الاستعدادت النهائيه للسفر الي السودان

[hilal]

المطر هناك في الخريف فعلا ...... بس هناك الحر جاف مش هتعرق كتير زي مصر

اسمح لي استاذ احمد
الحر هو الحر
ولكن الحر الجاف بالسودان يجعل احساسك بدرجة الحرارة 48 وكانها 38 بالقاهرة مع الرطوبة

[أحمد كمال]

اسمح لي استاذ احمد
الحر هو الحر
ولكن الحر الجاف بالسودان يجعل احساسك بدرجة الحرارة 48 وكانها 38 بالقاهرة مع الرطوبة

انا عشت هناك و قضيت الصيف ..... و كانت الحرارة 50 و ما كنتش باعرق و لا بافرهد و انا ماشي في الشارع

[hilal]

انا عشت هناك و قضيت الصيف ..... و كانت الحرارة 50 و ما كنتش باعرق و لا بافرهد و انا ماشي في الشارع

انا ايضا عشت هناك عدة سنوات ولي فيها ذكريات جميلة
واعتقد موضوع العرق يختلف من شخص لآخر

[wawamoha]

1- بري؟ انت بتهزر صح ؟

و تعملها قبل السفر بعشر ايام ...... خد تطعيم الحمى الصفراء (لو ماخدتوش و سافرت من السودان اي بلد تاني هتتحجر صحيا) + الكوليرا


المالاريا تشتري فيبرامايسين و تاخد حباية كل يوم (و اوعى تاخدها في خلال ساعة قبل او بعد اي منتجات البان) ...... تبتدي قبل السفر باسبوع و ما تبطلش الا بعد ما ترجع بشهر

زي ماقلتلك - تطعيم الملاريا نا اخدته من المطار مجاني - و قرص كل اسبوع مش كل يوم و ادالي حساب قرص قبل السفر و مده السف ر + قرصين بعد ما جيت

[msobhy]

ياااااااااااااه يا عبد الصمد
أولا التجاره فى السودان وانت نازل مربحه جدا بسبب الجهل والفقر والكسل الهيستيرى اللى الناس عايشه فيه
الشعب السودانى شعب طيب جدا ومسالم جدا وبصراحه انا حبيتهم
زيارتى كانت لبلد بعيد جدا عن الخرطوم اسمها أم روابه
السفر عن طريق مصر للطيران غالى - فيه شركة طيران قذره سودانيه مش فاكر اسمها ايه وكانت تكلفتها نص مصر للطيران ذهاب وعوده
بخصوص السودان انت بمجرد خروجك من الخرطوم هاتشوف غرائب وعجائب بوعدك ..... كلها جديده
بالمناسبه انا روحت 3 أيام هناك والحمد لله كان فى شهر 11 - كنت رايح بأكلى وشربى
الحاجه الوحيده اللى اكلتها من هناك بصل اخضر طعمه راااائع وبيض مسلوق (البيضه تفتحها البياض لونه ابيض والصفار برضو ابيض)
متشربش المياه الغازيه اللى هناك نهائى - هاتلاقى حاجات غريبه والاحمر والاخضر والاصفر - اهل البلد نفسهم حذرونى منها
السياره المقدسه عندهم هيه هيونداى اتوس واغلبهم ميعرفش حاجه اسمها هيونداى لكن عارفين الاتوس فقط

بجد 3 أيام كانوا زى الفل

[أحمد كمال]

انا ايضا عشت هناك عدة سنوات ولي فيها ذكريات جميلة
واعتقد موضوع العرق يختلف من شخص لآخر

انا في مصر او اي بلد خليجي باعرق و بابقى شوربة ...... في السودان كنت متكيف تماما مع الجو

[مواطن مصرى]

1- اسافر بري و لا طيران؟ انا عملت بحث عن التكلفه و لقيت ان البري هيكلف في حدود 1000 جنيه مصري و الطيران 1500 جنيه مصري اللي هي تمن تذكره الطياره (ذهاب فقط)


2- عايز اطلع اذن السفر + اخد التطعيمات من هيئه المصل و اللقاح + اروح السفاره السودانيه + اروح اتغدي في مطعم شرق السودان ... حد يعرف ازاي انجز المشاوير دي كلها في يوم واحد؟ اروح فين الاول ؟

3- ايه الورق المطلوب لاذن السفر؟ و مدته قد ايه ؟ و كام التكلفه؟ وهل محتاج كشف عائله ؟ مع العلم اني 28 سنه و والدي 57 سنه ... وحيد و معايا شهاده الاعفاء المؤقته

4- تكلفه التطعيمات كام ؟ اخد دواء ايه للملاريا ؟ و تكلفته كام ؟

5- حد عايش في السودان دلوقتي ؟ اعيش في الخرطوم و لا بورسودان ؟

6- اشتري مسلتزمات ايه قبل ما اسافر ؟

7- حد يعرف تاجر فلاشات جمله ؟ و ايه اقل كميه اخدها منه ؟ و بكام ؟

في انتظار اجاباتكم و نصايحكم ... بالتوفيق للجميع ان شاء الله

عن تجربه سفر شغل للسودان لمده 4 شهور خذ الخلاصه دى

1- اكيد هاتسافر طيران .. القاهرة - الخرطوم التذكرة فى مصر للطيران كانت فى حدود 1700 جنيه دلوقتى معديه 2000 اكيد .. اوعى تسافر على طيران السودان مع انه ارخص بس زفت .. السفر البرى معناه انك هاتركب القطر لغايه اسوان (12 ساعه) ثم من اسوان الى وادى حلفا (4 ساعات) ثم تعدى الحدود(ساعه) ثم تركب من حلفا الى الخرطوم (7 ساعات) يعنى معاك يومين و نصف لو قدرت تستحمل ..

2- لو الباسبور بتاعك مختوم عليه او مكتوب عليه (لا يسمح له بالسفر الا بتصريح) فلازم تطلع تصريح سفر من اداره التجنيد فى المحافظه التابع ليها .. لو الباسبور بتاعك مختوم او مكتوب عليه (غير مطلوب للتجنيد) تسافر عادى بدون ما تحتاج تصريح سفر

فى حاله لو احتجت تصريح سفر لو عنوانك تبع القاهره عندك منطقة تجنيد الحلمية ش جسر السويس و عندك منطقه تجنيد الهايكستب .. لو تبع الجيزة عندك منطقه التجنيد اللى بعد ميدان الرماية .. تصريح السفر الورق المطلوب ليه اصل شهاده الجيش و البطاقة بس و بيطع احياناً و انت واقف و احياناً يقولك تعالى بكره او بعده حسب الزحمة ..

3- التطعيمات المطلوبة هى تطعيم الحمى الصفراء + تطعيم الكوليرا بتاخدهم من مكتب تطعيمات وزاره الصحه فى وسط البلد فى المنيرة من ناحيه ش القصر العينى فى الشارع اللى فيه مبنى الضرائب .. لازم تاخد شهاده مختومة بالتطعيم .. التكلفة فى حدود 250 الى 300 جنيه

4- فيه اقراص للملاريا موجوده فى مكتب تطعيمات وزارة الصحه برضو بيتاخدها

5- مفيش تأشيره بين مصر و السودان و مش محتاج تروح السفارة أصلاً .. بتاخد التأشيره و انت داخل المطار .. فى السودان المصرى بيتعامل حكومياً و قانونياً زى السودانى بالظبط

6- اهم 3 حاجات تاخدهم معاك و انت مسافر السودان
- ملابس داخليه قطن و تى شيرتات قطن
- ادوية برد و ارتفاع حراره لان دلوقتى فى شهرى يوليو و اغسطس ده موسم المطر فاهتلاقى الدنيا حر جداً و مطره فى نفس الوقت و احنا كمصريين مش متعودين على الجو ده
- ادوية علاج المعدة لان الاكل السودانى دسم و مشطشط و طعمه غريب فى نفس الوقت

7- تجار الفلاشات و مستلزمات الكمبيوتر و الموبايلات بالجملة موجودين فى ش عبدالعزيز فى العتبة و فى باب اللوق .. للأسف معرفش حد فيهم ..

بالتوفيق ان شاء الله

[hesham fawzy h]

ملقتش غير السودان :)

[Bassem Youssef]

لا تنسى ان تاخذ ملابس قطنية كثيرة
خاصة الملابس الداخلية نظرا لطبيعة المناخ الاستوائي
شهر اغسطس هو شهر الامطار

ملحوظة أخيرة:
فكر جيدا قبل السفر اين ستقيم وماذا سوف تعمل لان تكاليف الحياة عالية
السودان بلد جميل للسياحة ولكن بالنسبة للعمل لا اعتقد

في كذا مشروع في دماغي عشا ن كده ان شاء الله هروح استكشف السوق شكله ايه هناك

و برضه ان شاء الله قبل ما اسافر هعمل زياره للسفاره و مطعم سوداني في الدقي

ربنا يساهل

[volociximab]

انقل لنا تجربتك

[أحمد كمال]

ما تضيعش وقتك في السفارة عشان مش هتوصل لحاجة

[hilal]

بالمناسبة المطعم السوداني ليس من المطاعم المميزة
ومن اكلاتهم المفضلة ، الويكا ، وهي عبارة عن بامية ناشفة يتم طحنها وطبخها
والخضروات بجميع انواعها بالاضافة للموز والمانجو هي اجمل خضروات يمكنك تذوقها
لانهم لا يستخدمون الاسمدة والمبيدات والكيماويات في الزراعة

ومن الطرائف التي سمعتها في السودان
ان الخطوط الجوية السودانية هي الوحيدة في العالم التي لم تتعرض لاي حادث ارهابي لسبب بسيط
وهو انه لم يحدث في التاريخ ان قامت اي طائرة سودانية بالاقلاع في الموعد المحدد لها
واقل مدة تاخير تصل الى اربع ساعات

مقابل ذلك تجد المناظر الخلابة للنيل ، وخاصة منطقة تسمى "المقرن"
وهي منطقة يتلاقى عندها النيل الابيض مع النيل الازرق

[أحمد كمال]

بالمناسبة المطعم السوداني ليس من المطاعم المميزة
ومن اكلاتهم المفضلة ، الويكا ، وهي عبارة عن بامية ناشفة يتم طحنها وطبخها
والخضروات بجميع انواعها بالاضافة للموز والمانجو هي اجمل خضروات يمكنك تذوقها
لانهم لا يستخدمون الاسمدة والمبيدات والكيماويات في الزراعة


مقابل ذلك تجد المناظر الخلابة للنيل ، وخاصة منطقة تسمى "المقرن"
وهي منطقة يتلاقى عندها النيل الابيض مع النيل الازرق

فعلا احلى خضار و فاكهة ...... و احلى لحمة ضاني و بتلو و فراخ اكلتها هناك .......


شغلي كان جنب المقرن و كنت باطلع على سطح المبنى ...... منظر خلاب ......


فكرتني باللذي مضى ......

[ahmed_eng2001]

بالمناسبة المطعم السوداني ليس من المطاعم المميزة
ومن اكلاتهم المفضلة ، الويكا ، وهي عبارة عن بامية ناشفة يتم طحنها وطبخها

لا يا دكتور متقولش ..... الويكا اكلة صعيدية اصلية ... و يتم عملها من البامية الشايخة ( الكبيرة ) و بتتسلق على النار ... و لازم من ضربها بحاجة اسمها ... مفراك .. بضم الميم .. و كان عندنا من فترة ... لما اسأل الحاجة لسة موجود عندها و لا لآ

[hilal]

لا يا دكتور متقولش ..... الويكا اكلة صعيدية اصلية ... و يتم عملها من البامية الشايخة ( الكبيرة ) و بتتسلق على النار ... و لازم من ضربها بحاجة اسمها ... مفراك .. بضم الميم .. و كان عندنا من فترة ... لما اسأل الحاجة لسة موجود عندها و لا لآ

اخي الباشمهندس احمد
لا تنسى ان مصر والسودان شعب واحد في الاساس
وكثير من اهل الصعيد هاجر واستقر في السودان أيام الاحتلال ، ومعهم عاداتهم وتقاليدهم وأكلاتهم
وظهر حاليا الجيل الثاني والجيل الثالث من السودانيين من أصل مصري لديهم نفس العادات والتقالبد
هل تصدق انني لم اشاهد مثلا الملوخية الا في مصر والسودان

ولقد ذهبت الى عدة دول عربية وكنت اشعر انني غريب الا في السودان
تشعر انك وسط اهلك بالفعل ، وهو شعب كريم جدا يرحب بالضيف بأقصى ما يستطيع

ولقد شاهدت بنفسي ان جميع المنشآت المائية على النيل مثل القناطر عندنا مازال مكتوبا عليها:
" أنشأها الملك فؤاد ملك مصر والسودان"
تقبل تحياتي