حــــــــــالة طـــــــــــلاق

[عبدالله برعى]

الحكاية وما فيها صديق مقرب ليا استشارني في مشكلتة والنصح امانه.... متجوز من 2 سنة وعنده طفلة سنتين
ومراته حامل ويوجد فارق في التعليم وفي السن
وبداية من الجواز مشاكل بمختلف الانواع والاشكال احيانا مشاكل باسباب بسيطة واحيانا العكس
واكثر من مرة كانت تطلب الطلاق(طلقني لو كنت راجل)
والحالة المادية ميسوره..وشكوتة في الاكثر عن النظافة و (ضربة البوز علي الاسباب التافهه)
واكثر من مرة خرجت وهو في الغربة بدون اذنة وتكذب عليه انها في البيت!!!!!!
المشكلة الاخيرة حصلت انه بيلعب مع الطفل وفي الوقت دا كانو متخاصمين فالطفل عيط فراحت اخدتة بالقوة والزعيق وهو منعها وكادت ان تضربة (مدت ايدها عليه) فراح هو اداها الطفل ولم يرد علي التحرش بالضرب منها وبعدها بكل هدووو قالها
ملكيش قعاد في البيت مش عايزك نهائي قالتله طلقني لو عندك كرامة راح طلقها طلقة اولي وقاللي امشي (طالما علي اخر الزمن حتمدي ايدك عليا) قالت مش ماشية وفي الاخر مشيت
عند اهلها،،،،،
ما النصيحة مع اخذ في الاعتبار انه مش طايق يشوفها ومش عايزها تتجوز علشان الاطفال،،،
وهل العيشة مع الاشكال دي ممكنة
وهل يوجد فيها امل
وهل الاطفال يعذبوا بهذه المشاكل
وهل مشاكلكم بمستوى هذه المشكلة
وربنا يصلح البلاد والعباد

[volociximab]

و مش عايزها تتجوز عشان الاطفال

ليه هو اشتراها جارية؟
ما اعتقده انه اصلا مكانش ليه يطردها من البيت حتى تنتهى العدة
و الستات الى بالشكل ده ممكن جوزها يربيها و يعلمها الادب من غير ما يدمر البيت
على كل حال من حقها تتجوز

[Mohamed_Hamid]

كدة الرواية من جانب واحد ومش عارفين ليه الست بتعمل كدة لأن جايز المشكلة عند صديقك وبالتالى مينفعش نقول رأى وطبعا صعب انك تعرف رأى زوجته او مشكلتها منها شخصيا.
ربنا يهديهم لبعض

[الفجر]

صتصدق انها ست محترمة !!!!!!

دلوقت يا حبيبى هتطلق .....ز انت اللى هتطرد برة الشقة بحكم قانون وهتتمكن من شقة وكل الىل طلقوا ندموا لان شقة من حقة زوجة

كتر خيرها انها هى اللى مطردوتش برة البيت اصلا

[ali ashraf]

موقف الاهل

واضح ان الموضوع اختلاف حضارى ثقافى و اجتماعى فى الاساس وما يعتبر سلوك غير حضارى قبيح و همجى , يعتبر تصرف يومى عادى و متداول فى اوساط اخرى متمضمنا التلاسن بالسب و الالفاظ الجارجة و ربما يصل للتشاحن بالايدى.....اذا كنا فى هذه المرحلة لا بديل عن الطلاق و تحمل تبعاته, اذا كان من باب العند و العصبية هناك الكثير من الحلول وموضوع النظافة ده مقدور عليه , السؤال فين اهل الزوجة من الحكاية دى كلها ؟

[ALYSALIM]

واضح انها صغيرة ومتاثره بالافلام العربية المصرية وقد تظن انها قادرة علي المحاكم والطلاق ومواضيع زي العفش والقايمة والنفقة والحضانة والكلام ده
عدتها ان تضع حملها فلو لسه حامل جديد يسبها شوية تراجع نفسها وتفكر مع نفسها ويكون اتصاله بيها عن طريق والدها فقط اذا كان بيده الحل والربط او اخوها اذا كان غير كدا
وبلاش يتصل بها او امها
الموضوع بسيط جدا صاحبك في دماغة صورة عن الجواز والزوجه في دماغها صورة تانية خالص بسبب فرق السن والتعليم والثقافة
الحل طب بعد مايرجعها هو الكلام الكتير معاها واقناعها بطريقة حياته ويخفف هو من شدته وجديته شويه
مشاكل الجواز بتكون اقصاها في بداية الجواز وبتخف بالتدرج - اعلي نسب الطلاق في السنة الاولي للجواز

[ali ashraf]

الاولاد

واضح انها صغيرة ومتاثره بالافلام العربية المصرية وقد تظن انها قادرة علي المحاكم والطلاق ومواضيع زي العفش والقايمة والنفقة والحضانة والكلام ده
عدتها ان تضع حملها فلو لسه حامل جديد يسبها شوية تراجع نفسها وتفكر مع نفسها ويكون اتصاله بيها عن طريق والدها فقط اذا كان بيده الحل والربط او اخوها اذا كان غير كدا
وبلاش يتصل بها او امها
الموضوع بسيط جدا صاحبك في دماغة صورة عن الجواز والزوجه في دماغها صورة تانية خالص بسبب فرق السن والتعليم والثقافة
الحل طب بعد مايرجعها هو الكلام الكتير معاها واقناعها بطريقة حياته ويخفف هو من شدته وجديته شويه
مشاكل الجواز بتكون اقصاها في بداية الجواز وبتخف بالتدرج - اعلي نسب الطلاق في السنة الاولي للجواز

كلام جميل بس فى شق لا يجب اغفاله هل الام هنا قادرة على تنشأة ذرية صالحة من حيث الادب و السلوك و الاقبال على التعليم ناهيك عن الثقافة مثل ارتياد المسارح المحترمة و تعلم لغات و موسيقى الخ

[ALYSALIM]

يجب علي الاكثر تعليما وثقافتة وذكاء ان يقودد مسيرة تربية الاطفال وتنشأتهم سواء كان الزوج او الزوجة

[amr011111]

موضوع فرق التعليم والسن ده انا مش شايفه مبرر انه يطلقها المفروض هوه يتحمل عواقب اختياره
لان كان فيه فتره خطوبه وهوه كان عارف وراضى بالفرق ده
بالنسبه للباقى متابع

[عبدالله برعى]

و مش عايزها تتجوز عشان الاطفال

ليه هو اشتراها جارية؟
ما اعتقده انه اصلا مكانش ليه يطردها من البيت حتى تنتهى العدة
و الستات الى بالشكل ده ممكن جوزها يربيها و يعلمها الادب من غير ما يدمر البيت
على كل حال من حقها تتجوز

مش عايزها تتجوز حرصا علي خيط من العلاقة للاطفال الحلوين... وثانيا واحدة بتمد ايدها علي جوزها اقل شئ تطرد من البيت

[عبدالله برعى]

كدة الرواية من جانب واحد ومش عارفين ليه الست بتعمل كدة لأن جايز المشكلة عند صديقك وبالتالى مينفعش نقول رأى وطبعا صعب انك تعرف رأى زوجته او مشكلتها منها شخصيا.
ربنا يهديهم لبعض

لا يوجد معيار لرد فعل الزوجة نهما كان والمنطق بيقول ان الواحدة هي التي تتحمل وليس معنى ذلك ان الرجل معصوم ولكن طفح الكيل بخروجها بدون اذن ورفع يدها عليه

[hugan]

فرق السن لمين
الزوجه اﻻكبر وﻻ الزوج
الفرق كام سنه

[عبدالله برعى]

صتصدق انها ست محترمة !!!!!!

دلوقت يا حبيبى هتطلق .....ز انت اللى هتطرد برة الشقة بحكم قانون وهتتمكن من شقة وكل الىل طلقوا ندموا لان شقة من حقة زوجة

كتر خيرها انها هى اللى مطردوتش برة البيت اصلا

اي امراء ترفع يدها علي زوجها يبقي مش محترمة بالمرة واي واحدة تخرج من بيت زوجها اللي نسافر علي اكل العيش يبقي مش محترمة وغير مؤدبة وشقة ايه اللي تاخدها ولا تنسي كل قانون وله اخر معاكس دي حرام فيها عشه

[عبدالله برعى]

واضح ان الموضوع اختلاف حضارى ثقافى و اجتماعى فى الاساس وما يعتبر سلوك غير حضارى قبيح و همجى , يعتبر تصرف يومى عادى و متداول فى اوساط اخرى متمضمنا التلاسن بالسب و الالفاظ الجارجة و ربما يصل للتشاحن بالايدى.....اذا كنا فى هذه المرحلة لا بديل عن الطلاق و تحمل تبعاته, اذا كان من باب العند و العصبية هناك الكثير من الحلول وموضوع النظافة ده مقدور عليه , السؤال فين اهل الزوجة من الحكاية دى كلها ؟

الام هي القائدة وطبعا بتقول بنتها مظلومة ولا شافت يوم حلو
واول مرة يتم دخول الاعمام في المشكلة

[عبدالله برعى]

موضوع فرق التعليم والسن ده انا مش شايفه مبرر انه يطلقها المفروض هوه يتحمل عواقب اختياره
لان كان فيه فتره خطوبه وهوه كان عارف وراضى بالفرق ده
بالنسبه للباقى متابع

ما هو مش حيطلقها علشان فرق التعليم والسن هذا معلوم
ولكن بسبب رفع ايدها عليه والخروج بدون اذن