اول مرة تقود فيها سيارة كم كان عمرك

[د./اليشع ثابت]

ههههههههههههههههههههههههههههه

فكرة المشاركة موحاة من اخونا انتى
-فيروس و هى بالفعل متبطة او ربما قبل استخراج رخصة القيادة وهى اول مرة قومت بقيادة سيارة كم كان عمرك و بمساعدة من و ما هى المواقف الصعبة و ايضا الطرائف التى قابلتك وانت حديث فى القيادة

ارجو الكل يشارك ولكم جزيل الشكر

[د./اليشع ثابت]

انا طبعا هبدا بنفسى اول مشاركة

انا تعلمت وانا فى الجيش وبحكم انى كنت دكتور (ظابط) فى العيادة

فقد تعلمت على سيارة الاسعاف وهى كانت بيجو 504 ستيشن

وطبعا ساحة التعليم ههههههههه على ممر الطائرات فكنت مطمن انى مش

هخبط فى اى حد ابدااااااااااااااااا

وبعدما بدات اسوق داخل المدينة كان الوضع مختلف تماما عن الفسحة الى

كنت بتعلم فيها بس دلوقتى الحمدلله اتعالجت (قصدى اتعلمت) كويس

والحمدلله كلة تماااااااااااام

[mody_halawa]

كنت فى 3 اعدادى وكانت اول مرة اسوق عربية وكانت عربيتنا ال 128 كنت بتعلم عليها بس عمرى مركبتها لوحدى كان دايما بابا معايا لغاية لما جاب الدايو لانوس وكنت ساعتها فى 2 ثانوى ابتديت اسوق لوحدى بالانوس

[د./اليشع ثابت]

كنت فى 3 اعدادى وكانت اول مرة اسوق عربية وكانت عربيتنا ال 128 كنت بتعلم عليها بس عمرى مركبتها لوحدى كان دايما بابا معايا لغاية لما جاب الدايو لانوس وكنت ساعتها فى 2 ثانوى ابتديت اسوق لوحدى بالانوس

جميل قووووى التعليم المبكرر بيبقى باتقان جميل

علشان كدة انا ناوى اعلم ابنى بولا من دلوقتى هو الان فى اولى ابتدائى

ههههههههههههههههههههههه

اية رايكم بقى ههههههههههههه اعوض فية تاخرى انا ههههههه

[aif]

انا باعرف كل حاجة عن السواقة نظري و مشاهدة بدون سواقة فعلية من عمر 13 سنة
- طلعت رخصة مصرية سنة 1990 بالواسطة من غير ما اعرف اسوق ..... يا دوب باعرف احرك العربية 5 متر للامام والخلف في خط مستقيم
-طلعت رخصة سعودية في اول سواقة حقيقية .... ومن اول اختبار .... ومن غير واسطة .... ومن غير اي تمرين ( رخصة السعودية صعبة توهان ).... وما حدش يقولي ازاي ..... بصراحة وبجد .... بدعاء امي الله يرحمها
- اشتريت عربية واحد زميلي في الشغل في جدة ..... ونزلت سوقتها للبيت ودي كانت اول مرة اسوق عربية في شارع بين الناس ....
- وبعدها بأيام سافرت بالعربية من جدة لمكة .... 75 كيلو .... وخلاص بقيت باسوق ... الكلام ده كان سنة 1991 تقريبا
ملحوظة : محدش يحاول يعمل كدة عشان سلامته وسلامة من حوله

[د./اليشع ثابت]

انا باعرف كل حاجة عن السواقة نظري و مشاهدة بدون سواقة فعلية من عمر 13 سنة
- طلعت رخصة مصرية سنة 1990 بالواسطة من غير ما اعرف اسوق ..... يا دوب باعرف احرك العربية 5 متر للامام والخلف في خط مستقيم
-طلعت رخصة سعودية في اول سواقة حقيقية .... ومن اول اختبار .... ومن غير واسطة .... ومن غير اي تمرين ( رخصة السعودية صعبة توهان ).... وما حدش يقولي ازاي ..... بصراحة وبجد .... بدعاء امي الله يرحمها
- اشتريت عربية واحد زميلي في الشغل في جدة ..... ونزلت سوقتها للبيت ودي كانت اول مرة اسوق عربية في شارع بين الناس ....
- وبعدها بأيام سافرت بالعربية من جدة لمكة .... 75 كيلو .... وخلاص بقيت باسوق ... الكلام ده كان سنة 1991 تقريبا
ملحوظة : محدش يحاول يعمل كدة عشان سلامته وسلامة من حوله

بجد انت مغامرررر جدااااااااااا

بس ياريت متكررهاش تانى

ههههههههههههههههههه مع اولادك يعنى إن شاء الله و بنا يوفقك

[beautiful0mind]

والله مفاكر كان عندى كام سنة بس فاكر انى كانت فرأس البر كانت على عربية شاهين بس تقريبا كونت فى تلته او ربعة أبتدائى ..ومن صغرى وأنا من عشاق السيارات لحكم عمل والدى واهتمامة بالسيارات تقدر تقول انى مولود فى كبوت العربية ........

ومنساش اول لكمية ختها من والدى لما قلى اقف وانا قلتله هى الفرامل فين

[د./اليشع ثابت]

والله مفاكر كان عندى كام سنة بس فاكر انى كانت فرأس البر كانت على عربية شاهين بس تقريبا كونت فى تلته او ربعة أبتدائى ..ومن صغرى وأنا من عشاق السيارات لحكم عمل والدى واهتمامة بالسيارات تقدر تقول انى مولود فى كبوت ........

والله تعليقك حلو جداااااااااااااا (مولود فى كبوت)

بس هى بتتقال مولود فى دواسة هههههههههههههههههه

ربنا يوفقك دائما و ابداااااااااا ويسترها معانا جميعا

انشاءالله

[AhMeD EzZ]

انا لسة بتلم 16 سنة

[د./اليشع ثابت]

انا لسة بتلم 16 سنة

ربنا يوفقك إن شاء الله و تتعلم سريعا جدااا بس خلى بالك وركز كويس قوووى

[mrghost]

اول مره كنت فى 5 ابتدائى وماكنتش طايل البدالات فوالدى قالى استنى شويه لحد ماتطول وبعدين بدأت تانى فى 1 اعداى وبقيت احط مخده وكنت بسوق فى شارعنا فقط حتى 3 اعدادى بقى والدى يسبنى اسوق لوحدى وكانت العربيه فيات 125

[د./اليشع ثابت]

اول مره كنت فى 5 ابتدائى وماكنتش طايل البدالات فوالدى قالى استنى شويه لحد ماتطول وبعدين بدأت تانى فى 1 اعداى وبقيت احط مخده وكنت بسوق فى شارعنا فقط حتى 3 اعدادى بقى والدى يسبنى اسوق لوحدى وكانت العربيه فيات 125

بجد انا شايف ان الموضوع بداااااااا يبقى شيق قووووووووووووى

وخصوصااااااااا انة بيخلينا نستدعى ماضينا الجميل واوائل قيادة كانت

لنا بجد موضوع شيق و جميل واتمنى الكل يحكي لنا قصتة فى القيادة الاولى

[badblood]

تقريبا 12 سنة في السعوديه
وكانت عربية gmc

[amirhamed]

16 سنه......

[fahd_628]

انا من و انا 10 - 11 سنة كنت دائما بنزل ادور عربيتنا ال 128 :) و كنت ببقى فرحان قوى قوى :)

و لما بقى عندى 11 سنة والدى قالى تعالى سوق و قام واخدنى على حجرة فى عربية بيجو 504 و قالى اطلع ( انا كنت دائما بركز مع اى حد سائق و عارف اية الى المفروض يتعمل ) و هوب عملت اكبر امريكانى عملتى فى حياتى ( 2000 سى سى :) ) قومت دايس بنزين على الأخر و شايل رجلى مرة واحدة :) و والدى بصراحة فى الحاجات دية هادى جدا جدا جدا قالى ولا يهمك دوس بنزين بالراحة و شيل رجلك بالراحة خالص من على الدبرياج و فعلا من تانى مرة طلعت صح :) و طبعا فرحة كبيرة جدا جدا جدا جدا و كنت فى اى حتة فاضية اقول لوالدى ممكن اسوق و كان بيسوقنى :) و من تقريبا 15 سنة كدة كنت ممكن انزل اركن العربية او اغير مكانها و بعدين من 16,5 بدأت اول مرة اسوق فيها و طلعت على الترام علشان كان حارة واحدة و سهل و بعدين بقى بقى ينزل معايا و بدأت اسوق شوية بشوية لغاية سن 17 بقى بيسبلى العربية خالص و بيقولى خدها :) و انا طبعا كنت ببقى مبسوط قوى بس هوة كان بيسبهالى علشان انا سواقتى هادية جدا و مش بجرى ولا الكلام دة :) و بجد لغاية دلوقتى عمرى ما عملت حركة متهورة او شديت مع واحد ( غرز و كدة )

المصيبة الكبرى بقى انى لسة تامم 18 يوم الأربعاء الى فات و رحت يوم السبت اعمل الرخصة و كلة مشى تمام و سقطت فى امتحان الكمبيوتر :( :( :( :( :( :( :( :( :( :( :( :( :( :( :( :(

و طبعا زعلان جدا بس حعمل اية بقى :(