الاستعدادت النهائيه للسفر الي السودان

[أحمد كمال]

زين شركة كويتية ....... تاريخها في السودان ان كان فيه شركة حكومية (سوداتل) ..... انقسمت لشركتين (سوداتل و موبيتل) ..... و بعدها موبيتل اتباعت لزين جروب (كان اسمها ام تي سي وقتها) و بقت إم تي سي السودان و بعدها تغير الاسم لزين السودان

إم تي إن هي شركة عالمية و لها فروع في دول عديدة

سوداني هي شركة حكومية للموبايل (بعد ما الحكومة باعت موبيتل رجعت و فتحت شركة تانية اسمها سوداني !)

[ahmed_eng2001]

للأسف مفيش أي مترو في السودان ، لا فوق الارض ولا تحت الارض
بس هل هتقدر تستحمل الحرارة العالية (أو السخانة بلهجة أهل السودان) ، احنا هنا في القاهرة وقربنا نسيح
ما بالك بخط الاستواء ، ممكن تشوي السمك تحت حرارة الشمس

أما عن المحمول ، معنديش فكرة لأني تركت السودان قبل اختراع المحمول ، وممكن حد من الزملاء حديثى العهد بالحياة هناك يدلوك

عزيزى الدكتور هلال ....

نقطة صغيرة خالص لحضرتك .... انا اشتغلت فى غينيا الاستوائية .... و فى نيجيريا ... و غانا

درجات الحرارة قريبة جدا من بعضها طول العام تقريبا ... و لا تصل الى 40 درجة .... و لكن الرطوبة عالية و امطار كثيرة مقارنة ببلد زى بلدنا
تقبل مرورى و تحياتى

[hilal]

عزيزى الدكتور هلال ....

نقطة صغيرة خالص لحضرتك .... انا اشتغلت فى غينيا الاستوائية .... و فى نيجيريا ... و غانا

درجات الحرارة قريبة جدا من بعضها طول العام تقريبا ... و لا تصل الى 40 درجة .... و لكن الرطوبة عالية و امطار كثيرة مقارنة ببلد زى بلدنا
تقبل مرورى و تحياتى

أخي الباشمهندس أحمد المحترم
الجو في السودان مختلف تماما
أحيانا تشعر بالفصول الأربعة في يوم واحد
في الصباح ، الجو متوسط ، عند الظهر نار ، ثم ينقلب إلى خريف وزعابيب ترابية
ثم تمطر السماء (خاصة في شهر يوليو وأغسطس) بعد المطر تشعر وكأنك في فصل الربيع
ولكني لم أقابل شعب يحب المصريين مثل شعب السودان
علما بأنني عشت هناك حوالي 8 سنوات ولي فيها ذكريات جميلة

[ahmed_eng2001]

أخي الباشمهندس أحمد المحترم
الجو في السودان مختلف تماما
أحيانا تشعر بالفصول الأربعة في يوم واحد
في الصباح ، الجو متوسط ، عند الظهر نار ، ثم ينقلب إلى خريف وزعابيب ترابية
ثم تمطر السماء (خاصة في شهر يوليو وأغسطس) بعد المطر تشعر وكأنك في فصل الربيع
ولكني لم أقابل شعب يحب المصريين مثل شعب السودان
علما بأنني عشت هناك حوالي 8 سنوات ولي فيها ذكريات جميلة

و انا اؤكد كلام حضرتك .... بالفعل ... المناخ الاستوائى مختلف عن المناخ فى السودان .... و لى تجارب قليلة عن حسن تعامل و حب السودانيين للمصريين

[egyplan]

السودان .......زهرة افريقيا وبوابة العالم الاسلامى على افريقيا
السودان ...... الطيبة والخلق والذوق والحب والود والبساطة
السودان.........سلة الغذاء العالمى اخصب اراضى وانهار متدفقة
السودان.........طيور جميلة تغرد صباحا
السودان ........ماكولات بلا مبيدات او سرطانات
السودان.......الصدق والامانه وصفاء النفس

[cyborg_ift]

ربنا يوفقك ويفتح طريقك

الواحد بيستغرب من ردود البعض ومن النفسنه اللي ماليه المنتدى

[Bassem Youssef]

ربنا يوفقك ويفتح طريقك

الواحد بيستغرب من ردود البعض ومن النفسنه اللي ماليه المنتدى

الله يخليك

عمال اخد تريقه لما شبعت من كل الناس

بيتكلموا علي اساس اننا افضل شعب و افضل دوله و الباقي ملوش لزمه

ده غير التريقه علي لون البشره

ربنا يسامحهم

[moha sasa]

الله يخليك

عمال اخد تريقه لما شبعت من كل الناس

بيتكلموا علي اساس اننا افضل شعب و افضل دوله و الباقي ملوش لزمه

ده غير التريقه علي لون البشره

ربنا يسامحهم

- أنت أدتلنا انطباع أن السودان زى النرويج أو الدنمارك فمتزعلش من السخرية.

- السودان اتقسمت نصفين؛ تقسيم دينى؛ وفى حرب أهليه هناك.

- أما احنا هنا فا ولا اتقسمنا رغم أنف الخوانه الخوان ولا بنحرب فى بعض.

- إلا احنا هنا حفرنا القناة الموازية الجديدة وبأربحها فى الفترة الماضيه بنشتغل فى الخط السادس للمترو.

[moha sasa]

السودان .......زهرة افريقيا وبوابة العالم الاسلامى على افريقيا
السودان ...... الطيبة والخلق والذوق والحب والود والبساطة
السودان.........سلة الغذاء العالمى اخصب اراضى وانهار متدفقة
السودان.........طيور جميلة تغرد صباحا
السودان ........ماكولات بلا مبيدات او سرطانات
السودان.......الصدق والامانه وصفاء النفس

- طب وأنت إللى مقعدك هنا!!!!!!!!!!!

- يعنى أنت قاعد هنا بتغيظ فى نفسك ولا ايه.

- مصر وبس بوابة العلم والتعلم الدينى أو الدنياوى.

- ميغركش الفترة إللى احنا عايشين فيها دى كبوة وهتعدى. وكل يوم بنرمى الإرهابين فى الزباله.

- طول عمرها مصر أم الدنيا.

[volociximab]

الشوفينية هي الإعتقاد المغالي في الوطنية، وتعبر عن غياب رزانة العقل والإستحكام في التحزب لمجموعة ينتمي إليها الشخص والتفاني في التحيز لها؛ وخاصّة عندما يقترن الإعتقاد أو التحزب بالحط من شأن جماعات نظيرة والتحامل عليها، وتفيد معنى التعصب الأعمى.
للكلمة (بالإنجليزية: chauvinism) في مدلولها الأصلي معنى الوطنية المفرطة، الغيورة والعدائية، والإعجاب الحصري لدى الشخص بوطنه والحمية العمياء للمجد العسكري، والإعتقاد المتحمس بأن وطنه أفضل الأوطان وأمته فوق كل الأمم، وينسب اللفظ إلى جندي فرنسي اسطوري إسمه نيكولا شوفان، شديد الغيرة على فرنسا ومتفاني في القتال في جيش الجمهورية نابليون في حروبه دونما التفات أو شك بحصافته، أو مساءلة لجدارة قضيته،[1] فقُصد بها الإشارة إلى التفاني الأعمى للجندي المتحمس والمتزمت بعنجهية برأيه

https://ar.wikipedia.org/wiki/%D8%B4%D9%88%D9%81%D9%8A%D9%86%D9%8A%D8%A9

[moha sasa]

- لما تكون المجموعة إللى أنا بأنتمى إليها بتمثل حوالى 99.9999 % من شعب مصر.

- يبقى ده مشموس تحزب. ده رأى المجتمع وهو مجتمع واعى قام بثورتيتن وهو ده المجتمع إللى أنا بأنتمى إليه.

- أما الفئة إللى حجمها يوم ما يتمعظم 0.0001 % أو 0.000001 % من حجم المجتمع المصرى إللى عايزه تتحكم فى البقية بالعافية فمن ينتمى إليه فهو مُتحزب أعمى.

- مصر أم الدنيا وهتبقى قد الدنيا.

[Bassem Youssef]

- أنت أدتلنا انطباع أن السودان زى النرويج أو الدنمارك فمتزعلش من السخرية. انا مقولتش كده و لا لمحت بكده و السودان مش النرويج و لا الدنمارك .... و السخريه كلها جايه من فئه سياسيه معينه سواء علي المنتدي او علي المستوي الشخصي

- السودان اتقسمت نصفين؛ تقسيم دينى؛ وفى حرب أهليه هناك. اتقسمت و لكن مفيش حرب اهليه ... في متمردين علي نطاق محدود و في مناوشات علي الحدود مع الدوله الوليده و لكن مفيش حروب اهليه و بلاش تهويل للامور

- أما احنا هنا فا ولا اتقسمنا رغم أنف الخوانه الخوان ولا بنحرب فى بعض. الخوانه الخوان مين دول ؟؟؟ مصر لم تتقسم و لكن الشعب المصري انقسم ل 100 حزب و فئه و كله بيتمني الشر لكله

- إلا احنا هنا حفرنا القناة الموازية الجديدة وبأربحها فى الفترة الماضيه بنشتغل فى الخط السادس للمترو.

يا سلام ؟؟؟ التفريعه الجديده جابت ارباح في ال 12 يوم اللي فاتوا و بالارباح دي هنعمل خط مترو جديد ؟؟؟ علي كده وفي ظرف سنتين كل مشاكل مصر هتتحل :)))

[Bassem Youssef]

- لما تكون المجموعة إللى أنا بأنتمى إليها بتمثل حوالى 99.9999 % من شعب مصر. هما مين المجموعه اللي بتمثل 99.999999 % من الشعب المصري ؟؟ مين دول ؟؟؟ ده ربنا اللي خلق الكون كله مش كل الناس اتفقت علي وجوده و في ناس ملحده كتير مش مؤمنه بوجود ربنا (الله يهديهم للصراط المستقيم) و ده موجود في القران الكريم بالمناسبه ... بلاش تضخيم للامور

- يبقى ده مشموس تحزب. ده رأى المجتمع وهو مجتمع واعى قام بثورتيتن وهو ده المجتمع إللى أنا بأنتمى إليه. رأي مجتمع ايه ؟؟؟ من امتي اي مجتمع كان له رأي واحد في اي حاجه ؟؟؟

- أما الفئة إللى حجمها يوم ما يتمعظم 0.0001 % أو 0.000001 % من حجم المجتمع المصرى إللى عايزه تتحكم فى البقية بالعافية فمن ينتمى إليه فهو مُتحزب أعمى. هما مين دول كمان معلش ؟؟؟

- مصر أم الدنيا وهتبقى قد الدنيا.

مصر لا هي ام الدنيا و لا هتبقي اي الدنيا و الكلام ده ينطبق علي كل دول العالم و بلاش افوره ارجوك

لا امريكا ام الدنيا و لا روسيا هتبقي قد الدنيا و لا في الصين بيغنوا "تحيا الصين الشعبيه"

[moha sasa]

يا سلام ؟؟؟ التفريعه الجديده جابت ارباح في ال 12 يوم اللي فاتوا و بالارباح دي هنعمل خط مترو جديد ؟؟؟ علي كده وفي ظرف سنتين كل مشاكل مصر هتتحل :)))

- بأذن الله عز وجل. بس تكون أنت هناك فى السودان بتجرى من قريه لقريه بسب الحروب الأهلية.

[moha sasa]

مصر لا هي ام الدنيا و لا هتبقي اي الدنيا و الكلام ده ينطبق علي كل دول العالم و بلاش افوره ارجوك

لا امريكا ام الدنيا و لا روسيا هتبقي قد الدنيا و لا في الصين بيغنوا "تحيا الصين الشعبيه"

- فى ساعة من مادة السيزيوم وهى ساعة دقيقة جداً موجودة داخل الهرم تقريباً شغالة من 10 ألف سنة.

- فمصر أم الدنيا وهى موجوده قبل أى دولة.

- وهتبقى قد الدنيا بس نرمى الإرهابيين خوانة المسلمين فى الزباله مكنهم وبيئتم الطبيعية.