قرار جمهوري بفرض ضريبة على تذاكر السفر للخارج ... حسبي الله و نعم الوكيل

[moha sasa]

ـ
ـ
هقلكم خبر سري جداً ومش بهزر

السيسي كان في السعودية من حوالي 10 أيام
نزل كام ساعة
وقالولو الرز خلص
مفييييييييش
مفيييييييييييييييش
كويس
-
الفكر بتاع حكام مصر الحاليين هو الجباية
الجباية هي الحل
ـ
بس حد يفكرهم بالمسكنات
لحست بينهم نسيوا
ممكن نحفر قناة سويس تالتة
يعني تفريعة كده 10 كيلو
بس نقول قناة مش هتفرق هما هيقيسوها
.
ونسميها قناة السويس الأجدد
عشان الناس بدإت تصحى على واقع الجباية والمكوس
-
يعني حقنة التخدير بتاعت قناة السويس الجديدة مفعولها بطل

إدوهم أي حاجه

هاتو عبد العاطي يعمل مشروع علاج الصلع مثلاً بجهاز جديد هيطرح بعد 6 شهور
أو هيطرح مع جهاز الكفتة بتاع فيرس سي

هدوا نفسكم خالص
ذاكروا تاريخ
وذاكروا المصريين عاشوا إزاي في دولة المماليك

كان في جدول لعبور جسور الترع
المعزة تعدي بكذا
والحصان بكذا
......................

ـ

- الدور على مصر تديكم رز كعادتها على مدى التاريخ.

- رأى فى أحوال المملكة الاقتصاديه:-

http://www.nilemotors.net/Nile/476904-a-4.html

[Ahmed abdkarim]

- بلدنا ومحتاجه مننا شوية فلوس.

- مندلهاش يعنى!!!!!!!!!!!!!

- لاء طبعاً ندلها سوء قَبل / رفضَ البعض منا.

- عشان تكون أم الدنيا كل الدنيا.

- صح ولا أنا غلطان؟؟؟؟؟؟؟؟؟؟؟؟

احنا بقالنا اكتر من سنتين عمالين نسمع ام الدنيا لازم نديها علشان تشد حيلها لازم كلنا نسف التراب علشان ماااااااااااااااااااااسر

مش ماااااااسر دى برضه اللى هى انا و حضرتك و ابوك وابويا و اصحابنا لما احنا كلنا عمالين ندفع و الاسعار تغلى و الضرائب تزيد و الخدمات الحكومية زى الزفت يبقى مين فى البلد اللى بياخد ؟؟؟
هل مصر دى شبح مثلا او حد تانى منعرفوش

الضريبه اصلا كانت موجوده من زمان اللى حصل تعديل على الضريبه بس

يعنى كانت الاول بتتحصل من تمن التذكره 5% من ثمن التذكره بحد اقصى 300 جنيه للدرجه الاولى و100 جنيه لباقى الدرجات...دلوقتى بقت ثابته 400 جنيه للدرجه الاولى ودرجه رجال الاعمال .......... يعنى الزياده 100 جنيه

وبقت ثابته 150 جنيه للدرجه السياحيه

يعنى الزياده 50 جنيه فقط.. مش محتاجه السواد والحسبنه والمرار الطافح اللى بنقرأه كل يومين في المواضيع السوداويه على طول دى .

اه الحمد لله ان ضريبة تذاكر السفر زادت خمسين جنيه بس وقبل كده الحمد لله اتفرض ضرائب على الدخل 15 % بس وقبل كده اسعار البنزين و المحروقات زادت 20 % بس
و ان شاء الله كمان اسبوعين ضريبة العربيات تزيد خمسين برضه بس و بعدها باسبوعين ضرائب العقارات تزيد خمسين جنيه بس و بعدها باسبوعين ضرائب المواليد تزيد خمسين جنيه بس و بعدها اسعار البنزين تزيد تانى 20 % بس و بعدها باسبوعين الدعم يقل 25 % بس .

والراتب بيزيد الحمد لله 7 جنيه فى السنه يعنى المفروض لما اسرق الحكومة متحاسبنيش بسرق ليه

[moha sasa]

احنا بقالنا اكتر من سنتين عمالين نسمع ام الدنيا لازم نديها علشان تشد حيلها لازم كلنا نسف التراب علشان ماااااااااااااااااااااسر

مش ماااااااسر دى برضه اللى هى انا و حضرتك و ابوك وابويا و اصحابنا لما احنا كلنا عمالين ندفع و الاسعار تغلى و الضرائب تزيد و الخدمات الحكومية زى الزفت يبقى مين فى البلد اللى بياخد ؟؟؟
هل مصر دى شبح مثلا او حد تانى منعرفوش








اه الحمد لله ان ضريبة تذاكر السفر زادت خمسين جنيه بس وقبل كده الحمد لله اتفرض ضرائب على الدخل 15 % بس وقبل كده اسعار البنزين و المحروقات زادت 20 % بس
و ان شاء الله كمان اسبوعين ضريبة العربيات تزيد خمسين برضه بس و بعدها باسبوعين ضرائب العقارات تزيد خمسين جنيه بس و بعدها باسبوعين ضرائب المواليد تزيد خمسين جنيه بس و بعدها اسعار البنزين تزيد تانى 20 % بس و بعدها باسبوعين الدعم يقل 25 % بس .

والراتب بيزيد الحمد لله 7 جنيه فى السنه يعنى المفروض لما اسرق الحكومة متحاسبنيش بسرق ليه

- البلد بتكبر بسرعه؟؟؟؟؟؟؟؟؟

- طرق جديده لازم تترصف + صرف صحى لمدن جديدة + محطات مياه.

- مش كل ده عايز مصاريف وفلوس برضه.

- حتى لو الأحوال بقت أصعب من كده هصبر. لأنى شايف البلد إللى حواليه المركبه فيها غرقت بأهلها.

- سوريا + العراق + اليمن + ليبيا.

- واحنا الحمد لله عندنا ثورتين ومصر السفينه العظيمه لسه مغرقتش ومش هتغرق بينا.

- لأن فى ناس حجمهم تقريبا بتاع 99.99999% من حجم الشعب المصرى واعيين للكلام ده قوى ومتماسكين وصبريين وهندفع لمصر أكتر من كده.

- لحسن السفينه تغرق بينا (لاقدر الله ) ونكون زى أغلب إللى حوالينا.(يتبع)

[moha sasa]

- الدليل:-

https://www.youm7.com/story/2015/10/4/%D8%AA%D9%82%D8%B1%D9%8A%D8%B1-%D8%B1%D8%B3%D9%85%D9%89-%D9%84%D9%88%D8%B2%D8%A7%D8%B1%D8%A9-%D8%A7%D9%84%D9%86%D9%82%D9%84-%D9%8A%D9%83%D8%B4%D9%81-%D8%AA%D9%86%D9%81%D9%8A%D8%B0-57-%D9%85%D9%86-%D8%A7%D9%84%D9%85%D8%B4%D8%B1%D9%88%D8%B9-%D8%A7%D9%84%D9%82%D9%88%D9%85%D9%89-%D9%84%D9%84%D8%B7%D8%B1/2372290#.VhojNm5HPMd

http://www.ahram.org.eg/NewsQ/364013.aspx

[moha sasa]

- من المصادر أعلاه:-

+ كشف تقرير رسمى صادر عن وزارة النقل عن معدلات تنفيذ المشروع القومى للطرق الخاص ببرنامج الرئيس عبد الفتاح السيسىى تنفيذ 649 كيلو مترا من إجمالى أطوال 1148 كيلو مترا تمثل نصيب وزارة النقل من المشروع القومى الخاص ببرنامج الرئيس عبد الفتاح السيسى بعدد 14 طريقا، حيث بلغت نسبة التنفيذ وفقا للتقرير الرسمى حوالى 57%



+ خلال عامين الطـرق المصـرية تصــل للعالمية

[moha sasa]

- كمان دليل على أن البلد بتكبر بسرعه ومحتاجه صرف على الخدمات الجديدة:-

وزير الاسكان يعلن تنفيذ ٥٨٥٦ شقة إسكان اجتماعي في مدينة بدر | المصري اليوم

+ الإحصاء: زيادة إنشاء عدد الوحدات السكنية بنسبة 7.5% خلال 2013 و 2014 :-

alwafd.org/%D8%A7%D9%82%D8%AA%D8%B5%D8%A7%D8%AF/917700-%D8%A7%D9%84%D8%A5%D8%AD%D8%B5%D8%A7%D8%A1-%D8%B2%D9%8A%D8%A7%D8%AF%D8%A9-%D8%A5%D9%86%D8%B4%D8%A7%D8%A1-%D8%B9%D8%AF%D8%AF-%D8%A7%D9%84%D9%88%D8%AD%D8%AF%D8%A7%D8%AA-%D8%A7%D9%84%D8%B3%D9%83%D9%86%D9%8A%D8%A9-%D8%A8%D9%86%D8%B3%D8%A8%D8%A9-7-5-%D8%AE%D9%84%D8%A7%D9%84-2013-2014

[Ahmed abdkarim]

نوع غريب من الناس

راكب عربية ومش عايز يدفع تمن البنزين الحقيقي ولما الحكومة تغلي البنزين يطلم ويشتم في البلد , طيب ما انت حضرتك راكب عربية بفلوس ولما بتعطل بتروح تصلحها بفلوس , امال اشمعنا مش عايز تدفع السعر الحقيقي للبنزين !!!

نفس الكلام بالنسبة للكهربا , تلاقي البيه جايب تكييف واتنين بكام الف جنية ويجي عند فاتورة الكهربا مش عايز يدفع السعر الحقيقي ويشتم برضوا في الحكومة وعايز كهربا مدعومة !!!

قيس علي كدا باقي الخدمات

لا والنوع دا من الناس مش بس بيعمل كدا مع الحكومة لا في تعاملاته الحياتية مع باقي الناس

يعني مثال حي

لي جار زي النوع بتاع باسم والشلة بتاعه مصر بتخرب :) ,عنده بدل العربية اتنين ومرتاح مادية وكل غرفة فيها تكييف وحياته المادية مرتاحه , تعالي بقي يبعت بواب العمارة يجبله حاجة من تحت والمصحف الشريف ميهنش عليه يديله جنيه , مره كلمته عن الموضوع دا لان البواب كان مضايق وكلمني , يرد عليه يقلي يعم البوابين دول واكلينها والعة وحرامية , رغم ان البواب ملوش اي مصدر رزق تاني ومرتبه ضعيف وعنده اسره ورغم ان البواب ملوش ان يجبله حاجة من بره .

نفس الرد ونفس الاسلوب البواب حرامي زي ما الحكومة حرامية

نوع عايز يركب عربيات ويتفسح وياكل انضف اكل انما يدفع حق البلد او حق الغلبان لا

يدفع ثمن البنزين الحقيقى لما يدفع تمن العربية الحقيقى اشمعنى يعنى العربية تكون جايه ب 5000 دولار يعنى 40 الف جنيه و تتباع ب 150 الف جنيه ولما الدولة تاخد جمارك و ضرائب و دمغات 200 % ده عادى !!!!
ولما الكهرباء تكون بتقطع 50 مرة فى اليوم ده طبيعى !!!!!!

اه صح جايب العربية بفلوسه
ويا تري بقي جاب فلوسه منين مش من شغله وشغله دا مش برضوا محتاج شهادة والشهادة جابها منين , مش من مجانية التعليم !!!
ولما هو معاه فلوس وجايب عربية بعرقه مش عايز يدفع ليه فلوس البنزين والكهربا بالسعر الحقيقي ولا هو فالح بس يركب عربيات ويجي عند حق البلد يقلك اديني مرتب كويس علشان ادفع , طيب ما انت دافع تمن العربية من نفس المرتب اللي مش عجبك :)
ازوداجية في الفكر وتبرير التهرب من دفع حق البلد
اه بخصوص المستشفيات والعلاج يا تري حضرتك بتدفع سعر الدوا الحقيقي ؟؟؟
متعرفش سياتك ان في ادوية كتير الحكومة بتدعمها ولا برضوا بتشتريها بفلوسك ؟

كلمة اخيرة بخصوص الدولة المحترمة , الدولة المحترمة حتديك مرتب محترم بناء علي ايه , الدول المحترمة يا عزيزي مش بتدي مرتبات محترمة الا للي عندهم كفاءة وقدرات وفي مصريين كتير عندهم كفاءة وقدرات وشغالين من مصر في شركات كبيرة ومرتباتهم خيالية ومن غير ما يسافروا بره مصر خالص :)

لو حضرتك شايف نفسك مظلوم في مكانك وفي بلدك سافر اي بلد من البلاد المحترمة واثبت كفائتك وادفع ضرائب علي الدخل "اعلي من مصر اللي مش عجباك" وادفع بنزين بالسعر الحقيقي وكل الخدمات الاخري بسعرها الحقيقي .

انما تقعد تقلي اصل مرتبي ضعيف وادوني مرتب كويس ,ايه اللي جابرك !!!

بمناسبة البنزين والدعم اغلب الدول المحترمة اللي انت بتتكلم عليها دي معندهاش دعم والبنزين والباقية بدأ في الغاء الدعم علي الطاقة :)

الشهادة بتاعة التعليم المجانى متخليش الواحد يجيب عجلة مش عربية احنا معندناش تعليم اصلا

اما الدواء المدعوم تفضل تاخد منه 50 حباية و مفيش اى مفعول ولما تاخد قرص واحد بس من المستورد روحك بتترد ليك تانى ده غير ان كلام حضرتك مش مظبوط فى انجلترا موحدين اسعار الادوية مفيش اى دواء سعره يزيد عن 8 يورو مهما كان الدواء
اما الشركات الكبيرة اللى بتدى مرتبات محترمة احب اقول لحضرتك ان 90% منها شركات اجنبية
اما بخصوص السفر مفيش حد بتجيله فرصه و بيفضل قاعد هنا حتى لو بنفس الراتب كفاية النضافه هناك
اما البنزين المدعم ادينى تعليم كويس و ادينى رواتب كويسة و ادينى عدالة اجتماعية و ادينى تأمين صحى و خد منى ضرائب وارفع الدعم

[Ahmed abdkarim]

- البلد بتكبر بسرعه؟؟؟؟؟؟؟؟؟

- طرق جديده لازم تترصف + صرف صحى لمدن جديدة + محطات مياه.

- مش كل ده عايز مصاريف وفلوس برضه.

- حتى لو الأحوال بقت أصعب من كده هصبر. لأنى شايف البلد إللى حواليه المركبه فيها غرقت بأهلها.

- سوريا + العراق + اليمن + ليبيا.

- واحنا الحمد لله عندنا ثورتين ومصر السفينه العظيمه لسه مغرقتش ومش هتغرق بينا.

- لأن فى ناس حجمهم تقريبا بتاع 99.99999% من حجم الشعب المصرى واعيين للكلام ده قوى ومتماسكين وصبريين وهندفع لمصر أكتر من كده.

- لحسن السفينه تغرق بينا (لاقدر الله ) ونكون زى أغلب إللى حوالينا.(يتبع)

موضوع احنا احسن من سوريا والعراق و البعبع بتاع الدول اللى حوالينا بتغرق و الكلام ده كان فى دول اقل ممنا كتير و حسنت من نفسها زى البرازيل و تركيا و سنغافورة ده اليابان نزل عليها 2 قنبلة نووية ولا اى حد قال اى حاجه من الكلام ده

[Ahmed abdkarim]

- من المصادر أعلاه:-

+ كشف تقرير رسمى صادر عن وزارة النقل عن معدلات تنفيذ المشروع القومى للطرق الخاص ببرنامج الرئيس عبد الفتاح السيسىى تنفيذ 649 كيلو مترا من إجمالى أطوال 1148 كيلو مترا تمثل نصيب وزارة النقل من المشروع القومى الخاص ببرنامج الرئيس عبد الفتاح السيسى بعدد 14 طريقا، حيث بلغت نسبة التنفيذ وفقا للتقرير الرسمى حوالى 57%



+ خلال عامين الطـرق المصـرية تصــل للعالمية

وبعدين انا كمواطن عادى اعمل ايه بالطرق اى مسؤل فى بلدنا بيبقى عاوز الناس تحس انه عمل حاجه بيركز فى الطرق و الكبارى و يقعد كل كام اسبوع يفتح كوبرى على كام تفريعة طريق

فين الاهتمام بالصحة والتعليم و محدودى الدخل و البحث العلمى و الشباب و الصناعة المحلية وتنمية الصادرات كل ده صفر مفيش

[Karim Alaa]

طب بغض النظر عن النقاش الطويل فى حاله البلد و ان المصرين كلهم بيموتو الضريبه اصلا موجوده من 79 و هو زودها 50 جنيه على العاديه و 100 جنيه على الاولى و رجال الاعمال حد يقولى حسبى الله و نعم الوكيل عشان تذكره السفر زادت 50 جنيه :d ولا عشان مش المفروض يبقى فى ضرايب اصلا ولا عشان هو كده و بلد وسخه و لازم نشتم و خلاص ؟ 50 جنيه على التذكره معمول عليها موضوع طويل

[FAR!D]

بخصوص الموضوع فهو هري و اترد عليه 100 مره
بخصوصك انت يا باسم
طول مانت في البلد السكك بتتقفل ...الحق اهرب و انفد بجلدك و سيبها سالكه ليك و لغيرك ههههههههه

[ايمن محمود محمد ابراهيم]

الاستاز moha بيتكلم صح

هي مصر دي مش امك؟

امك لو ميلت عليك وقالت لك يابني معزورة ف ١٥٠ جنيه

هتديهم لها والا تقولها روحي استلفي من الجيران؟

والا هاتقولها كان على عيني

دي مصر يا اخوانا مصر عارفين يعني يه مصر

انا عن نفسي مش عايز اعرف بصراحة

فكرتنى بكتاب لكاتب ساخر اسمه اسامه غريب
"مصر ليست امى ،، دى مراة ابويا"

[Bassem Youssef]

يعني حال الاسرائيليين زي حال المصريين ؟؟؟ lol

[Bassem Youssef]

مادام انت عارف انها للحريم حاول بقى تتجنبها تاني هقولك ... هو عشان قولت حسبي الله و نعم الوكيل بقيت بولول ؟؟؟ طيب :)))) و لا عشان في ناس بتتقمص من الدعاء علي الظالمين :))))

تانى حاجة ........ كالعادة حجة المفلس ........ المفلس منطقيا .......... انت مش لاقى حاجة ترد بيها عليا فافترضت و الفت و اخترعت حاجات من دماغك تهاجمنى بيها ...... غير انك بتهاجم بنفس الأسلوب اللى انت زعلان منه ...... ان فيه ناس جابت سيرة عربيتك ...... طب خلاص مالكش دعوة بغيرك بقى ... اصل الناس اللي ايديها في الميه الساقعه هم الطبقه اللي فوق فقولت غالبا حضرتك منهم و لا حاجه فعشان كده عمر سيادتك ما هتحس باللي انا و امثالي من الشباب حاسين بيه

الحمد لله رب العالمين ........... انا ابن الطبقة المتوسطة بامتياز و عمرى و لا انا ولا ابويا اشتغلنا فى الحكومة و لا نعرف اى وسايط ........... و لو عملنا حاجة عملناه بالحلال و بالشقى و التعب

اللى زى مختلف عن اللى على طول بيولول و بندب و يعدد زى الحريم .......... احنا مهما كانت الظروف صعبة ما بنعملش كده بنفضل نشتغل و نشقى و نبذل مجهود و الله لا يضيع اجر من احسن عملا ... في واحد بيتعب و بيجتهد بالحلال بس بيترمي ليه ملالييم و راضي بالملالييم دي و مش عارف يعيش زي البني ادمين الطبيعين و في نفس الوقت مش بيفتح بقه و لا بيعترض علي حاله لاسباب واهيه من غير ما اقولها

لكن اللى على طول باصص لغيره و عمال يحقد و يحسد و يغل فى نفسه ده مريض و النار اللى جواه بتاكله هو بس ... زي ما قولتلك في فرق بين اللي بيتعب و بياخد ملالييم و مش عايش زي البني ادمين الطبيعين و عايش زي العبد الذليل اللي ميقدرش يفتح بقه و لا يطالب بحقه و كمان بيبرر للي بياكل حقه و فرق بين اللي بيتعب و برضه بياخد نفس الملالييم بس عايز يعيش زي البني ادمين الطبيعين و عنده عزه نفس و كرامه و ميقدرش يبقي ذليل تحت اي ظرف و دايما بيطالب بحقه

ربنا يهديك و يهدينا جميعا [/quote]

التاني ده مش باصص لغيره و لا بيحقد و لا بيحسد ... هو بس عايز حقه :)

[A.Saad]

50 جنيه = 25 ريال سعودى
= 3 يورو