اول مرة تقود فيها سيارة كم كان عمرك

[د./اليشع ثابت]

انا من و انا 10 - 11 سنة كنت دائما بنزل ادور عربيتنا ال 128 :) و كنت ببقى فرحان قوى قوى :)

و لما بقى عندى 11 سنة والدى قالى تعالى سوق و قام واخدنى على حجرة فى عربية بيجو 504 و قالى اطلع ( انا كنت دائما بركز مع اى حد سائق و عارف اية الى المفروض يتعمل ) و هوب عملت اكبر امريكانى عملتى فى حياتى ( 2000 سى سى :) ) قومت دايس بنزين على الأخر و شايل رجلى مرة واحدة :) و والدى بصراحة فى الحاجات دية هادى جدا جدا جدا قالى ولا يهمك دوس بنزين بالراحة و شيل رجلك بالراحة خالص من على الدبرياج و فعلا من تانى مرة طلعت صح :) و طبعا فرحة كبيرة جدا جدا جدا جدا و كنت فى اى حتة فاضية اقول لوالدى ممكن اسوق و كان بيسوقنى :) و من تقريبا 15 سنة كدة كنت ممكن انزل اركن العربية او اغير مكانها و بعدين من 16,5 بدأت اول مرة اسوق فيها و طلعت على الترام علشان كان حارة واحدة و سهل و بعدين بقى بقى ينزل معايا و بدأت اسوق شوية بشوية لغاية سن 17 بقى بيسبلى العربية خالص و بيقولى خدها :) و انا طبعا كنت ببقى مبسوط قوى بس هوة كان بيسبهالى علشان انا سواقتى هادية جدا و مش بجرى ولا الكلام دة :) و بجد لغاية دلوقتى عمرى ما عملت حركة متهورة او شديت مع واحد ( غرز و كدة )

المصيبة الكبرى بقى انى لسة تامم 18 يوم الأربعاء الى فات و رحت يوم السبت اعمل الرخصة و كلة مشى تمام و سقطت فى امتحان الكمبيوتر :( :( :( :( :( :( :( :( :( :( :( :( :( :( :( :(

و طبعا زعلان جدا بس حعمل اية بقى :(

ما هو طبعا لازم تسقط طالما لسة تامم 18 يوم انت كنت متوقع حاجة تانى

ههههههههههههه طبعا بضحك معاك لانك قصدك 18 سنة هههههههههه

على العموم ولا يهمك بس فعلا امتحان الكمبيوتز دة غلس حقيقى

وطبعا لازم يكون فية واسطة لانهم حقيقى بيغلسووووا بجد

وإن شاء الله هتطلعها اكيد بازن الله ولك تحياتى

[Bossy_Fadl]

ايه يا دكتور المواضيع الحلوة دي:laugh:

جميل و الله التوبيك ده

انا اول مرة اسوق فيها كانت من تلات شهور

لما بابا اتوفي و اضطريت اني انا اللي اسوق عشان معنديش اخ ولد

و ماما ابسط حاجة بتعملها لما بتسوق انها توقف في شارع زي شارع الهرم بالعرض

و الشاطر يعرف يرجعها زي ما كانت:k48:

المهم اني زي الشاطرة بعت عربيه بابا عشان محدش يفتكر كل ما يشوف العربيه

و زي العبيطه لحد هلأ مش عارفه الاقي حد يجيبلي غيرها:k48:

[Mohamed_Ibiza]

اول مرة سقت فيها عربية كانت عربية خالي لادا 1500 وكا عمري 13 سنة

واليوم د خبطت اتنين

ههههههههههههههههههههههههههههههههههههههههههه

بس احمد لله جت سليمة وخالي عمل صلح

تاني مرة بقى لما جبت عربيتي الابيزا اول يوم جبتها فيه دوست اتنين برضه

هههههههههههههههههههههههههههههههههههههههههههههههههه ههه

والحمد لله جت سليمة والدي عمل صلح

مش عارف من غيرك خالي ووالدي كنت هعمل ايه

المهم اول يوم جبت العربية جبتها من منطقة المندرة عندنا في الاسكندرية

وانا اصلا ساكن في محرم بك والمشوار تقريبا نص ساعة

روجت في ساعتين ونص

يعني لو رايح القاهرة كان زماني وصلت

ههههههههههههههههههههههههههه

فكرتوني باللذي مضى

[د./اليشع ثابت]

ايه يا دكتور المواضيع الحلوة دي:laugh:

جميل و الله التوبيك ده

انا اول مرة اسوق فيها كانت من تلات شهور

لما بابا اتوفي و اضطريت اني انا اللي اسوق عشان معنديش اخ ولد

و ماما ابسط حاجة بتعملها لما بتسوق انها توقف في شارع زي شارع الهرم بالعرض

و الشاطر يعرف يرجعها زي ما كانت:k48:

المهم اني زي الشاطرة بعت عربيه بابا عشان محدش يفتكر كل ما يشوف العربيه

و زي العبيطه لحد هلأ مش عارفه الاقي حد يجيبلي غيرها:k48:

ياااااااااااااااااة يا بوسى

والله والله انا اسف اسف بجد لانى كنت عامل الموضوع دة للذكريات

الحلوة مع تعلم القيادة الحلوة فقط

لكن انا بجد اسف

ودلوقتى لا يسعنا القول سوى ان نواسيكى فى الفقيد الغالى

ونسال الله العلى القدير ان يسكنة فسيح جناتة وان يلهمكم الصبرر و السلوان

ويتغمدة برحمتة الواسعة

البقاء لله والبقية فى حياتك ولا راد لقضاء الله

[د./اليشع ثابت]

اول مرة سقت فيها عربية كانت عربية خالي لادا 1500 وكا عمري 13 سنة

واليوم د خبطت اتنين

ههههههههههههههههههههههههههههههههههههههههههه

بس احمد لله جت سليمة وخالي عمل صلح

تاني مرة بقى لما جبت عربيتي الابيزا اول يوم جبتها فيه دوست اتنين برضه

هههههههههههههههههههههههههههههههههههههههههههههههههه ههه

والحمد لله جت سليمة والدي عمل صلح

مش عارف من غيرك خالي ووالدي كنت هعمل ايه

المهم اول يوم جبت العربية جبتها من منطقة المندرة عندنا في الاسكندرية

وانا اصلا ساكن في محرم بك والمشوار تقريبا نص ساعة

روجت في ساعتين ونص

يعني لو رايح القاهرة كان زماني وصلت

ههههههههههههههههههههههههههه

فكرتوني باللذي مضى

ذكررياتك مع السواقة مشكلة يا محمد ضحكتنى والله قوووووى

المهم انك مش بتدوس غيررر بالاتنين يعنى واحد لاءءءءءءءءءء

بس الحمد لله ان الله كل مررة كان بيسترها و ربنا يخليلك والدك الغالى وخالك

والحمدلله على كل حال بس اكيد دلوقتى انت تمااااااااام .... صح كدة

[Nour_Peugeot]

انا اول مره اسوق كان سنه 2002 شهر 11 بدات السواقه علي العربيه المش هقدر انسها ابدا الادا

و اعدت بظبت شهر و بعد كده بقيت اسوقها معا ولدي 3 مرات في الاسبوع و بعد كده لقيته مش عيز يدهاني

رحت دخلت مدرسه سواقه عشان اسوق برحتي و كنت بحب اطلع الكباري كتير

و بعد مخلصت حصص السواقه اعدت 3 اسابيع مبسقش

فازهقت رحت بدات اسرق العربيه من ورا ابويه

و بهد كده جيه اليوم البعنا فيه العربيه

و جبنا البيجو العزيزه من 3 سنين و نصف

و من سعتها اصحابي مسميني نور بيجو عشان بقيت اخدها اكتر من ابويه

يعني سرقه علي استاذان

و راح اويه زهق و راح اشتري 128 عشان امي عشان انفض للبيجو و اصوق ال 128

بقيت اسوق البيجو الصبح قبل ميروح الشغل و بليل ب 128

يعني بمعني اصح محدش يجيب عربيه قدامي

و الخلاصه من و انا عندي 12 و نصف و انا بسوق و دلوقتي مستني الرخصه بفارغ الصبر

انا عندي 17 سنه و 2 شهر

و شكرا علي الموضوع ياباشا

[د./اليشع ثابت]

انا اول مره اسوق كان سنه 2002 شهر 11 بدات السواقه علي العربيه المش هقدر انسها ابدا الادا

و اعدت بظبت شهر و بعد كده بقيت اسوقها معا ولدي 3 مرات في الاسبوع و بعد كده لقيته مش عيز يدهاني

رحت دخلت مدرسه سواقه عشان اسوق برحتي و كنت بحب اطلع الكباري كتير

و بعد مخلصت حصص السواقه اعدت 3 اسابيع مبسقش

فازهقت رحت بدات اسرق العربيه من ورا ابويه

و بهد كده جيه اليوم البعنا فيه العربيه

و جبنا البيجو العزيزه من 3 سنين و نصف

و من سعتها اصحابي مسميني نور بيجو عشان بقيت اخدها اكتر من ابويه

يعني سرقه علي استاذان

و راح اويه زهق و راح اشتري 128 عشان امي عشان انفض للبيجو و اصوق ال 128

بقيت اسوق البيجو الصبح قبل ميروح الشغل و بليل ب 128

يعني بمعني اصح محدش يجيب عربيه قدامي

و الخلاصه من و انا عندي 12 و نصف و انا بسوق و دلوقتي مستني الرخصه بفارغ الصبر

انا عندي 17 سنه و 2 شهر

و شكرا علي الموضوع ياباشا

خلاص هانت يا نور كلها كمان 10 شهور و تطلع الرخصة

و تسوق فى النور ههههههههههههه

و تبقى اسمك نور على نور

وربنا ينورر حياتك دائما امين يارب

[msobhy]

انا الحمد لله ابتديت اسوق وانا فى 5 ابتدائى
وربنا وفقنى وابتديت اسرق عربية والدى الله يرحمه وانا فى اولى سنوى
والحمد لله فعليا ابتديت اسوق باحتراف (بمعنى انى بسوق باحترام وهدوء) وانا عندى 21 سنه

[Mohd_Adel_Amin]

انا الحمد لله كان ربنا كارمني آخر كرم بالنسبة للموضوع ده ..
أول مرة كان على أوتوماتيك وكان عندي 9 سنين وكان في عربية مرسيدس .
واتعلمت المانوال على عربية لاندكروزر (تخيلو) بعدها بسنتين اعتقد !!

[mohmd76]

وانا عندى 22 ونص وكانت لادا 2107 على الزيرو لكن كنت اسوق فى محيط السكن فقط ولاداء احتياجات البيت هذا كان فى 7 /1999 وفى اكتوبر هههههههههههه تركتها الى الابد ولن اسوق ابدا تانى توبة من الضغط العصبى والناس الى ماشية فى عرض الشارع

[EslaM_NagY]

ابتداء من 3 ابتدائى كنت بنزل اسخن العربية الصبح وممكن ازحلق العربية قدام البيت لو مش راكنة فى مكانها عشان الشارع منزل فا بنزل فرامل اليد وامور الفتيس واشد الفرامل فى المكان المحدد وهكذا حتى اولى اعدادى بدون اى اصابات خااااالص.
كانت عربية 128.

من اولى اعدادى قولت لبابا انا عايز اسوق قالى لا انت لسة صغير لما تكبر شوية فانا طبعا غضبت وزعلت تانى يوم واحنا نازلين لقيتوا قاعد جنب السواق وقالى تعال سوق طبعا كنت حطير من عالارض.

الى بسطوا اوى ساعتها انى طلعت بالعربية ومشيت فى كام شارع وكانت لفة كويسة جدا عشان لما اخويا كان بتعلم السواقة كنت بركب معاه فكل ملاحظة بابا يقولهالو احفظها فلما سوقت اول مرة محتجش يقولى ولا نصيحة من الى قالهم لخويا.

بالاضافة انى كنت حافظ العربية بتنقل امتى وتقف امتى وادوس ايه مع ايه وكدة
تقدر تقول اتعلمت السواقة نظرى من ركوبى مع باابا واخويا حوالى 4 سنين كدة.

مرحلة اعدادى كلها كانت كنت شغال فى شارعنا والشوارع المجاورة.
مرحلة اولى ثانوى كانت مدينة نصر وحدائق القبة ومصر الجديدة طبعا كله مع بابا.

ثانية وثالثة ثانوى دول بقى الى حصل فيهم التحول الكبير عشان كنت بروح مع بابا للميكانيكى وبعد لما يخلص انا الى بجرب ولو مش عجبانى بيعيد الشغل فطبعا خدت معلومات لا باس بها عن الميكانيكا والكهرباء.

لما اشترينا الفيرنا انا اول واحد سقتها من قدام المعرض وكان بابا مبسوط عشان الطلعة والسحب كله كان تمااااااام اوى.
ومن ساعت ما ركبت الفيرنا وبقيت اعرف ان فى حاجة اسمها شد وغرز وكدة عشان طبعا ال128 مش بتساعدنى اعمل اى حاجة من دول.
واتعملمت الحرق والشد والتسقيط لوحدى تماماااا بدون اى مساعدات خارجية
من ساعة لما طلعت الرخصة مركبتش الفيرنا ولا مرة الحمد لله - مش عارف ليه -

وبقت ال128 تحت رجلى 24 ساعة الحمد لله.

والحمد لله مرحلة تعليم السواقة مرت بدون خدش بالعربية.


واسف انى كتبت كتيييييييير بس الموضوع عجبنى
شكراااا

[MoDyBeNz2008]

لما كان عندي 11 سنة بدأ الوالد يخليني انزل اسخن العربية و امسحها طبعا مكنتش بعديها لازم اقعد العب في الفتيس و اعمل نفسي بنقل و مرة شديت الهاند خبطت في العربية اللي قدامنا كانت عربية 128 بعد كدة لما بقيت 14 سنة بابا قالي تتعلم السواقة قلتله اه طبعا (بكل بجاحة) و علمني عندنا في الشارع و يوم ما سقت من غيره وقف يتفرج عليا كسرت الفانوس الشمال و المراية الشمال دلوقتي 17 سنة مستني اطلع الرخصة بفارغ الصبر و بسوق زي الحرامية في الخفاء دلوقتي معانا كيا برايد اخر اصابة عملتهالها كانت اني ركنت في وسط البلد مائل في الخانات اللي بكارت و انا باخرج الاكصدام اتشرخ من الحديدة اللي بتطلع و طبعا الوالد هو اللي غيره و مش راضي يديني العربية تاني الموضوع دة من اسبوعين

[AboMaro]

اول مره كنت ف اعدادي 14 سنه تقريبا
كنت بنقل العربيه من تحت البيت عشان جارنا اللي فوقينا بيعمل شغل محارة فالبلكونه و مكنش فيه حد غيري ف البيت وخبطت العربيه وانا بنقلها
بعد كده و انا ف اولى ثانوي بابا كانت عربيه الشغل بتوديه وتجيبه فكنت باخد العربيه من غير ما حد يعرف
اول يوم دورتها و حاولت احركها
تاني يوم حركتها متر او اتنين قدامن و ورا
تالت يوم حركتها عشره متر
وهكذا فخلال شهر كنت بلف بيها فالمنطقه بتاعتنا و من حسن حظي انها منطقه هاديه جدا
ف خلا الشهر اللي بعده بالتدريج كده وصلت من بيتنا لحد السندباد ف مصر انا وواحد صاحبي علما بأني من سكان الزقازيق
كل ده و باب معرفش ولا حد علمني حاجه انا لوحدي وبس

[ahmed2000]

انا اول مرة سوقتف فيها كانت سرقة العربية بردوة من والدي وكانت بيجو504واتفرج بقي علي حصل في العربية يوميها كنت اول مرةاحط رجلي في عربية والشعرة جتلي بقي ان انا بسوق روحت دايس ديبرياج وطالع فجاة بضهري واحنا ساكنين علي السريع جمب محلات بشبيشي وروحت لازق في محل منهم والعربية اتدمرت الفانوس بقي في نص الشنطةههههههههههه وخدتلي علقة يوميها بس والله كانت ايام حلوة ..........................

[youssefmustang]

وانا عندى 18 سنة كانت فولفو 244 كانت رهيبة وسحبها غبى بمعنى الكلمة