مراتي سايت البيت

[Ahmed_Kimo]

زملائي الأعزاء
انا عضو فديم بس حبيت اني اخش بأسم تاني علشان احيكلو على مشكلة اسرية منغصة عليا عشتي وطالب نصيحتكو الغالية فيها.

الموضوع باختصار مراتي سايت البيت ولمت هدومها وخدت الدهب بتاعها وابننا الرضيع (شهران) وراحت لبيت اهلها.
تعالو نبتدي الحكاية:
انا متجوز صالونات من 2 سنة
وجهنا بعض المشاكل في الأنجاب وبقضل الله بعد اكتر من سنة حصل حمل بعد كورس علاجي لينا احنا الاتنين.

طول الفترة لغاية منتصف الحمل كان زوجنا سعيد فعلا وكنا بنخاف على بعض.

في النصف الأخير من الحمل بدات حماتي المصونة التدخلات ( انا عاوزة بنتي تقضي اخر شهر معايا& تلعب في دماغها علشان تخرج تتفسح معاهم بدوني بدل متعدي مكتئبة لوحدك.....)

أخر شهر في الحمل اعربيت زوجي عن عدم احتمالها للمشاور من البيت لمكان عملها وعاوز اعد عند ماما لغاية ما أولد . اعترضت وقولتلها خدي اجازة لغاية الولادة .اكتئبت وعيطت وخف على في بطنها وودينها عند امها ومسائلتش لمدة اسبوع وجيت في مرة اروح أزورها لقيتها خرجت مع امها واخوها تتفسح وانا ماعرفش .المهم عملت مشكلة وقولت لأبوها وفي النهايةبعد تدخلات من اهلها. في النهاية تقبلت الوضع لغاية الولادة وعلشان الي في بطنها.

ساعة الولادة اهلها عملو مشاكل مع اهلي .قالو انهم جايين يتنكو عليهم وده ماحصلش...

بعد الولادة راحت قعدت عند امها اسبوعان قلتلها كفاية كدة نرجع البيت قالت مش دلوقتي زعقتلها ادام ابوها وامها ومشيت روحت البيت لقيتها بعتالي رسالة انا ارجع البيت وقت ما أحب مش بالأمر . سبتها اسبوع كمان وقلت اروح الم الموضوع . أهلها طلعو فيا زي الكلاب السعرانة وزعقتلم انا بردة وفي النهاية بعد يومين روحت خدتها على البيت وقولنلها ان اسف مش هاروح عند اهلك تاني بس اتني روحي قضي معاهم يوم كل اسبوع.
بدأت تسوق العوج تقولي ده بابا عمل سبوع للولد (الفترة الي ماكنش بروح عندهم ) دول كانو طيرين بينا انا مش هعرف اعيش من غيرهم &انا عاوزة اقضي 3 ايام العيد مع ماما اتجننت وقولت هو يوم واحد. وبعت أمي لأهلها ابلغهم برسالة خفو من التدخلات حياة بنتكم في خطر . بعد ما أمي ركبتهم الغلط أعتذرو لبها وباسو راسها...

الوسوسة الجديدة أم مراتي أفادت بضرور تركيب وسيلة لمنع الحمل والأنتظار حتى 2 سنة للطفل الثاني وبدأت مراتي رحلت النكد . شرحتلها ان ظروفنا الطبية تستوجب عدم استخدام الموضوع ده لأني بعد سنتان هكون شارفت على الأربعين وهي عدت الثلاثين وبالتالي فرصة نجاح العلاج هيبقى صعب . ماقتنعتش وقالت ده حياتي وقراري وانا الي بحمل مش انت . المهم في احد النقاشات كنت راجع من الشغل حالتي النفسية سيئة لوجود موضوع هام هي عارفة بيه وبردة قعدت تزن ونقول لو مارحوتش معايا انا هاروح لوحدي . قولتلها لو روحتي هكسرك ايديك ورجليكي والي هيروح معاكي ليلتو مش فايته هو انا ماليش كلمة في البيت الي عاجبو على كدة ماش والي مش عاجبو يغور.
تاني يوم صباحا استنت لما نزلت الشغل وجه ابوها يتسحب على السلم علشان شقة امي تحتيا (وديه الى باس رأسها اعتذارا عن افعاله من أقل من شهر)و شالها شنطة هدومها و هدوم الولد والدهب وفلوس كنا مخصنها للولد (من نقطة وخلافة) . ولقيت رسالة على موبايلي انا عند اهلي.

السؤال تنصحوني بايه انا اتخنقت.

[elpilot]

سيبها عند اهلها ومتسألش عنها دلوقتي خالص لمدة شهر علي الاقل عبال ما تفكر هتعمل ايه ومش بعيد تلاقيها هي اللي بتتصل بيك علشان ترجعها ده مبدئيا لانها واضح انها داقت لحمك وهتستحلي الموضوع ده

[أحمد كمال]

و لا تعبرها و لا تتصل تسال و لو قالت لك تعالى خدني قل لها زي ما مشيتي ترجعي


و لو طلبت فلوس او مصاريف قول لها مفيش ..... انا باصرف في بيتي بس

[medosalah]

اللي انا اعرفه ان الاب والام بيخافوا جدا علي بيت بنتهم من الخراب.. بس واضح انهم مش كده واللي عملوه ده مش طبيعي ابدا

نصيحتي ليك .. لازم تسبها عند امها وماتروحش ولا تبعت جنيه واحد .. اوعي تبعتلهم اي فلوس.. تقولهم مراتي اصرف عليها وهي تحت طوعي غير كده لا.. سيبها لمده شهر او حتي شهرين المهم اوعي تتصل بيهم... ممكن تبعت لابوها رسله تقوله فيها ان ده موقف مش هتنساه وان هو اللي خرب بيت بنته بايده وهو المسؤل

هما بعد فتره هيتلككوا ويبعتوا مراسيل ليك علشان التصالح

انت في الحاله دي تتصالح بس بشروط

اولا كل جنيه اخدته من البيت دون علمك خاصه نقطه الطفل لازم ترجع علي دايرمليم وتفتح بيها حساب لابنك

ثانيا الزوجه مكانها بيت زوجها واي مكان تحب تروحه لازم تعرف زوجها وهما مع بعض يتفقوا علي الموافقه او الرفض


من الاخر كده هما ماليين ايدهم منك اوي ... وشكل حضرتك كده ابن ناس وعقلاني ومش بتاع مشاكل وهما بيستغلوا الموضوع ده .. حاول تعمل كده علشان يحسوا ان الحكايه فرطت وما تتكررش

[FAR!D]

هى نصيحه من شقين:
1-مراتك عند اهلها لحد ما تستوى و تطيب و تقولك تعالى خدني و هي اللي ترجع من نفسها كمان و مترودش ولا ترجع تميل
و متتكلمش بحجه ابنك تطمن عليه..اطمن ابنك لسه في المهد و مجرد محتاج الرضاعه و تغيير البامبرز و ديه رعايه من الام مش من الاب
2- ابعت مصروفها هي و ابنك في البريد او مع الاصدقاء لوالدها و متوقفش مصروفهم
دول رعيتك انت مش رعيه حماك وانت المسئول عن مصارفهم لو كانوا في اخر الدنيا
ترضى لحد انه يصرف على اهلك ؟
و مترجعش تحن ولا تجيب ورا بعد قرارك باتباع النصيحه ديه عشان الرجوع فيها بيجيب نتايج عكسيه و بيتعرف نك مش قدر كلامك
القسوه مطلوبه أحيانا

[أحمد كمال]

2- ابعت مصروفها هي و ابنك في البريد او مع الاصدقاء لوالدها و متوقفش مصروفهم
دول رعيتك انت مش رعيه حماك وانت المسئول عن مصارفهم لو كانوا في اخر الدنيا
ترضى لحد انه يصرف على اهلك ؟

اتفق معاك في مصاريف الولد

بس مصروف مراته لا

شرعا و قانونا مالهاش في ذمته نكلة طالما خرجت بكيفها و غصب عنه .......

[FAR!D]

اتفق معاك في مصاريف الولد

بس مصروف مراته لا

شرعا و قانونا مالهاش في ذمته نكلة طالما خرجت بكيفها و غصب عنه .......

لا الرجوله ولا طبعنا الشرقي ولا حتى الدين بيقول انك تسيبهم بدون ما تضمن انهم معاهم مصروفهم
و ماقولتش انه يبعت ببزخ ...يبعت مجرد ما يقدروا يصرفوا منه بس
مش كل حاجه البنت تقدر تطلبها من الوالد و هو في الاول و الاخر جوزها و الفعل ده كله لارجاعها لعقلها مش يخليها تعند اكتر
ناهيك عن انه كده حيكون بيتبع الاصول اكتر من اهلها

[taha724]

الاخ العزيز
اولا هون علي تفسك ومتشحنش نفسك ومتخليش حد يشحنك
ثانيا من الواضح ان زوجتك من النوع العنيد ولازم واحد من الاثنين يرخي الحبل شويه
ثالثا ليس عيب علب الاطلاق انك تتعامل في هذه المشكله بنوع من الحكمه
رابعا دي فتره من الفترات في بدايه الزواج مرت علي كثير منا تدخل الاهل وعايزه تروح عند بيت اهلها وخلافه وبعد فتر ه انت اللي تتمني انها تقولك عايزه اروح عند اهلي
خامسا كان مفيش حاجه حصلت وابعت فلوس ليها ولابنها ولا مانع من ان تعاتبها عتاب خفيف علي انها سابت البيت من غير اذنك وقولها وقت ما تحسي انك شبعتي من بيت اهلك وعايزه ترجعي اجي اخدك
هي لما تحس انك بتتعامل بجنتله الامور هتتحسن كتير
اخر حاجه اخره العند وحشه ولا بد من وجود خاسر اتمني انلا يكون ابنك الرضيع
بعد فتره من الزمن هتفتكر الكلام ده وهتقول انا كنت غلطان

[ali ashraf]

حالة ميؤس منها

واضح انك فى بداية مشوار زواج غير موفق ولسه الموضوع فى اوله مفيش غير ابغض الحلال لان حياتك ستتحول الى جحيم و لو الامور اتعدلت ممكن ترجع و لو متعدلتش غير العتب ....الاسلام لم يشرع الطلاق اعطباتا و لكن درءا للمفسدات ....متزعلش منى من شروط الزواج الناجح المودة و المعروف و الاحسان بين الزوجين و الاخوة المسيحيون يفعلوا المستحيل من اجل العمل بالقوانين الارضية فى امور الطلاق و ارجع للقرءان و شوف راى الدين
قال ابن تيمية : "ولولا أن الحاجة داعية إلى الطلاق لكان الدليل يقتضي تحريمه كما دلت عليه الآثار والأصول ولكن الله أباحه رحمة منه بعباده لحاجتهم إليه أحيانا.
طلاق البينونة صغرىوهو أن يطلق الرجل زوجته بقوله لمرة واحدة كلمة : أنت طالق أو طلقتكِ أو غيرها من الكلمات التي لها نفس الدلالة. كذلك ذكر ابن تيمية أن الرجل إذا طلق زوجته في نفس المكان والوقت ثلاث مرات أو قال لها أنت طالق ثلاثا أو أنتِ طالق أنتِ طالق أنتِ طالق، فلا يقع الطلاق إلا مرة واحدة.حق للرجل الذي طلق زوجته طلاقا بائنا بينونة صغرى، أن يسترجعها متى أراد دون مهر أو عقد أو شهود،

[Ahmed_Kimo]

ده بالفعل الي أنا عاملو انا مسئلتش ومش هسائل
بس السؤال هو في ناس كدة انا لي اخوات بنات وعمرنا ما عملنا كدة . انا كل ما أقعد مع نفسي . احس اني مقصر في الأختيار معقول دي أخرتها من ناس انت اكلت معاهم عيش وملح وعزمتهم في بيتي اكتر من مرة .بقى هي دية نظرتهم ليا انهم بالحركة الواطية هيسيطرو عليا . ده ربنا بيقول " وهل جزاء الأحسان إلا الأحسان" وانتو عاوزين تخربو البيت بعد الأحسان ليكو
وبردة مراتي الي كانت بتتعامل احسن معاملة وكانت هي بتشيد بيها ادام الناس . اخرتها انها تقعد اهلي سئلو عليها بعد المشكلة الأولى في رسالة وا و هي حتى ماعبرتش حد فيهم وحتى سئلت على امي الست الكبيرة المريضة. الي عمرها ما غلطت فيها.

[FAR!D]

واضح انك فى بداية مشوار زواج غير موفق ولسه الموضوع فى اوله مفيش غير ابغض الحلال لان حياتك ستتحول الى جحيم و لو الامور اتعدلت ممكن ترجع و لو متعدلتش غير العتب ....الاسلام لم يشرع الطلاق اعطباتا و لكن درءا للمفسدات ....متزعلش منى من شروط الزواج الناجح المودة و المعروف و الاحسان بين الزوجين و الاخوة المسيحيون يفعلوا المستحيل من اجل العمل بالقوانين الارضية فى امور الطلاق و ارجع للقرءان و شوف راى الدين
قال ابن تيمية : "ولولا أن الحاجة داعية إلى الطلاق لكان الدليل يقتضي تحريمه كما دلت عليه الآثار والأصول ولكن الله أباحه رحمة منه بعباده لحاجتهم إليه أحيانا.
طلاق البينونة صغرىوهو أن يطلق الرجل زوجته بقوله لمرة واحدة كلمة : أنت طالق أو طلقتكِ أو غيرها من الكلمات التي لها نفس الدلالة. كذلك ذكر ابن تيمية أن الرجل إذا طلق زوجته في نفس المكان والوقت ثلاث مرات أو قال لها أنت طالق ثلاثا أو أنتِ طالق أنتِ طالق أنتِ طالق، فلا يقع الطلاق إلا مرة واحدة.حق للرجل الذي طلق زوجته طلاقا بائنا بينونة صغرى، أن يسترجعها متى أراد دون مهر أو عقد أو شهود،

طلاق ﻷ

[subhimust]

لا الرجوله ولا طبعنا الشرقي ولا حتى الدين بيقول انك تسيبهم بدون ما تضمن انهم معاهم مصروفهم
و ماقولتش انه يبعت ببزخ ...يبعت مجرد ما يقدروا يصرفوا منه بس
مش كل حاجه البنت تقدر تطلبها من الوالد و هو في الاول و الاخر جوزها و الفعل ده كله لارجاعها لعقلها مش يخليها تعند اكتر
ناهيك عن انه كده حيكون بيتبع الاصول اكتر من اهلها

جميل جدا امور الجنتله دي بس مش بعيد تعجبها هي و اهلها موضوع ان هي بيجيلها مصروف وهي قاعدة عند بيت اهلها بدون اي مسؤليات منها لزوجها وبدوا اي مسؤلية من اهلها عليها كمصاريف و خلافه
للاسف اي امور جنتله هتقلب ان الزوج هيكون مالوش اي كلمة في بيته بعد كده عشان يكتفي من المشاكل و يرتضي ان هو يكون الجزء المائل في الييت عشان الامور تعدي لو الزوج ناوي يكون الحيطة المايلة بتاعه البيت ياخد برايك


انا مريت بالتجارب دي قبل كده واقدر افولك ان افضل حل انك تنسى انك متزوج لمده شهرين تىته اربعة عشرة ومن الاخر االلي هيحن الاول من الزوج او الزوجة هو اللي هيشيل الليلة بعد كده لوحده

رأي تنسي كل حاجة ولا تبعت مصاريف ولا مراشيل ولا غير انسى خالص هتلاقي نتيجة محترمة
ولو نويت تصعد الموضوع في اي وقت اعمل محضر ان الزوجة مشيت واخدت معاها دهبها لو مثبوت في القايمة

[cyborg_ift]

ابعت فلوس لمصاريف الاولاد فقط ومتكلمهاش خالص وانا مريت بنفس المشكله وعملت كده ومريت بمشاكل اكبر من كده والامور عاوزه حكمه

[عﻻء سالمان]

ربنا يعينك ﻻ انت صغير وﻻ هى صغيرة.. والدها متجرأ عليك و والدتها ناقصها حسن التدبير والإعتبار لمستقبل بنتها الى ممكن من بعدك محدش يبص فى وشها ..والزوجة اجريسيف معاك ردودها حادة و بتاخد قرارات قطعية دون اﻹعتبار رأيك أو غضبك.. انت ازاى حكمت على نسايبك فى فترة الخطوبة وحتى لو كانت سرقاك السكينة مكانش حد جنبك من قرايبك ومعارفك ينبهك.. انت معتمد ماديا 100% على نفسك وﻻ الوالد بيساعدك؟ لما بتطلب منك حاجة بتقولها فى ساعتها حاضر او مينفعش او بعد شوية صبر وﻻ بتقولها لما آخد موافقة اهلى اﻷول؟ بتسمع مراتك كﻻم جميل وتمدح فيها وانتا مسبل بمناسبة ومن غير مناسبة وﻻ ﻻء؟ بتبطب عليها وتحتويها وتساعدها فى شغل البيت وﻻ ﻻء.. بتعاملها معاملة كريم ورحيمة فى حضور اهلها وﻻ ﻻء؟
هل والديها مواظبين على الصﻻة وربوها على ذلك؟ انت ظروفك المادية عالية وﻻ نص نص؟ وهل يتوافق دخلك مع متطلبات زوجتك وطموحاتها وﻻ ﻻء.. حسن المعاملة والتمثيل على زوجتك انك بتحبها وهيا اغلى حاجة فى حياتك ممكن يخلوها تتغير.. متدخلش الوالدة فى الموضوع الجديد خوفا على صحتها .. و ابدأ تليين الأمور بمكالمة تلفون سيطر على أعصابك واهدى خالص وخليك مرح وقولها انا جايب للبيبى كذا وكذا وفى كذا كان لونين مشىعارف اختار انة فيهم ومحتاج اعرف ذوقك ﻻنة يهمنى اجيب الى يعجبك.. اجيلكىامتى افرجك عالحاجات ونطلع ننقى الباقى من المحل؟.. ودايما تتعود تروح عند نسايبك ايدك مش فاضية وانتوا برة وب
قرب نهية الخروجة عاتبها برفق وفهمها انو مكانش بيجيلك نوم وانك اشتقتلها كتير.. هما بيحبوا النغمة دى ..وربنا يصلحلك الحال لأن السيناريو البديل خسائرة اشد وربنا يوفقك

[khaled_yassin]

بص با باشا انا من النوع الحنيين اوى وجنتل فى التعامل
س هقولك نصيحتين كدة من الى شوفتوا مع اصحابى
انها تاخد الدهب والفلوس دى تبفى ناس اسف مش ولاد اصول همهم الفلوس والدهب
اولا تنزل تعمل محضر فى الفسم اثبات حاله انها اخدت الدهب ومحضر انها سابت البيت واخدت الطفل
تعمل محضر طاعه ( علشان لو لفدر الله حصل اى حاجه )
بعدبن تخلى خالك او عمك او جوز اختك بروح لخالها او عمها ( بلاش ابوها او امها خالص )
بس اهم حاجه المحاضر فى الفسم لازم لازم لازم لان اهلها كدة مش تمام