ياللا نحرق دم بعض

[Mohd_Adel_Amin]

والله يا جماعة انا معاكم في رأيكم وان الواحد فعلا يبتعد عن النقاش
انا كنت بلتزم الصمت وبتماسك بس فيه موضوع خلاني مقدرتش اتماسك و طبعا اتقالي كلام خلاني لمت نفسي اني تدخلت في وسط النقاش .. وبعدها التزمت الصمت علشان مبحبش اهزأ نفسي وانا عارف اني ارقى من ان اي بني آدم يتطاول عليه ...
والواحد مش بيتعلم الا عن طريق الخطأ .

[bemocarlo]

دا المفروض والله بس تلاقي ناس كاتبه حاجات و الاخطاء الاملائيه سواء انجليزي او عربي
الله ينور عليك يا استاذ وليد.في ناس بتكتب حاجات عجيبه.انا ساعات ببقي نفسي اعقب علي مشاركات بالانجليزيه فيها اخطاء لكن بخاف واحد يقولي بطل فلسفه.والله كان في مشاركه بالعربي قريتها امبارح والله مش ممكن.مهزله.
bemo,ire

[MM_Mohsen]

امنع الكلام ...

طيب ايه المطلوب .. نمنع الكلام ؟ او لو واحد قال رأى انا شايفه مش سليم اسكت علشان مقولش رأى يزعله و " يحرق دمه " .. و ليه اصلا حرقة الدم ؟!!!!
المفروض فى المجتمعات المتحضرة ان يدور نقاش مجتمعى لكل القضايا الهامة او يتبادل الناس الاراءو الخبرات و يستفيدوا من بعض سلبا او ايجابا .. طيب لو واحد قال ان عربيتى مثلا غير متيتة او فيها العيب ده او العيب ده .. ازعل انا و ينحرق دمى ليه ؟؟ .. اما انى من خلال خبرتى للعربية ااويد او انفى رأيه او اجد ان رأيه صحيح .. و فى كل الحالات لو ازعل ابقى انسان هايف و فاضى و متعصب لرأيى او حاجتى !
المفروض النقاش الصحى يزيد المعرفة و يكشف لنا اشياء جديدة نستفيد منها و الانسان الذكى و المتفتح هو من يستفيد مما يسمعه او يعرفه من الاخرين و هو من لا يجد غضاضة فى الاعتراف بأن رأى الشخص الاخر وجيه اكثر من رأيه .. مش عيب والله و مشكلتنا اننا غالبا لا نعرف النقاش السليم و نحب الرأى الواحد و الفكر الواحد وبعض مما نؤمن به من مسلمات ليس له اساس لو فكرنا بعقلنا و تجردنا من اهوائنا و مصلحتنا .. الامم الحية تتقدم بالحوار و الجدل الصحى و ليس الجدال الفاضى لناس كل همها اثبات انها على حق و الاخرين لازم على خطأ و تاخذهم عزة النفس او التشبث الغبى بالرأى حتى لو ظهر انه غير سليم ..
احد مشاكل مجتمعاتنا هو اننا نضع محظورات كثيرة و تابوهات و افكار قديمة و مسلمات ليس لها اساس .. المهم ان نعرف كيف نتناقش و ان نحتكم للعلم و العقل و لا نتبع الهوى و الغرض ..حاجة غريبة ان نرفض حتى الجدل بدلا من ان نزيدالحوار الموضوعى لنخرج من اى نقاش بفكرة او معلومة جديدة تنفعنا و نكون شاكرين للحوار و لمن نحاورهم سواء اقتنعنا بما يقوله الاخر او لم نقتنع .. المهم بلاش حكاية حرق الدم ديه لانه تنم عن تعصب مقيت و تصلب و تشبث مرضى بالرأى .. ايه المشكلة لو داخل فى نقاش مع واحد و قال رأى مخالف لرأيئ ؟؟ .. المشكلة هى اغلاق العقول و التعصب المقيت الذى يؤدى للكراهية و البغضاء و احيانا لما هو اكثر من ذلك ..
هناك حوار متحضر و هناك حوار جاهل متعصب يقال عنه حوار الطرشان و فيه يتحول الديالوج الى منولوج او ان يكلم كل انسان نفسه و يغلق اذنه وعقله عن الاخر .. و ليه بنعمل من كل حاجة مشكلة ؟ .. طبيعى ان يتقابل الناس و ان يتواصلوا معا بالكلام و الحوار و الزعل مرفوع طالما فى حدود الذوق و الادب! .. و فى اثينا القديمة حكم الجهلاء على سقراط بالموت بتهمة انه يمارس الجدل و الحوار و يتخذه منهج للوصول الى الحقيقة !

[MMamdouh]

مش المقصود كدة بس فيه طريقة و اسلوب للنقاش او حتى الجدال... يعنى القصة مش منطلق "هو دة الصح" او " انتوا مبتفهموش حاجة" او "العربية دى زبالة" او "دا جهل و غباوة"

طبيعى جدا يبقى فيه اختلاف فى وجهات النظر.. و مشرط يبقى فيه حد صح و حد غلط.. ممكن الاتنين صح بس كل واحد صح فى ظرف معين او فى حالة معينة... و ممكن الاتنين غلط لان فيه نقطة غايبة عن الاتنين اللى بيجادلوا و الصح حاجة تالتة لا تمت بصلة للى اتقال كلة

لازم الهدف الاساساى للى بيجادل انه يبقى بيدور على الحقيقة او بيدور على الصح مش بيحاول يثبت ان هو اللى صح و خلاص... و لو اكتشف انه غلط يقول "فعلا انا كنت فاهم غلط... شكرا على التوضيح" و دى مش عيب

العيب هى المقاوحة و المجادلة للجدال... او الجدال حتى و انا شايف كل الادلة بتقول انا غلط خصوصا لو بنتكلم فى حقيقة علمية مفيهاش مجال للجدال اساسا

MMamdouh

[جمال]

بص يا اسلام .... انا عندي اقتراح انا بأنفذه فعلا ......
لما تلاقي موضوع جدلي ... او موضوع فيه ريحة شياط ..... لا تشارك فيه .... ولو فيه ما يستدعي ... اعمل تقرير مشاركة سيئة
...
لو عملنا كدة المواضيع الجدلية دي ح تختفي لوحدها

كلام سليم جدا
انا شخصيا باعمل كده

[human]

لازم الهدف الاساساى للى بيجادل انه يبقى بيدور على الحقيقة او بيدور على الصح مش بيحاول يثبت ان هو اللى صح و خلاص... و لو اكتشف انه غلط يقول "فعلا انا كنت فاهم غلط... شكرا على التوضيح" و دى مش عيب

العيب هى المقاوحة و المجادلة للجدال... او الجدال حتى و انا شايف كل الادلة بتقول انا غلط خصوصا لو بنتكلم فى حقيقة علمية مفيهاش مجال للجدال اساسا

MMamdouh

ارفع القبعه لهذه المداخله

و على فكره لو الناس مش بتثبت على رأيها و تحاول تنشره ااو تقنع بيه حد ماكناش زمانا حتى و صلنا ان احنا قاعدين هنا و بنكتب على الكومبيوتر
ماكانش مارتن لوثر كينج اقنع العالم بحلمه و ان فيه رئيس اسود لامريكا

ساعات شخص واحد فقط مؤمن بشئ ما يستطيع ان يغير الكثير

فمينفعش نتطاول على بعض او نكون معميين او لا نحاول تغيير النظره للأمور

[Islam_galal]

بص يا اسلام .... انا عندي اقتراح انا بأنفذه فعلا ......
لما تلاقي موضوع جدلي ... او موضوع فيه ريحة شياط ..... لا تشارك فيه .... ولو فيه ما يستدعي ... اعمل تقرير مشاركة سيئة
...
لو عملنا كدة المواضيع الجدلية دي ح تختفي لوحدها

عندك أستاذي أحمد، و أنا فعلا عادة باعمل كدة لكن باشارك برأيي فقط و انسحب من الجدل العقيم
لكن فاض الكيل من البعض الذين يجدون كل اللذه في ارهاق الآخرين بالجدل

يا جماعه كل واحد عجباه دماغه ، يبقي كل واحد يقول رأيه و يمشي
مش لازم يدافع عنه حتي الموت طالما لا يمس الثوابت و العقائد و هو ما تحكمه قوانين المنتدي

[D . a .\ AYMAN]

يا من تخاطبوا فينا الجدال . . . اتقوا الله

بص يا اسلام .... انا عندي اقتراح انا بأنفذه فعلا ......
لما تلاقي موضوع جدلي ... او موضوع فيه ريحة شياط ..... لا تشارك فيه .... ولو فيه ما يستدعي ... اعمل تقرير مشاركة سيئة
...
لو عملنا كدة المواضيع الجدلية دي ح تختفي لوحدها

لازم الهدف الاساساى للى بيجادل انه يبقى بيدور على الحقيقة او بيدور على الصح مش بيحاول يثبت ان هو اللى صح و خلاص... و لو اكتشف انه غلط يقول "فعلا انا كنت فاهم غلط... شكرا على التوضيح" و دى مش عيب

MMamdouh

بصراحة مافيش كلام تاني ممكن أقوله بارك الله فيكم جميعا

في قصة لا أعلم مدى صحتها .. وإن كنت أعتقد انها صحيحة لأني أذكر اني قرأتها إما في حديث قدسي أو آخر نبوي لكني غير متأكد حقا .. المضمون يقول ان الله عندما قام بتوزيع الأرزاق على العباد وهم شهود كل واحد نظر الى رزق غيره وعندما قام سبحانه وتعالى بتوزيع العقول كل واحد لم يعجبه سوى عقله هو