]

مع احترامي لوجهه نظر حضرتك بس البلد دي احسن من غيرها للجيش و الشرطه و القضاء و الرقاصات و العاهرات و الممثلين و رجال الاعمال و موظفين شركات البترول و موظفين البنوك و الحراميه و البرشامجيه و الشمامين و السرسجيه و تجار السلاح و تجار المخدرات و المهربين

الفئات دي هي اللي عايشه حياتها في البلد غير كده الباقي بيكح تراب

المتفوقين المطلوبين في دول العالم الاول قليلين اوي بسبب فشل المنظومه التعليميه في مصر

لما قلت ان البلد ده احسن من غيرها مكنتش اقصد للناس المستريححين اللي حضرتك صنفتهم من وجهة نظرك انما اقصد انها احسن من غيرها كمان للناس التعبانين اللي دخلهم في الغربه ما بيسمحلهمش باستقدام عائلاتهم لانه زي ما شرحت قبل كده ان الناس التعبانه ده لو سافرت هتتعب اكتر اولا غربه وحط تحت غربه ده 100 خط لانها مش بس بتأثر عليه انما بتأثر علي زوجته تربية اولاده والجفاء اللي بيحصل بينهم وتعودهم علي عدم وجوده واللي بيخليهم بعد فتره مش طايقينه لما بينزل اجازه وبيتمنوا انه يمشي بسرعه + الاستعباد اللي بيحصل في بعض الدول للنوعيه ده من الناس ...

فيه فئات تانيه كتير غير اللي حضرتك ذكرتهم عايشين مستريحين لكن انا هتكلم عن بعض اللي انت ذكرتهم زي موظفين البترول والبنوك ايه الصعوبه في ان شخص يخطط لنفسه انه يشتغل في وظيفه من دول.. كتير من الناس اللي شغاله في الوظايف ده تعبت علشان توصلها طالب الثانويه العامه اللي اختار علمي رياضه علشان عنده هدف انه يدخل هندسه واجتهد في الثانوي وتعب ومالعبش زي غيره وجاب مجموع دخل بيه هندسة تعدين واجتهد في الكليه وجاب تقدير محترم ده شخص حط قدامه هدف واجتهد ووصله يبقي ما ينفعش طالب تاني فاشل كان مقديها لعب وسهر ومجموعه بالعافيه دخله كليه ملهاش مستقبل ونجح فيها بالعافيه يبصله ويقول "جتنا نيله في حظنا الهباب" ونفس الحال لموظفين البنوك انا ليا اتنين قرايبي واحد جاب مجموع يدخله تجاره انجليزي واتخرج بتقدير جيد مرتفع والتاني لعب وجاب مجموع دخله تجاره عربي واتخرج بتقدير مقبول الاول اتعين في بنك استثماري بدون واسطه وحتي بدون ما يقدم علي وظيفه لانهم جابوا بياناته من الجامعه هو وزمايله المتفوقين وبعتلهم والتاني مش لاقي شغل وبيندب عل حظه...

انا ايام الدراسه كنت بقعد علي قهوه في الحي بتاعي وهو حي شعبي والكلام ده في التسعينات وكنت بشوف ولد من سني بيلف علي تجار المنطقه اللي بيتاجروا في الملابس وطرح المحجبات شايل شنطه وبيوزع عليهم طرح بيروح يشتريها بالجمله ويبيعهالهم وياخد مكسبه وهم يبيعوها بالتجزئه ولان الناس ده ليهم فرش ومحلات حوالين القهوه فكنت بسمع احاديثهم ومحاولات التجار انهم يتشطروا عليه ويكلموه بتناكه وهم حاطين رجل علي رجل والشيشه في بقهم طبعا مهم معلمين بقي ومع الوقت الولد ده جاب في بيته مكنتين وبقي يشتري قماش الطرحه بالجمله ويقصه ويسرفله علشان يزود مكسبه وبعد شويه المكنتين بقوا مصنع صغير ومازال بيلف بنفسه يوزع البضاعه وانا اتخرجت وربنا انعم عليا واشتغلت في شركه قطاع خاص خارج القاهره والحمد لله وصلت لمركز كويس ومره من المرات كنت في اجازه ولقيت صاحبنا ده راكب bmw اخر موديل وبيسلم علي واحد من المعلمين دول وهو معدي والمعلم راح واقف وقاله فلان باشا اتفضل ولما سالت عرفت انه ما شاء الله اصبح صاحب محلات في اماكن المحلات فيها بالملايين وساكن في فيلا وبيركب احدث موديل من الماركه اللي ذكرتها ووسع نشاطه وبقي بيستورد من الصين وكل ده لانه كان عنده هدف وما اتكسفش يبدأ البدايه البسيطه ده يعني كلمة السر "هدف واجتهاد" وبقي رجل اعمال تقدر تقولي ايه اللي يمنع كتير انهم يعملوا كده ويعيشوا مرتاحين غير الانتخه والمنظره الكدابه والميري اللي عايزين يتمرغوا في ترابه(وظيفة الحكومه)...

اما بخصوص منظومة التعليم فمفيش خلاف علي فشلها وعوامل الفشل كتير جدا لكن اهمها البيت والمعلم والبيت قبل المعلم لاننا للاسف بنسيء التربيه (الا من رحم ربي) والمعلم بقي جزار هزؤ ( الا من رحم ربي )

[hany121]

احييك على الرد المقنع الوافى

اشكر حضرتك علي المتابعه والتفاعل

[volociximab]

الانترفيون المصرى هو الموديل القديم للانترفيرون
المستورد اسمه بيج انترفيرون و نتائجه افضل و هو اغلى
السعودية تمنع استقدام المصابين بالفيروس
الشفاء من الفيروس يتم تقريره عندما يحلل المريض بعد انتهاء الكورس ب6 اشهر و تكون النتائج سلبية
الادوية الجديدة غالية و ستأخذ مكان الانترفيرون قريبا ان شاء الله
مصر هى الاولى على العالم فى فيروس سي و يعتبر فيروس سي كارثة قومية على مصر

[volociximab]

فيروس سي من كبر حجم الكارثة فيه ناس بتقول اننا لسه معرفناش كل اسباب الانتقال و ناس تقول هذه مؤامرة من اسرائيل
مصر بلد محطمة صحيا - مكافحة العدوى فيها بالسالب و لذلك اكبر وفيات لانفلونزا الطيور فيها و بالتالى انتشار الامراض من المستشفيات و العيادات و الشعب الغير واعى و محلات الحلاقة وارد و ممكن جدا
بجانب انه شعب مدخن بشراهه لذلك نسبة امراض القلب عالية و جلطات القلب القاتلة عالية و الفشل التنفسي عالية
فى مقدمة الدول فى امراض القلب و الكبد و السرطان و الفشل التنفسي و الفشل الكلوى و السكر
مريض بائس و فقير لا يملك ثمن العلاج
و فساد فى المنظومة الصحية المتهالكة اساسا
انا كنت كل يوم الصبح اقعد فى الاستقبال مستنى حالة الجلطة بتاعت كل يوم---مريض مدخن داخل الاستقبال بيصرخ باعلى صوته و فى ثوانى بيروح

[volociximab]

20 اجابة السؤال معروفة منذ اكثر من 1500سنة
بواسطة: Mmmا بتاريخ: الثلاثاء، 28 يوليو 2015 12:54 م
عندما نزل القراّن الكريم على رسولنا محمد صلى الله عليه وسلم تضمن اّيات قرأّنية توضح ان جنود مصر هم خير اجناد الارض

فيه ناس كتير محتاجه تتعالج

[eslamrace]

يعني اللي بيبرر لرئيس الشركة إنه واكل حق الناس ..ده تقوله إيه طيب ..والله العظيم متنيل على عينه وأقل من ناس تانيه كتير بتطالب بحقوقها ..لكن تلاقيه هو اللي طالع يبرر ..وكل ده عشان لما يكون رئيس الشركة طالع مكتبه يقف كده ويقوم باصصله ويقوم مديله حته إبتسامه كده ..أو لما يكون رئيس الشركة طالع مكتبه يجري يسلم عليه ويقف يتكلم معاه شويه ..

هل دي مبررات كافيه إني أبيع ناسي وصحابي اللي أنا منهم وتعبان تعبهم ..؟؟؟!!!!!

قيس الكلام اللي أنا قايله فوق ده على مستويات أعلى ورد عليا ..اللي بيبرر لرئيس الشركة سرقته لعرق الغلابه ..ده تسميه إيه ؟؟؟

عادى جدا يا ابو مازن هو بيعمل كده علشان يحسس نفسه بالامان من ناحيه ان المدير لو لقاه غلط ممكن يعديله "بالرغم ان ده غالبا فى الحقيقه مبيحصلش وييتعامل زى باقي الخلق" من باب انه فى صفه دايما
او بيحسس نفسه انه كده ذا قيمه "عقده نقص وده عيب فى تكوين شخصيته" على اساس كون المدير"شخصيه ذات شأن بالنسباله ومعووجه على خلق الله" يتكرم ويبتسمله او ييجى فى المناسبات يرد عليه جمله كل سنه وانت طيب ده بالنسباله بيحسسه بنشوه انه مميز عن غيره "حتى لو بالنسبالك دى حاجه سيئه انما بالنسبه لبعض الشخصيات الحاجات دى بتبسطهم خاصه لو المدير مش متواضع ومبيقدرش حد
او انه مثلا المدير فى بعض المناسبات بيديله اى مقابل مادى او عينى زى كياس رمضان او لحمه او عيديه والحاجات دى ممكن بالنسبالك تحسها مش مبرر انه يعظم للمدير او انه يتصدرله ولكن الحاجات دى ممكن تكون فارقه معاه وخايف يخسرها وده بيحصل مش بس مع المدير انما مع المعلمين الكبار فى كل المجالات والمناطق اللى بيعملوا شعبيه بالطريقه دى علشان يعملوا حاشيه تتصدرلهم فى غيبتهم
وهكذا ممكن اعددلك اسباب ودوافع ممكن تخللى حد يسلك السلوك ده اللى انت شايفه مش منطقى وتخليك تحس انه ممكن بالنسبالهم منطقى جدا

قيس على اللى فوق ده المستويات الاعلى فى التبرير سواء التبرير المجتمعى لسلوكيات المجتمع او التبرير للحاكم وخللى بالك ان فى الحالات دى غالبا حتلاقى الرغبه فى الاحساس بالامان والاستقرار هو السبب الرئيسي فى الاستماته فى التبرير للمجتمع او للحاكم
ولو تحب اقولك دوافع كامثله شوف عايز كام مثال وانا اقولك ههههههههههههههه

فى النهايه زى مقولت فى المشاركه الاولى مفيش حاجه ابيض او اسود الموضوع محتاج نظره منطقيه تشوف الايجابيات وبرضه توضح السلبيات بشكل نقدى بناء يساعد فى حلها مش اكتر من كده
تحياتى .

[Abo_Mazen]

الانترفيون المصرى هو الموديل القديم للانترفيرون
المستورد اسمه بيج انترفيرون و نتائجه افضل و هو اغلى
السعودية تمنع استقدام المصابين بالفيروس
الشفاء من الفيروس يتم تقريره عندما يحلل المريض بعد انتهاء الكورس ب6 اشهر و تكون النتائج سلبية
الادوية الجديدة غالية و ستأخذ مكان الانترفيرون قريبا ان شاء الله
مصر هى الاولى على العالم فى فيروس سي و يعتبر فيروس سي كارثة قومية على مصر

مستحيل نتائج تحليل ال services antigen تيجي سلبيه بالنسبه لمريض فيروس سي ..وللأسف هو ده نوع التحليل المعمول بيه للسفر حتى لو هتسافر لبلاد الواق واق زي ما قلت قبل كده..الكورس بيكون لمدة ستة شهور وبعد كده يتم عمل تحليل PCR للتأكد إن التحليل سلبي ..

على فكره سلبية تحليل ال PCR مش معناها إن الفيروس إختفى من الدم ..لكن معناه إنه هو دون مستوى الكشف للجهاز ..حتى عندنا في مصر بيقولك عندنا أحدث أجهزة ال PCR وال detective level بتاعها عالى جدا ..يعني يقصد إن الجهاز بيكشف أدنى المستويات من الفيروس في الدم ..على فكره ..مفيش جهاز PCR ال detective level بتاعه صفر ..

لكن تحليل services antigen عادي جدا من أبو تلاتين جنيه ده ..هيكشف إنك مصاب بيه ..

وتتحطم بقى أحلام الخروج من البلد دي ..وتتحطم معاها أحلام العمل في شركه تقدر تحقق فيها أحلامك حتى داخل مصر

على فكره الإنترفيرون المصري واللي حضرتك بتقول عليه نسخه قديمه للإنترفيرون المستورد ما زال مستخدم حتى الآن في التأمين الصحي ..ويا عالم هيرحموا الناس منه إمتى بقى ويتم إستخدام السولفادي بديل عنه

[khsalama]

اولا هي surface antigen وليس service antigen
ال PCR هو الادق لتشخيص الاصابة وليس surface antigen.
ووجود surface antigen بالدم ليس معناة الاصابة بالمرض بل احتمال الإصابة . لان التعرض للفيروس وانتصار الجسم عليه دون اي اثر على الكبد تظل surface antigen بالدم . مثل التطعيم ضد فيروس ب تظل surface antigen بالدم بالرغم من عدم الإصابة في الاصل بالفيروس.

[Abo_Mazen]

اولا هي surface antigen وليس service antigen
ال PCR هو الادق لتشخيص الاصابة وليس surface antigen.
ووجود surface antigen بالدم ليس معناة الاصابة بالمرض بل احتمال الإصابة . لان التعرض للفيروس وانتصار الجسم عليه دون اي اثر على الكبد تظل surface antigen بالدم . مثل التطعيم ضد فيروس ب تظل surface antigen بالدم بالرغم من عدم الإصابة في الاصل بالفيروس.

يا باشا التطعيم ضد فيروس بي بيظهر عندك في الدم anti body ..لو التطعيم ضد فيروس بي بيظهر في الدم surface antigen هتبقى مصيبة سوده ..ومكانش حد هيتطعم أصلا ضد الفيروس ده

ظهور surface antigen في الدم معناها إنك مصاب ..وبتختلف بقى في حالة كونه فيروس بي يبقى بيستدل عليه من خلال تحليل DNA PCR ..وفي حالة فيروس سي بيستدل عليه من خلال تحليل RNA PCR ..كون بقى إن في حالة فيروس بي ال DNA بتاعه مش موجود مش معناه الشفاء التام ..ده معناه إنه في حاله خربه ..يعني غير مكتمل ..لكن لا يمنع أبدا إنه ممكن ينشط ويعيد إستكمال دورته كاملة في الدم ...وده كلام دكتور إستشاري كبير عندنا في إسكندرية ..معلش كلام إتنين دكاتره إستشاريين كبار عندنا في إسكندرية ..في حالة فيروس سي ..ما بنقدرش نستدل عليه بال DNA لكن بنستدل عليه بال RNA.. ونفس الكلام برضه على فيروس بي ينطبق على فيروس سي ..وفي جميع الحالات ..هي مش مشكلة الفيروس نشط ولا لأ ..هي المشكلة إنك برضه مصري ..وإنك أصبت بالمرض ده ..أو اصبت والجسم قدر يتغلب عليه ويخليه خامل ..وفي النهاية ..تحليل الدم الرخيص أبو تلاتين جنيه زي ما قلت ..هيكشف الحكاية دي ..وبرضه ..تدور على شركة تقبل تشغلك بدون كشف طبي ..أو تشوفلك حاجه تعملها

[volociximab]

مستحيل نتائج تحليل ال services antigen تيجي سلبيه بالنسبه لمريض فيروس سي ..وللأسف هو ده نوع التحليل المعمول بيه للسفر حتى لو هتسافر لبلاد الواق واق زي ما قلت قبل كده..الكورس بيكون لمدة ستة شهور وبعد كده يتم عمل تحليل PCR للتأكد إن التحليل سلبي ..

على فكره سلبية تحليل ال PCR مش معناها إن الفيروس إختفى من الدم ..لكن معناه إنه هو دون مستوى الكشف للجهاز ..حتى عندنا في مصر بيقولك عندنا أحدث أجهزة ال PCR وال detective level بتاعها عالى جدا ..يعني يقصد إن الجهاز بيكشف أدنى المستويات من الفيروس في الدم ..على فكره ..مفيش جهاز PCR ال detective level بتاعه صفر ..

لكن تحليل services antigen عادي جدا من أبو تلاتين جنيه ده ..هيكشف إنك مصاب بيه ..

وتتحطم بقى أحلام الخروج من البلد دي ..وتتحطم معاها أحلام العمل في شركه تقدر تحقق فيها أحلامك حتى داخل مصر

على فكره الإنترفيرون المصري واللي حضرتك بتقول عليه نسخه قديمه للإنترفيرون المستورد ما زال مستخدم حتى الآن في التأمين الصحي ..ويا عالم هيرحموا الناس منه إمتى بقى ويتم إستخدام السولفادي بديل عنه

الsurface antigen خاص بفيروس بي و ليس سى
فيروس سي بنعمل له الاجسام المضادة HCV ab و لأن من يصاب بالفيروس فانه فى الغالب يتحول الى الصورة المزمنة للاصابة فان هذا التحليل يعتبر مبدئيا اشارة للاصابة بالفيروس-لكن لكى تمسك ال RNA الخاص بالفيروس بتعمل PCR--و بعد الشفاء الاجسام المضادة تبقى فى الدم مثل اى اجدسام مضادة لفيروسات اصبنا بها من قبل
يذكر ان عبد العاطى كفته العالم العلامة ذكر فى صحيفة المصرى اليوم ان الجهاز بتاعه بيدخل على الشريط الاول لRNA بتاع فيروس سي فبيكسره بعد كده يدخل على الشريط الثانى يكسره --مع ان فيروس سي مفيهوش غير شريط واحد--لكن العالم العلامة مكانش يعرف تركيب الفيروس الى اخترعله علاج

- لدىّ تعليمات ألا أسهب فى تفاصيل النظرية، فيروس «سى» تكوينه مثل الإيدز كلاهما RNA، لكن بينهما اختلاف فى التشكيل، فيروس سى «حبل مزدوج» والإيدز بفضل الله أسهل فى علاجه لأنه «حبل فردى»، وتوصلنا إلى تردد موجات كهرومغناطيسية وإشعاع معين من تخبط معدنين آمنين تستخدمهما فى حياتك العامة (دون الإفصاح عن اسمهما) مع شعاع آخر هو (الأشعة الفوق البنفسجية) الناتجة عن الطاقة الشمسية، وبمعادلة بسيطة يحدث تخبط إشعاعى ناتج من ذرات معينة فى محاولة تداخل فى سبيكة وعندما تتداخل يحدث اندماج ما بين إلكترونات المعدنين بذاتهما.

و الاجسام المضادة تبقى مدى الحياة حتى بعد زوال المرض مثل الاجسام المضادة للحصبة فى دمنا منذ التطعيم فى الطفوله

[volociximab]

يا باشا التطعيم ضد فيروس بي بيظهر عندك في الدم anti body ..لو التطعيم ضد فيروس بي بيظهر في الدم surface antigen هتبقى مصيبة سوده ..ومكانش حد هيتطعم أصلا ضد الفيروس ده

ظهور surface antigen في الدم معناها إنك مصاب ..وبتختلف بقى في حالة كونه فيروس بي يبقى بيستدل عليه من خلال تحليل DNA PCR ..وفي حالة فيروس سي بيستدل عليه من خلال تحليل RNA PCR ..كون بقى إن في حالة فيروس بي ال DNA بتاعه مش موجود مش معناه الشفاء التام ..ده معناه إنه في حاله خربه ..يعني غير مكتمل ..لكن لا يمنع أبدا إنه ممكن ينشط ويعيد إستكمال دورته كاملة في الدم ...وده كلام دكتور إستشاري كبير عندنا في إسكندرية ..معلش كلام إتنين دكاتره إستشاريين كبار عندنا في إسكندرية ..في حالة فيروس سي ..ما بنقدرش نستدل عليه بال DNA لكن بنستدل عليه بال RNA.. ونفس الكلام برضه على فيروس بي ينطبق على فيروس سي ..وفي جميع الحالات ..هي مش مشكلة الفيروس نشط ولا لأ ..هي المشكلة إنك برضه مصري ..وإنك أصبت بالمرض ده ..أو اصبت والجسم قدر يتغلب عليه ويخليه خامل ..وفي النهاية ..تحليل الدم الرخيص أبو تلاتين جنيه زي ما قلت ..هيكشف الحكاية دي ..وبرضه ..تدور على شركة تقبل تشغلك بدون كشف طبي ..أو تشوفلك حاجه تعملها

فيروس بي افذر من فيروس سي و اصعب فى العلاج و اسهل فى الانتشار و اسهل فى الوقاية بالتطعيم

مفيش سيرفيس antigen لفيروس سي
بعد التطعيم من فيروس بى يكون فى الدم سيرفيس انتي بودى و ليس سيرفيس انتجين HBsAg
HBsAg اذا وجد بالدم فهذا معناه الاصابة بفيروس بي