مراتي سايت البيت

[أحمد كمال]

لا الرجوله ولا طبعنا الشرقي ولا حتى الدين بيقول انك تسيبهم بدون ما تضمن انهم معاهم مصروفهم
و ماقولتش انه يبعت ببزخ ...يبعت مجرد ما يقدروا يصرفوا منه بس
مش كل حاجه البنت تقدر تطلبها من الوالد و هو في الاول و الاخر جوزها و الفعل ده كله لارجاعها لعقلها مش يخليها تعند اكتر
ناهيك عن انه كده حيكون بيتبع الاصول اكتر من اهلها

و لا الرجولة و لا طبعنا الشرقي نعصي الست على جوزها

و لا تخرج من غير اذنه

و لا ان ابوها ينصرها في الباطل عليه

لو صرف عليها هيستحلوها


و الجدعنة في غير اهلها ضعف

[m_marmoush]

البنات دلوقتي بقت موضة عندهم الطلاق والإنفصال وعلي حاجات تافهه
أنا رأيي طنشهم خالص و اللي عايزك يبقي يصلح غلطتة ويرجعلك وإلا حتبقي موضه بعد كدة، لو نسيت باب التلاجة مفتوح حتتئمس وتروح علي بيت اهلها طالبة الطلاق

[Ahmed_Kimo]

و لا الرجولة و لا طبعنا الشرقي نعصي الست على جوزها

و لا تخرج من غير اذنه

و لا ان ابوها ينصرها في الباطل عليه

لو صرف عليها هيستحلوها


و الجدعنة في غير اهلها ضعف

على فكرة راي حضرتك مظبوط أنا اما لميت الموضوع في المرة الأولى يقى اسوء في المرة الثانية.
اما يالنسبة للأهل فحدث ولا حرج أبوها ده قعد يعتذر ليا في المرة الأولى لما خرجت بدون اذني . ولما راحت أمي أعتذرولها وباسو رأسها . وفي الأخر يتسحب زي الحرامي علشان يخدها بالحالة الي وصفنها وده كلة ليه علشان أنا بقالي شهرين ما بكلمهمش فمعندهمش مشكلة انهم يخربو بيت بنتهم علشان أرحع لييهم ف يتنكو عليا وبحسسوني أني محنجلهم للأستمرار حياتي. الأغرب ان عندهم بنت تانية في سن الجواز !!!!

[ali ashraf]

و ان انت اكرمت اللئيم تمرد

للاسف الافعال التى تمت من جانب الزوجة و اهلها يصعب استيعابها و التصالح " علشان المركب تعوم" و اعتقد ان المركب مليئة بالثقوب و توشك على الغرق.....افعال الزوجة و اهلها و حكاية الذهب و الفلوس موضوع يدل على سوأ نية و امور مبيته و يبتعد تماما عن اساسيات الزواج المودة و الرحمة.... وحقيقة الامر ان الطلاق هنا ليس من جانب الزوج بل بسبب افعال الطرف الثانى و التى تؤدى للطلاق كنهاية حتمية منطقية و اضم صوتى لصوت الاخ اللى يحذر من مشاكل قانونية تلوح فى الافق و تبديد قايمة و خلافه و ربنا يهديك للرشاد

[subhimust]

موضوع المحضر مهم جدا جدا
هو سلاح ذو حدين ممكن يخوف اهلها جدا و يحسسوهم انك خلاص بقيت بايع ودي ممكن تخليهم يمشوا على العجين ما يلغبطوش
ولو خدو الموضوع و عاندوا فهيكونوا خسروا حاجات كتير جدا بالمحضر اللي انت عملته يعني من الاخر هيفرق معاك كتير جدا

[ESO101]

سيبها لحد ماترجع بنفسها
إبعت مصاريف ليها ولإبنك وخليك على إتصال
ومش صح إنك هددتها تضربها دي غلطة ..
الست لا تتضرب ولا تتهدد ولا تتهان مهما صدر منها من مشاكل وعناد وعلو صوت

[ESO101]

إيه الحكمة إنه مايصرفش عليها
موضوع الصرف على إبنه منتهي ..
وزوجته طالما إنها على ذمته يصرف عليها
نوى يبطل صرف عليها يبقى يطلقها
أنا بعمل كدا وزوجتي عند بيت أهلها من شهور .. مش كلام وخلاص
عايزة ترجع لبيتها رغبة منها في الرجوع أهلًا وسهلًا
أصل الزوجة في النهاية مش عايشة في الشارع .. أهلها مش هيغلبوا في مصاريفها
ولكن إبقائها على ذمتك بيفرض عليك الصرف عليها ومتابعتها ومتابعة إبنك بالسؤال

[Ahmed_Kimo]

إيه الحكمة إنه مايصرفش عليها
موضوع الصرف على إبنه منتهي ..
وزوجته طالما إنها على ذمته يصرف عليها
نوى يبطل صرف عليها يبقى يطلقها
أنا بعمل كدا وزوجتي عند بيت أهلها من شهور .. مش كلام وخلاص
عايزة ترجع لبيتها رغبة منها في الرجوع أهلًا وسهلًا
أصل الزوجة في النهاية مش عايشة في الشارع .. أهلها مش هيغلبوا في مصاريفها
ولكن إبقائها على ذمتك بيفرض عليك الصرف عليها ومتابعتها ومتابعة إبنك بالسؤال

ماهو موضوع الأصول والتربية ده هو الي وصلني لكدة .باخنصار الناس مافهمتش الحاجات دية واعتبرتها ضعف وشخصية يمكن اخضعها. في الزمن ده ياصدقي الأصول مع ولاد الأصول

[hossamhussein0]

أخي الكريم

نصيحه اخ كبير 17 سنة جواز ،،، طالما راحت بيت اهلها مرتين و بدون اذنك و رضاك (سابتلك البيت يعني ) و كمان موضبه نفسها ان الموضوع يطول و لمت هدومها و اخذت الفلوس و الذهب ( يعني مش مامنه تسيبهم في بيتها ) يبقي لازم يبقالك وقفه راجل معاها و مع اهلها و قفه دكر يعني و يتقرص ودانهم جامد علشان يبقي درس العمر ليهم.

انا اتفق مع معظم اراء الزملاء السابقه اللي بتقول انك متعبرهاش خالص ولا تليفون و لا رساله و لا الدموع و تقعد زي ما تقعد شهر اثنين ثلاثه و بدون ولا مليم ... ده مش بخل ولا حرص و لا بركه يا جامع لا ... ده موقف ولازم يوضح بما فيه الكفايه و تحط النقط علي الحروف (( انت تصرف علي مراتك طالما في طوعك و في بيتك غير كده انسي ابوها يشيل )) خاصه و ان حركه الفلوس و الذهب دي بتشير ان الماديات مهمه بالنسبه ليهم و علشان كده لا يفل الحديد الا الحديد

و اي بوادر حنيه منك او اتصال هيتفهم غلط و هيترجم انه ضعف و هتبقي كده فتحت باب القمص و سيبان البيت علي نفسك يا حلو لاهيف الاسباب فيما بعد ،،، و تاكيدا علي ذلك انت لما روحت صالحتها اول مرة و لميت الدور (زي ما كنت فاكر ) كانت النتيجه ايه ؟؟؟ انها سابت البيت تاني مرة .. عادي بقه ماهوه ما عملش حاجه او مش هيقدر يعمل حاجه....

اول سنتين جواز بيبقي كل واحد لسه بيجس نبض التاني و يشوف ردوده في مواقف مختلفة و كده يعني و فيه حاجات تمشي و حاجات ما ينفعش تتفوت و حجات لازم تبقي خط احمر و لازم همه يفهمو كده كويس جدا زي الموقف ده.

انا شايف انك تبقي حازم و حاسم و برضه بعد فتره كبيرة لو الموضوع طول (شهرين مثلا) ابعت لابوها ابن التيت ده (معلش علشان اصل الحركة اللي عملها دي ما تطلعش من دكر اصلها ) و حمله الذنب و وصله رساله انه و مراته هيبقوا السبب في الخراب علي بنته و حفيده و ان الوضع ده ماينفعكش و لو لم يكن منهم استجابه ايجابيه بعد الرساله دي ترميلهم كعب انك هتتجوز أه ما تستغربش ان كيدهن عظيما و مفيش حاجه تكسر الست الا لو حست ان جوزها هيستغني عنها ...

و يا ريت ما تبعتش اي فلوس خالص تحت اي مسمي لانك لو عملت كده يبقي معناها انك مبارك اللي بيحصل ده ... دورها كده في دماغك و ربنا يهديك للي فيه الخير .... الستات دول ما بيجوش الا بالسك علي دماغهم لو حسو انك هتضعف يبقي عليه العوض و منه العوض ...

و نشكر ثقتك انك تشارك اخواتك موضوع خاص و حساس زي ده

[ESO101]

ماهو موضوع الأصول والتربية ده هو الي وصلني لكدة .باخنصار الناس مافهمتش الحاجات دية واعتبرتها ضعف وشخصية يمكن اخضعها. في الزمن ده ياصدقي الأصول مع ولاد الأصول

مش عيب تقول أسباب المشاكل من باب السؤال أو الفضفضة
لكن طالما هيا زوجتك ماينفعش تقول عنها مش بنت أصول
متغلطتش في وحدة على ذمتك ولا كانت على ذمتك عشان إختلفتوا
ولا تسمح لحد يغلط فيها ولا في أهلها !
وياريت تبعد عن المحاضر والكلام دا .. أنا شايف إن دي نصيحة غريبة
الدهب واللبس حجات بتستخدمها النساء وأخدتهم تلبسهم .. دي حجاتها
عمومًا
أنا مستغرب جدًا من حد بينصحك تعمل لزوجتك محضر عشان شوية لبس وإكسسوارات
هيا زوجتك عايز تبقيها على ذمتك إختلف معاها بس فيه قواعد ماتكسرهاش خالص
هتكسر القواعد دي يبقى تسريح بإحسان

[مُصْطٓفٓى]

تعالى اقولك هما بيفكروا ازاي دلوقتي
بس السؤال هل كانت لزوجتك اي رغبات او طلبات ولم تنفذ ؟
زي رغبة السيطرة على البيت ويكون ليها الكلمة الاولى والعليا
او طلب زي ان الشقة تكون باسمها او انكم تشتروا شقة تانية
لان اسلوبهم ده مخطط له انك تلين وتنفذ لهم طلباتهم المباشرة او رغباتهم غير المباشرة

دلوقتي هما مقتنعين انك مش حتقدر تستغنى عن ابنك
ومش حتسيب الامور تطور لانك وبصراحة مش حتسيب ابنك يربيه حد تاني

وقد يكون عندهم قناعة أخرى إنك مش حتقدر تستغني عن بنتهم
ومش حتقدر تبعد عنها يوم واحد وحتحاول تصلح عشان ترجعلك ومتبقاش بعيدة عنك

حاول تنسف القناعات ده بهذا الشكل وبفن

الفن إن حضرتك تبعتلهم مبلغ بسيط شهريا عن طريق البوسطة وتحتفظ بالوصل
وده فيه إشارة لعدة نقط
منها إنك ناوي تسيبهم شهور
منها أيضا إنك واخد احتياطات قانونية ومستعد للحوارات ده
إنك ناوي متركبش نفسك غلط
وطبعا المبلغ ميكونش كبير يعني في حدود 300 جنيه

الفن إنك تديلهم وسيلة للرجوع
يعني مفيش مشكلة إنك تعمل مكالمة كل أسبوع لأبوها تطمأن فيها على ابنك
وتبقى المكالمة بالشكل ده
ازيك يا عم فلان .. حضرتك عامل ايه .. وايه اخبار الولد .. لو محتاج حاجة ياريت تقولي
ومتفتحش سيرة رجوع مراتك نهائيا
أول مكالمة ممكن تكون بعد أسبوعين وساعتها ممكن ميردوش عليك
ولو ردوا حتلاقي اسلوبهم بالشكل ده
ابنك زي الفل ومش محتاج حاجة ابدا
وتعمل مكالمة بعد اسبوع وتقولهم الاسبوع الجاي حبعتلكم فلوس لو مش مكفياكم قولولي
هما طبعا كل ما بيشوفوا رقمك بيتصل
بيعشموا نفسهم انك عايز تصلح الموضوع
ولم يلاقوك بتتكلم في كلام عام بيحسوا وكأنك اديتلهم على قفاهم

كده يبقى حضرتك عملت الصح كله ومحدش يقدر يغلطك في حاجة
وفي مكالمة من المكالمات حتلاقي ابوها بيكلمك باسلوب كويس
ويقولك مش حتيجي تاخد عيالك ولا ايه

وساعتها يبقى فيه كلام تاني ان شاء الله

[subhimust]

[quote=eso101;3875998885]

سيبها لحد ماترجع بنفسها
إبعت مصاريف ليها ولإبنك وخليك على إتصال
ومش صح إنك هددتها تضربها دي غلطة ..
الست لا تتضرب ولا تتهدد ولا تتهان مهما صدر منها من مشاكل وعناد وعلو صوت

[/quotيا
يا ريت نصيحة حضرتك لا يكون لها اغراض اخرى عشان متغرقش الرجل بنصايح مش موجه اصلا لمشكلته


ثانيا حضرتك مش مثال انك طالما بتصرف على زوجتك وهي في بيت اهلها يبقى المفروض كله يعمل كده صرفك عليه في بيت اهلها ماذا نتج عنه يعني ؟؟؟؟ هل رجعت هل حست بغلطها المشكلة مستمرة يبقى خلاص متخلهاش نصيحة عامة لانه لم يظهر لها نتيجة طيبة حتى الان
الاصل طالما بتتكلم على الاصول في حالة حضرتك لاما امساك بمعروف او تسريح باحسان هو ده الرجولة مش جلوسها في بيت اهلها و حضرتك تبعت لها المصاريف ودي تكون الرجولة في نظرك الرجولة هو حل المشكلة باي طريقة للرجوع للوضع الطبيعي ان تكون الزوجة في بيت زوجها

[subhimust]

موضوع المحاضر هي لو سبقت و عملت اي محضر ان شاء الله حتى محضر تحرش ههههه ساعتها القانون هيقف في صفها بعد كده لو وصل الامر للطلاق ساعتها هتقولك انا لم استلم دهبي
اما لو حضرتك اثبت حالة موجوده فعلا وهي اخدها للذهب من البيت ساعتها دي هيكون معاك سلاح قوي جدا جدا لبعد كده مفيش حد عارف الايام مخبية ايه وفي نفس الوقت هتوصل رسالة قوية جدا لاهل الزوجة ولو حتى هما استقبلوا الرسالة غلط يعني خدو الموضوع بعند ساعتها مش هيكون امامهم اوراق قانونية كتير يلعبوا بيها لان القاعده القانوييه عندنا
(( اللي سبق اكل النبأ))

[ali ashraf]

حياة زوجية مش حرب

فيه أخوة كثيرة متفقة على وجود سوء نية و تدبير مسبق و لى زراع الزوج و الاهتمام بالماديات الخ أذن الجانب الاول من المشكلة هناك اتفاق عليه و هو ظلم بين واقع على الزوج و تصرفات غير مبررة من الزوجة و اهلها .......الجانب الثانى من المشكلة اختلفت الردود بالصرف على الولد و امه و ما بين تركها بلا سؤال او التودد لها و التقرب من الاسرة بالهدايا ........ارجع و اقول ان البيوت تبنى لتكون سكن لنا و المقصود بالسكن المكان الذى الجأ اليه للحصول على السكينة و المودة و الرحمة و العون من "نصفى الثانى" و فى حالة انتفاء هذه المواصفات انتفى الغرض من الزواج بل و يتحول الى سجن و قهر و ربما يفضى الى افعال لا تحمد عقباها و من هنا شرع الله الطلاق و احله و بالنسبة لحل المشكلة فعذرا بالتشبية و لكن افترض عمارة بها بعض الشروخ او محارة متهالكة يمكن عمل تنكيس و اصلاحها انما لو وصل التلف الى اساسات المبنى وجب الهد و البناء من جديد .......مرة اخرى احذرك من عواقب قانونية تنتظرك فالزوجة الان ام و حاضنة ( الشقة من حق الزوجة)......متزعلش منى الاختيار لم يكن موفق وآسف لصراحتى الصادمة و لكن اقول هذا لتلحق نفسك و انت فى بداية المشوار

[msobhy]

يا جدعان الراجل بيقولكم مراته سابت البيت ومش عارف يعمل ايه - يبقى ده ردكم
جهز القعده والبلايستيشن وانا هجيب الرجاله وجيين نقضى اليوم عندك - والخميس نقضيه فى الساحل
ولو ليك فى جو الشرب والكلام الفاضى ده يبقى اعذرنى يا صاحبى - انا اخرى نسوان وبس

بص حضرتك - انا وانت فى نفس الفئه العمريه - كمان سنتين هابقى 40 :(
انت غلطت فى حاجات كتيييييييييييييييير اوى
مراتك عايزه تروح لأهلها يومين - خليها تروح تلاته وفى اليوم الرابع قول لها انك وحشتينى جدا يا حبيبتى ونفضلها
مراتك عايزه تخرج مع اهلها - عادى جدا طول ما هيه مش بتعمل حاجه غلط يبقى عادى - يعنى لو هاتخرجلها مره ولا اتنين فى الشهر يبقى زى الفل
تزعق لمراتك قدام الدنيا كلها - ده حقك طبعا - بس بما ان كل الحريم بنت تييييييييييييت وانا اسف على اللفظ وده طبعا ينطبق على مراتك ومراتى وحماتك وحماتى ........... يبقى هايتنكد عليك يا معلم من شهرين ثلاثه كده وانت طالع

المفروض انك تكون وصلت للقاعده الذهبيه للزوج المصرى اللى كلنا وصلنا لها بعد كام شهر جواز - كبر الجمجمه يا نجم

بخصوص انها اخدت الفلوس وكل حاجه وهيه ماشيه - احب اقولك ان الموضوع ده جزء لا يتجزأ من جينات اى زوجه مصريه الا من رحم ربى

وفى الاخر هاقولك كلمه واحده - كبر دماغك