ما في عرايس حلوه اهه

[mody1982]

ازيكم يا شباب
النهارده حصل موقف و عايز احكيهلكم
زي ما انتوا عارفين اني مش عارف اتجوز و اتعذبت و طلع عيني من حوار جواز الصالونات ده
النهارده كنت قاعد مع واحد زميلي في كافيه
شويه و دخلت بنت زي القمر و امها و قعدوا لوحدهم قصاد بعض
شويه و دخل ولد عادي جدا و امه و قعدوا معاهم
الولد جنب البنت و الام جنب الام
واضح انه حوار جواز صالونات
اللي غظني ان البنت حلوه و رشيقه كده و حاجه تبهر العين و بتتجوز صالونات
افتكرت ساعتها حظي و البنات اللي بتيجلي عن طريق الصالونات شكلها عامل ازاي
شويه و البنت اتكلمت مع الولد
شويه و ام البنت قعدت جنب الولد تتكلم مع البنت و ام البنت بتتكلم مع الولد ( و ده عمره ما حصل معايا)
شويه و رجعوا الولد و البنت يتكلموا مع بعض
و شكلهم مبسوطين من بعض
طيب يعني في بنات شكلها حلو اه مش بنشوف منهم ليهم
و بيجي لينا بنات مينفعش يتبص لها

[Adnfalcon]

مصر فيها بنات حلوه شكلا .. بس نادر لما تشوفهم
المهم لما تتجوز واحده يعجبك شكلها .. دا موضوع مفهوش فصال

[Bassem Youssef]

الموضوع نصيب

[Karim Alaa]

نصييب كتبه ربنا و مفيش وجه اعتراض قول الحمد لله

[رحالة]

ارزاااق
بس الشكل مش كل شيء

[ESO101]

مش لازم صالونات
ويمكن من وجهة نظرك إن الولد عادي جدًا
نظرة البنت بتختلف طبعًا
طبعًا مصر مليانة بنات جميلة جدًا
ولكن بتلاقي شروطها صعبة وغالبًا بترتبط بسرعة
ولو مارتبطتش بتبقى شخصيتها صعبة وتحس إنها مستخسرة نفسها في العرسان

[hossam_elwani]

نصيب

[4fun14]

قهر :(

[mado83]

انا لو منك كنت قومت بوظت الجوازه وظبطت انته؟؟؟؟؟؟؟؟؟؟

[Elawany13]

بس ده مش جواز صالونات ,,,, ده جواز كافيهات

[3adelnor]

عيب يا استاذ لما تقول ان في بنات مينفعش يتبص لها
ترضي علي اختك او اهل بيتك يتقال عليهم كلام عنصري كدا واهانة من النوع دا
سياتك سطحي جدا لانك بتقيم النساء علي اساس الشكل ودي حريتك ولكن لا تهين الاخرين بسبب انهم غير متوافقين مع نظرتك السطحية دي .

[naser_56]

طيب كان سالت امها هي بنتك دي ملهاش تؤام ولا اخت تاني اصغر منها مثلا

[م أحمد]

تزيين الشيطان للحرام

هقولك على حاجة تثبت السطر اللى انا كاتبه فوق

كام نسبة الطلاق بين الفنانين اصحاب الوجوه البراقة ؟ مش دول اولى ما يبصوش لغيرهم !!! و بعدين ورشة الدهانات (منتدى سيارات بقى) اللى عدت عليها زودت جمالها أد أيه و نسبة المزيف للحقيقى أد أيه

هل المتزوج بجميلة فى حالة غض بصر و هل لا يزال يرى زوجته جميلة ام للموضوع جوانب أخرى ...

الزواج له جانبه الروحى اللى هو السكن مش وجوه و اجسام فقط

[msobhy]

البنت المصريه - الست المصريه - الزوجه المصريه ليست الاجمل و فى نفس الوقت ليست الادمم ولكنها مقبوله شكلا ولكن يعيب الزوجه المصريه الطباع السيئه (الكلام ده يشمل والدتى - وكل اقرابى الا من رحم ربى)
الشاب المصرى - الرجل المصرى - الزوج المصرى بمجرد ما يتزوج بيتحول لماكينة فلوس ومرتع لأمراض السكر والضغط - واى حاجه بعد كده مش مهمه

بخصوص زواج الصالونات - انت ونصيبك
بخصوص انك تتجوز واحده حلوه من جواز صالونات احب ابشرك بانك هاتفشل فى حياتك بنسبه لا تقل عن 90% - اشترى من واحد كان بيدور على الشكل وبس ويضحك على نفسه ويقول ان الجمال مش كل حاجه

[blazer]

[size=4][color=navy]
بخصوص انك تتجوز واحده حلوه من جواز صالونات احب ابشرك بانك هاتفشل فى حياتك بنسبه لا تقل عن 90% - اشترى من واحد كان بيدور على الشكل وبس ويضحك على نفسه ويقول ان الجمال مش كل حاجه

يعنى نتجوز ازاى بقى :d
يعنى لو صالونات لازم تبقى مش حلوه زى ما كل واحد يتمنى :(