اعضاء نادي الثلاثينات ... محتاج نصائحكم

[omarhelalyehia]

السلام عليكم

معلش نسيت اقول حاجة مهمة جدا....علاقتك بربنا عاملة ايه ....الصلاة و القران و عمل الخير ....عامل الناس كما تحب ان يعاملوك ....و الرسول الكريم( صلى الله عليه و سلم ) قالنا الموضوع بسيط جدا ....قل أمنت بالله ثم استقم....بما تحويه كلمة الاستقامة من كل معانى الخير

[mody1982]

هو انت عشان مكتئب عايز الكل يكتئب زيك ؟؟؟

اللي اعرفه ان اللي مش قادر يحقق طموحه في مكان

بيسيبه و يروح مكان تاني

بدل ما يعد يكتئب بدون ما يغامر

لا طبعا مش عايز الناس كلها تكتئب زيي
بس انت لو تلاحظ رودوك في معظم المواضيع كانت من نوعيه و ايه يعني
و ايه المشكله اللي عندكم و كده لما كان حد بيشتكي من اللي انت بتشتكي منه
اعتقد دلوقت انت قدرت تعرف الناس بتشتكي من ايه
و قدرت تعرف ان الموضوع بتاع السفر و الجواز من اجنبيه و الجنسيه و الكلام ده
مش هيخليك تخرج من احباط انك وصلت الثلاثين و معملتش اي حاجه في حياتك

[Hussein_Ramdan]

ايه الاكتئاب ده والفشل دة
ممكن الواحد بيحس بكده انو بعد سن التلاتين كبر عشان ممكن يكون فعلا معملش حاجه او ما انجزش حاجه اوبمعنى اصح الوقت الى عدى دة كلو راح على الارض وده نتيجه الفشل ومش قصدى على صاحب الموضوع
الحمد لله بفضل ربنا وبفضل اجتهادى انا بعد سن التلاتين
وبحمد ربنا وبقول انى قدرت انجز حاجه فى اول نص من حياتى
الحمد لله شغل مستقر
زوجه وطفلين
والحمد لله سياره محترمه
اهو بحاول استريح بسبب انى تعبت جدا جدا فى اخر 8 سنين
عشان محدش يفتكر انى بابى سبلى فلوس وورثت من بابى
الحمد لله انا كنت بمشى لخايه المترو عشان اوفر تمن اجر الميكروباص
وكنت بشتغل باكتر من 20 ساعه فى اليوم
اقسم بالله انا كنت بنتحر
الحمد لله ربنا كرمنى اخر كرم ونعمه ما بعدها نعمه
انا كل الى بقولو دة مينفعش عشان انتا عندك 30 سنه تسلم وتقول خلاص انا كبرت
حاجه تانيه من ناحيه الرياضه انا كنت نتيجه شغلى المستمر كنت مهمل جسمى لدرجه ان وزنى وصل لاكتر 160 كيلو
الحمد لله بعد سن التلاتين الى بتقولو الواحد عجز ههههههههه
بجرى كل يوم وبلعب حديد ولاة اكن عندى 15 سنه
ودلوقتى انا وزنى 100 كيلو ونزلت 60 كيلو ولسه مكمل
انا بشوف وزنها كبير وبتكون جوها الروح الانهزميه الى بتتكلمو بيها دى وبتوصل انو بيموت بالسمنه
ياشباب عيشو حياتكو

[hugan]

انت لسه في مقتبل العمر
طب واللي قرب علي 45يعمل ايه
حاول تلحق نفسك وتتجوز و تخلف وانت صغير

[Bassem Youssef]

لا طبعا مش عايز الناس كلها تكتئب زيي
بس انت لو تلاحظ رودوك في معظم المواضيع كانت من نوعيه و ايه يعني
و ايه المشكله اللي عندكم و كده لما كان حد بيشتكي من اللي انت بتشتكي منه
اعتقد دلوقت انت قدرت تعرف الناس بتشتكي من ايه
و قدرت تعرف ان الموضوع بتاع السفر و الجواز من اجنبيه و الجنسيه و الكلام ده
مش هيخليك تخرج من احباط انك وصلت الثلاثين و معملتش اي حاجه في حياتك

انت دخلت كلام كتير في بعضه و شكلك فهمتني غلط خالص

الجواز و الخلفه مش معيار لنجاح او فشل اصلا

عشان كده انا مش شايف انك تكتئب بسبب انك مش متجوز

ده اللي قريته و استشفيته من مواضيعك

و بعدين الجواز و الخلفه دول رزق

و المفروض ان الشخص يقف علي ارض صلبه الاول

قبل ما يفكر في جواز و خلفه و الحوارات دي

عموما انا نصحتك قبل كده انك تمشي من هنا

زي ما انا ناوي اعمل ان شاء الله

صدقني بره البلد دي ممكن تعمل حاجه

و تحس انك انجزت حاجه في حياتك

[A7medelfe2y]

ياااااااااااااااااااااااااااااااااااه
يا راجل احبطتني
انا اسف بس حضرتك كئيب اوي
انا عمي لسه منزل عربيه زيرو ونزل اشتري نضاره ب1800 شمس واداني 5000 اجبله لاب توب واخد تليفون اخويا النوت3 كل دا في اسبوع
بقوله ليه كل دا ياعمي رد عليه وقالي لازم الواحد يعيش حياته ويشوف نفسه
وهو عنده 53 سنه ومريض سكر وضغط وخاربها علي الفيس وكل السوشيل ميديا
ياعم خلي فيه شويه امل وثقه في ربنا
كتر التفير دا هيخليك فعلا تعجز بدري اما لو سبتها زي ماترسي تدقلها وتعيش حياتك هتلاقيها ماشيه زي السكينه في الحلاوه
والجانب النفسي بيلعب دور كبيييييييييييييير في الموضوع دا

[طارق _عبد السلام]

لو قدرت تطبق .. اعمل لدنياك كأنك تعيش ابدا.واعمل لاخرتك كأنك تموت غدا............
مش هيفرق معاك اى حاجه...

ارجوك تفائل ثم تفائل ثم تفائل بالخير تجده ان شاء الله