قرار جمهوري بفرض ضريبة على تذاكر السفر للخارج ... حسبي الله و نعم الوكيل

[moha sasa]

لما التتار كانوا على ابواب مصر العز بن عبد السلام رفض اخذ اموال من الناس حتى يتنازل المماليك عن املاكهم
يا ريت مماليك مصر يتنازلوا و ساعتها مش هتحتاج ضرايب

https://ar.wikipedia.org/wiki/%d9%85...84%d9%88%d8%aa

- لو حضرتك قرأت القرار فالضريبه بتتطبق على إللى مسافرين يستثمروا أموالهم أو يتفسحوا.

- مش هتتطبق على عامه الشعب!!!!!!!!!!!!

- واحنا معندناش أى تتار واقفين على الأبواب عشان نقارن.

[moha sasa]

كمان لما انا اقطع تذكرة ذهاب و عودة من خارج مصر ابقى مدفعتش و لو انا داخل مصر هاخلى واحد من بره يحجزلى
و طبعا مش هتقدر تفرض على الخطوط الاجنبية و لو فرضتها على مصر للطيران يبقى انتظر افلاسها قريبا

- هو معاليك مستثمر / بتحب تتفسح فى بلاد الله عشان تدفع الضريبه الجديدة!!!!!!!!!!!!!!!!

[moha sasa]

- نص القانون للى مقراهوش:-

أصدر الرئيس عبدالفتاح السيسي، قرارًا جمهوريًا بفرض ضريبة على تذاكر السفر للخارج عن الرحلات التي تبدأ من مصر بواقع 400 جنيه بالنسبة للدرجة الأولى ودرجة رجال الأعمال.


ونشرت الجريدة الرسمية، مساء الخميس، القرار حيث قالت يستبدل بنص الفقرة الأولى من البند الرابع من المادة رقم 31 من القانون 46 لسنة 1978 بشأن تحقيق العدالة الضريبية النص الآتي:


تذاكر السفر إلى الخارج عن الرحلات التي تبدأ من جمهورية مصر العربية يتحمل المنتفع بمبلغ 400 جنيه بالنسبة للدرجة الأولى ودرجة رجال الأعمال ومائة وخمسون جنيها بالنسبة للدرجة السياحية وتسري هذه الضريبة أيضا على التذاكر المجانية ويتحمل المنتفع بالتذكرة المجانية بهذه الضريبة.


وينشر هذا القرار بقانون في الجريدة الرسمية ويعمل به اعتبارا من اليوم التالي لتاريخ نشره.

[moha sasa]

- نص كل القوانين:-

www.youm7.com/story/2015/10/9/%D8%AD%D8%B2%D9%85%D8%A9-%D9%82%D8%B1%D8%A7%D8%B1%D8%A7%D8%AA-%D8%B1%D8%A6%D8%A7%D8%B3%D9%8A%D8%A9--%D8%A7%D9%84%D8%B3%D9%8A%D8%B3%D9%89-%D9%8A%D8%B5%D8%AF%D8%B1-%D9%82%D8%A7%D9%86%D9%88%D9%86%D8%A7-%D9%8A%D9%82%D8%B6%D9%89-%D8%A8%D8%AD%D8%A8%D8%B3-%D9%85%D8%B3%D8%B1%D8%A8%D9%89-%D8%A7%D9%84%D8%A7%D9%85%D8%AA/2379449#.Vhc_vW5HNFlحزمة قرارات رئاسية.. السيسى يصدر قانونا يقضى بحبس مسربى الامتحانات سنة وغرامة 50 ألف جنيه.. وفرض ضريبة 400 جنيه على تذاكر السفر إلى الخارج لد

[Mecha]

ايه الدرجه السياحيه دي،مش دي ال
Economy اللي اغلب الناس بتسافر
عليها

[ehab_mansour]

بيقلك علي اللي مسافر يتفسح او يستثمر !!!!!!!!!!!!!!!!!!!!
يا بيه القانون معناه لكل تذاكر السفر و لكل الدرجات .. مسافر تصيع و لا مسافر تشتغل ولا لأي سبب هتدفع يعني هتدفع ... حتي لو مسافر تحج او تعتمر

الدرجة السياحية دي هي ال economy اللي كل البشرية بتسافر عليها .. و كمان اغلب شركات الطيران مفيهاش غير درجتين فقط .. رجل اعمال و سياحية
ربنا المستعان

[hilal]

بيقلك علي اللي مسافر يتفسح او يستثمر !!!!!!!!!!!!!!!!!!!!
يا بيه القانون معناه لكل تذاكر السفر و لكل الدرجات .. مسافر تصيع و لا مسافر تشتغل ولا لأي سبب هتدفع يعني هتدفع ... حتي لو مسافر تحج او تعتمر

الدرجة السياحية دي هي ال economy اللي كل البشرية بتسافر عليها .. و كمان اغلب شركات الطيران مفيهاش غير درجتين فقط .. رجل اعمال و سياحية
ربنا المستعان

الاخ فاكر ان درجة رجال الاعمال مخصصة للناس اللي رايحة تستثمر فلوسها
والدرجة السياحية للناس اللي رايحة تتفسح
واضح انه عمره ما سافر طيران
معلش اعذروه

[Bassem Youssef]

الاخ العزيز moha sasa

طبعا تعليقات و مبررات متوقعه من اللي زي حضرتك

و مش هدخل في جدال عقيم مع سيادتك في المبررات العجيبه بتاعتك

روح يا باشا اتبرع بكل مرتبك او بجزء منه لصندوق تحيا مصر عشان تبقي وقفت جنب البلد

بيع شقتك و اسكن في مكان شعبي و اتبرع بفرق الفلوس لصندوق تحيا مصر برضه

بيع عربيتك و اشتري 128 و اتبرع بفرق الفلوس لصندوق تحيا مصر

و لا انت عايز تقف جنب مصر بالكلام و خلاص ؟؟؟

انا بعت العربيه الاسكودا بتاعت والدي عشان احوش نصيبي منها و ازود عليه كمان

مع ان ده شئ مش يخصك اصلا بس انا صرفت نظر عن دوله السودان للاسف

و ان شاء الله مسافر بلد افضل منها بكتير علي بدايه الترم الدراسي التاني

بكره لما يفرضوا ضريبه علي الاكسجين اللي بتتنفسوه مترجعش تزعل و تشتكي

و قول انا هقف جنب مصر بالفعل مش بالكلام

انت ممكن تاخد نصيبك في ايرادات قناه السويس الجديده و تتبرع بيه :)))

[SeiffoZ]

هى الضرائب على التذاكر كانت كام قبل كده؟ يعنى هي زادت ل150 جنيه، اضاف عليها 150 جنيه؟

[Khaled_Nowaihy]

https://m.facebook.com/photo.php?fbid=10153090757500868&id=634780867&set=a.10151405265760868.1073741825.634780867

[moha sasa]

- مشكوريين للتوضيح.

- وتوجد ثلاث درجات للطيران مش اثنين (إقتصادية/سياحية، رجال أعمال، درجة أولى).

[Ahmed Eraqy]

+ دى حاجات بسيطه ادفعها عشان بلدى تشد حيلها وتكون قد الدنيا.

ايوه ديه حاجة بسيطة طبعا ... بس مش علشان البلد تشد حيلها ده علشان يقدر يزود مرتبات ضباط الجيش و الداخليه للمره العاشرة باين

[boomboomzoro]

السلام عليكم

أعتقد أن هدف الضريبه هو صرف عائدها علي تحسين الخدمه المقدمه

ندفع ضريبه السياره .....لتحسين جوده الطرق

ضريبه العقارات ......لتحسين المرافق و صيانتها

المنطق يقول أن دفع الضريبه شئ غير محبوب للجميع لأنه يقتطع جزء من الدخل

و لكن إذا أحس الممول أن الضريبه تعود عليه بفائده حقيقيه في جوده الخدمه...قد يدفعها مرحبا لإدراكه أنها سوف تعود بالنفع عليه

في مصر....لا توجد ضريبه ندفعها و نشعر أنها توجه لتحسين الخدمه بل تدفع ضريبه و تسوء الخدمه

طرق متهالكه...مرافق تحتاج لتغيير.....مع إرتفاع أسعار رهيييب جعل كثير ممن ينتمون للطبقه الوسطي ...ينزلق إلي الطبقه الفقيره و المعدمه (أعرف نماذج كانت ملتزمه في تدبير فواتير الكهرباء و الغاز و الماء تعثروا الآن عن السداد لعدم قدرتهم علي تغطيه متطلبات الحياه)

فرض الضرائب علي كل شيء و في نفس الوقت ....أسلوب غير حكيم
قد يجلب عائد مادي لفتره و لكنه يفجر مشاكل كثيره لا يستطيع أحد مجابهتها

نسأل الله أن يرفع عنا الغلاء و البلاء

جزاكم الله خيرا

[rotanamasoud]

محتاجين ضريبه على المعسل لحد دلوقت الناس بتشد النفس ببلاش وبتوع السجاير بيدفعو

[طارق _عبد السلام]

الضريبه اصلا كانت موجوده من زمان اللى حصل تعديل على الضريبه بس

يعنى كانت الاول بتتحصل من تمن التذكره 5% من ثمن التذكره بحد اقصى 300 جنيه للدرجه الاولى و100 جنيه لباقى الدرجات...دلوقتى بقت ثابته 400 جنيه للدرجه الاولى ودرجه رجال الاعمال .......... يعنى الزياده 100 جنيه

وبقت ثابته 150 جنيه للدرجه السياحيه

يعنى الزياده 50 جنيه فقط.. مش محتاجه السواد والحسبنه والمرار الطافح اللى بنقرأه كل يومين في المواضيع السوداويه على طول دى .